ئەر –ئاياللار نىمە دەيدۇ

0997zumrat

	ئەر –ئاياللار نىمە دەيدۇ       ئەر –خوتۇنلار سوقۇشقاندا . ئەرلەر مۇنداق دەيدۇ : « ئايالىمىز بىلەن سوقۇشقاندا، دائىم ئىشلىتىدىغان قورالىمىز مۇشتۇم. زەربە بېرىدىغان ئورۇن ئۇلارنىڭ تېرىسى. كۆڭۈل بۆلىدىغىنىمىز تېزرەك غەلبە قىلىش »؛  خوتۇنلار  ؛ « ئېرىمىز بىلەن سوقۇشقاندا ،ئۇزاققا سوزۇلغان ئۇرۇش تاكتىكىسىنى قوللىنىمىز، دائىم ئىشلىتىدىغان قورالىمىز ئېغىزىمىز، زەربە بېردىغان ئورۇن ئۇلارمىڭ يۇرىكى ھەم ئىززەت ھۆرمىتى، كۆڭۈل بۆلىدىغىنىمىز مەقسەتكە يەتمىگىچە ئۇرۇشنى ھەرگىز توختاتماسلىق.»       پاراڭلىشىش توغرىسىدا . خوتۇنلار مۇنداق دەيدۇ ؛« ئەرلەر توي قىلىىشتىن بورۇن خوتۇنلارنىڭ ئالدىدا لاپ ئۇرۇشنى ياىشى كۆرىدۇ؛ خوتۇنلار تويدىن بورۇن ئەرلەرنىڭ شېرىن – شېكەر سۆزلىرىنى ياقتۇرىدۇ، تويدىن كېيىن ئەرلەرنىڭ راست گەپ قىلىشىنى ياقتۇرىدۇ.»       يالغۇزچىلىق . ئەرلەر نىمە ئۈچۈن تويدىن كېيىن يالغۇزچىلىق ھېس قىلمايدۇ؟ چۈنكى بىر ئايال دائىم ئۇلارنىڭ يېنىدا ئاغزى بېسىقماي ۋاتىلدايدۇ ؛  خوتۇنلار نىمە ئۈچۈن تويدىن كېيىن ھەمىشە يالغۇزلۇق ھېس قىلىدۇ؟ چۈنكى ئەرلەر دائىم سەۋەپ كۆرسىتىپ سىرتقا قاچىدۇ، بەزىدە تېخى ئۆيگىمۇ قايتمايدۇ.       نىكاھ غەلىتە چەنبىرەك . ئەرلەر مۇنداق دەيدۇ : « چىرايلىق خوتۇنلار بىلەن توي قىلغەن ئەرلەرنىڭ نىمە ئۈچۈن ئىستىقبالى بولميدۇ؟ چۈنكى ئۇ پۈتۈن زېھنىي- كۇۋۋىتىنى ئايالىغا بېغىشلىغان. نىمە ئۈچۈن كۆرۈمسىز خوتۇنلار بىلەن توي قىلغان ئەرلەرنىڭ ئىستقبالى ياخشى بولىدۇ؟ چۈنكى ئۇلار پۈتۈن زېھنىي – كۇۋۋىتىنى كەسپىگە بېغىشلايدۇ. » ؛ خوتۇنلار مۇنداق دەيدۇ ؛ نىمە ئۈچۈن مارد ئەزىمەتلەرنىڭ ئاياللىرى كۆرۈمسىز ؟ چۈنكى مەرد ئەزىمەتلەرنىڭ بىرىنچى بولۇپ كۆردىغىنى نام – ئاتاق ئىككىنچى بولۇپ كۆردىغىنى پايدا- مەنپەئەت ، بۇنداقلار ئەڭ ئاخىرىدا خوتۇنلارغا كۆز تاشلايدۇ ، بۇ چاغدا چىرايلىق خوتۇنلارنىڭ ھەممىسى باشقىلار بىلەن توي قىلىپ بولغان بولىدۇ. »      تويدىن كېيىنكى ئۆزگۈرۈش . خوتۇنلار نىكاھ مۇھەببەتنىڭ ئاخىرقى پەللىسى، شۇڭا خوتۇنلار تويدىن كېيىن مۇھەببەت ياكى ئەرلەر توغرىسىدا باش قاتۇرماي ، قانداق تۇرمۇش كەچۈرۈش توغرىسىدا ئويلىنىدۇ؛ نىكاھ ئەرلەر ئۈچۈن مۇھەببەتنىڭ باشلىنىشى، شۇڭا ئەرلەر تويدىن كېيىن دائىم خوتۇنلار ياكى مۇھەببەت توغرىسىدا كۆپ ئويلىنىدۇ . ئەرلەر دەيدۇكى : « مۇۋەپپەقىيەت قازانغان ئەرلەر يوغان دەرەخكە ئوخشايدۇ ، بىراق بۇ دەرخىنىڭ سايىسىدە ياشاشنى خالايدىغانلار ئۆيدىكى ئاياللار ئەمەس » ؛ خوتۇنلار دەيدۇكى : « چىرايلىق خوتۇنلار گۈلگە ئوخشايدۇ، بىراق بۇ گۈلگە مەھلىيا بولىدىغان ئادەم ھەرگىزمۇ بۇ گۈلگە ئېرىشكەن ئادەم بولمايدۇ .»     مەنبە : « شىنجاڭ قانۇنچىلىق گېزىتى » 2012 -يىل 12- ئۆكتەبىر سانى

xjunicom

	چىرايىغا چاي قۇيۇپ ئىشكىلى بولمىسا يا ؟ نىمە پايدىسىى

╰︶￣原地守候

	راستىنلا مۇشۇنداق بولامدۇ؟

kaLGundi

	كۆرۇمسىز بولسىمۇ كۆڭلى ياخشىدۇ بەلكىم دەپ ئويلىسا  زىدى پەسلىكىنى قىلىپ ئۈمۈتسىزلەندۇرۇپ قويدىغانلار بار

marziyya

	مىنىڭچە رىئال تۇرمۇشتا بەزى ئىشلار دەل بۇنىڭ ئەكسىچە بولىدىكەن

qog

	ماڭا بۇ تېما ھەجەپ قىزىقارلىق بىلىندىيا

tapammidim

	تۇرمۇش نى چۇشەنمەي تۇرۇپ   ، بىرنەرسە  دىيىش مۇمكىن ئەمەس  ، ھەر كىم بېشىدىن ئۆتكەننى سۆزلەيدۇ.

سۈمەييە

	tapammidim يوللىغان ۋاقتى  2012-10-17 07:11 PM تۇرمۇش نى چۇشەنمەي تۇرۇپ   ، بىرنەرسە  دىيىش مۇمكىن ئەم ... مۇشۇ پىكىرنى قوللايمەن , راس زادى ھەر كىم بىشىغا كەلمۈگۈچە دەپ باقىدىكەن ئىغىزىغا نىمە كەلسە

izqel

	تۇرمۇشنىڭ بەزى تەرىپى بۇنىڭ ئەكىسچە. لىكىن ئىتىراپ قىلىدىغان يەر شۇكى،خوتۇن چىرايلىق بولسا بولىدۇ،لىكىن خاتىرجەمسىزلىككە تولىدىغان ەھۋال بولىدۇ.ئەگەر ئايال چىرايلىق بولسا ئائىلە ئايالى بولسا،چوڭ ئۆيدە تۇرسا بولىدۇ.خىزمەتچى بولسا شۇ ئەر كىشى تولا‹‹كاللا››قاتۇردىغان گەپ قىسقىسى ئايال كىشىنىڭ ئەقلى ۋە ئىنسابى بولمىسا ئۇنداق گۈزەل جاناننى تەكلىماكانغا پالىۋەتسىمۇ بەرىبىر قىلىىدىغىنىنى قىلىدۇ،ئەخلاقى ئىنسابى بولسا دىباغا يالىڭاچ كىرگۈزسىمۇ ساق چىقىدۇ،ئەھۋال شۇ. تۇرمۇش بىر قەلئەگە ئوخشايدۇ،قەلئە ئىچىدىكىلەرنىڭ سىرىتقا چىققۇسى كىلىدۇ،سىرىتتىكىلەرنىڭ ئىچىگە كىرگۈسى كىلىدۇ دەيدىكەنغۇ.ئەر خوتۇنچىلىققا دائىر سۆزلەر ۋە قائىدىلەر كۆپ.ئەمما كۆپ سۆزلەش بىھاجەت.تۇرمۇش قۇرمىغانلار ئەڭ ياخشىسى ئۆزىنى ئاسىرغىنى تۈزۈك،تۇرمۇش قۇرغان يىگىتلەر بارا بارا ئەقىللىق،ئىغىر بىسىق،سۈكۈت بىلەن ئىش قىلىدىغان بولىدۇ. كۆڭۈللۈك تۇرمۇشنىڭ نەتىنجىسى ئۆمۈرنى ئۇزارتىدۇ.

ئايچىن

	لېكىن ھەممىنىڭ  بىر قېلىپتا قۇيغاندەك ئوپمۇ ئوخشاش يۇقۇرىدا بايان قىلىنغاندەك  بولوپ كېتىشىمۇ ناتايىن ... ئوقوپ قويساقلا بولىدۇ. تېما ئىگىسنىڭ ئەجرىگە تەشەككۈر...