سەن كەلدىڭ...

barnakiz886

	سەن كەلدىڭ... سەن كەلدىڭ... سېغىنىشتىن چاك -چاك يېرىلغان قەلىپ ئېتىزىمغا مىھرىڭنىڭ قىيانلىرىنى باشلاپ كەلدىڭ.... سەن كەلدىڭ... ئۆچەي دەپ قالغان ئۈمۈد شامىم قايتىدىن ئىللىق نۇر تارىتىشقا باشلىدى،ماڭا چەكسىز ئۈمۈد ئېلىپ كەلدىڭ... سەن كەلدىڭ... سۇلغان چىھرىمنى نۇرلاندۇرۇشقا،تۆكۈلگەن ياشلىرىمنى مىھىرلىك ئالقانلىرىڭ بىلەن سۈرتۈشكە،ھەسرەتتىن ئۆرتەنگەن قەلبىمگە مەلھەم بولۇشقا كەلدىڭ... سەن كەلدىڭ... ھىدلىرىڭدىن مەسخۇش بولۇپ،مىھرىڭگە قېنىپ ،بەخىت بۇشىگىدە ئەلەيللىنىۋاتقاندا،قايغۇ -ھەسرەتلەر مېنىڭدىن يىراقلاپ، چىھرىمنى تەبەسسۇم قاپلاپ ،ئۇماق كۈلكەم جاراڭلىغاندا،بارچە دوسلۇرۇم بەختىمدىن شادلىققا تولۇپ،دوشمەنلىرىم شاتلىغىىمدىن ئوغا يۇتىۋاتقان شۇ دەقىقىلەردە....شۇ ئامەتلىك مىنۇتلاردا...يەنە كۆز ئالدىمدىن غايىپ بولدۇڭ...مىنى ھىجراننىڭ تۈگۈمەس ئازاپلىرىغا غەرىق قىلىپ يوقالدىڭ.... بۇنىڭ سەۋەبى نىمە؟ كۆز قارچۇقۇمدا ناھايىتىمۇ يوغان بىر سوراق بەلگىسى قېتىپ قالدى.... بولدى بەس ئەمدى... مىنى تىنىچ ياشىغىلى قوي!!! مەن ھەر قېتىم سىنىڭدىن بارچە ئۈمۈدلەرنى ئۈزۈپ ،قەيسەرلىك بىلەن ياشاشقا بەل باغلىغاندا،سەن قەيەرلەردىندۇ پەيدا بولۇپ ،ئۈمۈد شامىمنى قايتىدىن ياندۇرۇپ يوللىرىمنى نۇرلارغا پۇركەيسەن،بۇنىڭ چاقماق چېقىنلىرىدەك ناھايىتى تىزلا ئۆچۈپ قالىدىغان بىر چېقىن ئىكەنلىگىنى بىلىپ تۇرساممۇ،لىكىن ئۇنىڭدىن ۋاز كىچىشكە ئامالسىزمەن... مەن شۇنداق شىرىن چۈش كۆرىۋاتقاندا قارا باسقاندەكلا  قەيەرگىدۇر غايىپ بولىسەن...ئېيتە،بۇنىڭ سەۋەبى نىمە؟؟؟ بىلەمسەن؟مىنىڭ دەرىتلىرىمگە سەندىن ئۆزگە داۋا يوق،لەختە قان بولغان ئاجىز يۈرۈگۈم بۇنداق قىلىشىڭغا بەرداشلىق بىرەلمەيدۇ،ئەمدى مىنى ئىزدەپ ئاۋارە قىلما! بۇ دۇنيانىڭ خىلۋەتلىرىدىن ئەمدى مىنى تارتىپ چىقارما!مەن سەنسىز يىگانە،غەمسىز ياشاشنى ئۈگۈنىۋالاي... بۇگۈندىن باشلاپ ئەمدى مەن سېنى ساقلىمايمان،مەندە سىنى كۈتىدىغان يانفۇن،چ چ  قاتارلىق ئالاقىلىشىش ۋاستىلىرى مەۋجۈت ئەمەس،ئەمدى سېنى ئىنتىزارلىقتا كۈتمەيمەن.... لىكىن شۇ ئىسىڭدە بولسۇنكى،قەلبىمدىكى ساڭا بولغان چەكسىز مۇھاببەت،ساداقەت،ۋە ئەسلىمىلەر،مىنىڭ بىر ئۆمۈر بەخىتلىك ياشىشىمغا يىتىدۇ... مەن ھەرۋاخلىق نامىزىمدا،ساڭا ئاللاھتىن چەكسىز بەخىت -سائادەت،ۋە ئامانلىق تىلەيمەن... مىنى ئۆلگەنگە چىقىرىۋەت...ئەمدى مەن سىنىڭ دۇنيارىڭدا،سىنىڭ قەلبىڭدە ،سىنىڭ يۈرۈگۈڭدە ،ئەسلا مەۋجۇت ئەمەس،بىز ئۇچراشماس پىلانتىلاردەك ئەمدى مەڭگۈ ئۇچراشمايمىز،ئارلىقىمىزدىكى مۇساپە تۈمەن مىڭ يۇرۇقلۇق يىلىدىنمۇ ئۇزۇن...    خەيىر-ئامان بول! مەنبە:قەلىمىم

bayhenim

	سەن كەلدىڭ يېنىمغا ئەي گۈزەل دىلبەر، يىدلىرىڭ دىماقنى قىلىدۇ بىھۇش. سەن بىلەن كۈنلىرىم ئۆتىدۇ خۇشال، بىلمىدىم سەن قانداق ئويلايسەن جانان.

MiRul

	قەلەم تۇلپارىڭىز چاپچىپلا تۇرۇدۇ جۇما ياخشى يېزىلىپتۇ،

kukhelal

	تاتلىق لىرىكا

yalganqilar

	ھەققىقەتەن  بەك ياخشى  يېزىپسىز ،قەلەم تۇتقان قوللىرڭىزگە دەرىت كەلمىسۇن........

poyuz

	نەسىر ياخشى چىقىپتۇ، يېقىندىن ياقى يازمىلىرىڭىز خېلىلا ياخشى چىقىۋاتىدۇ، ئىلھاملار ئۈزۈلمىسۇن!

YingNahuq

	سىنى ئەسلەپ ئەيتقان ناخشىللىرىم ، يىغلامسىراپ پېتىۋاتقان ئاداققى قۇياشنىڭ مۈرىسىگە باش قويغاندا ، سەن ئاللا قاچان ئۈز مەنزىلىڭ تامان ئات چاپتۇرۇپ كەتتىڭ . سىنى ئەسلەپ ئەيتقان ناخشىللىرىم ،رۇھىمنى تالان- تاراچ قىلغان خىياللىرىمدىن ھالقىپ ، قۇلاقلىرىڭغا يىتىپ بارغاندا سەن ئۇنىڭدىن بىزارلىق ھىس قىلدىڭمۇ ئەزىزەم ؟!

ئۆل

	سىز بۇرۇنقى ماكانىم مۇنبىردىكى بەرنا قىز ھەم چەبدەس مۇنبرىدىكى بەرنا شۇمۇ ؟ يازىملىرڭىز ئوخشاپ تۇرىدۇ ....ياندشىپ قوياي دىسەم مۇشۇ نەسىرىنى تازا يازالمايمەن ..شېئر بولسا ئاز تولا ئۇيناپ قۇيتۇق ..قوشاق قىلىپ

ئۆل

	ھە ۋاي بۇ ئوماق شۇكەندە ...قانچە يېڭى يازسڭىزمۇ يېزىش ئۇسلۇبڭىز ئوخشاش تۇرسا ..مىنى توندىڭىز ھەقچان ....ئۇ مۇنبەردىكلەر بەكلا ئىناق ئىدى ھە ..بىراق بۇ يەردىكلەرمۇ ئاساسەن ئىناق ..مەن بىلەن يۇت تېپشدىغان بىر نەچچسىنى ھېسابقا ئالمغاندا ...ئەمسە ئېسل يازىملرىڭىز ئۈزۈلۈپ قالمسۇن ..شېئرىنى يېزىپ قويسىزغۇ دەيمەن ..بۇنداق لىرىك نەسلەرگە لىرىك مۇزىكلارىنى قېتۋەتكەن بولسڭىز ..تېخىمۇ ئېسل بولاكەن

barnakiz886

	ئۆل يوللىغان ۋاقتى  2012-11-15 03:56 PM ھە ۋاي بۇ ئوماق شۇكەندە ...قانچە يېڭى يازسڭىزمۇ يېزى ... ماختىغىنىڭىزغا رەخمەت،مۇزىكا قوشاي دىسەم مۇنبەر بىلەن تازا ماسلىشالمايۋاتىمەنغۇ شۇ،لىكىن بۇرۇنقىدەك ئىلھاملار مەندىن نېرى قاچقان ئوخشايدۇ،.... ئاشۇ ئۆل دىگەن ئىسىمنى كۆرۈپ بولغىچە سىزنى تۇنۇپ بولغان مەن...ھى...ھى...ھى