لۇتپۇللا مۇتەللىپ رەسىملىرى(توپلام)

مارشال

	ئەسسالامۇ ئەلەيكۇم،بۇ توپلامدىكى رەسىملەر يېقىنقى يىللاردىن بۇيان چ چ كۆزنىكىدە ئېقىپ يۈرگەن رەسىملەر بولۇپ، رەسىملەرنىڭ ئەسلى كېلىش مەنبەسى ئىنتىل سەيناسىدىكى لۇتۇن ئىسىملىك بۇرادەر چىقارغان ئىكەن،مەۋھۇم دۇنيادىكى تورداشلارنىڭ ئۆز خاتىرە سۈرەتلىرىنى ئۆزىنىڭ بوشلۇقىغا يۆتكەش ئارقىلىق،يۇقۇرقى رەسىملەرنى مەنمۇ بوشلۇقۇمغا ساقلاپ قويغان ئىدىم.رەسىملەرنىڭ تارىخىي قىممىتى يوقۇرى بولغاچقا،بۇ رەسىملەرنى مۇنبەرگە يوللاپ قويۇشنى لايىق تاپتىم،رەسىم يوللاشتا ئىلگىرى-ئاخىرلىق تەرتىۋىگە دىققەت قىلغان بولساممۇ،ئالمىشىپ قالغان بولۇشى مۇمكىن،تورداشلارنىڭ ساقلاپ قويۇشىنى ئۈمىد قىلىمەن.

sadiryurti

	ئەجرىڭىزگە كۆپ تەشەككۈرلەر بولسۇن.سىز بىر قەدىردان كىشىمىز ئۈچۈن قەدىرلەشكە تېگىشلىك ئىشنى قىلىپسىز.

xjunicom

	ئوت يۈرەك شائىرىمىز لۇتپۇللا مۇتەللىپ .......................................!!! تېما ئىگىسىگە كۆپ رەھمەت

bugaltir

	ياشلىق ئادەمنىڭ زىلۋا بىر چېغى، تولىمۇ قىسقا ئۇنىڭ ئۆمرى بىراق. يىرتىلسا كالىندارنىڭ بىر ۋارىقى، ياشلىق گۈلىدىن تۆكۈلىدۇ بىر يوپۇرماق.

نەۋرۇز

	بۇ سۈرەتلەرنىڭ بەزىلىرىنى بۇرۇن كۆرۈپ باقماپتىكەنمەن ساقلاش قىممىتى بار سۈرەتلەركەن مارشالنىڭ ئەجرىگە تەشەككۈر!

bugaltir

	يىللارغا جاۋاب (لۇتپۇللا مۇتەللىپ) ۋاقىت ئالدىراڭغۇ، ساقلاپ تۇرمايدۇ، يىللار شۇ ۋاقىتنىڭ ئەڭ چوڭ ئوغرىسى. ئاتقان تاڭلار، ئاققان سۇلار قايتلانمايدۇ، يورغا يىللار ئۆمۈرنىڭ يامان ئوغرىسى. ئوغىرلاپلا قاچىدۇ، ئارقىغا يانماي، بىر-بىرىنى قوغلىشىپ، يورغىلىشىپ. ياشلىق بېغىدا بۇلبۇللار قانات قاقماي، يوپۇرماقلار قۇيۇلىدۇ پولىشىپ. ياشلىق ئادەمنىڭ زىلۋا بىر چېغى، تولىمۇ قىسقا ئۇنىڭ ئۆمرى بىراق. يىرتىلسا كالىندارنىڭ بىر ۋارىقى، ياشلىق گۈلىدىن تۆكۈلىدۇ بىر يوپۇرماق. يىللار شامىلى يەلپۈنىدۇ، ئىزلار كۆمۈلىدۇ، يوپۇرماقسىز دەرەخ بىچارە بولىدۇ قاقشال. يىللار سېخىي، قۇرۇق كەلمەيدۇ، ئالغاچ كېلىدۇ، قىزلارغا قورۇق، ئەرلەرگە ساقال. بىراق يىللارنى تىللاش توغرا كەلمەيدۇ، مەيلى ئۆتىۋەرسۇن ئۆزىنىڭ يولى. ئادەملەرمۇ ۋاقىتنى قولدىن بەرمەيدۇ، چۆللەرنى بوستان قىلغان ئادەملەر قولى. يىللارنىڭ قوينى كەڭ، پۇرسىتى نۇرغۇن، تاغدەك ئىشلار يىللار بىلەن ئۆرە تۇرىدۇ. قاراپ باق، ئاخشامقى بوۋاق، كىچىككىنە تۇرسۇن، تۈنۈگۈن ئۆمىلەپ، ھە...بۈگۈن مېڭىپ يۈرىدۇ. كۈرەشچان بالىلار قوغلىشىپ يىللار، كۈرەش نەۋرىلىرىنى چوقۇپ تاپىدۇ. ئاخشام بەخت ئۈچۈن قۇربان بولغانلار، قەبرىسىنى يادلاپ، گۈللەر ياپىدۇ. مەيلى ساقال سوۋغا قىلسۇن يىللار، مەنمۇ تاۋلىنىمەن يىللار قوينىدا. ئىجادىم، شېئىرىمنىڭ ئىز-تامغىسى بار، ئالدىمدىكى قېچىپ كەتكەن ھەريىل بوينىدا. قېرىمامسەن كۈرەشنىڭ كەسكىن چېغىدا، شېئىرىم يۇلتۇز بولۇپ يانار ئالدىمدا. ئۆلۈم--پەستە قېلىش كۈرەشنىڭ داۋانلىق تېغىدا، چىدام غەيرەتنى يەڭگىنىم، ھەردەم يادىمدا. ئېتىلارمەن مىلتىق ئېتىپ تاۋلانغان قوللارغا، يېپىشارمەن بايراق بىلەن ئالغا ئاتلانغان يولغا. كۈرەش باياۋانىدا ھارماسمەن ئەسلا، يېڭىش بىلەن كېلىپ چىقىمىز كەڭ غالىپ يولغا. يىللار مەيدەڭنى تۇتۇپ قاقاقلاپ كۈلمە. ئالدىڭدا قىزىرىشتىن ئارتۇق كۆرىمەن ئۆلۈمنى. قېرىتىمەن دەپ ئارتۇق كۆڭۈل بۆلمە، ئاخىرقى جەڭگە ئاتاپ قويارمەن ئوغلۇمنى. يىللار دېڭىزى دولقۇنلۇق بولساڭمۇ، ئۇپۇقلىرىڭنى يارىدۇ بىزنىڭ كاراپ. يىللارنىڭ ئۆتىشى بىلەن قورقۇتۇپ باقساڭمۇ، ئىجاد يىللارنى قېرىتىدۇ، دەپ بېرىمىز جاۋاپ.

MiRul

	تېما ئىگىسىگە كۆپ تەشەككۇر، مۇشۇنچىلىك ئەجىرقىلىپ بىزگە قىممەتلىك سۈرەتلەرنى تەمىنلىگىنىڭىزگە كۆپ رەھمەت.    سالام لوتپۇللا ئەسلەيمەن سېنى.

国民党

	مەنمۇ كۆرۆپ باقماپتىكەنمەن. رەھمەت ھە دوستەك!

lawa0998

	ئوت يۈرەك ئوغلانىمىزنىڭ ئىش پائالىيىتىدىن ئۆزەمگە قاراپ قايتا ئويلىنىپ ھايات مەزىلىمگە تۇقۇلغان تۇلپىرىمغا يەنە بىر قامچا ئۇرمىسام تولىمۇ كېچىككەن ھىساپلانغۇدەكمەن دەپ ئويلاپ قالدىم.