مەن تۈنۈگۈن كەچتە ئۆلۈپ كەتمىدىم....

oyqan0999

	ئۆلۈم ئۇ يوقىلىش ئەمەس.ئۇ پەقەت مەڭگۈلۈك ھاياتقا ئىرىشىش.يەنى اللەنىڭ رىزاسىغا ئېرىشكەنلەر ئۈچۈن.

19920303

	بەك ياخشى كىرىشتۈرۈپسىز      بىر  مىنۇتنىمۇ   قەدىرلىشىمىز   كىرەك

bugaltir

	تۈنۈگۈن ھايات قالغانلىقىڭىز  ، ئاللاھنىڭ سىزگە بەرگەن پۇرسىتىدۇر   .

سۇمەييا

	ئاللاھ  رەھمەت قىلسۇن.ئەجرىڭىزگە تەشەككۇر.

hanefa

	ئەسسالامۇ ئەلەيكۇم قېرىندىشىم ،  ماشىائاللاھ  سزگە    ياخشى  كىرىشتۇرۇپسىز . مۇمكىن بولسا بىزگىمۇ مۇشۇنداق تىخنىكىنى ئۆگىتىپ قويسىڭىز  بەك ياخشى بولاتتى .

bugaltir

	ئۆلۈم – ئىنساننىڭ بىلىش ئېڭى ۋە قۇدرىتىدىن ھالقىغان، ئىنسان قارشى      تۇرالمايدىغان، ئۆزگەرتەلمەيدىغان ئوبىكتپ مۇقەررەرلىك. ئۆلۈم – ئادەم ئەلەيھىسسالام ۋە ئۇنىڭ ئەۋلادلىرىنىڭ يەر يۈزىدىكى ھاياتلىق مەنزىلىنىڭ ئاخىرقى پەللىسى. ئۆلۈم ئادەملەرنى قەسىرلەردىن قەبرىلەرگە، يورۇق دۇنيادىن زۇلمەت قاراڭغۇلۇققا يۆتكەيدىغان ۋەھىمىلىك سىر. ئۆلۈم ھاياتلىق جۈملىسىگە ئۇرۇلغان چېكىت. بۇ چېكىتنىڭ كەينىگە ئىلاھى ھۆكۈم بىلەن ھايات – مامات ھەقىقەتلىرى يوشۇرۇنغان. ئۆلۈم ئەزەلدىن ئىنسانىيەتنىڭ ئېڭى ۋە تەپەككۇرىدا ، دىنلارنىڭ ئېتىقاد - ئەقىدىلىرىدە ، پەلسەپە ئىلمى تەتقىقاتىدا چوڭقۇر ئىزىنى قالدۇرۇپ كەلدى. ئۆلۈمگە يۈز تۇتقان ئادەمنىڭ ھاياتنىڭ قىممىتىنى ھېس قىلىشى پەقەتلا بىر ئىپتىدائىي تۇيغۇ. ھالبۇكى بۇ تۇيغۇنىڭ كەينىدە جاۋاب بېرىشنى كۈتۈپ تۇرغان تېخىمۇ ماھىيەتلىك سوئاللار بار.            ئۆلۈم ۋەھىمىسى قەلبىمىزگە سايە تاشلىغاندا بىز شۇنداق دەيمىز.ئۆلۈم پۈتۈنلەي يوقىلىشمۇ؟ ئەجەبا ئىنسان ۋە ئۇنىڭ ھاياتلىق ھېكايىسى مۇشۇ دۇنيادىلا ئاخىرلىشامدۇ؟ ياخشىلار ئەجىرىگە لايىق مۇكاپاتقا ئېرىشەلمىگەن، مەزلۇملار ئەنتىنى ئالالمىغان ، يامانلار جازاسىنى تارتماي،ئەكسىچە خاتىرجەم ياشاپ ئۆتكەن ھالەتتە ھاياتنىڭ ئاياقلىشىشى ئەقىلگە سىغامدۇ؟ ياكى ئاللاھ قۇرئان كەرىمدە كاپىرلار تىلىدىن ئېيتقان «بىزنىڭ مۇشۇ دۇنيادىكى ھاياتىمىزدىن باشقا ھايات يوقتۇر، بىز ئۆلۈمىز ۋە تىرىلىمىز (يەنى بىر تەرەپتىن ئۆلۈپ قايتا تىرىلمەيمىز) » (سۈرە مۆئمىنۇن 37-ئايەت) دېگەندىكىدەك بولامدۇ؟ ئۆلۈمنى ئۈزۈل  - كېسىل ھالاكەت دەپ چۈشەنگەن كىشىلەر قاراڭغۇلۇق ، چۈشكۈنلۈك پاتقىقىغا پاتتى. ئۆزىنى «روھىيەت تەربىيىچىسى» دەپ ئاتاپ، پۈتۈن ھاياتىدا كىشىلەرنى غەم – قايغۇنى چۆرۈۋېتىپ خۇشال ياشاشقا ، چۈشكۈنلەشمەسلىككە ئۈندىگەن دالى كارنىكتەك تالاي بىچارىلەر ئۆزىنى ئۆلتۈرۈۋېلىشنى بارلىق مەنىسىزلىكتىن قۇتۇلۇشنىڭ بىردىنبىر يولى قىلىپ تاللىۋالدى. ھالبۇكى پەيلاسوپلار، دوختۇرلار بىر ئۆمۈر ئىزدىنىپمۇ بىلەلمىگەن نەرسىنى ئىمان بىلەن دىلى يورۇغان مۆمىن خاتىرجەملىك ئىچىدە بىلىۋالدى.            ئىنسان بىكاردىن بىكار يارىتىلمىغان. ئۇنىڭ يارىلىشى، ياشىشى، ئۆلۈشى ۋە ئۆلۈمدىن كېيىنكى يېشىمىدە چوڭقۇر ھېكمەت ۋە ئۇلۇغ مەقسەت بار. ئىسلام ئەقىدىسىگە سىڭىپ كەتكەن ئۆلۈم ۋە ئاخىرەت ھاياتى مۇكەممەل سېستىما ۋە كۈچلۈك پەلسەپىۋى مەنتىقە ھاسىل قىلغان. ئىسلام سايىسى ئاستىدىكى ئۆلۈم، قەبرە ھاياتى، قىيامەتنىڭ ئالامەتلىرى،قىيامەت كۈنىنىڭ ئەھۋاللىرى، جەننەت نېمەتلىرى، دوزاخ ئاۋازى – مانا بۇلارنىڭ ھەر بىرى ئىبرەت ۋە ھېكمەت شولىلىرى پارلىغان مۇپەسسەل ئىلىم. قاراپ بېقىڭ! بۈگۈنكى ئادەم ھاياتى دۇنيانى ئۆزىنىڭ ئەڭ چوڭ غېمى ۋە ئاخىرقى نىشانى قىلىۋالدى. دۇنياغا بولغان زىيادە ھېرىسمەنلىك ئازراقمۇ بوش قويمىغان ھالدا ئۇنىڭ نەپسىنى ئىگىلەپ كەتتى.ئۆلۈم ۋە قىيامەت ئۇنىڭغا تولىمۇ يىراقتىكى ئىشتەك بىلىندى. «كىشىلەرگە ئۇلارنىڭ (ئەمەللىرىدىن) ھېساب ئېلىنىدىغان ۋاقتى (يەنى قىيامەت)  يېقىنلاشتى . ھالبۇكى ئۇلار غەپلەتتىدۇر، (قىيامەت توغرىلىق ئويلىنىشتىن) يۈز ئۆرۈمەكتىدۇر.» (سۈرە ئەنبىيا 1-ئايەت)            ئۆلۈمدىن سوزۇلغان ئاخىرەت ھەقىقەتلىرىدىن ھايات ھەقىقەتلىرى چاقنايدۇ. ئۇلۇغ ئاللاھ ھەربىرىمىزنى ئۆلۈم ۋە ئاخىرەت ھەققىدە سوراش ، سۆزلەش ، تەپەككۇر قىلىش ۋە بىلىش بەختىدىن نېسىۋىدار قىلغاي! ئاللاھتائالا بىزنى قىيامەت كۈنىدىكى ئېغىر ھېسابتىن ئىلگىرى دۇنيادا ئۆزىدىن ھېساب ئالىدىغان ، تەقۋادارلىق ۋە ياخشى ئىشلارنى ئاخىرەتلىك سەپەرنىڭ ئوزۇقى قىلغان سائادەتمەنلەردىن بولۇشقا مۇيەسسەر قىلغاي!

bugaltir

	مۇسا ئەلەيھىسسالامنىڭ ‹‹ئى رەببىم ،ئىنسانلارنى ئۆلتۈرىدىكەنسەن ،نىمىشقا ياراتتىڭ ؟دەپ سورىغانلىقى، بىر كۈنى موسا ئەلەيھىسسالام ئۆلۈم ھەققىدە ئويلاپ قاپتۇ .جانابى   ‹‹ئى رەببىم ،ئىنسانلارنى بەرىبىر ئۆلتۈرىدىكەنسەن ،ئۇلارنى نىمىشقا ياراتتىڭ ؟››دەپ سوراپتۇ .   ئاللاھ تائاللاھ مۇسا ئەلەيھىسسالامنى بۇغداي تېرىشقا بۇيرۇپتۇ . موسا ئەلەيھىسسالام :بۇغداي تېرىپتۇ .ئوغۇتلاپتۇ ،سۇغىرىپتۇ .بۇغدايلار پىششىپ خامان ۋاقتى يېتىپ كەپتۇ .خامان ئېلىپ ،بۇغداينى بىر يانغا ،سامانلارنى بىر ياققا دۆۋىلەپتۇ . ئاللاھ تائاللا مۇسا ئەلەيھىسسالامدىن ، -ئى موسا ،نىمە ئىش قىلىۋاتىسەن ؟دەپ سوراپتۇ .مۇسا ئەلەيھىسسالام   -ئى ئاللاھ خامان ئالدىم ،بۇغداينى ساماندىن ئايرىۋاتىمەن  دىيىش بىلەن ئاللاھ تائاللاھ :   -مەندىن سورىغان سۇئالنىڭ جاۋابى مۇشۇ يەردە ،ئى مۇسا! ئۆلۈم خۇددى خامانغا ئوخشايدۇ ،بۇغداي ساماندىن قانداق ئايرىلسا ،ئۆلۈم ئارقىلىق ياخشى ئىنسانلار بىلەن يامان ئىنسانلار ئايرىلىدۇ .يەنە بىر -بىرىدىن پەرقلەندۈرۈلىدۇ .   جانابى ھەق سۈرە مۈلك 2-ئايەتتە : ‹‹ئاللاھ سىلەرنىڭ قايسىڭلارنىڭ ئەمەلىي ئەڭ ياخشى ئىكەنلىكىنى سىناش ئۈچۈن ،ئۆلۈمنى ۋە تىرىكلىكىنى ياراتتى.››دىگەن .

ELQIN

	ياخشى كېرىشتۈرۈپسىز

ELQIN

	ياخشى كېرىشتۈرۈپسىز

nazila998

	ئاللاھ رەخمەت قىلسۇن ، بەك ئىسىل تىمىدىن بىرنى يوللاپسىز