ھەجگە بارغانلارنى چوقۇم‹‹ھاجىم››دەمدۇق؟

Hidayet

	ئىسلامدىكى بەش فەرزنىڭ ئىچىدە خۇدانى بىر دەپ ئىمان ئېيتىش،بەش ۋاق ناماز ئوقۇش،رامىزان روزىسى تۇتۇش قاتارلىق ئەمەللەر مەيلى باي بولسۇن ياكى كەمبەغەل بولسۇن،خاھى شاھ بولسۇن ياكى پۇقرا بولسۇن ھەر قانداق مۇسۇلمان ئاتالغان كىشى ئۈچۈن قىلمىسا بولمايدىغان مەجبۇرىيەت ئەمەللىرىدۇر.بىراق زاكات بېرىش،ھەج قىلىش قاتارلىق ئەمەللەر بولسا ئىقتىسادىي ۋە باشقا شارائىتى يار بەرگەن كىشىلەر ئۈچۈن فەرزدۇر.نامراتلارغا فەرز ئەمەستۇر.    ئۇنداقتا ئۇيغۇر جەمئىيىتىدە ھەج قىلغۇچىلارنىڭ روھىي-دۇنياسى ۋە ئىش ئەمەلى قاندق بولۇۋاتىدۇ؟كېسىپ ئېيتىشقا بولىدۇكى،تاماخورلۇق،مەنمەنلىك،تەكەببۇرلۇق،رىياكارلىق ئاساسىي ئېقىمدا بولۇپ كېلىۋاتىدۇ.مەسىلەن:ھەجگە مېڭىشنىڭ ئالدىدا ئالايىتەن چاي بېرىپ سورۇن ھازىرلاپ داۋراڭ سېلىش شۇ ئارقىلىق يېقىن-يورۇقلاردىن سوغا-سالام ياكى پۇل-پىچەك ئۈمىد قىلىشلار، ھەرەمدىن قايتىپ كەلگەندىن كېيىن باشقىلاردىن ئۆزىنى<<ھاجىم>>دەپ ئاتاشنى تەلەپ قىلىپ،ئىسمىنىڭ كەينىگە<<ھاجىم>>ئاتالغۇسىنى قوشماي چاقىرغانلارغا غۇم ساقلاشلار،مەسجىدلەرگە كىرگەندە بۇرۇنقى ئاق داكا سەللىسىنىڭ ئورنىغا رەڭلىك قىزغۇچ سەللە ئوراپ ئۆزىنى باشقا جامائەتتىن پەرقلەندۈرۈپ تۇرۇشلار،نەزىر-چىراق،توي-تۆكۈنلەردە باشقىلارنىڭ ئۆزىگە ئالايىتەن ھۆرمەت كۆرسىتىپ تۆرنىڭ ئوتتۇرىسىغا باشلاشنى ئارزۇ قىلىشلار،تۆت ئادەم ئولتۇرغان سورۇندا ئۆزىنىڭ ھەرەمدىكى ئىش-پائالىيەتلىرىنى پەش قىلىپ ئاغزى-ئاغزىغا تەگمەي ماختىنىشتىن ھوزۇرلىنىشلار...بىزلەرگە ئەجەبلىنەرلىك تۇيۇلمايدىغان بولۇپ قالدى.يېقىندا مەن ئاڭلىغان بىر ئىش مېنىڭ ھەيرانلىقىمنى يەنىمۇ ئاشۇردى:ئىككى خوشنا بولۇپ مۇناسىۋىتى ئانچە ياخشى ئەمەسكەن،يان خوشنىسىنىڭ ھەرەمگە بارماقچى بولغانلىقىدىن خەۋەر تاپقان بۇ كىشى جىددىيلىشىپ قاپتۇ-دە دەرھال بالا-چاقىلىرىنى يىغىپ ئائىلە مەجلىسى ئېچىپتۇ:<<بالىلىرىم مەن تۆتىڭلارنى كىچىكىڭلاردىن مىڭبىر جاپا-مۇشەققەتتە بېقىپ چوڭ قىلدىم،ئىشقا ئورۇنلاشتۇردۇم،ئۈچىڭلارنىڭ تويىنى قىلىپمۇ قويدۇم.مانا بۈگۈن سىلەرنىڭ ماڭا قايتۇرىدىغان كۈنۈڭلەر كەپتۇ.مۇشۇ يېنىمىزدىكى ھاپىز لەقۋادەك دۈشمىنىمىز ھەرەمگە بارماقچىكەن،مېنىڭ ئۇ ساراڭدىن نەرىم كەم؟ئەجىبا سىلەر داداڭلارنىڭ شۇ ھاپىزچىلىك بولالماي خەقنىڭ مەسخىرىسىگە قېلىشىغا قاراپ تۇرالامسىلەر؟بىر ئامال قىلىپ ماڭا30مىڭ كوي تەييارلاپ مېنى ھەرەمگە بۇ يىللا يولغا سېلىڭلار بولمىسا مەن سىلەرنى بېقىپ چوڭ قىلغىنىمغا رازى ئەمەس>>دەپ بالىلىرىغا بېسىم ئىشلىتىپتۇ.بىچارە بالىلارنىڭ ئىقتىسادىي ئەھۋالىمۇ تايىنلىق بولغاچقا كىچىك ئىنىسىنىڭ تويىنى ئىككى يىل كەينىگە سۈرۈپ تويغا ئىشلەتمەكچى بولغان پۇلنى ئېلىپ يەتمىگەن يېرىگە قەرز قىلىپ يول مېڭىپ مىڭبىر جاپادا دادىسىنى ھەجگە ماڭدۇرۇپتۇ.ئىككى يىلغىچە ئۈچ بالا پۇل يىغىپ ئىنىسىنى بىر ئامال قىلىپ ئۆيلەشكە ۋەدىلىشىپتۇ....بۇنداق مىساللار ئۇيغۇر جەمئىيىتىدە ئاز بولمىسا كېرەك...    خوش،ئەمدى ئەسلى تېمىغا كەلسەك، ھەج قىلىپ كەلگەن كىشىلەرنى چوقۇم<<ھاجىم>>دىيىشىمىز كېرەكمۇ؟پەيغەمبىرىمىزنىڭ ئۆزى ھەم ساھابىلەر سانسىز قېتىم ھەج قىلغان-يۇ،بىراق كىتابلاردا بىرەرسىنىڭ<<ھاجىم>>دەپ ئاتالغانلىقى ئۇچرىمايدۇ.ئەگەر بىز مۇشۇ مەنتىقىگە ھەممە فەرز ئەمەللەرنى سالىدىغان بولساق مۇنداق بىر كۈلكىلىك نەتىجە كېلىپ چىقىدۇ:ئەمەت ناماز ئوقۇسا ئۇنى<<ئەمەت نامازى>>،سەمەت روزا تۇتسا<<سەمەت روزائى>>مەمەت زاكات بەرسە<<مەمەت زاكاتى>>...دەپ ئاتىلىىشى كېرەك.شۇنداق بولغانىكەن،ھەجگە بارغۇچىلارنى ئالايىتەن ئۇلۇغلاپ<<پالانچى ھاجىم>>دىيىشىمىزنىڭ ھىچقانداق زۆرۈرىيىتى يوق.ئۇ ناماز ئوقۇسا،ئۆزى ئۈچۈن ئوقۇدى،زاكات بەرسىمۇ ئۆزىنىڭ قىيامەتلىك ھىسابىنىڭ ھۆددىسىدىن چىقىش ئۈچۈن بەردى شۇنداقلا ھەج قىلسىمۇ ئاخىرەتلىك ئىشلىرىنىڭ ئاسان بولۇشى ئۈچۈن،ئاللاھ ئۇنىڭغا شۇنچىلىك بايلىقلارنى بەرگەنلىكى ئۈچۈن،گەدىنىگە ھەج فەرز بولۇپ چۈشكەنلىكى ئۈچۈن ھەرەمگە باردى.ئاللاھ رىزالىقىدىن باشقا ھەر قانداق غەرەزنى مەقسەت قىلغان ئەمەل مەقبۇل ئەمەستۇر. بۇنىڭدىن سىرت <<شۇشەن ھاجىملار>>ۋە<<قاپاق پىجۇ ھاجىملار>>مۇ ھەج قىلغان دىيانەتلىك ھاجىلارنىڭ شەنىگە داغ كەلتۈرمەكتە.    خۇللەس كالام،شارائىتىمىز بولغانلىرىمىز ھەج قىلايلى،بىراق چىن ئىخلاسىمىز بىلەن پەقەت ئاللاھ رازىلىقى ئۈچۈن قىيامەتنىڭ كىچىكلىتىلگەن مەيدانى بولمىش-ئىككى ھەرەمگە ئىبرەت ئالغىلى،تېخىمۇ تەقۋالىقىمىزنى ئاشۇرغىلى،قايتىپ كەلگەندىن كېيىن يەنىمۇ كىچىك پېئىل،كەمتەر ئالىيجاناب بولۇپ مۇسۇلمانلارنىڭ جۈملىدىن ھاجىلارنىڭ ئوبرازىنى يۈكسەلدۈرگىلى بارايلى!    مەنبە:ئالىملار سۆبىتىدىن.30-ئۆكتەبىر شەھرى ئۈرۈمچى.

miradil-212

	ساياھەتچى ھاجىلا

aptap104

	ھەرەمگە بىرىش پەرىز ، ئەمما كۆڭلىدىكى ئارزۇ ئارماننى قايرىپ قويۇپ ھەرەمگە بارسا بولمايدۇ دەپ ئاڭلىغان . ھەرەمگە باردىغانلارنىڭ شەرتى بەك كۆپ . ھازىر دىيارىمىزدىكىلەرنىڭ شەرتى توشمايدۇ . ئەگەر ماڭا ھازىر ھەرەمگە بىرىش پۇرسىتى كەلسە ، ئاۋال بىشىدا مىسىرغا باراتتىم . ئاندىن ئافرىقىغا باراتتىم .  دۇنيانى چۈشۈنۈپ - دۇنيانى ھىس قىلىپ بولۇپ ئانىدىن باراتتىم . ئەكىسچە ھەرەمگە بىرىپ يىنىپ كەلسەم ، بۇ يەردە چوقۇم مۇسۇلماننىڭ يۈزىنى چۈشۈرۈپ قويىمەن . ئىسلامنىڭ نىمىلىكىنى بىلمەي ھەرەمگە بىرىپ كەلگەندىن ، ئاۋال چۈشۈنۈپ ، تىنساممۇ تىنىقىمدىن ئاللاھقا ھەمدۇ سانا ئىيىتقۇدەك بولغان چاغدا ، ئەمەل بىلەن نىيەتنى بىرلەشتۈرۈپ دۇرۇس بولغاندا بارسام ئارمانسىز كىتىمەن . بەزى كىشىلەر ھەجگە پەقەت ئەمىلىنىلا ئىلىپ باردۇ ، بەزى كىشىلەر نىيىتىنى ئىلىپ باردۇ . قوسقى ئاچقان ئادەم قوسقۇم ئاچ دەپ ئولتامايدۇ ، تاماق ئىتىپ ، قوساقنى توقلايدۇ ، شۇنىڭدەك نىيەت يۈرەكتە بولسا ، ئەمەل بولىدۇ . ئەمەل ئۆپكىدە بولسا ، ئەمەل بولمايدۇ . ئەمەل قولنىڭ ئۇچىدا بولسا ، نىيەت يانچۇقىدا بولىدۇ .   مۇشۇنداق ئادەملەربەك تولا ، نىيەت ئەلا دەپ يۈردىغان .   ئۇنداق بولدىغان بولسا نامازنى نىيەت بىللەنلا ئوقۇسا بولدىكەندە ، ئەمەلنى قىلىپ بەش ناماز ئوقۇپ يۈرگەن بىلەن نىيەت بولمىسا بولماس . نىيەت دىگەن ئاللاھنىڭ قىياممەتتە بىزنى سوراق قىلدىغانلىقى كۆزلەپ ئاللاھدىن ھەقىقىي قورقۇش ، تونۇش ، بۇيرىغاننى قىلىش .      ئەمەل دىگەن قىل دىگەننى قىلىش ، ئاللاھنىڭ قانۇنىدىن چىقماسلىق .... بولدىلا ھازىر فۇيىن موللاملار بەك كۆپ شۇلاردىن ئۇققىنىڭلار ياخشى

XERHAN

	بۇرۇنلاردا ھاجىم دىگەن ئاتالغۇ بەك ھەيۋەت ، مۇقەددەس ئاڭلىناتتى ھازىر ئادەتتىكىچىلا ئاڭلىنىدىغان بولۇپ قالدى چۈنكى ھەجنى ۋەزىپە ئۈچۈن ئۆتەيدىغان ۋە ھەج قىلغاندىن كىيىن ئەتراپىدىكىلەرگە ئەخلاق ، پەزىلەت جەھەتتە ئۈلگە بولمايدىغانلار كۆپىيىپ كەتتى .

1670154432

	دىمىسىمۇ بۇ ھازىر ئەتىراپىمىزدىكى نورمال ئىش بۇلۇپ قالدى ،كىمنىڭ ھەجى قۇبۇل بولدى؟كىمنىڭ قۇبۇل بولمىدى ؟ بۇنى بىلگۇچى بىر ئاللاھ .سۆزلەپ كەلسەك بىر ئىككى مىسال بىلەن تۇگەتكىلى بولمايدۇ ،ئەڭ ياخشىسى ھەمىمىزنىڭ كۆڭلىگە ئىنساپ تىلەيلى ،بولسا ھەمىمىزگە شۇ كۇن نىسىپ بولسۇن.

ئۆل

	بۇ يىلقى ھاجىمكام ،ھاجىمخانلا كېلىپ بولغاندۇ ھە ....زەم زەم سۈيى دەپ يەنە تەسۋىي دەپ شۇ تەرەپتىن ئەپ كېلدىغان ئوخشايدۇ دىسەم ئۇنداق ئەمەسكەنغۇ ؟ ئۆزى تەرەپتىن سېتۋالدىكنا ؟ بۇ تەرىپى مىنى بەكلا ھەيران قالدۇرىدۇ ..

abdulahad7

	قوللايمەن ، ھاجى دېيىشنىڭ قىلچىلىكمۇ ھاجىتى يوق ، ھاجى دېيىش شۇ كىشىنى كىبىرگە باشلاپ قويىدۇ، ھاجى دىمىسە ئاچچىقلىنىشى بۇنىڭ بىر ئىسپاتى.

bugra802

	abdulahad7 يوللىغان ۋاقتى  2012-10-31 03:11 PM قوللايمەن ، ھاجى دېيىشنىڭ قىلچىلىكمۇ ھاجىتى يوق ، ھاجى ... ھاجىم دىمىسەك ھاجىملار نىمە دەيدىكى،قېنى ھاجىملار بولسا گەپ قىلمامسىلەر؟

bugra802

	ھاجىم دىمىسسەكمۇ بولىدۇ