بۆشۈكتىكى ھىسلار

Tuzturahk

	بۆشۈكتىكى ھىسلار بۆشۈكنى كۈچەپ تەۋرەتمە .   نىمە ؟ بالىنى ئويغۇنۇپ كىتىدۇ دەمسەن ؟ سەن ئۇنى مۇشۇنداق غەپلەت ئۇيقۇغا غەرق قىلماقچىمۇ ؟ ئويغىنىپ كىتىشىدىن ئەنسىرەپ ئۇنى زىمىن تەۋرەۋاتسىمۇ بەخىرامان ئۇخلاشقا كۆندۈرمەكچىمۇ ؟ نەگە بارىسەن ؟ نىمە ؟ يەنە شۇ قاتار چايغىمۇ ؟ شۇ قۇچاقتىكى بالىنىمۇ كۆتۈرۈپ كىرمەكچىمۇ ؟ يات ئەرلەرنىڭ بېلىنى قۇچۇپ ئوينىغان زامانىۋى ئۇسۇللىرىڭنى بالاڭغا بۆشۈكىدىلا ئۆگىتىپ قوياي دەمسەن ؟ ياكى بالاڭغا ئانا سۈتىدىنمۇ لەززەتلىك ئىچىملىكلەرنىڭ بارلىقىنى بىلدۈرىۋاتامسەن ؟ ئەجەپ ئەقىللىق جۇمۇ سەن . ئانا سۈتىگە زار بولۇپ يىغلاۋاتقان بوۋىقىڭنى دادىسىغا تاشلاپ بىرىپ كەچلىك بەزمەڭنى خاتىرجەم قىلماقچىمۇ سەن ؟يۈرىكىم تېتىرەۋاتىدۇ ،بىر نارەسسىد بوۋاقنىڭ ئاھۇ-زارىدىن قەلبىم تېتىرەۋاتىدۇ .چۈنكى ھازىر تەۋرەۋاتقىنى يالغۇز بوۋىقىڭنىڭ بۆشۈكىلا ئەمەس ،زىمىن ئانا ئۆز باللىرىغا قاراپ يىغلاۋاتىدۇ .لىكىن سەن يەنىلا خاتىرجەم ئولتۇرۇپ كۆڭۈل ئىچىۋاتىسەن .ئاچچىق ئىچىملىكلەرگە  تاتلىق قۇچاقلاشلارنى قوشۇپ سەھنىدەە پىرقىراۋاتىسەن .كەينىڭگە قارا ،كىمنى كۆردۈڭ ؟ ئېرىڭ بىچارە نارەسىدنى چىڭ قۇچاقلاپ سىنى ئىزدەۋاتىدۇ .ھەيرانمەن ،ئۇ نىمە دەپ سىنى تونۇماي يىنىڭدىن ئۆتۈپ سىنى ئىزدەيدىغاندۇ ؟ كەچلىك بەزمىدىن ئەجەپ بۇرۇن قايتىپسەنغۇ ؟ باشقىلار ئەمدى تېخى ئىشقا ماڭغان تۇرسا ... كۆزلىرىڭ يىرىم يۇمۇلغان ، كارىۋىتىڭ يىنىك تەۋرىنىپ تۇرىدۇ،گويا بۆشۈكتەك . يىنىڭدا «ئېرىڭ » يۈزلىرىڭنى سىيلاپ يىنىشلاپ سۆيمەكتە .سەن ئالەمچە ھوزۇر ئىلكىدە ئۇچىۋاتىسەن ،يەرگە ئەسلا قايتىپ چۈشكۈڭ يوق . لىكىن سەن ئويلاپ باقتىڭمۇ ؟ تەۋرەۋاتقىنى كارىۋىتىڭمۇ ياكى بىراۋلارنىڭ ماشىنىسىمۇ ؟ سىنى باغررىغا بېسىپ ياتقىنى باشلىقىڭ ئەمەستۇ ؟ سەن مۇشۇ «خىزمەت ماشىناڭ »بىلەن ئىشقا كەلدىڭ . يول بويىدا كىتىۋاتقان تونۇش بىر ئايالنى كۆرۈپ چۆچۈپ كەتتىڭ .ئۇ سىلەرنىڭ بالا باققۇچىڭلار ئەمەسمىدى ؟ سەن بىلمەيتتىڭ ،ئۇنىڭ نىمىشقا بۇ يەردە يۈرىدىغانلىقىنى ،بالاڭغا ھازىر كىم قاراۋاتقانلىقىنى بىلمەيتتىڭ .بالا باققۇچى ئايالنىڭ ئانا مىھرىگە قانمىغان بالىنى ھەرقانچە مىھىر بىلەن پەرۋىش قىلسىمۇ ياراملىق ئادەم بولمايدىغىنىنى بىلىپ  يىرىپ ئايلىق ئىش ھەققىدىن كېچىپ بۈگۈن  ئەتىگەندىلا ئېرىڭ بىلەن خوشلىشىپ قايتىپ كەتكەنلىكىنى تېخىمۇ ئۇقمايتتتىڭ . نىمە ؟ ئەمدى قانداق قىلسام بولار دەمسەن ؟ بۇ سوئالىڭنىڭ بەكمۇ كېچىككىنىنى ھىس قىلمىدىڭمۇ ؟ نىمىشقا ئاخشام تېخى ساڭا « بۇندىن كىيىن ھەرقانداق قىيىنچىلىقىڭىز بولسا ھەل قىلىپ بىرىمەن » دەپ ۋەدە بەرگەن ئەۋلىيا سىياق باشلىقىڭدىن ياردەم سورىمايسەن ؟ سەن ئۇنداق قىلمايسەن .ھەرقانچە دۆت بولساڭمۇ ئۇ ئەۋلىيانىڭ بۇ گەپلىرىنى پەقەت سىنىڭ كۆڭلۈڭنى ئۇتۇش ئۈچۈنلا قىلىنغان قۇرۇق گەپلەر ئىكەنلىكىنى بىلەتتىڭ . قىزىق ، شۇلارنىڭ قۇرۇق گەپ ئىكەنلىكىنى بىلىسەنۇ ئۇ ئەۋلىيانىڭ قۇچىقىڭدىن گۈل ئۈزەلىگەنلىكىدىن ھەيرانمەن ... بەلكىم سەنمۇ ھەيران بولغانسەن ،ئەمىسە نىمىشقا يەنە ....؟ 2012-11-13    مەنبە:تۇزتۇراق

ulan123.com

Tuzturahk

	ulan123.com يوللىغان ۋاقتى  2012-11-16 09:02 PM

nazi0997

	رەخمەت ئەجرىڭىزگە.

Tuzturahk

	nazi0997 يوللىغان ۋاقتى  2012-11-17 12:13 AM رەخمەت ئەجرىڭىزگە. بۇ نەسىرىم ئەجرىمگە چۈشلۇق ئۆز رولىنى تاپالارمۇ ؟

oyqan0999

	بۇ نەسىرىم ئەجرىمگە چۈشلۇق ئۆز رولىنى تاپالارمۇ ؟ ئۆمۈدسىزلىنىپ كەتمەڭ.

kiqik女孩

نەۋائىي

	ئوخشىتىش سىموۋۇللارغا ھەقىقەتەن ماھىر ئىكەنسىز . سىزنىڭ يازغىنىڭىز ھەقىقى ئىشلار ، ئوبرازلاشتۇرۇلغان تۇرمۇش كارتىنىسى . بۈگۈنكى دەۋرىمىزدىكى ئەر-ئاياللاردا ساقلىنىۋاتقان ئەخلاق مەسىلىسىگە ھەقىقەتەن كۆز يۇمساق بولمايدۇ . ھاياتتا يەپ-ئىچىش ئۇيۇن-تاماشا بىلەنلا ئۆتۈپ كەتسەك بىزنىڭ ھايۋاندىن نېمە پەرقىمىز بولسۇن . ئۇيۇن سورۇنلىرىدا ھاراق ئۈستىلىدە ئۆزىنى ۋە ئىللىق ئائىلىسىنى سەبىي بالىلىرىنى ئۇنتۇپ ، ئاتالمىش يايراۋاتقان ئەشۇ نادان ئىنسانلىرىمىز ھامان بىر كۈنى ئۆزىنىڭ ئەڭ قەدىر-قىممەتسىز يارامسىز ئىكەنلىكىنى ، ھاياتىدا ئۆزىنىڭ يۇقاتقان نەرسىلىرىنىڭ نەقەدەر كۆپلىكىنى ھېس قىلماي قالمايدۇ .

Tuzturahk

	نەۋائىي يوللىغان ۋاقتى  2012-11-17 09:02 PM ئوخشىتىش سىموۋۇللارغا ھەقىقەتەن ماھىر ئىكەنسىز . سىز ... باھايىڭىزغا ھەم قوللىغىنىڭىزغا رەھمەت

xohsarsan

	ھەي ھەيرانمەن  سىز تۇرمۇش كۈزىتىشكە بەك ماھىرمۇ ياكى تۇرمۇشتىكى ئىشلارنى ئېنىق بىلەمسىز  توۋا مەنمۇ يازاي دەيمەن لىكىن كاللامغا ڭېزنىمە كەلمەيدۇ  يارايسىز دوستۇم ئۇچۇق پىكىرلىك زېھنىڭىز ئۆتكۈر ئىكەن  ئاپىرىن ھەقىقەتەن ئەھمىيەتلىك تەربىيگە ئىگە نەسىر بوپتۇ يارايسىز