ئىچكىرىدە ئىشلەنگەن مۇسۇلمانچە مەھسۇلاتلارغا قانداق قارايسىز

ehrami

	ئىچكىرىدە ئىشلەنگەن مۇسۇلمانچە مەھسۇلاتلارغا قانداق قارايسىز؟ (تورداشلارنىڭ بۇ ھەقتىكى ئويلىغانلىرىنى سۆزلەپ بېقىشىنى ئۈمىد قىلىمەن) ھازىر ئۇيغۇر كارخانىلىرىنىڭ  مەھسۇلاتلىرى كۆپلەپ بازارغا سېلىنىپ، ھەم كۆركەم ئېلانلار ئىشلىنىپ، خەلق ئاممىسى بىلەن يۈز كۆرۈشۈۋاتىدۇ. ئۆزىمىز  ئۇيغۇر بولغانىكەنمىز، ئۆزىمىزنىڭ مىللىي كارخانىلىرىمىزنى قوللاش بىر شەرەپ، "مىسرانىم" مۇنبىرىنىڭ "ماقالەئوبزورلار" سەھىپىسىدىكى "ئۇيغۇر ئېلانلىرى نەرىڭىزگە تاقاشتى؟" ناملىق تېمىدىمۇ ئۇيغۇرلارنىڭ ئېلانلىرىنى سۆكۈپ تەنقىد قىلماسلىق، ئۇيغۇر كارخانىلىرىنى قوللاش توغرىلىق مەزمۇنلار ۋە ئىنكاسلار ئەكس ئەتتۈرۈلگەن. ئەمما مېنىڭ كاللامدىن بىر نەرسە پەقەت ئۆتمەيدۇ. ئۇ بولسىمۇ: ئېلانىدا ئالامەت داڭلىۋەتكەن ئاشۇ مۇسۇلمانچە مەھسۇلاتلارنىڭ كۆپ قىسمىنىڭ ئىچكىرى ئۆلكىلەردە ۋاكالىتەن ئىشلەپچىقىرىلىشى. قارايدىغان بولساق، ئۇيغۇر كارخانىلىرىدىن ساناقلىقلىرىلا ئۆز زاۋۇتلىرىدا ئۆزىنىڭ يېڭىچە مەھسۇلاتلىرىنى بارلىققا كەلتۈرۈۋاتىدۇ. مەسىلەن: «ئارمان» قۇۋۋەت تالقانلىرى، «ئىخلاس» فرىمالىرى، كەمپۈتلىرى، «ئامىنە» تەييار چۆپلىرى... قاتارلىقلار ئۈرۈمچى، قەشقەر، ئالتاي قاتارلىق جايلاردا ئۆز زاۋۇتلىرى تەرىپىدىن ئىشلىنىپ، خەلقنىڭ ياقتۇرۇپ ئىستېمال قىلىشىغا مۇيەسسەر بولۇۋاتىدۇ. ئەمما يەنە قارايدىغان بولساق بىر قىسىم ئۇيغۇر كارخانىلىرىدا مۇنداق مەسىلە بار: «كەۋسەر»، «ئەخلاق»، «لەززەت»... دېگەندەك بىر قىسىم ئىچىملىكلەر، «شوخ-شوخ»، «ئوماق»،«چايناڭ»...(يەنە جىق ماركىلارنى دەماللىققا ئېسىمگە ئالالمىدىم.) دېگەندەك يېمەكلىكلەر ئىچكىرى ئۆلكىلەردە، بولۇپمۇ گۇاڭدۇڭ ئۆلكىسىنىڭ جۇڭشەن، فوشەن شەھەرلىرىدە باشقا زاۋۇتلار تەرىپىدىن ۋاكالىتەن ئىشلىنىدۇ. ئۇيغۇرچە ماركىلىق ئېلېكتر سايمانلىرىدىن تېلېۋىزور، يانفون، DVD، EVD لارنىمۇ ئىچكىرىدىن ياساپ ئاچىقىدۇ. يۇقىرىدا ئېيتىلغاندەك، كۆپلىگەن مەھسۇلاتلاردا پەقەت ماركا ئۇيغۇركارخانلىرىنىڭ يەنى مۇسۇلمانچە ، ئەمما مەھسۇلاتنىڭ ئۆزى ئۇيغۇرنىڭ قولىدىن چىقمىىغان. ئۇنىڭ ئۈستىگە بەزى كارخانىلاردا مۇستەقىل يېڭى مەھسۇلات ئىشلەش روھى كەمچىل. كۆپى دورامچىلىق قىلىدۇ. مەسىلەن: 1. «قىزىل كالا» ئىچىملىكى شۇنداق بازار تاپقاندا، ئارقىدىنلا «قىزىل تۆگە»، «قىزىل بۇغا»، «بۇقا» ئىچىملىكلىرى بەس-بەستە مەيدانغا چىقتى. قارىساق قۇتىسى، شەكلى، تەمى ئەسلىدىكى «قىزىل كالا» بىلەن ئاساسەن ئوخشاش. پەقەت ئىسمىلا ئوخشىمايدۇ. 2.سۇلياۋ قۇتىلىق «جيەن لى باۋ» ئىچىملىكى بىلەن «كەۋسەر» گازلىق تەنھەرىكەت ئىچىملىكىنىڭ ئوپمۇ ئوخشاشلىقىغا ئەقلىڭىز ھەيران قالىدۇ. ... ... ... بۇنداق مىساللار ناھايىتى كۆپ. (ئەمما مەن ھازىرچە پەقەت كاللامغا كەلگەنلىرىنىلا مىسال قىلدىم.) يەنە بىر جەھەتتىن، ئىچكىرىدە ئۇيغۇرچە ئىشلەنگەن بەزى ئىچىملىكلەرنىڭ تەمىمۇ ئانچە ياخشى ئەمەس. سېغىزلارنىڭ قۇتىسى ئالامەت كۆركەم بولغان بىلەن ئۆزىنى چاينىسىڭىز بىر خىللا بولۇپ قالىسىز. ماركا ئۇيغۇرچە بولغان بىلەن زاۋۇت ئادرېسىغا قارىسىڭىزلا يالتىيىپ قالىسىز. ئۇيغۇرلىرىمىزنىڭ يېمەك-ئىچمەك مەدەنىيىتى دۇنياغا داڭلىق، شۇڭا ئۇيغۇرلىرىمىز ئەسلى مۇشۇ جەھەتتىن ئۆزىنى تەرەققىي قىلدۇرسا بولاتتى. ئەمما ئۇيغۇرلىرىمىز مەھسۇلاتنى ئىچكىرىدىكى شىركەتلەرگە ھاۋالە قىلىپ ئىشلەش، باشقا مەھسۇلاتلارنى ھەتتا ئۆز ئەينىگىچە دوراش... تەك ئەھۋاللارنى سادىر قىلىۋاتىدۇ. بەزى ئۇيغۇرلىرىمىز مىللىي ئېڭى سەۋەبىدىن، ئىشلەنگەن زاۋۇت، سۈپەت بىلەن ھېسابلىشىپ ئولتۇرمايلا، ئۇيغۇرنىڭكى دەپلا سېتىۋالىدۇ. ئەمما ئۇنىڭ قەيەردە ئىشلەنگەنلىكى بىلەن، سۈپىتى بىلەن كارى بولمايدۇ. مانا مۇشۇ ئىش مېنىڭ پەقەت كاللامدىن ئۆتمەيدۇ. ئېلانلاردا ھەدەپ ماختىلىۋاتقان ئۈيغۇرچە مەھسۇلاتلاردىكى يۇقىرىقى ئەھۋال توغرىسىدا تورداشلارنىڭ ئۆز پىكرىنى ئوتتۇرىغا قويۇپ بېقىشىنى ئۈمىد قىلىمەن. سىلەرچە ئىچكىرىدە ياساپ ئاچىقىلىۋاتقان ئۇيغۇرچە مەھسۇلاتلارغا قارىتا قانداق پوزىتسىيەدە بولۇشىمىز كېرەك؟ بۇنداق مەھسۇلاتلارغا قارىتا سىلەرنىڭ كۆز قارىشىڭلار قانداق؟ (ئەسلى بۇ تېمىغا نۇرغۇن مىسال ئېلىش كېرەك ئىدى. ئەمما دەماللىققا يادىمغا ئالالمىدىم. تورداشلار ئۆز ئىنكاسىدا يەنە كۆپ مىساللارنى ئالغان بولساڭلار. ئاندىن، ماقالەمدە بەزى سەۋەنلىكلەردىن خالىي بولالمىغان بولۇشۇم مۇمكىن. تورداشلارنىڭ چۈشىنىشىنى ئۈمىد قىلىمەن.)

KURAX.JAN

	يەنە تېخى بەزەن ئويغۇر كارخانىچىلارنىڭ توخۇنىمۇ ئىچكىردىن ئەكەلتۇرگەنلىگىنى ئاڭلىغان . مۇشۇ دىيارىمىزدىكى ھەرقانداق بىر مەكتەپنىڭ ئالدىدا ئەخلەت يىمەكلىكلەر لىق تۇرۇپتۇ . نۇرغۇن ئاتا ئانىلار بالىلارنىڭ نىمە يەۋاتقانلىقىنى ، يىگەن نەرسىسىنىڭ ماتېريالىنىڭ نىمە ئىكەنلىگىنى بىلمەيدۇ ، ھەتتا سۇرۇشتۇرۇشنىمۇ خالىمايدۇ . ئويغۇرچە ماركىسى ، ئويغۇرچە خەت بولسىلا ئىشەنچىلىك دەپ ئويلايدۇ .  خۇددى ئويغۇر بولسىلا مۇسۇلمان بولىدۇ دەپ چۇشىندىغانلار ئاز بولمىغىنىدەك . مۇشۇ يىمەكلىك ، ئىچىملىككە دائىر ھەرقانداق مەھسۇلات ئىچكىردە ئىشلەنگەن بولسا مىنىڭچە يەنىلا ئىشەنچىسىز !! ئويغۇر كارخانچىلارنى چوقۇم قوللىشىمىز كېرەك !! لىكىن شۇ ئويغۇر كارخانچىلارنىڭ ئىچىدىكى قىزىل كۆز ، ھايەنكەشلەرنى بايقىشىمىز كېرەك . ئۇلارغا پۇرسەت يارىتىپ بەرمەسلىكىمىز كېرەك . ئەگەر دىيارىمىزدا ئىشلەنگەن ھەرقانداق مۇسۇلمانچە مەھسۇلات بولسا بىز چوقۇم قوللىمىساق بولمايدۇ !! دەسلىپىدە تازا ياخشى بوپ كىتىشى ناتايىن ، بىز قوللاپ قۇۋەتلەپ بەرگەندىن كىيىن ، ئۇلار بەلگىلىك ئىختىسادى ئۈنۈم ھاسىل قىلغاندىن كىيىن بارا -بارا  مەھسۇلات سۇپىتىمۇ ياخشىلىنىپ كىتىدۇ دەپ ئويلايمەن . ھەرگىزمۇ ، ۋاي ياخشى ئەمەسكەن ، يەنىلا شۇ ئىچكىردە ئىشلەنگىنى ياخشىكەن دىيىشتىن ساقلىنىشىمىز كېرەك . ئويغۇر كارخانىلىرى قوللاشقا موھتاج ....

axpaz

	ھەقىقەتنى ئەمىلىيەتىن ئىزدەپسىز

musilina

	ئىچكىرىدە ئىشلەپچىقىرىلغان ئۇيغۇرچە ماركىدىكى مەھسۇلاتلارنىڭ ئىشەنچلىك ياكى ئەمەسلىكىنى ئېنىق بىلگىلى  بولمايدۇ... يەنىلا شىنجاڭدىكى مىللىي كارخانىلاردا ئىشلەپچىقىرىلغان  يېمەكلىك مەھسۇلاتلىرى ئىشەنچلىك.....

xaban010

	ئەسرا   پاكلانلار ئىشەنچىلىكمۇ  بۇ توغۇرسىدا خېلى نەرسىلەرنى ئاڭلاپ قالدىم

pakzat0992

	ئۆزى ئىشلەپ چىقارغان بولسا،ھەممىمىز سىتىۋالساق،ئىقتىسادىي ئەلۋەتتە تەرەققىي تاپىدۇ.

uygurjan09

	كەۋسەرگە بەك ئۆچمەن ... سېپى ئۆزىدىن ئالدامچى

sawapkar

	كىچىكىنە  پىكىرنىمۇ  پۇلغا  سېتىپ  چىدماس  بۇندا  يازمىغچە  قويسىڭىز  يا  پايدىلىق  تىمنى  زىيارەتچىلەرمۇ  كۆرەتتى  ئەمەسمۇ  ئۇزىڭىزنى  بىر  تۈزتۈپ  ئان باشقا  ئىشلارغا ئارلىشىڭ  چىدىماس  ئەپەندىم   ئەڭ  ياخشىسى  مۇندا  ئۇزمىزنىڭ  دىياردا  مۇسۇلمانلار  ئىشلىگەن تەبئى  قۇۋەت  يىمەكلىكلەرنى  يەيلى  بىر  يىسىڭىز  يەنە  يىمەسلىكىڭىزگە  ئىشەنمەيمەن بۇ  ئادرىستىن كىرىپ  زىيارەت  قىلىڭ http://www.ulunix.com/ulunixelan/algiza/index.html

ئالماس

	چاپللاپلا قويسا ئۇيغۇرچە بۇلۇپ قالامدۇ