كەچكۈزدە مۇشائىرىگە مەيلىڭىز بارمۇ؟

barnakiz886

	كەچكۈزدە  مۇشائىرە ئەسىلامۇ ئەلەيكۇم مۇنبەرداشلار! قەدىمدىن باشلاپ ،قەلەمكەشلەر ھەر پەسىلدە ،بولۇپمۇ نۇرۇز كۈنى يېغىلىپ ،ئۇزىنىڭ تىلەكلىرىنى ئارزۇ ئارمانلىرىنى،پەسىلگە ئاتالغان لىرىكىلىرىنى مۇشائىرە قىلىپ كەلگەن،ۋە بۇ ئارقىلىق ئۆزىگە خوشاللىق تاپقان ۋە قەلەملىرى تېخىمۇ تاكامۇللاشقان..... بىزمۇ قىش كەچكۈزنىڭ دەرۋازىسىنى قاتتىق مۇشلاۋاتقان مۇشۇ ۋاقىتلاردا مۇشائىرە ئۆتكۈزۈپ باقايلى دەپ سىلەرنى مۇشائىرىگە تەكلىپ قىلدىم،بىلمىدىم مەيلىڭلار بارمىكىن؟ ئەمىسە باشلاپ كەتتۇق كەچكۈزدە تۆكۈلدى ئاخىرقى خازان، سوغ شامال ئۇچىتار تىنىمسىز ھەر-يان. كۆرۈنمەس تەپتى ئوت كۈزنىڭ قۇياشى، دەل -دەرەخ،گۈل غۇنچە بولدى غېرىبان. مۇشائىرە قائىدىسى-ئاخىرقى بىر مىسراسى بىلەن كىيىنكى ئادەم باشلايدۇ. قېنى ئەمىسە،ھەممىڭلار ئاۋاز قوشقايسىلەر! مەنبە:مەن

aptap104

	چىۋىنلەر گىژىلدايدۇ ،                                        ھەرىلەر غوڭۇلدايدۇ .                                         كەچكۈز بولدى ئەمدى .                                         بۇرۇنلار خوتۇلدايدۇ . بەرنا قىز خاپا بولماڭ . مىنىڭ ئىلھامىم تاقا - تۇققۇ بولۇپ قالدى . كۈلۈشمەك بولسۇن دىدىم .

barnakiz886

	anatil99 يوللىغان ۋاقتى  2012-11-15 04:50 PM كەچكۈزنىڭ ئاخىرقى سوغۇق كۈنلىرى ئويلىدىم يەنىلا ئۇشبۇ ... مۇنبەرنىڭ شوخ يىگىت بەرنا قىزلىرى، چىھرىدىن تەبەسسۇم ئۆچمەس ھەر قاچان . كەچكۈزدە باھارنىڭ تەپتى بار چوقۇم. ئىليىدۇ  كۆڭۈللەر ئىللىق مىھرىدىن. ياخشى داۋاملاشتۇرۇپسىز،لىكىن ئالدىنقى كۈبىلىتنىڭ ئاخىرقى مىسراسىنى باشلىنىش قىلىڭ!

esyankar75

	دەل -دەرەخ،گۈل غۇنچە بولدى غېرىبان، قۇياشمۇ ھۇجرىدىن چىقمايدۇ كۈلۈپ . مۇڭلىنىپ قاراغوجا سايرايدۇ تىنماي ، باھارنىڭ ھىدىنى  شۇنچە سېغىنىپ . مۇڭلانما قاراغوجا ، قانۇنىيەت بۇ ! بولسىمۇ قەلبىڭدە ھەسرەتلىك پىراق ، بىلىپ قوي ! جۇدۇنغا بەرداشلىق بىرەلىگەن گۈل ، چاچىدۇ ئەبەدىي ئەبەد خۇشپۇراق .

barnakiz886

	چاچىدۇ ئەبىدىل-ئەبەد خوشپۇراق، قارلىق تىك چوقىدا نازۇك قار لەيلى. زىمىستان  قەدىنى ئىگەلمەس مەڭگۈ، قار-مۇزغا ئۇنىڭكى باغلانغان مەيلى....

يولتۇز

	جۇدۇنغا بەرداشلىق بىرەلىگەن گۈل ، ئۇلىشار ئۇ ھامان ئىللىق باھارغا . ئېچىلار  قايتا ھەم چېچىپ خۇش پۇراق ، چاچقاندا  نۇر - زىيا قۇياش زىمىنغا .

Janbar

	barnakiz886 يوللىغان ۋاقتى  2012-11-15 05:14 PM چاچىدۇ ئەبىدىل-ئەبەد خوشپۇراق، قارلىق تىك چوقىدا نازۇ ... قار مۇزغا ئۇنىڭكى باغلانغان مەيلى، ئۇ ئەسلى ئاشىقتۇر باغرى قان -زەداپ. كىچىلەر ئۇيقۇسىز تۈنەيدۇ ھەر تاڭ، ئۇ شۇنداق بوپ قالغان يارىنى ئويلاپ.

heslirim

	چاچقاندا نۇر_زىيا قۇياش زىمىنغا، كۆكۈللەر تەپۈنۈپ  ئىنتىلەر  ئاڭا، ياربولسۇن نەۋباھار ئالسۇن قوينىغا، پورەكلەپ ئېچىلسۇن تولسۇن شاتلىققا.

zapar

	قار-مۇزغا ئۇنىڭكى باغلانغان مەيلى، بەرنا قىز بولسۇنۇ ۋە ياكى لەيلى. مۇڭلىنىپ چۈشكەندە سارغىيىپ ياپراق، دىللارنى تارتمايدۇ كەچكۈزدە سەيلى، يالڭاچ دەرەخلەر تۈكىدۇ كۆز ياش، تىلەيدۇ تىز كەلسا باش باھار پەسلى.