تاشقى سودىدا پۇل تۆلەش شەكلى (2)

heytgah

	بۈگۈن تونۇشتۇرماقچى بولغىنىمىز خەلقئارا سودىدىكى پۇل تۆلەش-تاپشۇرىۋېلىشتا ئاساسلىق شەكىل بولۇپ قالغان بانكا كېپىللىك خاراكتېرىنى ئالغان پۇل تۆلەش-تاپشۇرىۋېلىش شەكلىدۇر. بۇ پۇل تۆلەش-تاپشۇرىۋېلىش شەكلىنىڭ ئېنگلىزچە ئىسمى letter of credit ، قىسقارتىلىپ L/C، خەنزۇچە 信用证، ئۇيغۇرچە رەسمىي ئىسمى ھازىرچە بارمۇ-يوقمۇ ئېنىق بولمىغانلىقى ئۈچۈن بۇنى بىز « بانكا كېپىللىك خېتى ياكى ئىناۋەت خېتى» دەپ ئالدۇق. ( بەلكىم رايونىمىزدا بۇنى قوللىنىدىغانلار ئىنتايىن ئاز ياكى يوق بولۇشى مۇمكىن. بانكىدىكى خىزمەتچىلەرمۇ بىلمەسلىكى مۇمكىن). بۇ شەكىل ئارقىلىق پۇل تۆلەش-تاپشۇرىۋېلىش مەشغۇلاتى قىلغاندا، مال ئالغۇچى ئالماقچى بولغان مالغا قارىتا بارلىق تەلەپلىرىنى، باھاسىنى ئېنىق يېزىپ، مال ساتقۇچى ماللارنى ئۆزى دىگەندەك سۈپەت ۋە ئۆلچەملەردە تاپشۇرسا، بۇ ماللارنىڭ  پۇلىنى بېرىمەن... دىگەن مەزمۇندا بىر پارچە ئىلتىماس يېزىپ، ئۆز دۆلىتىدىكى ھېساپ ئاچقان بانكىسىغا ئىلتىماس شەكلىدە تاپشۇرىدۇ. ئادەتتە بارلىق دۆلەتلەردىكى بانكىلارنىڭ باشقا بىر دۆلەتتىكى بانكا بىلەن ھەمكارلىق مۇناسىۋىتى بار بولۇپ، مال ئالغۇچىنىڭ بانكىسى ئىلتىماسنى بىر قۇر تەكشۈرىۋەتكەندىن كېيىن، بۇ ئىلتىماس بويىچە مال ساتقۇچى تەرەپنىڭ بانكىسىغا « سىلەرنىڭ بانكىدىن ھېساپ ئاچقان پالانى ئەپەندى ماۋۇ-ماۋۇ شەرتلەر بويىچە مالنى ماۋۇ كۈنى تاپشۇرۇپ بېرەلىسە، بىز مانچە پۇلنى سىلەرگە بېرىمىز » دەپ تېلېگرامما يوللايدۇ.ئاندىن مال ساتقۇچىنىڭ ھېساپ ئاچقان بانكىسى كەلگەن تېلېگرامما بويىچە مال ساتقۇچىغا خەۋەر بېرىدۇ. شۇنىڭ بىلەن مال ساتقۇچىدا ئەگەر ماللارنى دىيىلگەن شەرت بويىچە ھازىرلىيالىسا، پۇلىسىنى خەتەرسىز ھالدا نەق ئالالايدىغانلىقىدەك بىر خىل ئىشەنچ پەيدا بولىدۇ. ۋە ماللارنى ھازىرلاشقا كېرىشىدۇ. چۈنكى بۇ يەردە پۇلنى بىرىش بەرمەسلىكتە پۈتۈنلەي بانكا مەسئۇلىيەتنى ئۆز ئۈستىگە ئالغان بولىدۇ.بۇ جەرياندا مال ساتقۇچى، مال سېتىۋالغۇچى ئوتتۇرىغا قويغان بارلىق بەلگىلەر ( سۈپەت تەكشۈرۈش، يېشىل مەھسۇلات... دىگەندەك) نى تولۇق تەييارلايدۇ. ئاندىن ماللارنى دىيىشكەن يەرگە تاپشۇرۇپ بېرىپ، مال ئالغۇچى تەلەپ قىلغان ھۆججەت-بەلگىلەرنى بانكىغا تاپشۇرۇپ بېرىدۇ. مال ساتقۇچىنىڭ بانكىسى بۇ ھۆججەت-بەلگىلەرنى مال ئالغۇچى تەلەپ قىلغان تېلېگراممىدىكى بىلەن سېلىشتۇرىدۇ، ئەگەر بەلگىلەر تولۇق بولمىسا تولۇقلاپ كېلىڭ دەپ قايتۇرىۋېتىدۇ، ئەگەر تولۇق بولسا، بۇ ھۆججەت-بەلگىلەرنى مال ئالغۇچى تەرەپنىڭ بانكىسىغا تېز پوچتىدىن ئەۋەتىپ بېرىدۇ. مال ئالغۇچىنىڭ بانكىسى بۇ ھۆججەت بەلگىلەرنى تاپشۇرۇپ ئالغاندىن كېيىن، ئەگەر ئۆزلىرى تەلەپ قىلغاندەك بولغان بولسا، مال ساتقۇچىنىڭ بانكىسىغا پۇلنى سېلىپ بېرىدۇ. ئەگەر ھۆججەت-بەلگىلەر ئۆزلىرى دىگەندەك چىقمىسا پۇلنى بەرمەيدۇ. ئارتۇقچىلىقى: ساتقۇچى ۋە ئالغۇچى ئوتتۇرىسىدىكى ئىشىنەلمەسلىك ئەندىشىسىنى تۈگىتىپ، بانكىنى كېپىل قىلغان ئاساستا ھەر ئىككى تەرەپ خاتىرجەم ھالدا سودا قىلالايدۇ. كەمچىلىكى: مۇلازىمەت ھەققى بىر قەدەر يۇقىرى، بانكا بىۋاستە ماللارنى كۆرمەي، تەلەپ قىلغان ماتېرىياللارنىلا كۆرىدۇ. بۇ خىل پۇل تۆلەش-تاپشۇرىۋېلىش شەكلىنىڭ تەلەپلىرى ۋە كىچىك تۈرلىرى بىر قەدەر كۆپ بولۇپ، ئاساسىي پۇل تۆلەش-تاپشۇرىۋېلىش شەكلى يۇقارقىدەك. ئىستانبۇل ھېيتگاھ تاشقى سودا مەسلىھەتچىلىك مۇلازىمەت مەركىزى

turantikin

	تېمىڭىزغا رەھمەت،بولسا پۇل-مۇئامىلە توغىرسىدىكى بىلىملەر بولسا شۇنىمۇ يوللاپ قويغان بولسڭىز...

maris412

	بۇ تىمىنى بەك ياخشى يوللاپسىز قىرىندىشىم ، مەن ھازىر چەتئەللىك بىر خىرىدارلار بىلەن نەق مۇشۇ L/Cئارقىلىق ئىشلەۋاتىمەن ، مەن دەسلەپتە بۇنى ياخشى چۈشەنمەي ساتقۇچى تەرەپ شىركەت ئىسمىغا ئۆزەمنىڭ رەسمىيەتسز ئاتاق شىركەت ئىسمىنى يىزىپ قارشى تەرەپكە يوللاپ بانكىغا بىرىپ ھىساپ ئاچقۇزاي دىسەم ئادەتتىكى كىچىك بانكىلار L/Cقوبۇل قىلالمايدىكەن ، شۇنىڭ بىلەن خەلىق مەيدانى غەربى تەرىپىدىكى ئەڭ چوڭ جوڭگو بانكىسىغا بىرىپ سۈرۈشتۈرسەم L/Cھىساباتى شەخسى نامغا ئەمەس شىركەت نامىغا يەنى ئىكىسپورت قىلىش ھوقوقى بولغان شىركەتكە كىلىدىكەن ، شۇنىڭ بىلەن ھازىر شۇ ئاتاق شىركىتىمنى دەرھال ئەنگە ئالغۇزۇش بىلەن چىپىپ يۈرىمەن پۈتۈن شىركەت رەسمىيەتلىرى چىققاندىن كىيىن بانكىغا بىرىپ ئاندىن چەتئەل بانكا ھىسابات نومۇرى ئىلتىماس قىلسام بولىدىكەن ، سىزدىن سوراپ باقسام بىزنىڭ قىلىۋاتقان تىجارەت سوممىمىز 300مىڭ ياۋرۇ ئەتراپىدا بۇ پۇل بىزنىڭ شىركەت نامىغا كىلىدۇ ، بىزگە ئىكىسپورت بىجى ۋە باشقا ھەرخىل باجلار كىلەمدۇ كەلسە قانچە پىرسەنت كىلىدۇ ؟ بۇ سودىدا نىمىلەرگە قاتتىق دىققەت قىلىش كىرەك تەپسىلى جاۋاپ بەرگەن بولسىڭىز.

halis7575

	بىلىپ قۇيۇشقا تىگىشلىك ئىشلار ئىكەن.

ataman118

	ھازىرقى جەمئىيەتتىكى بەزى ئالدمچىلىقنىڭ ئالدىنى ئېلىشتىكى ئۈنۈملۈك ئۇسسل ئىكەن رەھمەت سىزگە

poyuz

	بۇنداق ئىشلارنىمۇ بىلىپ قويساق ياخشى مانا، ئەجرىڭىزگە رەخمەت!

фросс

	بىزنىڭ بىر تور بولدىغان بۇرۇنلاردا ماليە ئىشلىرىنى تونۇشتۇردىغان قايسى لىقىنى كىم بىلىدۇ؟ مۇشۇنداق تىمىلارنى كۆپرەك يوللىسىڭىز !!!  رەھمەت!

kaisar809

	يەنە FOB، CIF... قاتارلىقلارمۇ بار، رايونىمىزدا ئادەتتە FOB ھەممىدىن كۆپ ئىشلىتىدۇ.

heytgah

	FOB، CIF دىگەنلەر مال يەتكۈزۈش شەكىللىرى، پۇل تۆلەش شەكلى ئەمەس.