بىر پەس مۇشائىرە قىلىشايلى دېدىمغۇ؟

musilina

	ئەسسالامۇ ئەلەيكۇم مىسرانىم مۇنبىرىدىكى بارلىق تورداشلار، مۇنبەردىشىڭلار مۇسىلىنەدىن سىلەرگە ئالىي ئېھتىرام،ئايىمىڭلار خۇشاللىق ئىچىدە ئۆتكەندۇ؟مەن  ھەممىڭلارنىڭ تېنىگە  سالامەتلىك تىلەيمەن، تۇرمۇشۇڭلار مەڭگۈ بەخت ئىچىدە ئۆتسۇن... چېھرىڭلاردىن كۈلكىلەر ئۆچمىسۇن...ھەممىمىزنىڭ مۇنبەردىكى دوستلىقى سەمىمىي، ساپ بولسۇن.....! ئەمدى مەقسەتكە كەلسەك،خېلى بوپتۇ  مۇنبەردە مۇشائىرە قىلىشمىغىلى،بۈگۈن كۆڭۈل ئۈنچىلىرىمىزنى چېچىشىىپ   بىر پەس مۇشائىرە قىلىشايلى دېگەن مەقسەتتە  ،  ئاز بولسىمۇ بۇ بىرنەچچە كۇبلىت شېئىر ئېلىپ كەلدىم،  مۇنبەرداشلارنىڭ مەيلى بارمىكىن،مۇشائىرە قىلىشقا،قېنى ئەمسە جۆر بولىدىغانلار مەرھەمەت.... تولغاندىم قىل كەبى قاراڭغۇ كېچە ، كۆزلۈرۈمدە زەررىچىمۇ ئۇيقا يوق. ئەسلىمە ۋاراقلىرى يىرتىلدى بىر –بىر، يۈرىكىم پارچە-پارچە تۇرىدۇ چۇۋۇق. ۋۇجۇدۇمنى سوغۇققىنا تىترەك باسقان ھوجرا تاملىرىمۇ كۈلىدۇ سوغۇق. پەرياد ئۇرۇپ يىغلايمەن يۇم –يۇم، ھەسرەت تىلىمدىن ئېتىلار بوغۇق پاساھەتلىك،گۈزەل تىلدۇر ئۇيغۇر تىلى ئەبجەش تىلدىن تۇرايلى يىراق. ئانا تىلىمىز قالمىسۇن يىغلاپ. لەنەت ئوقۇپ چەكمىسۇن پىراق. مۇشائىرە قائىدىسى: بۇ ئۈچ كۇبلىت شېئىرنىڭ 1-2-كۇبلىتى  بىر مەزمۇننى،3-كۇبلىتى  ئايرىم مەزمۇننى ئىپادىلەيدۇ،مۇشۇ كۇبلىتلاردىكى  خالىغان مىسرالارنى  شېئىرنىڭ باشلىنىش مىسراسى قىلىپ داۋاملاشتۇرۇپ يازساق بولىدۇ،قېنى ئەمسە،داۋامى  سىلەرگە قالدى.... مەرھەمەت.... مەنبە: قېرى  خىياللىرىم

شاتئاي

	كىلەلمىدىڭ بولغاچقا بىتاپ، مەن خەۋەرسىز قالدىم يېراقتا، خەت-خەۋەرىڭ يوقتۇر سېنڭدىن، ئۆتمەكتىمەن ھەسرەت پىراقتا. مۇشۇنداق باشلىساق بولارمۇ ياكى ...تەلىمىڭىزگە مۇھتاجمەن ھەدە.

ئۆل

	تولغاندىم قىل كەبى قاراڭغۇ كېچە ، چىرىماش ھەر خىل خىياللار ئىچدە. تەقدىرىم نىچۇن قاتتىقتۇر مىنىڭ ، شۇڭا ئولتۇرىمەن ھەم تۈن ئىچدە

uygurjan09

	ئۆتمەكتىمەن ھەسرەت پىراقتا پەقەت بىر سىنىلا ئويلاپ لىكىن سەن بەكمۇ يىراقتا قەيەردە كملەر بىلەن ئويناپ

ataman118

	ئەجدادلار تىلىنى ھەرگىز ئۇنۇتما تىل دىگەن ئەجدادلاربەرگەن گۆھەردۇر قەدىرلە ئەي ئۇيغۇر ئەجداد بەرگەننى ئۆز تىلنى يوقاتساڭ ئاخىر ئۆلۈمدۇر

bedar

	تولغاندىم قىل كەبى قاراڭغۇ كېچە،     ئايمۇ ھەم مۆكۈپتۇ يالغۇزمەن شۇنچە.     يۈرەككە شۇ ئوتنى سالمىغان بولساڭ،    تۈنلەردە يىغلامتىم  سەن ئۈچۈن بۇنچە.

arxang

	سۈبھىدە يوقايدۇ ئاشۇ خىياللار، شەبنەبدە يۇيىلار بەلكىم گۇناھلار. قۇياشنىڭ نۇرلىرى چۈشسە ھوجراڭغا، قەغەزگە تۆكۈلەر قارا سىيالار.

aptap104

	ئورنۇمدىن تۇرۇپ كەتتىم يىرىم كىچىدە ،      يايرىمنى كۆرۈپتىمەن يامان چۈشۈمدە .      سەن يىراق - بەك يىراقتا بولساڭمۇ ،      كۆرەلمەي ساقلاپ تۇردۇم مەيدەمدىكى قەلبىمدە ....

narkas

	يۈرىكىم پارچە - پارچە تۇرار چۇۋۇلۇپ  ،                 پىغانلار  تېنىمنى قىلماقتا گۈلخان .                 تۇرىدۇ سۆيگۈ گۈلۈم مۇڭلارغا چۆكۈپ ،                 قورقىمەن بىر كۈنلەر بولارمۇ خازان ؟!