ئاياللاردىكى ئەرلەرنىڭ كۆڭلىنى ئۇتىدىغان بەش چوڭ ئەڭگۈشتەر

nadira

	ئاياللاردىكى ئەرلەرنىڭ كۆڭلىنى ئۇتىدىغان بەش چوڭ ئەڭگۈشتەر 1. قۇرۇق خىيال قىلماي دادىل ئوتتۇرىغا قويۇڭ كۈن بويى قۇرۇق خىيال قىلىپ، ‹‹ئۇ زادى مېنى ياخشى كۆرەمدىغاندۇ›› دەپ ئولتۇرغىنىڭىزدىن كۆرە، تەشۋىشتىن يىراق تۇرۇپ، ھېچنېمىگە پەرۋا قىلماي ئۇنىڭدىن سوراپ بىلىۋالغىنىڭىز ياخشى. قارشى تەرەپ ئويۇن – تاماشىغا ئامراق بولسىمۇ يەنىلا ئۆزىگە تۇشلۇق ئارتۇقچىلىقى بولىدۇ. سىز ئۇنىڭدىن ھېچنېمىنى سورىمىسىڭىز قىلچە نەتىجە قازىنالمايسىز. سوراش ئۈچۈن پەۋقۇلئاددە مۇھىت ياكى كەيپىياتنى كۈتۈشىڭىزنىڭ ھاجىتى يوق. پەقەت ئادەتتە پاراڭلاشقاندەك تەبىئىي سورىسىڭىزلا بولىدۇ. مەقسىتىڭىزگە يېتەلىسىڭىز تېخى ياخشى، يېتەلمىسىڭىزمۇ ئۆكۈنۈشنىڭ ھاجىتى يوق. 2. جەلپكارلىقىڭىزنى ئاشۇرسىڭىز ئۇ سىزگە باشقىچە نەزەردە قارايدۇ بەلكىم ئۇ سىزنى چىرايلىق دەپ قارىسىمۇ ئانچە پەرۋا قىلىپ كەتمەسلىكى، ئارىلاپ باشقا بىرىگە كۆز تاشلاپ قويۇشى مۇمكىن. بىراق، كۈنلەرنىڭ بىرىدە تۇيۇقسىز نازاكەتلىك بولۇپ ئۇنىڭ كۆز ئالدىدا پەيدا بولسىڭىز، سىزگە بولغان قارىشىدا ئۆزگىرىش بولۇشىمۇ مۇمكىن. بەزى چاغلاردا ئۇزۇن ۋاقىت بىللە بولۇش سەۋەبلىك ئۇ پۇرىقىڭىز، ئىش – ھەرىكەتلىرىڭىزگە كۆنۈپ قالىدۇ، بۇنداق ئەھۋالدا سىز تۇيۇقسىز نازاكەتلىك بولۇپ، روھىي – ھالىتىڭىزنى ياخشىلاپ، مۇلايىم، سىلىق – سىپايە بولۇپ ئۆزگەرسىڭىز تەبىئىيلا ئۇ سىزگە باشقىچە نەزەردە قارايدىغان بولىدۇ. 3. مۇۋاپىق ماختىسىڭىز ئۇ ئەتراپىڭىزدا تېخىمۇ پەرۋانە بولىدۇ ھەر قانداق كىشى ماختاشنى ياخشى كۆرىدۇ، ئەرلەرمۇ بۇنىڭدىن مۇستەسنا ئەمەس. ئەر كىشىنى نەچچە ئېغىز ماختاپ قويسىڭىز ئۇ سىزنى ‹‹قەدرىمنى ھەقىقىي چۈشىنىدىكەن›› دەپ ئويلايدۇ. دەرۋەقە ماختاشمۇ لايىقىدا بولۇشى كېرەك. بەك كۆپ ماختىۋەتسىڭىز ئۇ يالغاندىن خۇشامەت قىلىۋاتىدۇ، ھەرگىز يۈرەك سۆزى ئەمەس، دەپ ئويلاپ قالىدۇ. ئاندا – ساندا، مۇۋاپىق ماختاش ئۇنى مۇۋەپپەقىيەت خۇشاللىقىغا چۆمدۈرۈپ، كەيپىياتىنى ياخشىلايدۇ. بىر جۈملە ماختاش سۆزىنىڭ رولىغا سەل قارىماڭ، مۇشۇ بىر ئېغىز ماختىشىڭىز بىلەن ئۇ سىزنى باشقا ئاياللاردىن ئۈستۈن كۆرۈپ، تېخىمۇ قىزغىن مۇئامىلە قىلىشى مۇمكىن. 4. ئۇنى قەستەن ئەركىن قويۇۋېتىپ، پەرۋاسىز قىياپەتكە كىرىۋېلىڭ ئەر كىشى سىرتتا كۆڭۈل ئاچقاندا، سىزمۇ ئويۇن – تاماشا بىلەن كۆڭلىڭىزنى خۇش قىلىپ، ئۇنىڭ ئۇچرىشىش تەكلىپىنى مۇۋاپىق رەت قىلىڭ ياكى سۆزىگە ياق دەپ جاۋاب بېرىڭ. بەزىدە سوغۇق مۇئامىلە قىلىڭ، شۇنداق قىلسىڭىز ئۇمۇ تەبىئىي ھالدا جىددىيلىشىدۇ. 5. سىرلىق بولۇۋېلىپ ئۇنىڭغا ‹‹تېپىشماق›› تاپقۇزۇڭ كىشى تېگىگە يەتمىگەن نەرسىگە بەكرەك قىزىقىدۇ، ئەكسىچە بەش قولدەك تونۇش بولۇپ كەتكەن نەرسىنىڭ ھېچقانداق ئەھمىيىتى قالمايدۇ. ئازراق سىرلىق بولۇۋالسىڭىز ھەر قېتىم ئۇچراشقاندا ئۇنىڭغا يېڭى، خۇشال تۇيغۇ ئاتا قىلىسىز، ئۇمۇ سىزنى ھەربىر كۆرگەندە يېڭىلىق ھېس قىلىدۇ – دە، ئىختىيارسىز جورا بولۇشقا ئەرزىيدىكەن، دېگەن تونۇشقا كېلىدۇ. سىزگە ناھايىتى سەمىمىي مۇئامىلە قىلىدۇ، ۋاقىتنىڭ ئۆتۈشى بىلەن سىزگە بولغان ھېسسىياتى چوڭقۇرلىشىدۇ. شۇنىڭ بىلەن ئۇنى يېنىڭىزدا ئېلىپ قېلىش ئانچە قىيىن بولمايدۇ. كۆڭۈل ئاچىمەن دەپ يەڭگىللىك قىلماڭ، بولمىسا ۋاقتىڭىزنى ئىسراپ قىلىپ، قىممەتلىك ھاياتىڭىزنى مەنىسىز ئۆتكۈزۈۋېتىسىز. ئاياللار تەدبىرلىك، ماھارىتى ئۈستۈن بولسىلا ئەرلەرنىڭ كۆڭۈل خۇشى تىپىدىكى مۇھەببىتىنى ھەقىقىي سۆيگۈگە ئايلاندۇرالايدۇ. مەنبە : تەڭرىتاغ تورى   .تەرجىمە قىلغۇچى: تۈرگەن

mahatjan

	ئەرلەردىمۇ شۇ بەش چوڭ ئەڭگۈشتەرنى ىبىلەلەيدىغان ئىستىتىك ئىقتىدار بولسا بولىدۇ.

ئۆل

	تويدىن بۇرۇن ئۆز رازلقى بىلەن ئالغان خوتۇن بولسا ھەم شۇ خوتۇن تويدىن كېيىن 360گرادۇس ئۆزگرىپلۋالمسا ..بۇنداق سۈنئى بولۋالمسمۇ ئەرىنى بىرى ئۆيدىن ئەپچقىپ كېتەلمەيدۇ ....ئەگەر ھەرئىككلا تەرەپ تويدىن بۇرۇنقى ھالتى بىلەن تويدىن كېيىنكى ھالىتى بىردەك بولسا بىر -بىردىن نارازى بولمايدۇ .....سۈنئى قىياپەت قانچلىك ئۈنۈم بېرە ..مۇشۇنداق نەرسلەرىنى يازۋىردىكەن ..

xohsanam886

	مەن خىلى چۈشىدىكەنمەن جۇما؛

kawa

	ئاناڭنى دادڭغا بىپەداز كورسەتمە دىگەن شۇ دە.ئاياللار كۇرۇپ قۇيۇشقا تىگىشلىكەن.

oyqan0999

	ئاياللار كۇرۇپ قۇيۇشقا تىگىشلىكەن. ئەمسە مەن خاتا كىرۋاپتىمەن.بۇ تېمىغا.

zulayha

	‹ئەرلەر مەڭگۈ بالا› دىگەن گەپكىمۇ چىن پۈتۈپ قالدىم مۇشۇ كۈندە.بارلىق مىھىر-مۇھەببەتنىڭ قەدرىنى بىلىپ،تولىمۇ تېز ئۆتۈپ كىتىۋاتقان ھاياتنىڭ بىلىكىدىن چىڭ تۇتۇپ قەدىرلەپ ياشايلى.

Mrdon456

kamil0999

	ئاپلا قىزلا كۆڭلىمىزنى ئىلىپ قاچىدىغاننى ئۈگىنىۋالىدىغان بولدىدە

fatima

	نەچچە يىل ئۆي تۇتۇش جەريانىدا بۇ بەش خىل ئۇقۇمنى چۈشۈنۈپ تۇرمۇشتا ئىشلىتىپمۇ قالدىكەن.ئەڭ مۇھىمى ئەرنىڭ كۆڭلىنى چۈشۈنۈپ ھە دىسىلا ئۇششاق ئىشلاردىمۇ كۆزىگە كىرۋالماسلىق بولمىسا بار-بارا  بىزارلىق ھىس قىلىپ،مېھرى-مۇھەببەت سۇسلىشىپ كىتىدۇ. ئەركىشىنىڭ مىجەزى بارغانسىرى كىچىك بالىغا ئوخشاپ قالدىكەن. ھە دىسىلا قاخشىماي ماختاپ قويسا خوش بۇلۇپ قۇياشتەك مىھرىدە ئائىيلىگە تېخىمۇ كۆينىدىكەن.