چىرايلىقلىق ۋە گۈزەللىك

320nurzat

	ئافرىقىنىڭ كونگۇ دەرياسى بويىدىكى ئورمان ئىچىدە، ھايۋاناتلار پادىشاھلىقىدا ھەر خىل ھايۋاناتلار ۋەقۇشلار ئورمانلىق ئىچىدىكى مەيداندا<مېنىڭ  چىرايلىقلىق ۋە گۈزەللىك تۇغرىسىدىكى كۆز قارىشىم> تىمىسىدا مۇنازىرە ئىلىپ بىرىش پائاليىتى ئۆتكۈزۈپتۇ.بۇ پائالىيەتكە دۇنيانىڭ ھەر قايسى جايلىرىدىن مىھمانلار كىلىپ قاتنىشىپتۇ.بۇ پائالىيەتنىڭ باش ئۇيۇشتۇرغۇچىسى شىر پادىشاھ سىنباھ، باھالىغۇچىلار دەرەخ پادىشاھ ئاپۇل ۋە مۈشۈكياپىلاق پىروفىسۇر ئادىنارو بوپتۇ. ئالدى بىلەن رىياسەتچى قاغا راجىم پائالىيەت كۈنتەرتىپىنى چۈشەندۈرۋەتكەندىن كېيىن،پائالىيەت رەسمىي باشلىنىپتۇ.رىياسەتچى ئاۋۋال كۆپچىلىكتىن<دۇنيادا ئەڭ چىرايلىق نەرسە نېمە ؟>دىگەن سۇئالغا جاۋاپ بىرىش ئاساسىدا<چىرايلىقلىق ۋە گۈزەللىك>كۆز قارىشىنى ئىپادىلەپ بىرىشنى تەلەپ قىپتۇ.           پائالىيەتتە بىرىنچى بولۇپ ھىندىستاندىن كەلگەن توز شانتى مەيدانغا چۈشۈپتۇ، ئۇ قاشلىرىنى سۈزۈپ،قانات-قۇيرۇقلىرىنى يەلپۈگۈچتەك يىيىپ كۆپچىلىككە قاراپ:      -كۆپچىلىك دۇنيادىكى ئەڭ چىرايلىق ۋە گۈزەل نەرسىنى ئىزدەپ ئاۋارە بولماڭلار، ئۇ دەل سىلەرنىڭ كۆز ئالدىڭلاردا، ئۇ بولسىمۇ دەل مەن،-دەپتۇ توز ماختانغان ھالدا،-قاراڭلار مېنىڭ كىلىشكەن قامىتىمگە،چىرايلىق پەيلىرىمچۇ تېخى، دۇنيادا مەندىنمۇ چىرايلىق ھەم گۈزەل نەرسە بارمۇ؟         توزنىڭ سۆزىنى ئاڭلىغان بىر قىسىم ھايۋانلار< دۇرۇس، دۇرۇس>دەپتۇ.يەنە بىر قىسىملىرى توزنىڭ مەنمەنلىكىگەئاچچىقى كەپتۇ.ئەمما توز ئۆز كۆز قارىشىنى تولۇق ئىپادىلەپ بىرەلمەپتۇ.          ئىككنچىلەپ مەيدانغا چۈشكىنى جۇڭگۇدىن كەلگەن چوڭ مۈشۈكئىيىق خەن خەنمۇ توزغا ئوخشاش ئۆزىنى  ماختاپ،ئۆزىنىڭ چىرايلىق ئىكەنلىكى،ياۋاش مۇلايىم مىجەزگە ئىگە ھەم دۇنيادا ئەڭ ئەتىۋارلىق قوغدىلىدىغان ھايۋان ئىكەنلىكىدىن ئىبارەت گۈزەللىكىنى پەش قىپتۇ.        ئۈچۈنچىلەپ مەيدانغا قارا ئىيىق بارۇن چىقىپتۇ. ئۇ كۆپچىلىككە قارىۋەتكەندىن كېيىن: -كۆپچىلىك ،دۇنيادىكى ئەڭ چىرايلىق نەرسە دەل ھەسەل ھەرىسى،ھەقىقىي گۈزەللىكمۇ ئۇنىڭ ئاشۇ كىچىككىنە جىسمىغا يۇشۇرۇنغان-دەپتۇ.       كۆپچىلىك ئۇنىڭ سۆزىنى ئاڭلاپ، بارۇنغا تىكىلىپ قاراپ قاپتۇ.   -ئۇنداق دىيىشىمدىكى سەۋەپ ئۇ ئۆزىنىڭ ھالال ئەجرى بەدىلىگە،مەن ئەڭ ئامراق ھەسەل ياساپ بىرىدۇ،لېكىن ئۇ بۇنىڭ ئۈچۈن بىزدىن ھەق تەلەپ قىلمايدۇ. ئۇ باشقىلارغا مەنپەئەت يەتكۈزگۈچى بۇلۇشتەك گۈزەللىكى بىلەن مېنىڭ كۆزۈمگە چىرايلىق كۆرىنىدۇ، سىلەرچىچۇ؟        كۆپ ساندىكى ھايۋانلار قارا ئىيىق بارۇننىڭ پىكىرىنى قوللاپتۇ.ئۇنىڭدىن كېيىن مەيدانغا چۈشكەن يىلان كارىل،كۈچۈك چىرچىلارمۇ ئۆزلىرىنىڭ <چىرايلىقلىق ۋە گۈزەللىك>كۆز قارىشىنى بايان قىپتۇ .ھەر كىم ھەر نېمە دەپتۇ،ئورتاق پىكرگە كىلەلمەپتۇ.       بۇ چاغدا مۈشۈكياپىلاق پىروفىسۇر ئادىنارۇ كۆپچىلىكنى تىنىچلاندۇرۇپ: -كۆپچىلىك ھەر قايسىڭلارنىڭ <چىرايلىقلىق ۋە گۈزەللىك>كۆز قارىشىنى ئاڭلاپ ئۆتتۇق. مەنچە بولغاندا ،چىرايلىقلىق كۆرۈش سەزگۈمىزدىكى ئەكىس ئەتكەن ئوبراز يەنى توزنىڭ بىزگە چىرايلىق كۆرۈنگىنىگە ئوخشاش،ئەمما چىرايلىقلىق ۋاقىتلىق بولىدۇ،ئەگەر توزنىڭ پەيلىرى چۈشۈپ كەتسە،ئۇنىڭ يۇڭزدىۋەتكەن توخودىن پەرقى قالمايدۇ،-دەپتۇ.     بۇ گەپنى ئاڭلاپ ھايۋانلار كۈلۈشۈپ كىتىپتۇ،توزمۇ خىجىللىقتىن بىشىنى تۆۋەن سىلىپ ئولتۇرۇپ قاپتۇ.   -گۈزەللىكچۇ؟-دەپ سۆز باشلاپتۇ پىروفىسۇر ئادىنارۇ كۆزەينىكىنى يۇقىرى كۆتۈرۋىتىپ،-ئۇنى بىز كۆرەلمەيمىز ،ئەمما ھىس قىلالايمىز،ئۇ خۇددى ئۈستىمىزدىكى قوياشقا ئوخشاش ئاددي ھەم سىخىي، ئاستىمزدىكى تۇپراققا ئوخشاش كۆڭلى -كۆكسى كەڭ ھەم شەخسىيەتسىز، ئۇلارنىڭ بىزگە بارلىقىنى ئۈن -تىنسىز تەقدىم قىلغانلىقىنى تىخىچە تونۇپ يىتەلمەيۋاتىمىز،ئۇلار بىزگە ياردەم قىلىدىيۇ بىزدىن قىلچە ھەق تەلەپ قىلمايدۇ،مانا بۇ ھەقىقىي گۈزەللىك. ھەقىقىي گۈزەللىككە ئىگە بولغۇچىمۇ شۇ قوياشقا ،تۇپراققا ۋە ھەسەل ھەرىسىگە ئوخشاش باشقىلارغا مەنپەئەت يەتكۈزىدۇ،ئۇ كىشىلەرنىڭ قەلبىگە سىڭىپ ،مەڭگۈلۈك ئابىدە تىكلەيدۇ،-دەپتۇ ھاياجانلانغىنىدىن.       كۆپچىلىك پىروفىسۇرنىڭ سۆزىنى ئاڭلاپ ھەممىسى قايىل بوپتۇ ھەم قىزغىن چاۋاك چاپتۇ. پائالىيەت ئاخىرىدا ناخشىچى سىرىق قۇشقاچ ۋە قارا چىكەتكە باشچىلىقىدىكى مۇزىكا ئەترىتى ئورۇندىغان <ئورمان ناخشىىسى>غا جۆر بولۇپ ئۇسۇلغا چۆشۈپتۇ. چۆچەكمۇ مۇشۇ يەردە تۈگەپتۇ.

xahboy

	مەسەل  ئوقۇپ باقمىغىلى  ئۇزۇن يىللار بوپتىكەن ..  «شېر پادىشاھ » فېلىمىنىمۇ ئەسلەپ قالدىم ..

پەرىم

	گۈزەللىك ئۇ قەلىبتە، تەربىيىۋى قىممىتى يۇقىرى مەسەل ئىكەن.

ataman118

	تەربىيۋى قىممىتى يۇقىرىكەن ياخشى مەسەل ئىكەن ياخشى يوللاپسىز

axek13999649893

	،دۇنيادىكى ئەڭ چىرايلىق نەرسە دەل ھەسەل ھەرىسى

tapammidim

	چخرايلىق - چىرايلىق ئەمەس،سۆيگەن چىرايلىق .