دوستلۇق ھەققىدە ھېكمەتلەر......

kawa

	دوستلۇق ھەققىدە ھېكمەت       دوست - يارەنلەرنىڭ ئىشەنچىسىگە ئېرىشىش تاغ چوققىسىغا چىققاندىنمۇ جاپالىق ئىش، ئىشەنچىدىن ئايرىلىپ قېلىش تامدىن يېقىلىپ چۈشكەنچىلىكلا ئىش.       دوستۇڭدىن رەنجىپ قاچساڭ، دۈشمىنىڭ ھېجىيىپ يېنىڭغا كېلىدۇ.       دۇنيادا ئېرىشىش ئەڭ قىيىن بولغان ئۈنۋان «ئادىمىيلىك» ئۇنۋانى.       ئادەم ئۈچۈن پەرزەنتنىڭ ۋاپاسىزلىقىدىن، قىرىنداشنىڭ ھاقارىتىدىن، دوستنىڭ ئالا كۆڭۈللۈكىدىن ئازاب بولمىسا كېرەك.       ئاسايىشلىق كۈنلەردىكى دوستۇڭ كۈلپەتلىك كۈنلەردە ساداقەت كۆرسەتمىسە ئۇنىڭ يالاق ئالدىدىكى ئىتتىن پەرقى يوق.        دوستنى ئەپۇ قىلىش دانالىق، دۈشمىنىنى ئەپۇ قىلىش نادانلىق.       دۇنيادا ھەقىقىي دوستلۇقنى ئەمەلگە ئاشۇرالايدىغىنى ئوغۇللار، قىزلار پەقەت ھايات يولىمىزدىكى ئۆتكۈنچى دوستلۇق بولۇشى مۇمكىن.       مەنبە: شىنجاڭ مەدەنىيىتى ژۇرنىلى

oyqan0999

	ھەقىقەتەن ياخشى ھېكمەتلەركەن.تېما ئىگىسىگە كۆپ رەھمەت.

zulayha

	تولىمۇ ئېسىل پاساھەتلەرنى بىزگە يەتكۈزگەن تېما ئىگىسىگە تەشەككۈرۈرلىرىم بولسۇن . دوستۇڭدىن رەنجىپ قاچساڭ، دۈشمىنىڭ ھېجىيىپ يېنىڭغا كېلىدۇ.نىمانداق قورقۇنۇشلۇقتۇ بۇ گەپ....

mahatjan

	ئەتراپىمدا چۆرگىلەپ يۈرگەن، راس ۋە يالغان دوستلىرىم تولا. يەكشەمبىنى بىللە ئۆتكۈزگەن، دۈشەمبىسى تونۇماس ئۇلا. بولدى بەس تونۇۋالدىم ئۇلارنى، مۇشۇنداق كۈنلەردە دوسلارنىڭ، ئايرىلاركەن خوراز مېكىيىنى.

narkas

	كەڭ قورساق كىشىلەرلا ھەقىقى دوسلارنى تاپالايدۇ .

ۋاقتىم

	بىر نەچچىسىنى ساقلىۋالدىم... رەھمەت

nadira

	دوستلۇق ھاياتتىكى ئەڭ زۆرۈر نەرسە. گەرچە ئىنساننىڭ ئۆمرىراھەت – پاراغەتتە ئۆتمىسىمۇ ھېچكىم ھاياتىنى دوستسىز ئۆتكۈزۈشنى خالىمايدۇ. (ئارەستو)     دانالىقتىن كېيىن ئادەملەرگە بېرىلگەن ئەڭ قىممەتلىك ئىنئام دوستلۇقتۇر. (ف . لاروشفۇكو) ئىنسان ھاياتىدىكى ئەڭ قىممەتلىك نەرسە ئۇنىڭ باشقىلار بىلەن بولغان دوستلۇقىدۇر. (ئا . لىنكولىن)     ئەگەر تەقدىر ئادەمگە ساخاۋەت كۆرسىتىپ دۇنيادىكى ئەڭ بۈيۈك بەختنى ئىنئام قىلماقچى بولسا، ئۇنى سادىق دوست بىلەن مۇكاپاتلايدۇ.  (ئە . تېلمان) دۇنيادىكى بارلىق ئىززەت – ئېكراملارمۇ بىر ياخشى دوستنىڭ ئورنىنى باسالمايدۇ. (ف . ۋولتېر)     دوستۇڭنى ئۆز ئېتىقادىڭ بويىچە سېنى يۈكسەلدۈرگۈچى بىر كۈچ دەپ بىلىپ ئەتىۋارلا. (ر . ئېمېرسون)     دوستۇم دەپ ئىشىنىپ يۈرگەن ئادىمىڭدىن ئايرىلىپ قېلىشتىنمۇ ئېغىر دەرد يوق. (ر . سېتىۋېنسون)     ھەقىقىي دوستلۇققا نادان ئادەملەر چۈشەنمەيدىغان بىر خىل جەلپ قىلىش كۈچى يوشۇرۇنغان بولىدۇ. (ج . لابريۇيېر)     دۇنيادا دوستلۇقتىن ئەۋزەلرەك ۋە يېقىملىقراق ھېچ نەرسە يوق؛ ئۆمۈر دەپتىرىدىن دوستلۇقنى ئۆچۈرۈۋېتىش دۇنيانى قۇياش نۇرىدىن مەھرۇم قىلغان بىلەن باراۋەردۇر. (تىستېسرون)     ھەقىقىي دوستلۇق ئۆزئارا بىر – بىرىنى سۆيۈشتۇر، دوستۇم مېنىڭ نىيەتلىرىمنى قۇۋۋەتلەيدۇ، مەنمۇ ئۇنى قۇۋۋەتلەيمەن. شۇ تەرىقىدە گەرچە قاراشلىرىمىز باشقا – باشقا بولسىمۇ بىرلىشىپ ئالغا باسىمىز. (ئى . گيوتى)     تۇرمۇشتىكى ھەرقانداق راھەت – پاراغەتلەرنى دوستلار بىلەن تەڭ كۆرمەي، يالغۇز ئۆزىمىزلا كۆرسەك ئۇنىڭ تەمى بولمايدۇ.  (روتتېردامسكىي)

ARZUY

	مەن ھەر ئىكىلىڭلارغا تەشەككۈر ئېيتىمەن  رەھمەت سىلەرگە !!!

qog

	دوسلۇق ھەققىدە يىزىلغان ياخشى ھىكمەتلەركەن ساقلىۋالدىم رەخمەت سىزگە.ھە راس ئالدىنقى كۈنى بىر دوستىمىز‹‹مۇنبەردىكى بىر قىزغا ئوچۇق خەت››دەپ بىر تېما يوللاپتىكەن.مەن تىخى....

zulqinay

	بەزىدە ئادەمنىڭ دوستى دۇشمەنگە، دۇشمىنى دوستقا ئۆزگىرىپ قالدىكەن.