ئاپتوبۇستا كۆڭلى ئېلىشىدىغانلار ئۈچۈن

0997zumrat

	ئاپتوبۇستا كۆڭلى ئېلىشىدىغانلار ئۈچۈن    قانداق يېمەكلىكلەرنى يېگەندە ئاپتوبۇستا باش قېيىش، كۆڭلى ئېلىشىشتىن ساقلانغىلى بولىدۇ؟ بۇنداق ئەھۋالغا دۇچ كەلگەندە دورا يېيىنىڭ ھاجىتى يوق. تۆۋەندىكى يەتتە تۈرلۈك يېمەك –ئىچمەكنى يېگەندە ، بۇ خىل ھالەتنىڭ ئالدىنى ئالىدۇ.      1- تۈگۈنەك قىچا . بەزىلەر سەپەردە بىر- ئىككى بولاق تۈگۈنەك قىچا ئېلىۋېلىشنى ياخشى كۆرىدۇ، بۇ ئىشتىھانى ئېچىپلا قالماستىن، ھارغىنلىقنى تۈگۈتىدۇ، شۇنداقلا ئاپتوبۇستا كۆڭلى ئېلىشىدىغانلارنىڭ ئۈنۈملۈك دورىسى ھېساپلىنىدۇ.     2- ئاپېلىسىن شۆپىكى .  ئاپتوبۇسقا ئولتۇرۇشتىن بىر سائەت ئىلگىرى يېڭى ئاپېلىسىن پوستىنى بۇرۇنغا ئۇدۇللاپ سىقسا، ئۇنىڭدىن پۇراقلىق مايسىمان شىرنە چىقىدۇ، بۇ كۆڭلى ئېلىشىشنىڭ ئالدىنى ئالىدۇ.     3- زەنجىۋىل .  ئاپتوبۇسقا چىققاندا يېڭى زەنجىۋىلنى پارچىلاپ، خالتىغا قاچىلاپ، پۇراپ بەرسە، كۆڭلى ئېلىشىشنىڭ ئالدىنى ئالغىلى بولىدۇ.     4- ئاچچىقسۇ . ئاپتوبۇسقا چىقىشتىن ئىلگىرى بىر ئىستاكان ئىلمان قايناق سۇغا بىر نەچچە تېمىم ئاچچىقسۇ قوشۇپ ئىچىۋەتسە، سەپەر جەريانىدا كۆڭلى ئېلىشمايدۇ.    5- لىمون بىلەن زەيتۇن . ئاپتوبۇسقا چىققاندىن كېيىن شۆلگەي كۆپ مىقداردا ئاجىرلىپ چىقىدۇ ھەمدە كۆڭلى ئېلىشقاندەك بولىدۇ. لىمون بىلەن زەيتۇن تاننىك كىسلاتا ئاجىرتىپ چىقىرىدىغان بولۇپ، ئېغىز بوشلىۇقىنى قۇرغاقلاشتۇرىدۇ، شۇڭا كۆڭلى ئېلىشقاندا زەيتۇن ياكى لىمون يەپ بەرسە، كۆڭلى ئېلىشىشنى باسىدۇ.    6- سودا سېلىنغان پىرەنىك .  گەرچە سودا سېلىنغان پىرەنىك شۆلگەي ئاجىرتىشنى چەكلىيەلمىسىمۇ، بىراق ئاشقازانغا كىرگەندىن كېيىن سۇيۇقلۇقنى سۈمۈرۈشكە باشلايدۇ ھەمدە كۆڭلى ئېلىشىشنى توختىتىدۇ .    7- كوكا- كولا ۋە مىۋە شەربىتى .  بۇ ئىككى خىل ئىچىملىك بالىلارنىڭ ئاپتوبۇستا كۆڭلى ئېلىشىشنىڭ ئالدىنى ئالىدۇ. ئاپېلىسىن ۋە ئالما شەربىتىنىڭ ئۈنۈمى بىر قەدەر ياخشى.   مەنبە : « شىنجاڭ قانۇنچىلىق گېزىتى» 2012- يىلى 15- ئۆكتەبىر سانى

atlan028

	ھەقىقەتەن بىلىۋىلىشقا تىگىشلىك ئىشلار ئىكەن، سىناپ باقساق بولغۇدەك

zumrettash

	بىلىۋېلىشقا تىگىشلىك بىلىملەر ئىكەن.....مەن ئۇزۇن يوللۇق سەپەرلەردە ماشىنىنىڭ كەينىدە ،ئاخىرىدىكى ئورۇنلاردا ئولتۇرۇپ قالسام،كۆڭلۈم ئېلىشىپ كېتىدۇ،باشلىرىم قېيىپ........رەھمەت سىزگە...

yulgunjay

	ھەقىقەتەن بىلىۋىلىشقا تىگىشلىك ئىشلار ئىكەن،

bugaltir

	بەزى گاز پۇرايدىغان ماشىلارغا  چىقىپ قالسام  ، مەنمۇ بىئارام بولىمەن  . بۇ تېمىدىكى ئۇسۇللارنى سىناپ باقسام بولغۇدەك  .

albeini

	مىنىڭ بەكلا ئىلىشىدۇ جۇمۇ بولۇپمۇ تاكسىغا چىقساممۇ ئېلىشىدۇ ! مۇھىم تېمىكەن

musilina

	بىلىۋېلىشقا تېگىشلىك مۇھىم بىلىمكەن،چوقۇم سىناپ باقىمەن..... ئەجرىڭىزگە تەشەككۈر... شەنبە كۈنى كۆرگەن بولسامچۇ بۇ تېمىنى،بايغا بېرىپ بولغۇچە ئاپتوبۇستا  كۆڭلۈم ئېلىشىپ،بېشىم قېيىپ شۇنداق بىئارام بولدۇم،.....

ئالماس

	ئىسىل تېما

zikriya

	مەنلا بىلىۋالىدىغان ئىشلار كەنا،مەن كۈندە دىگۈدەكلا ئۇياق بۇياققا چاپىمەن ماشىنىدا ئولتۇرۇشلا بەك تەس كىلىدۇ كۆڭلۈم ئىلىشىپ بەكلا قىينىلىمەن بۇلارنى مەن ئەتىلا سىناپ باقمىسام