مەشرەپ شىركىتى دەۋادا SHARPنى يەڭدى

سۈرخان

	2010– يىل 9– ئاينىڭ 25– كۈنى، ئوقيا شىركىتىدىن يېڭى خۇشخەۋەر تارقالدى. دولەت س ودا– سانائەت مەمۇرىي باشقۇرۇش باش ئىدارىسى ماركا ئىدارىسى يېقىندا قانۇنىي كېسىم ئېلان قىلىپ، ياپونىيە شارىپ شىركىتىنىڭ شىنجاڭ مەشرەپ ئائىلە ئېلېىكتىر سايمانلىرى چەكلىك شىركىتى بىلەن بولغان ماركا دەۋاسىدا مەغلۇپ بولغانلىقىنى جاكارلىدى. شىنجاڭدىكى بىر ئۇيغۇر كارخانىسى 80 نەچچە يىللىق تارىخقا ئىگە دۇنياۋىي چوڭ كارخانا— ياپونىيە شارىپ شىركىتى بىلەن بولغان ماركا دەۋاسىدا غالىپ كېلىپ، داڭلىق ماركا ئىستىراتىگىيىسىنى يولغا قويۇشتىكى چوڭ بىر توسالغۇنى سۈپۈرۈپ تاشلىدى. ئەلۋەتتە بۇ مۇۋەپپەقىيەت شىنجاڭ ئوقيا ماركا– پاتېنت ئىشلىرى چەكلىك شىركىتىنىڭ باش دىرېكتورى، كەسپىي ئادۋوكات، ئەقلىي مۈلۈك ھوقۇقى تەتقىقاتچىسى ئابلىكىم ھۈسەيىن ئوقيانىڭ ئۈچ يىللىق ئەجىر– مىھنىتى ئاساسىدا قولغا كەلگەن.        مەلۇم بولۇشىچە، شىنجاڭ مەشرەپ شىركىتى 2004– يىلى «مەشرەپ» نى 9– تۈدىكى تېلېۋىزور، DVD ئاپپاراتى قاتارلىق ئائىلە ئېلىكتىر سايمانلىرىغا ماركا قىلىپ قوللىنىپ، دۆلەت ماركا ئىدارىسىغا ماركا رويخەت ئىلتىماسى سۇنغان. 2007– يىلى 2– ئايغا كەلگەندە، ياپونىيە شارىپ شىركىتى تەستىقلىنىش ئالدىدا تۇرغان ‹‹مەشرەپ›› ماركىسى ئۈستىدىن دەۋا قىلىپ، «مەشرەپ» نىڭ لاتىنچىسى MASHRAP نىڭ ئالدىدىكى MA نى ئېلىۋەتسە، كەينىدىكى SHRAP دېگەن قىسمى دۇنياۋىي داڭلىق ماركا SHARP نىڭ لاتىنچىسىغا ئوخشاپ قالىدۇ. MASHRAP رويخەتكە ئالدۇرۇلسا، SHARP نىڭ ئوخشاش تۈردىكى مەھسۇلاتلىرىنىڭ بازىرىغا تەسىر يەتكۈزىدۇ، دەپ دۆلەت ماركا ئىدارىسىدىن MASHRAP نى رويخەتكە ئېلىش ئىلتىماسىنى رەت قىلىشنى تەلەپ قىلغان.         مەشرەپ شىركىتى ياپونىيە شارىپ شىركىتىنىڭ 1500 بەتلىك دەۋانامىسىنى تاپشۇرۇپ ئالغاندىن كېيىن، بەزىلەر ‹‹دۇنياۋىي چوڭ كارخانا بىلەن داۋاغا چۈشۈپ قاپسىلەر، دەۋادا چوقۇم ئۇتتۇرۇپ قويۇشۇڭىلار مۇمكىن، ياپونلۇققا تۆلەم تۆلەيدىغان ئىش چىقامدۇ – تېخى›› دەپ ۋەسىۋەسىگە سالغان. مەشرەپ شىركىتىنىڭ دىرېكتورى مەھمۇدجان ھاجى بىرقانچە ئادۋوكات، ماركا ۋاكالەتچىسىدىن مەسلىھەت سوراپ قانائەتلىنەرلىك جاۋابقا ئېرىشەلمىگەندىن كېيىن، ئوقيا شىركىتىگە كېلىپ ياردەم سورىغان. ئابلىكىم ھۈسەيىن ئوقيا دىلونىڭ ئەمەلىي ئەھۋالىدىن تولۇق خەۋەر تاپقاندىن كېيىن، دەۋادا چوقۇم ئۇتۇپ چىقالايدىغانلىقىنى بىلدۈرۈپ، قانۇنىي تەرتىپ بويىچە ماركا ۋاكالەتچىسىنى ئۆزگەرتىپ دىلوغا قاتناشقان.        نەتىجىدە، ئوقيا شارىپ شىركىتى ھاۋالە قىلغان خەلقئارالىق ئادۋوكاتلار كۆرسەتكەن ھەر بىر ئاساس، ھەر بىر پاكىتنى قانۇنىي يول بىلەن تولۇق ئىنكار قىلىپ، دۇنياۋىي شۆھرەتكە ئىگە شارىپ شىركىتىنىڭ ھەيۋىسىنى يەرگە ئۇرغان.          ئىگىلىنىشىچە، ئوقيا ئەپەندى بۇلتۇر 10– ئايدا دۆلەت پاتېنت ئىدارىسى ئۈستىدىن قىلىنغان مەمۇرىي داۋادا غەلىبە قىلىپ، دۆلەتنىڭ مىنىستىر دەرىجىلىك مەمۇرىي ئورگىنىنى دەۋادا ئۇتىۋالغان تۇنجى ئۇيغۇر ئادۋوكات بولۇپ قالغان. بۇندىن باشقا ئوقيا ئەپەندى يەنە ‹‹ئىخلاس›› شىركىتىنىڭ تاشقى قىياپەت پاتېنت دەۋاسى، ‹‹يارىشىم›› شىركىتىنىڭ ماركا ھوقۇقى داۋاسى قاتارلىق چوڭ، مۇھىم داۋالاردا ئارقا– ئارقىدىن غەلىبە قازىنىپ، ئۆزىنىڭ ماركا– پاتېنت، شىركەت ھوقۇقىنى بېكىتىش ۋە قوغداش جەھەتتىكى كەسپىي ئىقتىدارى ۋە مىللەتنىڭ ئىشلىرى ئۈچۈن جان كۆيدۈرۈپ خىزمەت قىلىشتەك ئېسىل ئەخلاقى پەزىلىتىنى نامايەن قىلغان. مەنبە: ئوقيا تورى

بدر

	خۇشاللىنارلىق خەۋە ئىكەن SHARP دەك داڭلىق ماركىنىمۇ مەغلۇپ قىلغان بولسا

shoubiznis

	ئالەمشۇمۇل مۇۋەپپىقىيەتكەن

xjunicom

	غەلبە قىلىشدىكى سەۋەب دۈچ كىلىپ قالغان چوڭ شىركەت ياپۇننىڭ بولغانلىقى ئەمەستۇ؟

salkindax

	تۆلە بىرىپتىمۇ يا داۋا ھەققى دىگەندەكلەرگە !!

hekmat-uyghur

	ئەمدى  ئوقيا  ئەفەندىنى   بېلىق تۇتش ئارىلى  مەسلىسىدە  ئادۇۋكاتلىققا  تەكلىپ  قىلساق  بولغۇدەك.

rafiz

	ھە  بوپتۇغۇ  مانا

rafiz

	ھە  بوپتۇغۇ  مانا

بدر

	hekmat-uyghur يوللىغان ۋاقتى  2012-11-3 07:07 PM ئەمدى  ئوقيا  ئەفەندىنى   بېلىق تۇتش ئارىلى  مەسلىسىدە   ... قالتىس قىززىقچىكەنسىز جۇمۇ