«قۇم باسقان شەھەر» نىڭ 1-نەشرى بىلەن2-نەشرىنىڭ پەرقى

tax1

	«قۇم باسقان شەھەر» نىڭ 1-نەشرى بىلەن2-نەشرىنىڭ پەرقى ئەسكەرتىش: مەن كەڭ تورداشلارنىڭ «قۇم باسقان شەھەر» رومانىغا  بولغان تۇنۇشىنى تېخىمۇ ئاشۇرۇش ئۈچۈن «قۇم باسقان شەھەر» نىڭ 1-نەشرى  بىلەن2- نەشرىنىڭ پەرقىنى يوللاپ قويدىم. بەلكىم، كىتابخانىلاردىكى بۇ روماننىڭ 1-نەشرى بىلەن 2-نەشرىنىڭ باھا پەرقىنى كۆرۈپ، بالىلار  1-نەشرىگە قىزىقىشى مۇمكىن.  مېنىڭچە، يۇقىرى باھا بىلەن 1-نەشرىنى سېتىۋېلىشنىڭ ئورنى يوق.  قالغان گەپنى ئىنكاس ئارقىلىق دېيىشەرمىز. 1. «قۇم باسقان شەھەر» نىڭ 2- نەشرى 12- بەتكە: «سۈپۈرگە قەلەندەرلەر شاھىنىڭ ئالدىدىن قايتىپ چىقىشى بىلەن، ئىشىك ئالدىدا تۇرغان قەلەندەرلەر چۇۋۇلدىشىپ كېلىپ ئۇنى ئورىۋالدى. چۈنكى، سۈپۈرگە ئۇلارنىڭ شاھىنىڭ نەزەرىگە چۈشكەن ۋە قۇبۇل قىلىش شەرىپىگە ئىرىشكەنىدى. قايسىبىر قەلەندەر ئۇنىڭ ئىشىكىنىڭ قۇيرۇقىنى تارتاتتى، قايسىبىرلىرى ئۇنىڭ چاپانلىرىنىڭ توپىسىنى قاقاتتى. كىملەردۇر <پوش-پوش>دەپ ئۇنىڭغا يول ئاچاتتى. قەلەندەرلەر ئۇزۇندىن بېرى بۇ يەردە كۆرۈلۈپ باقمىغان ئاشۇنداق قىزغىن تەنتەنە بىلەن ئۇنى ئۇزىتىپ قويدى» دېگەن بىر ئابزاس قېتىلغان. 2. «قۇم باسقان شەھەر» نىڭ 2- نەشرى 15 - بەتكە: «ئېگىز سېپىل، سېپىل ئۈستىدە قۇرال-ياراغلىرى بىلەن قېتىپ تۇرغان جېسەكچىلەر بارغانسىرى خىرەلىشىپ بارماقتا ئىدى» دېگەن جۈملە قوشۇلغان. 3. «قۇم باسقان شەھەر» نىڭ 2-نەشرىگە 1-نەشرى 20-21-بەتلەردىكى «ئادەم ئەلەيھىسسالام تۇنجى بولۇپ بۇ زېمىنغا ئاياغ باسقاندا، يەر سۇ ئۈستىدە داۋالغۇپ تۇراتتى. ھەزرىتى ئادەم: ئېھ تەڭرىم، مەن مۇنداق توختىماي داۋالغۇپ تۇرىدىغان نەرسىنىڭ ئۈستىدە  قانداق تېرىكچىلىك قىلىمەن دەپ ئاللاغا مۇراجىئەت قىلغان. ياراتقان ئېگەم يەر يۈزىنى ئېگىز تاغلار بىلەن باسۇرۇپ تەۋرەنمەس قىلىپ بەرگەن. ئاندىن زېمىن ئۈستىگە يەتتە قات ئاسماننى دۈم قىلىپ كۆمتۈرگەن ۋە بۇ قاراڭغۇلۇقنى يۇلتۇز، ئاي، قۇياشلار بىلەن بېزىگەن» دېگەن ئابزاس قىسقارتىلغان. 4. «قۇم باسقان شەھەر» نىڭ 2-نەشرى29 -بەتكە: «....ياكى ئېتىزدىكى ئاۋۇ كۆپكۈك زىرائەت مايسىلىرىنى خالىغانچە تىلغاپ، قىلغان ئەسكىلىكلىرىمنى ئىگىسى بىلمەي قالمىسۇن دەپ ئاۋازىڭنى بولۇشىغا قويۇپ بېرىپ ھاڭراپ مېنى بالاغا تىقاي دېگەنمىدىڭ؟ بىر ھېسابتا شەھەر دەرۋازىسىدىكى ھېلىقى جېسەكچىلەرنىڭ تېپىكلىرىمۇ ساڭا ھالال» دېگەن جۈملىلەر قۇشۇلغان. 5.«قۇم باسقان شەھەر»نىڭ 2-نەشرى30-بەتكە: «ئۇ: <مەن بۇ ئاياللارغا نېمىگە كېرەك بولۇپ قالغاندىمەن> دەپ ھەيران قالدى. ياش ۋاقىتلىرىدا_سەپەر ئۈستىدە سۈپۈرگىنى ئۆزىگە شەرەت قىلىپ چاقىرغان قىز-جۇۋانلار بولغانىدى. مۇنداق ئۇچرىشىشلار ئۇزاققىچە سۈپۈرگىنىڭ ئېسىدىن كۆتۈرۈلمەيتتى. بەزىدە سۈپۈرگە ناز بىلەن باققان ئۇ جانانلارغا كۆز قىرىنى سالماي ئۆتۈپ كەتكەندەك قىلسىمۇ، يەنە ئۇلار بېغىشلىغان شادلىقنىڭ تەسىرىدە ئېشىكىنىڭ ئۈستىدە ئۇزاقتىن-ئۇزاق مۇھەببەت ناخشىلىرىنى ئېيتاتتى....لېكىن، ئۇ تولىمۇ ئۇزاقتا قالغان كەچۈرمىشلەر ئىدى. ماۋۇ ئاياللارنىڭ ئۇنى جىددى شەرەتلىشى مۇھەببەت زۆرۈرىيىتىدىن ئەمەستەك قىلاتتى. ئۇ ئاياللار تەرەپكە يېقىنلاپ كەلدى»دېگەن ئابزاس قۇشۇلغان. 6. «قۇم باسقان شەھەر»نىڭ 1-نەشرى66-بەتتىكى: «سۈپۈرگە قوينىدىن بىر نەچچە تىللانى ئېلىپ بوۋاينىڭ ئالدىغا تاشلىدى ۋە خوشلىشىپ يولىغا ماڭدى» دېگەن جۈملە2-نەشرى69-بەتكە «سۈپۈرگە قوينىدىن بىر نەچچە تال تىللانى ئېلىپ بوۋاينىڭ ئالقىنىغا تاشلىدى، ساپ ئالتۇن قوياش نۇرىدا ۋاللىدە چاقناپ، بوۋاينىڭ ئالقىنىغا جىرىڭلاپ چۈشتى. _ئوھوي!_دەپ ھەيرانلىقتا يېنىك تىنىشتى ئەتراپتا تۇرغانلار. _خۇدا ساڭا رەھمەت قىلسۇن، سېخى يولۇچى!_دېدى بوۋاي» دەپ ئۆزگەرتىلگەن. 7. «قۇم باسقان شەھەر»نىڭ 2-نەشرى86-بەتكە: «ئۇنى مۇنچە سۈرۈستۈرۈپ كېتىشنىڭ نېمىگە لازىمى بولۇپ قالدى» دېگەن جۈملە قېتىلغان. 8.«قۇم باسقان شەھەر»نىڭ 1-نەشرى90-بەتتىكى: «بىز نېمە دەپ خەقنىڭ زېمىنىنى بېسىۋالغۇدەكمىز؟_دەپ غۇدۇرايتتى ئۇ ئۆز-ئۆزىگە» دېگەن دېئالۇگ 2-نەشرى94-بەتكە: «توۋا، تىنىچ ياتقان بىر خەلىقنىڭ ئۈستىگە ھە؟! ... -دەپ غۇدۇرايتتى ئۇ ئۆز-ئۆزىگە» دەپ ئۆزگەرتىلگەن. 9. «قۇم باسقان شەھەر»نىڭ 1-نەشرى90-بەتتىكى: «لېكىن ئۇ يەر ئەزەلدىن بىزگە تەۋە بولۇپ باقمىغان ياكى بولمىسا بۇ شەھەرنىڭ ئادەملىرى بىز بىلەن ئارازلىشىپ باققان ئەمەس-دە! بىز نېمىنى دەستەك قىلىپ تۇرۇپ تىنىچ ياتقان خەلقنىڭ ئۈستىگە قىلىچىمىزنى يالىڭاچلاپ بارىمىز؟»دېگەن دېئالوگ2-نەشرى94-بەتكە: «ئەمدى، دەيمىنا... بىز نېمىنى دەستەك قىلىپ تۇرۇپ ئۇلارنىڭ ئۈستىگە قوشۇن تارتىپ بارغۇدەكمىز» دەپ ئۆزگەرتىلگەن. 10. «قۇم باسقان شەھەر» نىڭ 1-نەشرى90-91-بەتلەردىكى: «سەركەردە مەسخىرىلىك كۈلۈپ قويدى- دە، شالاڭ ساقالغا چۈشەندۈردى. _دەستەك دېدىڭما؟ ئاڭلاپ تۇر، بىز ئاۋۋال ئۇ يەرنى كۈچ بىلەن بېسىۋالىمىز. ئاندىن دەستەك بولىدىغان پاكىتلاردىن كۇرمىڭنى ئويدۇرۇپ چىققىلى بولىدۇ. مەسىلەن، ئۇ يەردە بىزنىڭ تەۋەيىمىزدىن سودا-سېتىق ئۈچۈن بېرىپ، شۇ يەردە ئۆلگەن بىرەر سودىگەرنىڭ قەبرىسى، قاچاندۇر بىر چاغلاردا بىزدىن شۇ شەھەرگە ئېزىپ بېرىپ قالغان بىرەر ھاڭۋاقتىنىڭ ئۇنتۇلۇپ قالغان ئەسكى چاپىنى ياكى بىزنىڭ پادىشاھلىقىمىزدا قۇيۇلۇپ، قولدىن-قولغا ئۆتۈپ بىرەرسىنىڭ يانچۇقىدا شۇ شەھەرگە بېرىپ قالغان بىرەر تال پۇچۇق يارماق ياكى بولمىسا كىملەرنىڭدۇرشۇ يەرگە بېرىپ قايتىپ كەلگەندە يازغان خاتىرىلىرى دېگەندەك نەرسىلەرنى دەستەك قىلىپ تۇرۇپ بۇ ئوردىدىكى نانقېپى قەلەمكەشلەر شۇنداق تارىخلارنى يېزىشىدۇركى، ھېلىقى سەن كۆرۈپ كەلگەن شەھەرنىڭ ئېتى نېمىدا؟» دېگەن دېئالوگ2-نەشرى94-بەتكە:«-دەستەك دېدىڭما؟ ئۇرۇش دېگەنگە دەستەكنىڭ نېمە لازىمى؟ ئاڭلاپ تۇر، بىز ئاۋۋال ئۇ يەرنى كۈچ بىلەن بېسىۋالىمىز، ئاندىن ئوردىدىكى نانقېپى قەلەمكەشلەر بۇ توغرىسىداشۇنداق تارىخلارنى يېزىشقا باشلايدۇكى، ھېلىقى سەن كۆرگەن شەھەرنىڭ ئېتى نېمىدا؟»دەپ ئۆزگەرتىلگەن. 11. «قۇم باسقان شەھەر»نىڭ2-نەشرى97-بەتكە: «خەلپىتىم، سېنىڭ بۇ تالىپلىرىڭ نېمانداق ھاڭۋېقىپ قىز-چوكانلار تەرەپكىلا قاراپ تۇرىدۇ؟ ئۇلارنى ئاۋۇ مىسكەرلەرنىڭ قاتارىغا باشلا...ھاي، ئۇياققا دېمىدىم، مانا بۇياققا...»دېگەن دېئالوگ قېتىلغان. 12. «قۇم باسقان شەھەر» نىڭ2-نەشرى100-بەتكە: «ھاي موزدوز ئۇستام، سەن ھەممە جابدۇقلىرىڭنى بوينۇڭغا ئېسىپ، دۇكىنىڭنى كۆچۈرۈپلا چىقتىڭمۇ نېمە؟...»دېگەن دېئالوگ قېتىلغان. 13.«قۇم باسقان شەھەر»نىڭ1-نەشرى98-بەتتىكى: «ياكى بولمىسا دىۋانىچىلىقنى كەسىپ قىلغان تىلەمچىلەرگىمۇ ئوخشاپ كېتەتتى»دېگەن جۈمە 2-نەشرىگە بېرىلمىگەن. 14.«قۇم باسقان شەھەر»نىڭ2-نەشرى175-بەتكە: «-سۈپۈرگە، دەپ رۇسلىنىپ ئولتۇردى ئاقساقال ، _ ئۇ ھازىر قەيەردە؟_يەنە نېمىلەرنى دېدى؟..»دېگەن دېئالوگ قېتىلغان. 15.«قۇم باسقان شەھەر» نىڭ2-نەشرى177-بەتكە: « <تام تېشەر> شۇ گەپلەرنى قىلىپ بولۇپلا غايىپ بولغانىدى» دېگەن جۈملە قېتىلغان. 16.«قۇم باسقان شەھەر»نىڭ 1-نەشرى198-بەتكە: سەپەرنىڭ ئىسمىنى «چۆل يىگىت» دەپ قويغان ۋە ئەسەر ئاخىرلاشقىچە شۇنداق ئېلىنغان. 2 -نەشرى204-بەتكە : سەپەرنىڭ ئىسمىنى «چۆل ئوغلى» دەپ قويغان ۋە ئەسەر ئاخىرلاشقىچە شونداق ئېلىنغان. 17. «قۇم باسقان شەھەر»نىڭ 2-نەشرى307-308-بەتكە: « <بايا راستىنلا ئاستىمدىكى ئېشەك گەپ قىلغانمىدۇر ياكى ماڭا شۇنداق ئېشەك گەپ قىلغاندەك تۇيۇلغانمىدۇر؟ > دېگەن خىيال كاللامدىن كەتمەي ئولتۇرۇپ كەتتىم.»دېگەن جۈملىلەر قېتىلغان. 18. «قۇم باسقان شەھەر»نىڭ 1-نەشرى321-بەتتىكى: «ھېسىياتسىز كىشىلەرلا ئاللانىڭ نېمە ئۈچۈن كېچە بىلەن كۈندۈز، شەھەر بىلەن سەھرا، بوستانلىقلار بىلەن چۆللۈكلەرنى تەڭ ياراتقانلىقىنى چۈشەنمەيدۇ...»دېگەن جۈملە2-نەشرىگە بېرىلمىگەن. 19. «قۇم باسقان شەھەر»نىڭ2-نەشرى335-بەتكە: «ئېگىز تاملار قورشاپ تۇرغان شاھ ئو_ئو_ئوردىلىرى...»دېگەن جۈملە قېتىلغان. 20.«قۇم باسقان شەھەر»نىڭ 1-نەشرى341-بەتتىكى: «ئەلەم ئۆزىنىڭ ئادەم ئەلەيھىسسالام بىلەن ھاۋائانا ئۇچراشقان چاغدىكى ئەڭ ئىپتىدائىي كۆرۈنۈشىگە كۆچتى» دېگەن جۈملە2-نەشرى351-بەتكە: «ئالەم ئۆزىنىڭ ئەڭ ئىپتىدائىي كۆرۈنۈشىگە كۆچتى» دەپ ئۆزگەرتىلگەن. مەن بۇنى بىر قىشلىق تەتىلدە رەتلەپ چىققان ئىدىم. ئىلگىرى «كەڭساي مۇنبىرى»گە يوللانغان بولسىمۇ، بەك زور ئەھمىيىتى بولمىغان. شۇڭا بۇ مۇنبەردىكى قەلەمكەش ۋە ھەۋەسكار دوستلارنىڭ پايدىلىنىشى ئۈچۈن يوللىدىم. ئەمگەككە ھۆرمەت قىلىنسا بەك خۇش بولۇپ كېتەتتىم. تولۇقلىما مەزمۇن (2012-11-2 12:31 PM): مەن دوستلارنىڭ ئىنكاس يازغاندا ھاياجانلانماسلىقىنى، بۇ تېمىنىڭ مۇنبەردە ھايات كەچۈرىشىگە ياردەم قىلىشىنى ئۈمد قىلىمەن. ئەمگىكىمنىڭ ھۆرمىتى قىلىنمىسىمۇ، مۇشۇ ئىشقا كەتكەن ۋاقتىمنىڭ ھۆرمىتى قىلىنغاي.

fisherman

	مەنمۇ تېخى مۇشۇ تەتىلدە 2-قېتىم ئوقۇپ چىقتىم . بىر باشلىۋالسا ئوقۇغانسىرى ئوقۇغۇسى كېلىدۇ زادى ،     مۇشۇ تەتىلدا قۇم باسقان شەھەر، ئىز ، ئانا يۇرت رومانىنى سېتىۋېلىپ ئەكەلگەنىدىم . ئىزنى ئوقۇپ ئەڭ ئاخىرىدىكى 10 بەتچە قالغاندا قەتتى ئوقۇغۇم كەلمىدى، جىلە قىلىپ قويىدىكەن ، ئادەمنىڭ ۋىجدانى قايناپ ... شۇنىڭ بىلەن ‹ئانا يۇرت› مۇ تۇرىدۇ توپا بېسىپ .

fireman

	ياخشى يوللاپسىز، پەرىقلەرنى زىرىكمەي ئىزدەپ تىپىپ چىقىپسىز،  بۇندىن كىيىنمۇ ھارماي تىرىشقايسىز………………

ئەخمەد

	يا ئاللا  راستلا كۆپ ۋاقىت كېتىدۇ جۇمۇ! بارىكاللا،مەن ئەينى ۋاقىتتا ‹ئىز ›رومانىنىڭ كونا نەشىرى بىلەن كىيىن چىققانلىرىنى مۇنداقلا سېلىشتۇرۇپ باققان،لىكىن سىزدەك تەتقىق قىلىپ باقمىغان. مەن بۇرۇن ئويلىغان،1-نەشىرى بىلەن 2-نەشىرىنى سىلىشتۇرغاندا مەزمۇن قىسقىرايدۇ دەپ ئويلايتىم،ھازىرمۇ شۇنداق قاراشتا چۈنكى ‹ئانا يۇرت› رومانىنى شۇنداق دەپ ئويلايمەن،شۇڭا 1- نەشىرىنى ھازىر تاپقىلى بولمايدۇ دەپ قارايمەن،شۇندىن باشلاپ رومان ئوقىسام ئاۋۋال باشلاپ قانداق رومانلىقىغا،ئاندىن رومان ئىسمىغا،3-بولۇپ نەشىرىگە قارايدىغان بولۇپ قالغان ئىدىم. مەن مۇشۇ‹ئانا يۇرت›رومانىنى سىزگە ئوخشاش سىلىشتۇرما قىلىپ بېرىدىغان ‹شەخس›نىڭ چىقىشىنى ئۈمىد قىلىمەن! ئىشلىرىڭىزغا يەنە بىر قېتىم بارىكاللا ئېيتىمەن،بۇنىڭدىن رومانلارنىڭ كىيىنكى نەشىرىنىڭ مەزمۇن جەھەتتىن قىسقىراپلا قالماي،كۆپىيىشىنىمۇ بىلىپ قالدىم!

alipbay

	مۇشۇ 1-قىتىملىق نەشرى بىلەن 2-قىتىملىق نەشرىنى مۇشۇنداق ئۆزگەرتىش قەلەم ئىگىسىنىڭ ئىشىمىدۇ ياكى،تەھرىرلەرنىڭمۇ، ئەگەر تەھرىرلەر ئۆزگەرىتكەن بولسا بۇ توغۇر بولمىغان ئىش،قەلەم ئىگىسى ئۆزگەرتكەن بولسا سەۋەبى نىمىدۇ؟

teskin

	نادىر تېما بولۇشقا تېگىشلىك. بۇ ئاجايىپ ئېسل يىزىلغان ئەسەردە،  بىر كېچىدەئوقۇپ  بولۇپ  نەچچە كۇنگىچە ئەسەردىكى شەخسلەرنى  ئەسلەيدىغان، مىللتىمىزنىڭ قەدىمكى تۇرمۇشىنى،ھازىرقى تۇرمۇشىغا بىرلەشتۇرۇپ ئەسەرگە سېلىشتۇردىغان، مۇھىمى بۇ ئەسەردە گەپنىڭ كەينىدە گەپ باردەك ھېس قىلاتتىم.   تولىمۇ جاپا تارتىپسىز .ئەجىرىڭز ئۈچۈن رەھمەت،ئون تەڭگەم ئىنئام قانداق گەپ بۇ  تېمنى تارتۇقلاي دېسەم لازىملىق جاينى تاپالمىدىمغۇ.ياردەم قىلىڭلار تورداشلار

teskin

	alipbay يوللىغان ۋاقتى  2012-11-1 04:03 AM مۇشۇ 1-قىتىملىق نەشرى بىلەن 2-قىتىملىق نەشرىنى مۇشۇنداق ... مېنىڭچە بولغاندا ئاپتۇر تەرىپدىن تۈزىتىلدۇ، ھەرقانداق بىر ئىش نوقسانىسىز بولمىغىندەك، ئوقۇرمەنلەرنىڭ پىكىرى ۋە مەمتىمىن ئاكىمىزنىڭ سەگەك كاللىسى ئۆزگەرتىشكە دەۋەت قىلغاندۇ. ئابدۇكېرىم ئابلىز، شىنجاڭ تېلىۋىزىيسنىڭ زىيارتىنى قوبۇل قىلغاندا مۇنداق دېگەنتى:-مەن ئامال بار ئېتوت ئويىنىسام ۋايىغا يەتكۈزۈپ ئوينايمەن، شۇنىڭغا تىرىشىمەن، ئەمما ئۆزۈم ئويىنغان ئېتوتلارنى تاماششبىن سۈپىتىدە كۆرگىنمىدە. ھەي ئېسىت بۇ بۆلەكنى مۇندا دېمەي مانداق ئالغان بولسام تاماششبنىلارغا تېخىمۇ يېقىشلىق بولاركەن دەپ كېتىمەن..... ئويلايمەن ھەققى ئەسەر ئېگىسى  مانا يۇقارقىدەك ئىزدىنشتىن يىراق ئەمەس، چۈنكى مەيىلى ئەدەبىي ئەسەر بولسۇن مەيىلى سەھنە ئەسەرى بولسۇن ئوقۇرمنى، ساھىپخانى يەنىلا ئامما شۇڭا ئاممنى چقىش نوقتىسى، ئەمەليەتنى ئاساس قىلغان قەلەمخانلار ئەسىرنى تېخىمۇ مۇكەممەللە شتۇرىشكە تېگىشلىك دەپ قارىغان جايىلىرنى ئۆزگەرتىسە بۇ ياخشى ئەھۋال.            پېقىر  ئاتىگاچىلىق قىلىپ قويدۇم ھە.  سەت بولدى

bexrik

	alipbay يوللىغان ۋاقتى  2012-11-2 12:03 AM مۇشۇ 1-قىتىملىق نەشرى بىلەن 2-قىتىملىق نەشرىنى مۇشۇنداق ... _دەستەك دېدىڭما؟ ئاڭلاپ تۇر، بىز ئاۋۋال ئۇ يەرنى كۈچ بىلەن بېسىۋالىمىز. ئاندىن  بولىدىغان پاكىتلاردىن كۇرمىڭنى ئويدۇرۇپ چىققىلى بولىدۇ. مەسىلەن، ئۇ يەردە بىزنىڭ تەۋەيىمىزدىن سودا-سېتىق ئۈچۈن بېرىپ، شۇ يەردە ئۆلگەن بىرەر سودىگەرنىڭ قەبرىسى، قاچاندۇر بىر چاغلاردا بىزدىن شۇ شەھەرگە ئېزىپ بېرىپ قالغان بىرەر ھاڭۋاقتىنىڭ ئۇنتۇلۇپ قالغان ئەسكى چاپىنى ياكى بىزنىڭ پادىشاھلىقىمىزدا قۇيۇلۇپ، قولدىن-قولغا ئۆتۈپ بىرەرسىنىڭ يانچۇقىدا شۇ شەھەرگە بېرىپ قالغان بىرەر تال پۇچۇق يارماق ياكى بولمىسا كىملەرنىڭدۇرشۇ يەرگە بېرىپ قايتىپ كەلگەندە يازغان خاتىرىلىرى دېگەندەك نەرسىلەرنى دەستەك قىلىپ تۇرۇپ بۇ ئوردىدىكى نانقېپى قەلەمكەشلەر شۇنداق تارىخلارنى يېزىشىدۇركى، ھېلىقى سەن كۆرۈپ كەلگەن شەھەرنىڭ ئېتى نېمىدا؟» دېگەن دېئالوگ2-نەشرى94-بەتكە:«-دەستەك دېدىڭما؟ ئۇرۇش دېگەنگە دەستەكنىڭ نېمە لازىمى؟ ئاڭلاپ تۇر، بىز ئاۋۋال ئۇ يەرنى كۈچ بىلەن بېسىۋالىمىز، ئاندىن ئوردىدىكى نانقېپى قەلەمكەشلەر بۇ توغرىسىداشۇنداق تارىخلارنى يېزىشقا باشلايدۇكى، ھېلىقى سەن كۆرگەن شەھەرنىڭ ئېتى نېمىدا؟»دەپ ئۆزگەرتىلگەن. 2_ نەشىردە بۇيەرلەرنى قىسقارتقانغا قارىغاندا . بۇ مۇھەرىرىلەرنىڭ ئىشىمىكىن  . مەن مۇشۇ قۇم باسقان شەسەر رومانىدەك روماندەك ئۇستىلىق بىلەن يىزىلغان تېخىچە يوق دەپ ئويلايمەن ، ھەم بۇ پىكرىمدە  چىڭ تۇرىمەن . مەنمتىمىن ھۇشۇر ئاكىغا بولغان ھۆرمىتىم بەكلا يۇقىرى .   ئۇكىشىگە تىنىچلىق تىلەيمەن . دەستەك بولىدىغان پاكىتلاردىن كۇرمىڭنى ئويدۇرۇپ چىققىلى بولىدۇ. مەسىلەن، ئۇ يەردە بىزنىڭ تەۋەيىمىزدىن سودا-سېتىق ئۈچۈن بېرىپ، شۇ يەردە ئۆلگەن بىرەر سودىگەرنىڭ قەبرىسى، قاچاندۇر بىر چاغلاردا بىزدىن شۇ شەھەرگە ئېزىپ بېرىپ قالغان بىرەر ھاڭۋاقتىنىڭ ئۇنتۇلۇپ قالغان ئەسكى چاپىنى ياكى بىزنىڭ پادىشاھلىقىمىزدا قۇيۇلۇپ، قولدىن-قولغا ئۆتۈپ بىرەرسىنىڭ يانچۇقىدا شۇ شەھەرگە بېرىپ قالغان بىرەر تال پۇچۇق يارماق ياكى بولمىسا كىملەرنىڭدۇرشۇ يەرگە بېرىپ قايتىپ كەلگەندە يازغان خاتىرىلىرى دېگەندەك نەرسىلەرنى دەستەك قىلىپ تۇرۇپ بۇ ئوردىدىكى نانقېپى قەلەمكەشلەر شۇنداق تارىخلارنى يېزىشىدۇركى، ھېلىقى سەن كۆرۈپ كەلگەن شەھەرنىڭ ئېتى نېمىدا؟» دېگەن دېئالوگ2-نەشرى94-بەتكە:«-دەستەك دېدىڭما؟ ئۇرۇش دېگەنگە دەستەكنىڭ نېمە لازىمى؟ ئاڭلاپ تۇر، بىز ئاۋۋال ئۇ يەرنى كۈچ بىلەن بېسىۋالىمىز، ئاندىن ئوردىدىكى نانقېپى قەلەمكەشلەر بۇ توغرىسىداشۇنداق تارىخلارنى يېزىشقا باشلايدۇكى، ھېلىقى سەن كۆرگەن شەھەرنىڭ ئېتى نېمىدا؟»دەپ ئۆزگەرتىلگەن. 2_ نەشىردە بۇيەرلەرنى قىسقارتقانغا قارىغاندا . بۇ تەھرىرىلەرنىڭ ئىشىمىكىن  . مەن مۇشۇ قۇم باسقان شەھەر رومانىدەك ئۇستىلىق بىلەن يىزىلغان رومان  تېخىچە يوق دەپ ئويلايمەن ، ھەم بۇ پىكرىمدە  چىڭ تۇرىمەن . مەمتىمىن ھۇشۇر ئاكىغا بولغان ھۆرمىتىم بەكلا يۇقىرى .   ئۇكىشىگە تىنىچلىق تىلەيمەن .

tax1

	fisherman يوللىغان ۋاقتى  2012-11-1 11:53 PM مەنمۇ تېخى مۇشۇ تەتىلدە 2-قېتىم ئوقۇپ چىقتىم . بىر باشلى ... جىلە بولماي ئوقۇپ چىقىڭ، قېرىندىشىم. «ئانا يۇرت»تەك ئەسەرلەرنى توپا بېسىپ قالسا، بىزنىڭ كەلگۈسىمىزنىمۇ توپا بېسىپ كېتىدۇ.

tax1

	ئەخمەد يوللىغان ۋاقتى  2012-11-1 11:54 PM يا ئاللا  راستلا كۆپ ۋاقىت كېتىدۇ جۇمۇ! بارىكاللا،مەن ئ ... «ئىز»، «ئويغانغان زېمىن»، « ئانا يۇرت» رومانلىرىنىڭ 1-نەشرىنىڭ «ئېلنۇسخا»سى بولسا يوللاپ قويۇڭلار. خۇدايىم بۇيرىسا، سېلىشتۇرۇپ ئوقۇپ چىقىشقا تىرىشىمەن. بۇنىڭدا مەنمۇ پايدا ئالىمەن، مۇنبەرگە يوللاپ قويسام، مۇنبەرداشلارمۇ پايدا ئالىدۇ. پەقەت بىرقىسىم «تويماس» كىتابپۇرۇشلارلا زىيان تارتىدۇ.