‹چۈشەنمىدىم › ئېتوتىنىڭ جەمىيەتتىكى تەسىرى !!

salkindax

	ئابدۇكىرىم ئابلىزنىڭ ‹‹چۈشەنمىدىم ›› ناملىق ئېتوتىنىڭ جەمىيەتتىكى تەسىرى قانداق بولۋاتىدۇ ؟ ( ھەقىقى بولغان ۋەقە) تاماشىنبىلارنىڭ ئاجايىپ ئالقىشىغا ئىرىشكەن بۇ ئېتوتنى كۆرگەندىن كىيىن بىزنىڭ ئىشخاندىكىلەر ئۆزىمىزنىڭ ئالاقە ئىشلىرىمىزدا ئەبجەش تىلنى ئىشلىتۋاتقانلىقىمىزنى تەكشۈرۈدۇق . مەسىلە ھەقىقەتەن ئىنتايىن ئىغىر ئىكەن . ئىشخانا بۇيۇملىرى ۋە ئىشلىتىش ئۇسۇلىنى ئاساسى جەھەتتىن ئۇيغۇر تىلىدا ئاتايدىكەنمىز . خىزمەت ، تۇرمۇش ئىشلەپچىقىرش ، ئىلىم - سىتىم ئىشلىرىمىزدا بىلىپ بىلمەي بۇنچە ئېغىر خاتالىققا يول قويۇپ ، ئابدۇكىرىم ئابلىز دىگەندەك ‹ بۇزۇۋان › لاردىن بوپ قالغانلىقىمىزدىن ئىنتايىن خىجىللىق ھىس قىلدۇق . ئانا تىلنى قوغداش ۋە ھۆرمەت قىلىش ئۈچۈن ، بوغالتىرىمىز مۇنداق بىر قىزىقارلىق ئويۇننى ئويلاپ چىقىپتۇ . ئىشخانىدا ھەممىز چوقۇم ھەممە نەرسىنى ئانا تىلدا ئاتاش ، ھەر قانداق بىر گەپ - سۆزنىڭ ئارىسىغا بىرمۇ باشقا تىل ئارلاشتۇرماسلىق ، ئەگەر بىر ئىغىز باشقا تىلدا سۆز ئارلىشىپ قالسا 1 سوم جەرىمانە تۆلەشنى يولغا قويدۇق ، يەتتە ئادەم بىر يىرىم كۈن ئىچدە بىر يۈز ئەللىك سوم جەرىمانە تۆلىدۇق . بۇ جەرياندا ‹‹ ئويناپ سۆزلىسەڭمۇ ، ئويلاپ سۆزلە ›› دىگەن ماقال بىزگە ياخشى ئۆزلەشتى . بىز سۆزلىگەندە ئالاھىدە دىققەت قىلغاندىن سىرىت باشقىلارنىڭ سۆزىگىمۇ ئالاھىدە دىققەت قىلدق . شەيتاننى ئۇسۇلغا سالالايدىغان پۇلنىڭ مىھرىنىڭ يامانلىقىدىن ، بىھۇدە جەرىمانە تۆلىمەسلىك ئۈچۈن ، ئاۋال شۇ سۆزنى دىمەكچى بولساق ئىچىمىزدە بىر قىتىم دەۋىتىپ خەنزۇچە سۆز ئارلاشتۇرماي سۆزلەشكە تىرىشتۇق ، بۇ ئويۇنىمىز بەك كۆڭۈللۈك ھەم بەك ئەھمىيەتلىك بولدى . بۇ ئويۇننى بىز ئۇيغۇر تىلىنى راۋان باشقا تىلنى قوشماي سۆزلەيدىغان بولغانغا قەدەر داۋاملاشتۇرماقچى بولدۇق . قىنى دوسلار سىلەرمۇ ئائىلىدە ، خىزمەت ئورنۇڭلاردا ، ھەر خىل چايلاردا ئويناپ بىقىڭلار ئاجايىپ ئەھمىيەتلىك ، ئاجايىپ كۆڭۈللۈك ئىشلارغا يولۇقىسىلەر . ‹‹ چۈشەنمىدىم ›› دىگەن ئېتوتنىڭ تۇرمۇشىمىزدا قانچە مىڭ قىتىم ئوينىلدىغانلىقىنى چوڭقۇر ھىس قىلغاندىن سىرىت ئانا تېلىمىزغا قانچىلىك ھۆرمەتسىزلىك قىلۋاتقانلىقىمىزنى ھىس قىلالايسىلەر ، ھەممىز بىرلىكتە بو ئويۇننى ئويناپ باقايلى !! ئەسلى مەنبەسى : چ چ توپىدىن كەلگەچ يازغۇچىنى ئۇقالمىدىم ، سىلەرنى كۆرۈپ باقسۇن ھەممىز ئېبىرەت ئالساق دىگەن مەقسەتتە يوللاندى !!

zumrettash

	ئېسىل تېما بولۇپتۇ.......بىز شۇنداق قىلساق ئاستا-ئاستا باشقا تىللارنى ئارلاشتۇرماسلىققا پايدىسى كۆپ .مەن ھازىر سۆز قىلغاندا شۇنداق دىققەت قىلىمەن..... بىر قىزىق ئىشنى ،يەنى ئەپسۇسلىنارلىق بىر ئىشنى سۆزلەپ بىرەي،سېختا يۈز بەرگەن ئەمەلىي ئىش: بىر ئۇيغۇر قېرىندىشىم (خىزمەتدىشىم)مەن ئىشلەيدىغان يەرگە كىرگەنتى سورىدىم:بەشىنچى نۇمۇرلۇق ماشىنا قاچان قوزغىلىدۇ دەپ . _ئۇنىمە دىدىڭىز؟(سېختا شاۋقۇنمۇ خېلى يۇقىرى ئىدى) _مەن يەنە بىر قېتىم تەكرارلىدىم شۇنداق يۇقىرى ئاۋازىمدا. _ئۇ يەنە چۈشەنمىدىم دەيدۇ. _ھەي مەن سىزگە ئۇيغۇر تىلىدا سۆز قىلىۋاتىمەن،بىلمىگەن بولسىڭىز خەنزۇچە گەپ قىلاي ،ئاڭلاڭ دىدىم ،مەن ئۇنىڭغا ۋۇخاۋ جىزا قاچان كەيجى بۇلىدۇ دىدىم.شۇنىڭ بىلەن ئۇ دەرھال :ھە ..............ئۇخمايدىكەنمەن...قاچان كەيجى بۇلىدىكىن دەيدۇ..... _قاراڭ سىزنى ئانا تىلىمدا سۆزلىسەم چۈشەنمەي،خەقنىڭ تىلىدا سۆزلىسەم چۈشىنىدىكەنسىزيا ..ھەي توۋۋا دىدىم ...................ئىچىلىرىم ئاچچىققا تولدى...... ھەممەيلەن ئۆزىمىزدىن باشلايلى دوستلار......

KURAX.JAN

	مەنمۇ مۇشۇ ئېتوتنى كۆرگەندىن كىيىن ، ئۆزەمچە دىققەت قىلىدىغان بوپ قالدىم .   ئابدۇكېرەم ئابلىزنىڭ ئەڭ نوچى ، تەربىيىۋى ئەھمىيەتلىك ئېتوتى بوپ قالغۇدەك .                ھۆپۆپۆپى ، كاككۇكى

ئەخمەد

	مەنمۇ ئالدىنقى كۈنى تۇققانلار ئارا پەتە ئوقۇلغان ۋاقىتتا تاغىلىرىمنى ۋە نەۋرە ئۇكىلىرىمنى قەرز قىلىپ قويغان ئىدىم! باشتا باشلانغاندا مېنى راستلا پۇلنى ئالىدىغان ئوخشايدۇ دەپ گەپ قىلىشتىنمۇ قورققان ئىدى،كىيىن مېنىڭ پۇلنى ئالمايدىغانلىقىمنى بىلىپ يەنىلا ئۆزىنىڭ پارىڭىغا چۈشتى، لىكىن قارىسام بۇرۇن ئۇيغۇرچىسىنى بىلمىگەن سۆزلىكنى بىلىۋالغانلىقىنى ھېس قىلدىم. پۇل بىر ۋاستە!

ANSWER

	ئانا تىلىمىزنى قەدىرلەيلى ۋە قوغدايلى !

0999nazuk

	بۈگۈن بىر ئايال بىر ئىش بىلەن دۇكىنىمىزغا كەلدى، قارىسام 53 ياشلاردا بار ئايالكەن، شۇ ئايالمۇ خەنزۇچىنى ئارلاشتۇرۇپ سۆزلەيدىكەن..............ھەيران قالدىم مۇشۇ ئېتوتنى كۆرمىگەنمىدۇ دەپ............

tanhaazap

	راس بەكلا ئالقىشقا ئىرىشىپتۇ ..........

tewelgha

	ئابدۇكېرەم ئابلىز بۇ ئېتوتى ئارقىلىق ،ھازىرقى بۇزۇلغان زۇۋانىمىزنى ناھايىتى جايىدا قامچىلاپتۇ ،ئۇنىڭغا رەھمەت ،بۇندىن كىيىن ھەممىمىز دىققەت قىلايلى . شۇنىڭ بىلەن بىرگە ، بەزى پەن-تېخنىكا ئاتالغۇلىرى ،سىياسى ۋە پىسخولوگىيەگە دائىر   ئاتالغۇلار ،بەزى كەسپى ئاتالغۇلارغا ۋاقتىدا ،مۇۋاپىق ئۇيغۇرچە ئىسىم ياسايلى(تۆمۈرنى قىززىغىدا سوق )  . نېمىشقا بەزى خەنزۇچە سۆزلەر ئېغىزىمىزغا پات كېلىدۇ ،سەۋەپ ئۇنىڭ بوغۇم سانى ئۆز تېلىمىزغا قارىغاندا  ئاز . شۇڭا ،خەنزۇچىدىن ئاغدۇرغان مەنە تەرجىمىسىنى ئىسىم قىلىۋالمايلى ،ئۇنداق قىلساق  ئىسىم بەك ئۇزۇن بولۇپ قىلىپ ئېغىزغا پات كەلمەي تاششلىنىپ كېتىش ئىھتىماللىغى يوقۇرى بولىدۇ . بەزى ئىسىملارنى تۈركى تىللىق قىرىنداش مىللەتلەردىن قوبۇل قىلساق تېخىممۇ ياخشى بولىدۇ .

ئۆل

	مۇشۇنداق ئوڭغا ماڭغان بولسا بوپتۇ ..ھېلقى تەرجىمە قىلدىغان ئېتۇتى ئەكسچە تەسىز پەيدا قىپتىكەن ..ھە نىم بولسا بۇ ئوڭ بوپتۇ

qiqak1219

	ھازىر بۇ خىل ئەبجەش تىل ئارىمىزدا ئومۇملىشىپ قالغاندەك قىلىدۇ ، خۇددى خەن تىلىنى قوشمىسا گەپ قىلالمايدىغاندەك .بۇ ئىتوت ماڭىمۇ بەك تەسىر قىلدى .  ئانا تىلىمىزنى ھۆرمەت قىلىشىمىز كېرەك . تېما يوللىغۇچىغا كۆپ رەھمەت .