دىلبىرىم،سىنى سېغىنىمەن (فەرەڭ)

alamdarjan

	دىلبىرىم،سىنى سېغىنىمەن نەسىر   مەن بالىلىق چېغىمدىن تارتىپلا سەن ھەققىدە ئاڭلايدىغان،بالىلىق چېغىمدىن تارتىپلا سەن ھەققىدە ئويلايدىغان،بالىلىق چېغىمدىن تارتىپلا سەن ھەققىدە سېغىنىدىغان بىر يىتىم بالا ئىدىم.ھازىر مەن چوپ-چوڭلا ئادەم بولۇپ قالدىم.ئەمما تا ھازىرغىچە سىنى ئۇنۇتالمىدىم.سەن ھەققىدە داۋاملىق ئاڭلايمەن،سەن ھەققىدە داۋاملىق ئويلايمەن.سەن ھەققىدە داۋاملىق سېغىنىمەن.سىنى يەنىلا سېغىنسام دەيمەن.    سەن مېنىڭ چۈشلىرىمدىكى سايەم،مەيىن شامالنىڭ قوينىدا ئىڭرىغان خىيالى كېچىلەرنىڭ بىرىدە چۈشۈمگە كىرىسەن،لىكىن سىنى پەقەت كۆرەلمەيمەن،پەقەت ئارقامدىن چۈشلىرىمگە ئەگىشىپ كىلىۋاتقان بىر سايىنى ھىس قىلىمەن.مەن ئەنە شۇ سايىنىڭ قوينىغا ئۈزلۈكسىز شۇڭغۇپ،ئىختىيارسىز سىنى ئىزدەيمەن.لىكىن سەن يەنىلا پىنھاندا،دەرھال ئارقامغا قاراپ باقىمەن،سەن ئەشۇ سايىنى پەيدا قىلغان ئىللىق نۇر بولۇپ زاھىر بولىسەن.    سەن مىنىڭ خىيالىمدىكى دىلبىرىم،خىيال كەپتىرىم كۆك ئاسماندا پەرۋاز قىلىۋىتىپ،سىنى ئۇچرىتىپ قالىدۇ،سەن ئەشۇ پەرۋاز قىلىۋاتقان گۈزەل تەبىئەت ئالدىدا گاھى چىرايلىق بىر قىزدەك نازلىق تولغىنىسەن.گاھى بىر نەۋقىران يىگىتتەك جەسۇر قىياپەتتە نامايان بولىسەن.لىكىن خىيال كەپتىرىم يەنىلا سەندىن ئەگىپ كىتەلمەيدۇ.    ئەي دىلبىرىم،ھاياتلىق بەخىش ئەتكۈچى كۈيلىرىڭنى چالغان بولساڭ.مەن ئەشۇ كۈي چىللىغان خىيالى كېچىلەرنىڭ قوينىدا قۇچىڭقىڭدا كۆزلىرىمنى ئاستا يۇمۇپ تاتلىق ئۇيقۇغا كەتسەم،دەيمەن،تاتلىق چۈشلىرىمدە يەنىلا سىنى كۆرگەن بولسام،دەيمەن،چۈنكى مەن سىنى ھەر دائىم سېغىنىمەن،سەن توغرىسىدا داۋاملىق ئاڭلايمەن،سەن توغرىسىدا داۋاملىق ئويلايمەن....    ئەي،دىلبىرىم،سىنى ھەر دائىم چۈشلىرىمدە كۆرسەم دەيمەن.چۈنكى،سەن ماڭا ھەر بىر سەھەردە يېڭى بىر نەپەس،يېڭى بىر ھاياتلىق ئاتا قىلغۇچىسەن. مەنبە:ئۆز قەلىمىم

axek13999649893

DIL-YIRIM

	دىلبىرىم سىنى سېغىنىمەن، شۇڭا ھازىرغىچە بويتاق يۈرىمەن.

0997zumrat

	ياخشى يېزىپسىز . ئىجادىيەتلىرىڭىزگە ئۇتۇق تىلەيمەن .

pah

	نازۇك ھىسلىرىڭىزنى مۇنبەرگەبىر تۈكۋاپسىزھە؟ ئىجادىيەتلىرڭىزگەئۇتۇق تىلەيمەن

KURAX.JAN

	مەن سېغىنساممۇ ئامال يوق     ئالدىغا ماڭسام ھارۋا سۇنىدۇ ، كەينىگە يانسام كالا

كارۋان

	KURAX.JAN يوللىغان ۋاقتى  2012-10-19 10:36 PM مەن سېغىنساممۇ ئامال يوق     ئالدىغا ماڭسام ھارۋا سۇ ... ھارۋا سۇنسا مەيلى قايتا ياسىتۋالسىڭىز بولىدۇ،ئەمما كالىنى سۇندۇرۋەتمەڭ ..

Huma0996

	بەك ياخشى چىقىپتۇ جۇمۇ !

kuzum