شېئىر قاتىلى

qaraxani

	شېئىر قاتىلى قاراخان شائىرنى <<ماز>>دىگەن، مازلار بەك تولا، چۈشەنمەستىن ئەسلى تۇرمۇش مېزىنى. شائىر مىڭبىر ،بالالەرگە مۇپتىلا، كىم تونۇيدۇ ئۇنىڭ قەلبى،سىرىنى. ساز بولسا گەر ھاياتلىقنىڭ دەپتىرى، ۋارىقىدىن چىقار مەنا قاتمۇ-قات. ساز بولاتتى شائىرنىڭمۇ گەپلىرى. بولماس ئىدى شۇ قەلەممۇ دات، كاسات! يۇقتى كىمگە شائىرلارنىڭ كېسىلى، شېئىر كىمگە سالدى ئازاپ -ئوقۇبەت. شائىر دىگەن ئادەملەرنىڭ سەرخىلى، شېئىرغا باش ئېگەر زۇلمەت ،ئاسارەت. ئۆلتۈرمىگىن شېئىرلارنى پەس كۆرۈپ، ئاڭا ئىۋەن ،قۇسۇر ئارتىپ بۇلغىما. ئارىمىزدىن شائىرلارنى نەس كۆرۈپ ، يۈرىگىنى پىچاق تىقىپ تىلغىما. قالساڭ شېئىر ئۈچۈن مەنا يېشەلمەي، نان بەرگەننىڭ قولىنى سۆي !چىشلىمە. قالساڭ ھالال ياكى ھارام ئۆتەلمەي، دان بەرگەن شۇ باھارنىمۇ قىش دىمە... شائىر ئۆلمەس ،شېئىر نۇردەك كۆمۈلمەس، شېئىر روھتۇر،بولما روھنىڭ قاتىلى. شېئىر ۋەھى! ئىنسان رىشتى ئۈزۈلمەس، شائىر ئۈچۈن ۋىجدان ئۇنىڭ پاسىلى. 2012-يىلى 14-نويابىر تولۇقلىما مەزمۇن (2012-11-15 12:57 PM): ماۋزۇسى‹‹بولما شېئىر قاتىلى››غا ئۆزگەرتىلدى،ۋاقىپ بولغايسىز تورداشلار؟

mahatjan

	يەر كۆكەرمەس، ئەر كۆكەرمەس، ياغمىسا سۇ تامچىسى. شىئېرنى شائىر قايدىن ئالسۇن، بولمىسا ئىلھامچىسى. پەرق ئەتمىسە ئاۋاز بىلەن ناخشىنى، يوغان تۇماق داخان بىلەن باخشىنى.نورمال ئادەم بولالماس بەر ھەق، پەرق ئەتمىسە يامان بىلەن ياخشىنى.

kvyqi

	قايناق ھىسيات تېشىپ چىقمىغۇچە قەغەزنى قەلەم بىلەن بىسىپ تېشىۋەتسىمۇ بىكار ! بىراق ئىلھام قەيەردىن كىلىدۇ ! ؟ تۇرمۇشتىن ، شۇنداق بولغان ئىكەن ئۇچۇم بەلۇم كىشىلەرنىڭ يېغىرىنى تاتلىشى ئىنىق !شۇنىڭ بىلەن بۇغۇلۇق بولىدىغان گەپ !چىدىماسلار .....................

zapar

	شائىر دەپ نام ئېلىش ئاسان ئەمەس، خەلق دەپ يازمىسا خەلق ئېتىراپ قىلمىسا ھەممسى قۇرۇق گەپ. نەچچە مىڭ پارچە شېئىر يېزىپ بىرسىمۇ خەلىق قەلبىدىن ئۇرۇن ئالالمىسا، ‹‹ ئالمىدەك يۈرەكتە، ئالەمچە سۆيگۈ›› ئۇرغۇتالمىسا.‹‹ شائىرمەن قىلمايمەن يالغانغا ھەۋەس››، دېيەلمىسە،‹‹ كىتابنى چاڭ، قەلەمنى دات باسقۇزماي›› يۈرۈلىسە، خەلقنىڭ قەلبىگە‹‹ ئىز سېلىپ››، ‹‹ ئويغان ›› دىيەلمىسە‹‹ ئىز››  سالالمىسا نىمە قىلىدۇ شائىرمەن دەپ. بەزىلەرنىڭ شائىرىمەن دەپ بىر ئۇمۇر قەلەمگە جاپا سېلىپ يۈرگىنىگە قاراپ‹‹يىللارغا جاۋاپ›› نى يادلاپ قالىمەن. شۇنداق بولمامدۇ شېئىر دېگەن. ئۇقۇسا يۈرەككە تەگكۈدەك.

zapar

	سىزدىن سوراپ باقسام‹‹ شئېرنىڭ قاتىلى›› سىزنىڭ مۇشۇ شېئرىڭىزنى كۆرسىتەمدۇ؟ ئۇنداق بولمىسا قايسى قاتىل ئۇ شېئىرنى ئۆلتۈرۋەتكەن.

qaraxani

	mahatjan يوللىغان ۋاقتى  2012-11-15 01:10 AM يەر كۆكەرمەس، ئەر كۆكەرمەس، ياغمىسا سۇ تامچىسى. شىئېر ... نەقىل :توردىشىم مەخەتجان بۇ شېئىرنىڭ يەنە بىر ۋارىيانتى مۇنداق: يەر كۆكەرمەس، ئەر كۆكەرمەس، ياغمىسا سۇ تامچىسى. شىئېرنى شائىر قايدىن ئالسۇن، بولمىسا ئىلھامچىسى. .............................................. ھاۋا سۇ بولمىسا ، ھاياتلىق بىر كۈن ياشنالماس، شائىرلىق كىشىگە بەرمىسە ئىلھام، شېئىر تۇرماق چېكىت ئۇرالماس.      لۇتپۇللا مۇتەللىپ

qaraxani

	زەپەرنىڭ يازمىسىغا: ‹‹شېئىرنىڭ قاتىلى›› مۇشۇ شېئىرنى كۆرسىتەمدۇ؟..... ........................................................................ ئۇنداق ئەمەس شېئىرنىڭ قاتىلى دەل شېئىرنىڭ خاھىشىنى بۇرمىلغان ياكى ئۇنىڭ تېگىگە چۆكەلمىگەن دىتسىز كىتاپخاندۇ،ۋە ئۇنىڭ چاقىنى ئوڭشايمەن دەپ قارىغۇ قىلىپ قويىدىغان ياكى ئۇنى كىتاپخانلار بىلەن يۈز كۆرۈشتۈرمەي تارتمىسىغا بەنت قىلىپ قويىدىغان بىر قىسىم مۇھەررىرلەردۇر...

tax1

	شېئىر ياخشى يېزىلسا قاتىلمۇ ئۆلتۈرەلمەيدۇ. ئەگەر ياخشى يېزىلمىسا كىچىك بالىمۇ قەلەمتىراچ تىقىپ ئۆلتۈرۈپ قويىدۇ.

qaraxani

	ياخشى يېزىلغان شېئىرغا قاتىل ھەر يەردە قىلىچىنى تەڭلەپ تۇرىدۇ،ئۇنى بىر ئامال قىلىپ ئۆلتۈرۈرىدۇ،(لېكىن ئۇ نىسبى ئۆلسىمۇ ،مۇتلەق ئۆلمەيدۇ)يامان يېزىلغان شېئىرغا كىچىك بالىنىڭ ئۇستىرىسى كېرەك ئەمەس ،ئۇ يامان يېزىلغان دەقىقىدىلا ئۆزى ئۆلۇپ بولغان  بولىدۇ...

Janbar

	شائىر دىمەك كەلگۈسىدۇر ۋەتەننىڭ، قايسى ۋەتەن ياشاپ باققان شائىرسىز. ئاللىكىملەر تىللايدىكەن شائىرنى، تىللىغاننىڭ ئۆزى گالۋاڭ ،ساپاسىز. ھەممە ئادەم بىر شىئىرغا ئوخشايدۇ، شائىر تولا ،شىئىر بولغان ئادەم ھەم. مەنمۇ  شىئىر يىزىپ قويغان بەزىدە، ئەلگە ياراپ باقتىمىكىن -تاڭ؟تۆھپەم.