توينىڭ ئېغىر سېلىقى

oyqan0999

	ئەسسالامۇئەلەيكۇم!مىسرانىمدىكى بارلىق ئەزىزلەر.خېلى كۈنلەر بوپتۇ،مۇنبەرگە تېما يوللىمىغانغا.مانا بۈگۈن قاملاشمىسىمۇ بۇ شېئىرىمنى ھەرقايسىڭلارنىڭ ھوزۇرىغا سۇندۇم. باشقا يۇرتلاردا قانداق بىلمەيمەن.ئەمما يۇرتۇم غۇلجىدا بىر قىسىم كىشىللىرىمىزنىڭ قىزىنى تالالىق قىلىشتا،ئوغۇل تەرەپكە سالغان قاملاشمىغان سېلىقلىرىنىڭ تۈپەيلى.يېگىتلىرىمىزنىڭ توي قىلىشقا قۇربىتى يەتمەي،تويلار بۇزۇلۇپ.بويتاق يېگىتلىرىمىز كۆپىيىپ كىتىپ بارىدۇ.مۇشۇ تەرەپنى كۆزدە تۇتۇپ،بۇ شېئىرنى يىزىپ باقتىم.قىممەتلىك پىكىر-تەكلىپلىرىڭلارنى ئايىمىغايسىلەر.                                             توينىڭ ئېغىر سېلىقى                          ئۇزۇن يىللار كۈتۈشۈپ،توي قىلىشقا پۈتۈشۈپ.                        ئەلچى باردى ئۆيىگە،داستىرخانلار كۆتۈرشۈپ.                         قوشۇلۇپتۇ قۇدىلار،سالغان سېلىق بەك ئېغىر.                      قايتىپ كەلدى ئەلچىلەر،قاپاقلىرىنى تۈرۈشۈپ.                         يوغان قىلىپ يىزىپتۇ،تېزىملىكنىڭ بېشىغا.                        ئالىمىزكەن ئالتۇننى،ئەللىك گىرام قىزىغا.                         تېخى دەپتۇ توپاقنىڭ،سېمىزىنى ئەكەلسۇن.                        گۆشنى ئۇبدان سالىمىز،مېھمانلارنىڭ ئېشىغا.                      ئاڭلاپ باقسام ئۇلارنىڭ،ئابرۇيى بەك چوڭمىش.                 شەرتى كۆپرەك ئاپرىشكەن،تاتلىق-تۈرۈم،يەل-يىمىش.                     چەكتىن بەكلا ئېشىپتۇ،قايناپ كەتتى داداممۇ.                      ئۆرپ-ئادەت بىلمىگەن،بۇ قۇدىلار كېملەرمىش؟                        بەك بېشىمنى قاتۇردى،توينىڭ ئېغىر سېلىقى.                      ئۆتۈپ كەتتى بۇ جاندىن،قىز تەرەپنىڭ قېلىقى.                        نېكاھ دىگەن سودىمۇ؟بىلەلمىدىم ھەيرانە.                      يوقاپ كەتتى نەلەرگە؟مۇھەببەتنىڭ چېنلىقى.                      شۇڭا بويتاق يېگىتلەر،كۆپەيدىغۇ ئەمدىلىك.                     يا جەمئىيەت شۇنداقمۇ؟كېمدە زادى سەۋەنلىك.                      ئاددى-ساددى بولۇشقا،يول قويمامدۇ؟كۆڭۈللەر.                     تارازىسىدا پۇل-مالنىڭ،ئۆلچىنەمدۇ؟ئادەملىك. 2012-يىلى11-ئاينىڭ14-كۈنى(سەنشى)

MiRul

	بەزى ئادەملەر مۇشۇ ئىشقاكەلگەندە بەكلا ئاشۇر ۋېتىپ بارىدۇ، قاچانمۇ تۈزىلەر شۇ ئىش.

keliqbuhra

	غۇلجا ئەمەس شىنجاڭنىڭ كۆپ قىسىم جايلىردا شۇنداق ... بوپمۇ ئەڭ ئېغىرى ئاتۇشنىڭ تويى ... ئاتۇشتىكى ئەڭ تۆۋەن تەبىقىدىكى ئائىلىرىمىزنىڭ تويى 60 مىڭ يۈەن بىلەن ئاياقلىشىۋاتىدۇ ... خىزمەتكە چىققان ئالىي مەكتەپتە ئوقۇغان قىزلارنىڭ ئالدىغا باردىغان تويلۇق ھەققى 30 مىڭ يۈەندىن تۆۋەن ئەمەس ( بۇنىڭدىن سىرىت خەجلىندىغان سېلىغلار ئىچىدە ئەمەس ) ... توي بىر ئائىلنىڭ ئەڭ باش قاتۇردىغان ئامىل بوپ قالدى ... قەرىز ئېلىپ توي قىلدىغان ئائىللەر ئالاھىدە كۆپىيىپ قالدى ... مۇمكىن بوسا مۇشۇنداق ئارتۇق سېلىقلارنى تۈگەتسەك بوللاتتى .... مۇشۇنداق داۋاملاشسا نەگە بېرىپمۇ توختامىز  ... بېقىپ چوڭ قىلىش قەرزىنى ئادا قىلىڭ ھەم توينى خەققە ئادىمىيلىك قەرزى ۋە ئىقدىسادى قەرىز ۋە شۇندقلا   نۇرغۇن رويى بېسىم ئەكىلىپ بىرۋاتقان .... ئاتا - ئانىلارغا ئىچىم ئاغرىپ قالدى

JaSuR★

	بىزنىڭ ماۋۇ تەرەپلەردە ئۇنچە ئېغىر ئەمەس

kaLGundi

	توي دىگەن شۇ توي قىلغانغا توي . ھەممە نەرسىگە توي دىگەن گەپ.

salkindax

	يا بىر مال باھا ئىدارىسى كونتۇرۇل قىلمىدى مۇشۇ ئىشنى ، ئىلىم سىتىمدىن پەرقى قالمىغاندىكىن

yaro

	توي قىلساڭ بالاداقالدىڭ، توي قىلمىساڭ تالادا قالدىڭ

aydighumar

	يا بىر مال باھا ئىدارىسى كونتۇرۇل قىلمىدى مۇشۇ ئىشنى ، ئىلىم سىتىمدىن پەرقى قالمىغاندىكىن... توغرا دېدىڭىز~~مۇشۇ ئىشقا قارىتا بىرەر ئورگان تەسىس قىلىپ ئىشسىزلىق مەسىلسىنى ھەل قىلسا بولدىكەن تېما ئىگىسىگە رەھمەت ...ياخشى يېزىپسىز ~~~

yaro

	ئۆينىڭ باھاسى ھەممىدىن بەك ئۆرلىدى دىيىشىدۇ، لىكىن خوتۇننىڭ باھاسى ئەڭ تىز ئۆرلىدى، ئۈرۈمچىدە 50 كىلو كىلىدىغان بىر زىلۋاراق خوتۇن ئىلىشقا 500مىڭ خەجلىدى دىسەك، ئۇندا بولسا خوتۇننىڭ بىر كىلوسىنىڭ باھاسى 10 مىڭ كوي بولىدىكەن، تۇتىيا، قەقنۇس، مۈشۈك ئىيىقنىڭ گۆشىمۇ ئۇنچىلا قىممەت ئەمەستۇ ھە، 10 يىل بۇرۇن 50 مىڭ خەجلىدى دىسەكمۇ 10 يىلدا خوتۇننىڭ باھاسى بىر كىلوسى 1000 كويدىن 10 مىڭ كويغا ئۆرلەپتۇ، قوي گوش بولسا 15 كويدىن 60 كويغا ئۆرلىدى شۇ.

baydadam

	مەن قىلغان ۋاقىتتا ھەرھالدا ياخشى ئىدى ، لىكىن شۇ ۋاقىتتىمۇ مەن خېلى قاقشىغان ، ئۆرە بۇلۇپ كەتتى دەپ ، ئەھۋالدىن قارىغاندا بۇ يەنە ئۆسىدۇ ، شۇڭا قەرز ئېلىپ بولسىمۇ بويتاقلار تېز توي قىلىۋېلىڭلار . بولمىسا نىمىدىن قورقۇپ نىمىگە تۇتىلىپتۇ دىگەندەك ئىش بۇلىدۇ .