ئىچكىرىدىكى ئۇقۇغۇچىلارنىڭ بۇ قىيىنچىلىقىنى ھەل قىلغىلى بۇلارمۇ؟

zaghun

	ئەسسالامۇئەلەيكۇم تورداشلار! بىز ئىچكىرىدە ئوقۇۋاتقان ئوقۇغۇچىلار ھەرقايسى قىيىنچىلىقلارنى ھەل قىلىپ،تىرىشىپ ئۆگىنىۋاتقان بولساقمۇ،ئەمما تاماق جەھەتتە قىينىلىۋاتماقتىمىز.گەرچە بەزىدە ئۆيدىكىلەر نان سېلىپ بەرگەن بولسىمۇ ئەمما كىلىدىغان ۋاقىتنىڭ ئۇزاقلىقى،ھەم كىرا ھەقلىرىنىڭ قىممەتلىكى سەۋەبىدىن ھەرئايدا ئەۋەتىپ تۇرالمايدىكەن.ئاڭلىسام ئۈرۈمچىدە،قۇمۇللاردا نان سالسا بىرقەدەر تىزكىلىدىكەن ھەمدە كىرا ھەققىمۇ ئەرزانكەن.بولسا ئۈرۈمچى،قۇممۇللاردىكى ئىچكىرىدىكى جايلارغا نان سېلىپ بىرىدىغان ناۋايخانا،يەنى ئۈرۈمچىدىكى دەرمان،ئابلاجان نانلىرى ناۋايخانىلىرىدا بىزدەك ئوقۇغۇچىلارغا نان سېلىپ بېرەلەمۇ؟بولسا تورداشلارنىڭ بىلسە ناۋايخانىلارنىڭ تېلىفۇن نۇمۇرلىرىنى قالدۇرۇپ قويساڭلار.بولسا ۋاقتىڭلار يەتسە نان يەتكۈزۈپ بېرىدىغان ئىشلارنى قىلالايدىغانلار مۇشۇ قىيىنچىلىقىمىزغا ياردەم قىلساڭلار.سىلەرگىمۇ ئىشلىگەن ئىشىڭلارغا مۇۋاپىق ھەق بېرىپ رازى قىلاتتتۇق. ئاخىرىدا ھەممە تورداشلارنىڭ تىنىنىڭ سالامەت،ئىشلىرىنىڭ ئۇتۇقلۇق بۇلۇشىنى ئۇلۇغ ئاللاھتىن تىلەيمەن.

fisherman

	ھەر جۈمەدە مەسچىتكە بارسىڭىز ئالدىدا ساتىدىغان كىشىلەر جىق ، نان ئالالمىسىڭىزمۇ ھالالدىن بولغان مۇسۇلمانچە يىمەكلىككە ئېغىز تىگەلەيسىز ،  مەنمۇ ئىچكىردە ، ئىككى شەھەردە ئوقۇدۇم ،مەن ئادەتتە  ھەر جۈمە كۈنى جۈمەگە بارغاچ مەسچىت ئالدىدىن ئالغاچ كېتىمەن .

turantikin

	ئاللاھغا مىڭ شۈكرى،بىزنىڭ مەكتەپنىڭ تامىقى ياخشى.گەرچە ئۆينىڭكىگە ۋە شىنجاڭدىكى ئاشخانىلارغا يەتمىسىمۇ،نەنجىڭدىكى باشقا مەكتەپلەرگە قارىغاندا خېلى ياخشى.

پەرىم

	مەنمۇ ھازىر ئىچكىرى ئۆلكىدە،بىزنىڭ بۇ يەردىمۇ تاماق مەسلىسى بەك ئادەمنىڭ كۆڭلىنى يېرىم قىلىدۇ، ئاڭلىساق بىز تۇرغان شەھەردىمۇ مۇسۇلمانلار كوچىسى بار ئىكەن،لىكىن ئۇ يەرنى بەك قالايمىقان دەپ بىزنى بارغىلى قويمايدۇ،ئىچكىرى ئۆلكىدە تۇرۇپ ئادەم ئاچ قالمىغان بىلەن،تىلغا تېتىغۇدەك بىر قاچا ئىسسىق تاماق ئادەمگە گۈل كۈرۈنۈپ كېتىدىكەن.

hey

	قارىغاندا ئىچكىرگە ئوقۇشقا يېڭى بارغان ئوقوغۇچى ئوخشايسىز ، بۇ قىيىنچىلىقىڭىزمۇ ۋاقىتلىق بولىدۇ ، كۈندە يىگەن گۈرۈچ تامىقى بىلەن كالا گۆش ئۈگرىسى سەۋەبلىك كىيىنچە نان يىگۈڭىز كەلمەس بولۇپ قالىدۇ. مەنمۇ ئىچكىردە 7 يىل ئوقۇپ يۇرتقا قايتىپ كەلگەندە نانغا كۆنەلمەي تەستە كۆنگەن

apirida

	مەن ياردەم قىلاي دىسەم قولايلىق يەردە ئەمەسكەنمەن ،بۇنىڭ ئامالىمۇ چىقىپ قالا ،ئىچكىرىدە بىرقانچە شەھەرنى ئايلىنىپ ئۈگۈنۈش جەريانىدا ھارام يىمەكلىكتىن ساقلىنىشنڭ بەك تەس ئىكەنلىگىنى ھىس قىلغان ئىدىم ، توڭگان ئاشخانىلىرىمۇ ئىشەنچلىك ئەمەسكەن،  بىر ۋاخ تاماق ئۈچۈن ئەللىك يۈئەنلىك كىرا قىلغان ۋاقىتلىرىمىزمۇ بولغان ،  يىمەك ئىچمەككە بەك دىققەت قىلىڭلار ، غەيرەتلىك بولۇڭلار ، سەۋېر قىلىپ تىرىشساڭلار ، ئاللا خالىسا ياخشى كۈنلىرىڭلار ئالدىڭلاردا .

YAZR

	سىز قايسى  شەھەردە ؟  ئادەتتە  كىچىك كىچىك  شەھەرلەردىمۇ  ئۇيغۇر ناۋايخانىلىرنى تاپقىلى بۇلىدۇ ، مەن بۇرۇن  ئۇيغۇر يوق بۇلىشى مۈمكىن دەپ ئويلىغان بىر كىچىك شەھەردە  چوڭ بىر  ئۇيغۇر ئاشخانىسىنى  تېپىۋاپ ئالەمچە خۇش  بوپ كەتكەن ئىدىم .

nap~rat

	ئەڭ پاك ئادەم ، ئەڭ ناپاك مۇھىتتىمۇ بۇلغۇنۇشتىن ساقلىنالىغان ئادەمدۇر ...

nurmuhemmed

	ماڭا ئوخشاش ئۆزىڭىز ئىتىپ يىسىڭىز بولڭدىغۇ؟

ئەخمەد

	ئاۋۋال ئۆزىڭىز ھەل قىلىپ بېقىڭ،ھەل قىلالمىغاندا ئاندىن باشقا چارە قىلارسىز؟