قىنى سەن قۇياش ؟

Tuzturahk

	قىنى سەن قۇياش ؟ ھاياتنىڭ سىرلىرى كەلگەندە تىلغا ، يۈز ئۆرۈپ ئۇيقۇممۇ كەتتى يىراقلاپ . ئىزدەيمەن ئەركىنلىك ،بەختىيار تۇرمۇش ، قۇملۇقلار قوينىدا ھۆرلۈكنى ساقلاپ . كۆرىنەر كۆز ئالدىم گوياكى دىڭىز ، دولقۇنلار ئىگز-پەس قېتىپلا قالغان . يەلكەنلەر كۆرىنەر ناگان-ناگاندا ، مەقسەتسىز كېمىلەر ئۇيقۇغا پاتقان . بورانلار كەلسىمۇ سۈرلۈك ھەيۋىدە ، سۈكۈتكە چۆمۈلگە ئالتۇن كولدۇرما . كۆمۈلدى قۇم بىلەن كارۋانلار ئېزى ، چۆككەندەك دىڭىزغا گويا تېندۇرما . چۆكۈشتە چۆكۈشلەپ چۆكىمىز يەنە ، كۆنگەندەك ئارسلان ئوت-چۆپ يېيىشكە . گىرىمدىن كىيىمگە ئۆتتى غەرىبلىق ، كۆنەمدۇق ئۆمۈچۈك تورى كىيىشكە ؟ تىللاردىن كۆپ قىرلىق بولغاندا دىللار ، كۆپەيدى غەربچە،شەرقچە ئادەت . جەنۇپتىن ،شىمالدىن بولۇپ مۇجەسسەم ، پەسلىشىپ،نەسلىشىپ بولدى قىيامەت . باشلىقىم غەلىتە بىر يوچۇن ئادەم ، باش بولۇپ قوللايدۇ شەرقشۇناسنى . مىللىيچە كىيىمنى تاشلايدۇ چۆرۈپ ، كۆرگەندە شاھانە سىرىق لىباسنى . مەكتەپلەر ھەددىدىن ئاشىدۇ گاھى ، سىياسىي گۇناھ بوپ مىللىيچە كىيىم . بۇ چاقچاق بولسىكەن دېگەن ئۈمىدتە ، ساقلىدىم قانچىلىك بۇنى بىلمىدىم . جاي جايدىن كىلىدۇ غەلېتە بۇيرۇق ، ئۇزىراپ ئەر چېچى قالمايدۇ ساقال . ئۆچكىلەر مەرىشىپ قېچىشتى تاغقا ، كېلىشتىن ئەنسىرەپ ساقىلى دوقال . قۇشلارمۇ مەست بولۇپ يۈرۈيدۇ كۈنلەپ ، دەرت-پىراق شارابى ئېچىپ قانغۇچە . ئىنسانلار نېم سەۋەپ دەرتكە چۆممىسۇن پۇت-قوللار باغلىنىپ قىلىچ كەلگۈچە ؟ توشقانمۇ غەزەپتە چېشلەيدۇ ئادەم ، ئىنساندا يوقمىدۇ بۇنچىلىك غەزەپ ؟ مەيپۇرۇش باشلىقم بىلەمدىغاندۇ ئەل غەزەپ ،دۇنيامۇ كىتىدۇ تەۋرەپ . قايسى بىر قانۇندا ئىيتقاندۇ شۇنداق ، ئۆز كىيىم-كىچەككە بىرىلىپ ئۆلچەم ؟ ئىتىقاد  كۆرسىتەر  ئۆزىچە   تېخى  ، ئۆزلۈكتىن يادلاشقان ياۋايى ئۆكتەم . ھەر چەتتىن ھەر تۈردە قىسىلسا شۇنداق ، چۆللىشىپ ،قاغجېراپ ئۆلمەسمۇ روھلار ؟ مۇردىدەك مەقسەتسىز ئۆتمەي نە ئامال؟ ماڭغاندا باش بولۇپ ۋىجدانى يوقلار   .    2012-4-26 مەنبە:تۇزتۇراق

Ruin

	ماۋۇ شېئىرنى يازغان قۇلىڭىزغا ئاللاھ ئىگەم دەرت بەرمىسۇن ،! ئادەمنى ئويغا سالدىغان شېئىركەن ، ئۇھھھھھھھھ

naildin

	ياخشى  يېزىلغان شئېركەن!

@يۇرتۇم@

	شئېر يازغان قوللىرىڭىغا ئاللاھ ئىگەم دەت بەرمىگەي ، مول ھوسۇللۇق بولۇپ كىتىڭ دوستۇم .

tax☆kampit

	باشقىچە ئۇنى بۇنى دىيشكە ھەقىقەتەن ئاجىزمەن.لىكىن بۇ شىئرىڭىز  ھازىرقى مىنىڭ ھىسياتىمنى ئېنىق ئىپادىلەپتۇ.رەھمەتلا دىيەلىگۈدەكمەن.ئىگىسى سىزنىڭ قۇلىڭىزغا دەت بەرمىگەي.

نەۋائىي

	ئۆزىڭىز يازغان شىئېر ئوخشىمامدۇ ، راستىمنى ئېيتسام پىكىر شۇنچىلىك ياخشى چىقىپتۇ . بىر غۇرۇر-ۋىژدانلىق مىللەت ئوغلانى ئىكەنمىز مىللى كىيىم -كىچەك ئۆرپ-ئادەت تىل مەدەنىيەت ھەقتە پىكىر يۈرگۈزۈش باش تارتىپ بولمايدىغان مەجبۇريىتىمىز . ئۆزىمىزنىڭ قەدرىنى ئۆزىمىز قىلمىساق باشقىلار قىلمايدۇ-دە ، باشقىلارغا ئوخشاش كىيىنىپ ئوخشاش يۈرسەك شۇلاردىن بىزنىڭ نېمە پەرقىمىز. بىر ئۇقۇتقۇچىدىن ئاڭلىسام غەرپلىك چېچىنىڭ پارقىراقلىق دەرىجىسى ئەڭ يۇقۇرى بولغان ئەشۇ نازىنىنلار بىزنىڭ ئۇيغۇر قىزلىرىمىزنىڭ قۇندۇزدەك قاپقارا چېچىغا ھەۋەس قىلىدىكەن . ئەمما ھەرگىزمۇ ساتراچخانا بوياقخانىلارغا بېرىپ چېچىنى قارا بويىتىۋالمايدىكەن . ئەمما بىزنىڭ بىر قىسىم ئاز ساندىكى ئادەملىرىمىز چېچىنى ھەرخىل بوياپ غەلىتىلا يۈرۈيدۇ ، كىيىنىشلىرىمۇ يېمەك-ئىچمىكىمۇ شۇنچىلىك ئۆزىگە ئىتىقادىغا ماسلاشمىغان . ھېلىمۇ تۈزۈلۈپ ئاڭ سەۋىيەرىمىز ئېشىپ بارىدۇ . ئاللا خالىسا تۈزۈلۈپ كېتەمىز ئەزىز قېرىنداشلىرىم .

barstekin

	شائىر بوپ تۆرۈلۈپ دۇنياغا توۋا، ئەل ئۈچۈن تولغۇنۇپ نۇرغۇن‹‹ دەرت تارتتىم››. يازغانغا ۋە لېكىن ئەمەل قىلالماي، پالازغا يۆگۈنۈپ خورەكنى تارتتىم؟!......

ئەخمەد

	مەزمۇنى كۈچلۈك ئىكەن،شۇنداق ياخشى چىقىپتۇ.قەلەم تۇلپارىڭىز ھارمىغاي!

tax1

	ياخشى چىققان نەرسىلەرنى مۇنبەردىلا ياخشى دەپ قويۇۋاتىمىز. مۇنبەردىن چۈشۈپ كەتسەك نېمە كۆرگىنىمىز ئرسىمىزدە قالمايدۇ. مەن نۇرغۇن ئىشلارغا توۋا دەيدىغان بولۇپ كەتتىم.

tax1

	ياخشى چىققان نەرسىلەرنى مۇنبەردىلا ياخشى دەپ قويۇۋاتىمىز. مۇنبەردىن چۈشۈپ كەتسەك نېمە كۆرگىنىمىز ئرسىمىزدە قالمايدۇ. مەن نۇرغۇن ئىشلارغا توۋا دەيدىغان بولۇپ كەتتىم.