نىكاھ

hasalharisi

	نىكاھ     گۈلبوستان ئابدۇرېھىم    نىكاھ مۇھەببەتنىڭ نازۇك سىناقلىرىدىن دادىل ئۆتەلىگەن، بىر – بىرىگە ھەقىقىي كۆيەلىگەن، ئەقىدە – ئىشتىياق بىلەن سۆيەلىگەن قەلب ئىگىلىرىنىڭ ئىللىق ئۇۋا قۇرۇش مۇساپىسىدىكى ۋىسال مەنزىلگاھىنىڭ ئالتۇن ئاچقۇچى، ئۇھسىنىشلار بىلەن تولغان بىسەرەمجان كېچىلەرنىڭ ھىجران پەردىسىنى يىرتىپ تاشلىغۇچى...    نىكاھ ئوخشاش يولدا ماڭغان، ئوخشاش ئوتتا كۆيگەن قەلبلەرنىڭ ئۈمىد يۇلتۇزىنى چاراقلاتقۇچى، خىرە كۆزلەرنى نۇرلاندۇرغۇچى، غەمناك كۆڭۈللەرنى ئاۋۇندۇرغۇچى، مەنىۋى مۇكەممەللىك، مەنىۋى مۇقەددەسلىكنىڭ ئالىي شەكلى بولغان ئائىلىدىن ئىبارەت ئىللىق ئۇۋىنىڭ تەختىنى، بەختىنى ياراتقۇچى، قەلبىگە بىرلىك مۆھىرى بېسىلغان ئەر – خوتۇنغا تاغدەك مۇشەققەتكە بەرداشلىق بېرەلەيدىغان چىدامچانلىقنى، ھەممىگە دادىل يۈزلىنەلەيدىغان قەيسەرلىكنى ئاتا قىلغۇچى، مۇھەببەتتىن ئىبارت ئالتۇن كۆۋرۈك ئارقىلىق ئەجدادلار بىلەن ئەۋلادلارنى، قەلبلەر بىلەن قەلبلەرنى تۇتاشتۇرۇپ، ئوتتەك قىزغىنلىقنى كۈچلۈك مەسئۇلىيەتكە ئايلاندۇغۇچى.    نىكاھ مەڭگۈ تانغىلى ھەم يانغىلى بولمايدىغان مۇقەددەس قەسەم. ئۇ، ئۇلۇغلۇقنىڭ ئۇلۇغى بولغان تۇز بىلەن نان گۇۋاھلىقىدىكى بۇزۇلماس ئەھد، شۇڭا ئۇنىڭ بېغى چىڭ. ئۇ ئىككى قەلبنىڭ سەممىيەتنى قانات، مۇھەببەتنى قان، بېغىشلاش ئەقىدىسىنى جان قىلىپ يېزىپ چىققان نادىر تارىخى. ئۇ ساختىپەزلىكنى، ئىككى يۈزلىمىچىلىكنى ئەسلا راۋا كۆرمەيدۇ. سەممىيەتسىزلىك ئۇنىڭ بېغىدا ئۈنگەن شۇم بۇيا، سەمىمىيەتسىزلەر بىر – بىرگە بىئەتىۋا.    نىكاھ ئادەم ئاتا بىلەن ھەۋۋا ئانىنىڭ ئاشىقلىق لېيىدا يۇغۇرۇلغان ئېسىل كوزا. ئۇ ۋىسال كۈيىدە مەۋج ئۇرۇۋاتقان دولقۇن، ساداقەت گىرەلەشكەن پاك تۇيغۇدىن ئۈنۈپ چىققان يۇلغۇن! مەنبە:2012 -09-17-كۈنىدىكى ‹‹شىنجاڭ گېزىتى››.

hrustal

	نىكاھ مەڭگۈ تانغىلى ھەم يانغىلى بولمايدىغان مۇقەددەس قەسەم.  ئۇ ساختىپەزلىكنى، ئىككى يۈزلىمىچىلىكنى ئەسلا راۋا كۆرمەيدۇ...... بۇلانى توي قىلغان ھەر قانداق بىرجۇپ چۈشىنىپ تېگىگە يېتەلسىە بىر ئۆمۈر بەختلىك ياشار ئىدى. بەكمۇ توغرا ئېيتىلغانكەن

kaLGundi

	ئىككى يۈزلىمىچى جەددەل  نىمىلەر بىلەن ئۆتكەن ئادەمنىڭ ھالىغا ۋاي

semi

	مەنغۇ بويتاق

wapa八

	نىكاھ ھەققىدە خېلى ياخشى بىلىملەر ئىكەن

akbarhimit

	ھۆرمەتلىك ئوقۇتقۇچۇمنىڭ مۇبارەك قەلىمى ئاستىدا ئاپىرىدە بولغان كۆرۈملۈك بۇ تېمىدىن سۆيۈندۈم. قولىڭىزغا دەرت كەلمىسۇن مۇئەللىم!