چىن دوستلۇق(كۆك ھىلال)

kukhelal

	تېلفۇن تۇرۇپكىسى ئۇنۇڭ قولىدىن چۈشۈپ،ئۇستەل ئۈستىگە ئۇرۇلدى.ھاڭ-تاڭ بولۇپ ،قاققان قوزۇقتەك تۇرۇپلا قالغان يالقۇننىڭ چىرايىدىن ھېچقانداق مەنا،پىسخىكا روشەنلىكىدىن ئەسەر يوق.پەقەت كۆز چانىقىدا لىغىرلاپ تۇرغان سۈزۈك شەبنەمدەك ئىككى تامچە ياش ۋوجۇدۇدىكى پۇتمەس قايغۇ-ھەسرەت،پۇشايمان،ئىزتىراپتىن گۇۋاھلىق بېرىدىغاندەك يالتىراپ تۇراتتى.ئۇ پۇت-قوللىرىغا كىشەن سىلىنغاندەك قەدەملىرىنى ئاران-ئاران يۆتكەپ مىڭ تەسلىكتە كارۋات ئۈستىگە بىرىپ ئولتۇردى.ئىككى تامچە ياش يۈزلىرىنى بويلاپ ئىڭەكلىرىدىن سىرغىپ چۇشتى.ئۇ ئەمدى ئۆزىنى راسلا تۇتىۋالالمىدى.ئۆزىنىڭ يۈزىگە زەردە بىلەن بىر تەستەك سىلىۋەتكەندىن كىيىن،ھۆركىرەپ يىغلىۋەتتى.ھاياجاندىن پۇتكۈل ئەزايى ياپراقتەك تىترەشكە باشلىدى.بىرھازادىن كىيىن ،تۇيۇقسىز بىر ئىش ئىسىگە كېلىپ قالغاندەك ئورنىدىن ئىرغىپ تۇردى دە،ئىككى يىلنىڭ ياغى ئىچىپ باقمىغان كارۋات ئاستىدىكى تۆمۈر قۇتىنىڭ ئاغزىنى ئاچتى.چىرايلىق كەشتىلەنگەن قول ياغلىق ئىچىدىن توق بىغىرەڭ سىياھ قەلەمنى ئالدىدە،باغرىغا باسقان پىتى يەنە ھۆركىرەپ يىغلاپ كەتتى.ئاق قولياغلىق ئۈستىگە كەشتىلەنگەن بىر جۈپ كىپىنەك ،مىھىر-مۇھەببەتنىڭ سىمۇۋلى بولغان توق بىغىرەڭ قەلەم ئۇنى 4 يىل بۇرۇنقى يىزا تۇرمۇشىغا ئىلىپ كەتتى. ***************************************************************** بۇلبۇللارنىڭ مەسخۇش ئاۋازلىرى بىلەن ئىلى دەرياسىنىڭ شاۋقۇن سۈرەنلىرى بىرلىشىپ ،تەبىئەتتە گۈزەل سىمفونىيە ياڭرىتىپ،سۇلغۇن كۆڭۈللەرگە ئارامبەخىش،بالىلىق خىياللارغا تاتلىق ئارزۇ،قەدىردانلار سۆھبىتىگە گۈزەل ئەسلىمە ئاتا قىلاتتى.تومۇز ئىسسىقتا ئىلى دەرياسىنىڭ نەمخۇش ھىدى خۇددى ھاۋا تەڭشۈگۈشتەك تەڭشەپ ،گۈزەل ئىلى ۋادىسىغا سالقىنلىق بىغىشلايتتى.مەيىن شاماللار ۋادىلاردىن ،ئورمانلاردىن ئەگىپ كىلىپ،قېرى سۆگەت ئاستىدا ئولتۇرغان يالقۇننىڭ يۈزلىرىنى سىيپاپ ئۆتتى. -ياق،سەن بارمىساڭ مەنمۇ بارمايمەن .گىپىم گەپ قاراپتۇر!-دىدى يالقۇن چىرايىغا جىددىي تۈس ئىلىپ. -ياق ئاداش،ئۆزەڭ بىلىسەن ئىككىلىمىزنىڭ ئائىلە شارائىتى ناچار.مىنىڭ ئاتا -ئانامنى قىينىغىم يوق.-ئەكبەر بىرخىل ۋەزىندە گىلىنى پات-پات قىرىپ قويۇپ سۆزلەشكە باشلىدى-مەن ئوقۇماي باشقا ئىش قىلساممۇ بولىدۇ.لىكىن سەن ئوخشىمايسەن.ئالىي مەكتەپتە ئوقۇش سىنىڭ ئارزۇيۇڭ.ئۇنۇڭ ئۈستىگە بىرسى ساڭا ياردەم قىلىدىغان بوپتۇ.ماڭا قارا،ئەگەر بارمىساڭ سىنىڭ يۈزۇڭگە ئىككىنجىلەپ قارمايمەن.مەندەك دوستۇڭنى ئۇنتۇپ كەت.-ئۇنۇڭ ئاخىرقى سۆزى كەسكىنلىك بىلەن ئىيتىلدى. ئەكبەر،مەن چوقۇم بارمايمەن.مىنىڭ ئورنۇمغا سەن بار.سەن مەكتەپ بويىچە ئەڭ ياخشى ئوقۇغان ،يەنە كىلىپ چاقىرىق كەلگەن مەكتەپمۇ نۇقتىلىق مەكتەپ.ئۆتۈنەي چوقۇم ماقۇل بول-دىدى يالقۇن. ئەكبەر يەنە گەپ باشلىدى: -كاللاڭنى قاغا چوقۇلۋالمىغاندۇ؟ئۇ ئادەمنىڭ كىمگە ياردەم قىلغۇسى بولسا شۇنۇڭغا ياردەم قىلىدۇ .سىنىڭ)ئەكبەرگە ياردەم قىلىڭ!)دىگىنىڭىزگە ماڭا ياردەم قىلارما!؟ بوپتۇ.مىنىڭ گىپىمنى ئاڭلىمايسەن،شۇنداققۇ؟سەنمۇ ئۆز يولۇڭغا ماڭ مەنمۇ ئۆز يولۇمغا ماڭاي-ئۇ قەتئىيلىك بىلەن ئورنىدىن تۇرۇپ مىڭىشقا تەمشەلدى. -ماقۇل تو‍ختا ئەكبەر !مەن ماقۇل بولاي.................. يالقۇننىڭ بوغىزىغا بىرنىم كەپلىشىپ قالغاندەك بولۇپ ،گىپىنىڭ ئاخىرىنى دىيەلمىدى.قاپقارا بۇلاق كۆزىدىن لىغىرلاپ تۇرغا ياش تامچىسىدا ئەكبەرنىڭ شاتلىق سىماسى ئەكىس ئىتەتتى.مۇرەككەپ ھىسياتلار بىلەن يۈرىكىگە تامغان مىھىر-مۇھاببەت شەربىتى قوشۇلۇپ،ئۇنى ئىنتايىن ھاياجانلاندۇرىۋەتكەن ئىدى. بىر ھەپتە ئۆتكەندىن كىيىن يالقۇن ئالىي مەكتەپكە ماڭدى.ئەكبەر ئىككىسى قۇچاقلىشىپ خوشلاشتى.مانا بۇ قولياغلىق بىلەن سىياھ قەلەم ئەكبەرنىڭ يالقۇنغا تۇتقان يولۇقى ئىدى. ************************************************************************** ئۇ ئويلىدى.ئىككى يىلنىڭ ياقى دوستىغا قىلغانلىرىنى ئويلىدى. )مەن ھازىر ئالدىراش كىيىن تىلفۇن بىرەي )دەپ قويىۋەتكەن تىلفۇنلىرىنى،ھەرقىتىم يۇرۇتقا قايىتقاندا،ئەكبەردىن قىچىپ ئۆز ئۆيىدە بىر ھەپتىمۇ تۇرمىغان كۈنلىرىنى ئىسىگە ئالدى .قانچە قىتىملاپ بۇ نازۇك دوستىغا توڭ تەككەنلىرىنى ئويلىدى. ئۇ ئۆزىدىن نەپرەتلەندى.نۇمۇس كۈچىدىن،خىجىللىقتىن ئىككى يۈزى شەلپەردەك قىزاردى.ئۇ ياشاشتىن ،بۇ دۇنيادىن قاتتىق بىزاربولدى.ئەتتىگەنكى تىلفۇندا سۆزلىگەن گۈلنۇرنىڭ ھەربىر سۆزلىرى يۈرىكىگە نەشتەر بولۇپ سانجىلماقتا ئىدى   .ئەكبەرنىڭ ۋاقىتسىزلا بۇ دۇنيادىن ئايرىلغانلىقىنى ئاڭلاپ گاڭگىراپ قالغان بولسا،نەچچە يىلنىڭ ياقى ئالىي مەكتەپتە ئوقۇتىۋاتقان كىشىنىڭ دەل ئۆزىنىڭ يىقىن دوستى ئەكبەر بولۇپ قىلىشى ئۇنۇڭ ئەس-ھوشىنى پۇتۇنلەي يوقاتقان ئىدى.چىداپ تۇرغۇسىز بىر ئاغرىق تاپىنىنىڭ ئاستىدىن كىرىپ بىشىدىن چىقىپ كەتتى.ئىچىنى تاتلاۋاتقان ئازاپقا،ئۆزىگە بولغان نەپرەت،ئۆتكەن ئىشلارغا بولغان پۇشايمان قوشۇلۇپ ،ئۇنى ئاسمانغا ئىلىپ چىقىپ يەرگە زەردە بىلەن ئىتىپ تاشلىدى.ئۇ ئۆز ئۆزىنى مەڭگۈ كەچۈرمەيدىغانلىقىغا شەكسىز ئىشەندى. ئۇ ھەقىقى مەنىدىكى مۇھاببەتنىڭ تەمىنى بۈگۈن دەل بۈگۈن تىتىدى.لىكىن بۇ مۇھاببەتنىڭ تولۇمۇ قىسقا تولۇمۇ ئازاپلىق ئىكەنلىكىنى قوبۇل قىلالمىدى.ئۇنۇڭ يۈرىكى قاتتىق نادامەت ئىچىدە پۇچۇلناتتى.كۆز ياشلىرى بولسا يىپى ئۈزۇلگەىن مارجاندەك تۆكۈلەتتى. ئۇ چىلىققىنە ھۆل بولۇپ كەتكەن ئاق كىرلىك ئۈستىدە ھەسرەت بىلەن تولغۇناتتى.ئىچ-ئىچىدىن چىقىۋاتقان بىر سادا ئۈنسىز ھالدا تاغلاردىن،جىرالاردىن،دىڭىز-ئوكيانلاردىن ئۆتۈپ جەننەتكە بارىدىغان يولدا ياپراقلارنىڭ،مەيىن شاماللارنىڭ پىچىرلاشلىرىغا قوشلۇپ كەتتى. مىنى كەچۈر.................. راستىنلا مىنى كەچۈر ،جىنىم دوستۇم......................

arkanaz

	پادا باققاندا دوست ئىدۇق ،ياڭاق چاققاندا ئايرلدۇق....

Umidim

	ئۆزىنى قاچۇرۇپ كىتىشلىرىنى خۇددى شىللىسىگە تۇز ئارتىپ قويىدىغاندەك . بىر قىتىم دەرس ئاڭلىغىلى بارغان مەكتەپتە تولۇقسىز ئىككىنچى يىللىقنىڭ بىر قىز ئوقۇغۇچىسى باشقىلار بىلەن «پۇشايمىنى»نى ھەمبەھىرلىنىش پىكىر پۇرسىتى كەلگەندە مۇنداق دىدى : باشلانغۇچتا سىنىپىمىزغا باشقا شەھەرلىك بىر قىز ئوقۇشقا كىردى ، يىڭى يۆتكىلىپ كەلگەن چاغدا مەنمۇ ئۇنىڭغا ياخشى مۇئامىلە قىلاتتىم ، ئۇمۇ ماڭا شۇنداق ياخشى مۇئامىلە قىلاتتى ، ئەمما مەن كۆڭلۈمدە ئۇنى« دوستۇم » دەپ ئويلىمايتىم .ئۆگىنىش نەتىجىمىز جىق پەرقلەنمەيتى ، بۇ سىنىپتا ئۇ تولاراق ماڭا گەپ قىلاتتى . شۇڭا ئۇنىڭغا بولغان ياخشى مۇئامىلەمنى مىجەزىمنىڭ ياخشىلىقىدىن كۆڭۈل بۆلۈپ قويغىنىم ، دەپ بىلەتتىم ؛ ئۇنىڭ ماڭا تۇتقان پوزىتسىيىسىنى بولسا  مىنىڭ قىلغانلىرىمغا جاۋاپ قايتۇرغىنى ، يالغۇز قېلىشتىن قورقۇپ ماڭا ئەتەي يىقىنلاشماقچى ، دەپ چۈشىنەتتىم . كىيىن تولۇقسىزغا چىققاندا ئىككىمىز ئىككى مەكتەپكە ماڭدق ، مەن يىڭى مەكتەپتە نۇرغۇن يىڭى دوستلار بىلەن تونۇشتۇم ، ئۇنىڭغا ئالاقىلىشىش ئۇچۇر قالدۇرمىغاچ ھەم ئۇنىڭ بەرگە تىلىفون نومۇرىنىمۇ تاشلىۋەتكەچ ئۇنىڭ بىلەن ئالاقەممۇ ئۈزۈلۈپ كەتكەن ئىدى . كىيىن ئۇ ئوقۇۋاتقان مەكتەپتىكى بىر ساۋاقدىشىمىز بىزنىڭ سىنىپقا كۆچۈپ كەلگەندە تاساددپىي ئۇنىڭ چ چ بوشلۇقنى ماڭا كۆرسىتىپ قويدى : ئۇنىڭ سۆز خاتىرىسىدە ئۇنىڭ مىنىڭ ئىسمىم بىلەن يىزىپ «بۇ مەكتەپتىكى دوسلىرىمنىڭ ئىچىدە مەن سىزنىڭ مىجەزىڭىزنى ئەڭ ياقتۇردۇم »«سىزدىن كۆپ نەرسىلەرنى ئۆگەندىم ، سىزدەك دوستۇمنىڭ بولغىنىدىن پەخىرلىنىمەن» «باشقا مەكتەپلەرگە كەتكەن بولساقمۇ سىزنى ئەسلەپ تۇرىمەن ، دوستۇم»...دېگەندەك ئاساسەن مىنى دوستى قاتارىدا كۆرگەن خاتىرىلەر تۇراتتى . ۋاقتىغا قارىسام ، بىز تىخى بىللە ئوقۇۋاتقان چاغدىلا يازغان ئىكەن . كۆرۈپ كۆزلىرىمگە يىغا ئولاشتى ، كۆڭلۈم بەك يىرىم بولدى ،ئۆزۈمنى ئۇنىڭغا يۈز كىلەلمەيدىغاندەك ھېس قىلدىم . ئويلاپ باقسام ، ئۇنىڭغا ياخشى مۇئامىلە قىلماپتىمەن ، ئۆزەمنىڭ ھالىغا باقماي ئۇنىڭدىن ئارتۇق گۇمان قىلىپ ، ئۇنىڭ بىلەن ئايرىلغاندىن بىرى مۇشۇ كەمگىچە ئىزدىشىپ باقماپتىمەن . ئۇنىڭ بىلەن بىللە ئوقۇغان چاغدا ئۇنىڭ قەدرىگە يەتمەپتىمەن ، ھازىر باشقىلار بىلەن ئۇنچىلىك ئاسان چىقىشىپ كىتەلمەيمەن ، ھەتتا قانچە قىلسىمۇ ئۇنىڭدەك ياخشى ، راستچىل مۇئامىلە قىلمايدۇ . ئەگەردە ئۇ يىنىمدا بولغان بولسىدى ئۇنىڭ بىلەن چوقۇم چىن دوست بولۇپ ئۆتەتتىم ، ئۇنىڭغا توڭلۇق قىلغانلىرىمغا كۆپ پۇشايمان قىلدىم ، ئەپسۇس ئاڭلىسام يىقىندا ئۇ ئەسلىدىكى شەھەرگە كىتىپتۇ ... مۇشۇلارنى دەۋىتىپ ئۇ قىز يىغلاپ كەتتى . باشقىلارمۇ بىر خىللا بولۇپ قالدۇق ، دەرستىن كىيىن ئەمدىلا تولۇقسىز ئىككنچى يىللىققا چىققان بۇ قىزنىڭ دوستلۇق توغرىسىدىكى سۆزلىرى توغرىسىدا مۇنازىرىلەر خىلى ئۇزۇن بولدى . ئادەملەر شۇنداق ئىكەنمىز ، گاھىمىز ھەتتا «ئەسسالامۇ-ئەلەيكۇم»دەپ قۇيغانغا ئىلىپ قاچارنى «دوستۇم » دەپ چۈشىدىغان ؛ ئادەتتە كۆزىمىزگە سىغمىسىمۇ ئېغىر كۈنلەردە ئەسقاتقان سوك-سوكلارنىڭ قەدرىنى قىلمايدىغان

tapalmidim

	كىچىك ۋاقتىمدا ماركىس بىلەن ئېنگىلىسنى يازغان «40 يىللىق دوسلۇق» نى ئوقۇپ بەك ھاياجانلانغان ،مەنمۇ بىرى بىلەن ئۇزاق يىل ھەققىي دوست بولىمەن دىگەن ،ھازىر ئويلىسام بالىلىقمدىكى گۆدەك خىياللىرىم قىزىق تۇيۇلىدۇ، ئەمما ھەققىي مېىھىر-مۇھەببەت ،چىن دوستلۇق ھاياتنىڭ گۈزەللىكى ،مەناسى دەپ قارايمەن.

ئۆل

	نىمدىگەن ئولۇغ دوستلىق بۇ ...ھازىر پۇل بىلەن دوسىت

Mrdon456

	ئۆل يوللىغان ۋاقتى  2012-11-2 12:44 AM نىمدىگەن ئولۇغ دوستلىق بۇ ...ھازىر پۇل بىلەن دوسىت راس دەيسىز.

پةرصم

	دوستلۇق ئەبەدى شىرىن مەسئۇلىيەت،ھەرگىزمۇ پۇرسەت ئەمەس!

AKELA

	دوست دوست دوست دەيدۇ               دوست قەدرىنى بىلمەيدۇ                    دوست قەدرىنى بىلگەندە                       كىچە كۇندۇز يىغلايدۇ

musilina

	دوستلۇق -ئۇ ئىشەنچ ، ۋاپا، مېھرى -مۇھاببەت ،ساداقەت ئۈستىگە قۇرۇلغان بولىدۇ... يالقۇن نېمە ئۈچۈن ئەكپەردىن ئۆزنى قاچۇرىدۇ،ئەكپەر نېمە ئۈچۈن ئۆزى ئوقۇماي يالقۇننى ئوقۇتىدۇ؟.... مۇشۇ نۇقتا چۈشىنىكسىز بولۇپ قاپتۇ....

kroran0911

	مەنمۇ دوستقا سادىق، ئۆتكەن يىلى مەنمۇ سىرداش دوستۇمدىن مەڭگۈلۈك ئايرىلدىم، بىر ئىش پەقەت ئىدىيەمدىن ئۆتمەيدۇ، ھازىر تورنىڭ ئۇچقاندەك تەرەققىي قىلىشىغا ئەگىشىپ كىيۇ كىيۇ دا دوستلىشىش مودا بولدى، لىكىن كۆپىنچە ھاللاردا ئوغۇللار بىلەن تونۇشۇپ ۋاي ئاداش ۋاي ئاداش دەپ ئاندىن كۆرۈشەيلى دىسە قارشى تەرەپ مەن ياكى قىزبالا بولمىسام نىمىشقا كۆرۈشىمىز دەيدىكەن، ئويلاپ بېقىڭلار ئەجىبا قىزلار بىلەنلا دوست بولۇش شەرتمۇ؟ ئوغۇللار تونۇشۇپ ئەل-ئاغىنە، بۇرادەر بولسا يامانمۇ؟ يەنە تېخى بەزى ئوغۇللىرىمىزنىڭ ئوقۇرى ئۈستۈن گەپقىلىپ بولغۇچە ئاغزىنى بۇزىدۇ ياكى يۇيىۋېتىدۇ، پەيغەمبىرىمىزمۇ دەپتىكەن مۆمىنلەر ئۆز-ئارا ئەل-ئاغىنە، دوست بولۇپ ئۆتۈڭلار دەپ، قېرىنداشلىرىم، تۇققانلىرىم بىز ھەممىمىز ئۇيغۇر، تىلىمىز بىر، دىلىمىز بىر، دىنىمىز بىر ئۆز-ئارا قەدرىمىزنى قىلايلى، گەرچە ھەممىمىزنىڭ يۇرتلىرى باشقا يەردە بولسىمۇ، لېكىن يىلتىزىمىز بىر، ئادەم ئەتكەنگە تازىم ئەت دېگەن گەپ بار. شۇڭا دوست بولۇپ يېقىن ئۇرۇق-تۇققاندەك ئۆتەيلى، مېنىڭ بولسا يۇرتىمىزدىكى ھەممەيلەن بىلەن تونۇشقۇم كېلىدۇ.