تەڭرىتاغ ناۋاسى غالىپجان غوپۇر سەنئەت كېچىلىكى

دىل گۈزەل

	شىنجاڭ غالىپجان غوپۇر خەلقئارا مەدەنىيەت تارقىتىش چەكلىك شىركىتى قۇرۇلدى «تەڭرىتاغ ناۋاسى» سەنئەت كېچىلىكى تەڭرىتاغ باغرىنى لەرزىگە سالدى   مەدەنىيەتكە باي قەدىمىي «يېپەك يولى» دا يېڭى بىر مەدەنىيەت تارقىتىش شىركىتى دۇنياغا كۆز ئاچتى.يېقىندا شىنجاڭ سەنئەت يۇرتى كۇلۇبىدا شىركەت قۇرۇلغانلىغىنى تەبرىكلەش مۇراسىمى ئۆتكۈزۈلۈپ، شىنجاڭ غالىپجان غوپۇر خەلقئارا مەدەنىيەت تارقىتىش چەكلىك شىركىتى قۇرۇلغانلىقى داغدۇغىلىق جاكارلاندى. رەڭگارەڭ چىراقلار ئۈرۈمچى ئاخشىمىنى ۋاللىدە يورۇتىۋەتكەنكەن ئىدى. تەبىرىكلەش مۇراسىمىدىن كېيىن، «تەڭرىتاغ ناۋاسى» ناملىق سەنئەت كېچىلىكى ئۆتكۈزۈلۈپ، ئاتاقلىق ناخشىچىلىرىمىزدىن غالىپجان غوپۇر، پاشا ئىشان، ئىمىنجان يۈسۈپ، گۈلباھار رېھىم، ئايگۈل غولام، ئالىمجان غوپۇر؛ ئۇسسۇلچىلىرىمىزدىن رەيھان ئابلىز، ئامانگۈل سىدىق، نۇر ئامىنە، ئۆمەرجان، گۈلجەننەت، گۈلمىرە؛ ئىتوتچىلىرىمىزدىن ئادىل مىجىت، ئۆمەرجان ئابدۇكېرىم، مېھرىگۈل، تۇرسۇنگۈل قاتارلىقلار رەڭدار سەنئەت نومۇرلىرى بىلەن تاماشىبىنلارنىڭ قەلبىنى لەرزىگە سالدى.تۆۋەندە نەق مەيدان سۈرەتلىرىدىن بىرنەچچە پارچە: شىنجاڭ غالىپجان غوپۇر خەلقئارا مەدەنىيەت تارقىتىش چەكلىك شىركىتى سەنئەت ساھەسىدە كۆزگە كۆرۈنگەن ۋە پىشقان سەنئەتكارلاردىن تەشكىللەنگەن كەسپىي ئىقتىسادىي گەۋدە. مەزكۇر شىركەت شىنجاڭدىكى ھەر مىللەت خەلقىنىڭ ئىلغار مەدەنىيىتىنى نامايەن قىلىش، ھەرخىل نادىر سەنئەت ئەسەرلىرىنى قېزىش، تەشۋىق قىلىشنى ئۆزىنىڭ قىبلىنامىسى قىلىپ، دۆلەت ئىچى ۋە سىرتىدا مەدەنىيەت ئالماشتۇرۇش، يىغىن-سەنئەت پائالىيەتلىرىنى پىلانلاپ لايىھەلەش، مەدەنىي مۇھىت بەرپا قىلىش، داڭلىق ماركا يارىتىش، كۆرگەزمە ئۇيۇشتۇرۇش، شىركەت ئوبرازى تىكلەشنى پىلانلاش ۋە ساياھەت پائالىيەتلىرىنىڭ جەلبكارلىقىنى ئاشۇرۇش، خېرىدارلارنى مول، قىزىقارلىق، كۆڭۈللۈك، رەڭدار كەسپىي مەدەنىيەت - سەنئەت مۇلازىمىتى بىلەن تەمىنلەشنى ئاساسلىق مۇلازىمەت نىشانى قىلغان. بۇ شىركەت مىللىي مەدەنىيەت مىراسلىرىغا ۋارىسلىق قىلىش ۋە ئۇنى گۈللەندۈرۈش، شىنجاڭنىڭ مەدەنىيەت - سەنئەت ئىشلىرىنى تەرەققىي قىلدۇرۇش ئۈچۈن خىزمەت قىلىش، ئاپتونوم رايونىمىزنىڭ مەدەنىيەت تۈزۈلمە ئىسلاھاتىنىڭ يېڭى يولىنى ئېچىش، ئىختىساس ئىگىلىرىنى تەربىيلەشكە ھەسسە قوشۇش، ئىدىيەسى ئازات، تەجرىبىسى مول، پۈتۈن كۈچى بىلەن ئىلگىرلەيدىغان، يېڭىلىق يارتىش ۋە ھەمكارلىشىش روھىغا باي بىر تۈركۈم يۇقىرى سەۋىيەلىك ئويۇن قويۇش كەسپى ئىختىساسلىقلار قوشۇنىنى قۇرۇش، شىنجاڭنىڭ ئۆزگىچە ئالاھىدىلىكىنى نامايەن قىلىدىغان ئويۇن قويۇش كوللىكتىپى بەرپا قىلىدۇ. بۇ شىركەت يەنە مەدەنىيەت تارقىتىش، مەدەنىيەت - سەنئەت پائالىيەتلىرىنى ئۆتكۈزۈش ئارقىلىق، گۈزەل شىنجاڭنى مەملىكەت ئىچى ۋە سىرتىغا تونۇتۇشنى ئۆزىنىڭ تەرەققىيات نىشانى قىلىدۇ.    خۇددى كونىلارنىڭ « قۇچقاچنىمۇ قاسساپ سويسۇن» دېگىنىدەك پىشقان سەنئەتكارلار «ناخشا – ئۇسسۇل ماكانى» نىڭ شۆھرىتىنى ھەقىقىي ئاشۇرغۇسى... مىسرانىم ئۇنۋېرسال تور بېكىتى 2012- يىلى 11- ئاينىڭ 10 - كۈنى

nap~rat

	ۋاھ ! ۋاھ ! ۋاھ !!!  ماۋۇ كاستۇرۇم بۇرۇلكا ، كاستۇرۇم بۇرۇلكىمۇ يە ؟ ئالامەتكەن ماۋۇ ... دەششەت ھە ؟ ياقىسىنىڭ ئىككى تەرپىگە ، يانچۇقىنىڭ ئېغىزىغا ئالماس ئىشلەتكەن ئوخشايدۇ  ؟ ۋال-ۋال-ۋال قىلىپلا تۇردىيا ئادەمنىڭ كۆزىنى قاماشتۇرۇپ ... باھاسى قانچە پۇلدۇ ؟ بىزلەر كىيسەك كۆتىرەلەمىزمۇ ؟ مىنىڭچە بۇ كاستۇيۇم بۇرۇلكىنىڭ باھاسى ،  كاستۇيۇمنى كىيىۋالغان ئادەمدىن قىممەتتەك قىلىدۇ جۇمۇ

mantapaz

	غالىپجان غۇپۇر ، سەنئەتتە چاپۇر . تۇرۇپ غايىپ بوپ ، تۇرۇپلا قوپۇر. ئۇيۇننى قۇيۇپ كۆپلەپ يۈز تاپۇر . ھىندىستاندا بار كاجول ، راج كاپۇر . .

Uyghurum

	ھەقىقەتەن ئەھمىيەتلىك بوپتۇ ...

fanteken

	ئەلۋەتتە ،مىللى ئىپتىخارنىىڭ قىممىتى شۇنچە قىممەت بولىدۇ دە.

UMUTWAR123

	توووا

ANSWER

	سۈكۈت

muttelib

	nap~rat يوللىغان ۋاقتى  2012-11-10 03:35 AM ۋاھ ! ۋاھ ! ۋاھ !!!  ماۋۇ كاستۇرۇم بۇرۇلكا ، كاستۇرۇم بۇرۇ ... مىنىڭچە بۇنىڭغا باشقا رەڭدىكى ئەتلەس ئىشلەتسە بوپتىكەن.

muttelib

	مىنىڭ شۇ پائالىيەتنىڭ سىنىنى كۆرۈپباققىم كىلىۋاتىدۇ.