قۇرئان ئوقۇشنىڭ پەزىلىتى

marziyya

	قۇرئان ئوقۇشنىڭ پەزىلىتى جىمى ھەمدۇ سانا ئاللاھقا خاستۇر . ئاللاھنىڭ پەيغەمبىرى ، بىزنىڭ سەييىدىمىز ۋە پەيغەمبىرىمىز ، ھەبىبىمىز، مۇھەممەت ئەلەيھىسسالامغا رەھمەت ۋە سالاملار بولسۇن. قۇرئان اللە نىڭ سۆزىدۇر ،ئۇنىڭ باشقا سۆزلەرگە بولغان پەزىلىتى اللە نىڭ مەخلۇقاتلىرىغا بولغان پەزىلىتىگە ئوخشاش ئارتۇقتۇر. تىلنى ئىشلىتىدىغان ئەڭ ئەۋزەل نەرسە قۇرئان ئوقۇشتىن ئىبارەتتۇر. قۇرئان ئوقۇشنى ئۆگىنىشنىڭ ، ئۇنى ئۆگىتىش ۋە ئوقۇشنىڭ تۆۋەندىكىدەك كۆپ پەزىلەتلىرى بار : قۇرئان ئۆگىتىشنىڭ ئەجرى : پەيغەمبەر ئەلەيھىسسالام مۇنداق دەيدۇ:" سىلەرنىڭ ئەڭ ياخشىلىرىڭلار قۇرئان ئۆگەنگەن ۋە ئۇنى ئۆگەتكەنلەردۇر" (ئىمام بۇخارى رىۋايىتى) قۇرئان ئوقۇشنىڭ ئەجرى : پەيغەمبەر ئەلەيھىسسالام مۇنداق دەيدۇ :" كىمكى اللە نىڭ كىتابى قۇرئان كەرىمدىن بىر ھەرىپ ئوقۇسا ، ئۇنىڭغا شۇھەرپنىڭ ئەجرى ئۈچۈن بىر ياخشىلىق يېزىلىدۇ .بىر ياخشىلىققا ئون ھەسسە ساۋاب بېرىلىدۇ " (ئىمام تىرمىزى رىۋايىتى ) قۇرئان ئۆگىنىش ياد ئېلىش ۋە ماھارەت بىلەن ئوقۇشنىڭ پەزىلىتى : پەيغەمبەر ئەلەيھىسسالام مۇنداق دەيدۇ :"قۇرئاننى يادا ئالغان ۋە ئۇنى يۈكسەك ماھارەت بىلەن ئوقۇيدىغان ئادەم ھۆرمەتلىك پەرىشتىلەر بىلەن بىللە بولىدۇ ، قۇرئان ئوقۇش تەس تۇيۇلسىمۇ ، ئۇنى قىينىلىپ ئوقۇغان ئادەمگە ئىككى ھەسسە ئەجىر بولىدۇ " (ئىمام بۇخارى ۋە مۇسلىم رىۋايەت قىلغان ) " قۇرئان ئىگىسىگە : قۇرئاننى ئوقۇغىن ، ئۆرلىگىن ، خۇددى دۇنيادىكى چېغىڭدا تەجۋىد قائىدىلىرىگە سېلىپ ئوقۇغىنىڭدەك ، تەجۋىد قائىدىلىرىگە سېلىپ ئوقۇغىن ! - دېيىلىدۇ " (ئىمام تىرمىزى رىۋايەت قىلغان ) خەتتابى مۇنداق دەيدۇ : "ئەسەردە مۇنداق رىۋايەت قىلىنغان : قۇرئان ئايەتلىرىنىڭ سانى جەننەت دەرىجىلىرىنىڭ سانىغا تەڭ كىلىدۇ . قارىيغا: جەننەتنىڭ دەرىجىلىرىگە قۇرئان ئايەتلىرىدىن ئۆزەڭ ئوقۇغان دەرىجىدە ئۆرلىگىن !- دېيىلىدۇ . كىمكى قۇرئاننىڭ ھەممىسىنى تولۇق ئوقۇغان بولسا ، ئاخىرەتتە جەننەتنىڭ ئەڭ يۇقىرى دەرىجىسىگە ئېرىشىدۇ. كىمكى ئۇنىڭدىن بىر پارە ئوقۇغان بولسا ، ئۇجەننەتتە شۇ دەرىجىدە ئۆرلىيەلەيدۇ   . دىمەك ساۋاب ئوقۇپ توختىغان يەردە تۈگەيدۇ " بالىسى قۇرئاننى ئۆگەنگەن كىشىنىڭ ئەجرى : پەيغەمبەر ئەلەيھىسسالام مۇنداق دەيدۇ :" كىمكى قۇرئان ئوقۇسا ، ئۇنى ئۆگەنسە ۋە ئۇنىڭغا ئەمەل قىلسا ، قىيامەت كۈنى ئاتا - ئانىسىغا نۇردىن تاج كىيگۈزىلىدۇ . تاجنىڭ نۇرى كۈننىڭ نۇرىغا ئوخشاش نۇرلۇقتۇر. ئۇنىڭ ئاتا -ئانىسىغا دۇنيانىڭ پۈتۈن بايلىقىدىن قىممەت ئىككى تون كىيگۈزىلىدۇ . ئۇلار: بۇ تون بىزگە نىمە ئۈچۈن كىيگۈزۈلدى ؟- دەيدۇ . جاۋابەن پەرزەنتىڭلار قۇرئان ئۆگەنگىنى ئۈچۈن!_ دېيىلىدۇ . (ئىمام ھاكىم رىۋايىتى) قۇرئاننىڭ ئىگىسىگە ئاخىرەتتە شاپائەت قىلىدىغانلىقى: پەيغەمبەر ئەلەيھىسسالام مۇنداق دەيدۇ :" قۇرئان ئوقۇڭلار شەك -شۈبھىسىزكى ، قۇرئان قىيامەت كۈنى ئىگىلىرىگە شاپائەتچى بولۇپ كىلىدۇ . (ئىمام مۇسلىم) ."روزا بىلەن قۇرئان قىيامەت كۈنى ئىگىلىرىگە شاپائەت قىلىدۇ "(ئىمام ئەھمەد ۋە ھاكىم) قۇرئاننى تىلاۋەت قىلىش ۋە ئۇنى دەرىس قىلىپ ئوقۇش ئۈچۈن يىغىلغان كىشىلەرنىڭ ئەجرى : پەيغەمبەر ئەلەيھىسسالام مۇنداق دەيدۇ :"اللە تائالانىڭ ئۆيلىرىدىن بىر ئۆيدە يىغىلىپ ، ئۇنىڭ كىتابىنى تىلاۋەت قىلىدىغان ۋە ئۇنى ئۆز ئارا دەرس قىلىپ ئوقۇيدىغان ھەر قانداق بىر قەۋمنىڭ ئۈستىگە خاتىرجەملىك چۈشىدۇ ، ئۇلارنى رەھمەت بېرىپ ئورىۋالىدۇ ، پەرىشتىلەر قورشىۋالىدۇ . اللە ئۇلارنى ئۆز دەرگاھىدىكى مەخلۇقاتلارغا سۆزلەپ بېرىدۇ "( ئىمام ئەبۇ داۋۇد) قۇرئان ئوقۇشنىڭ ئەدەپ ئەخلاقلىرى : ئىبنى كەسىر مۇنداق بىر نەچچە ئەخلاقنى ئوتتۇرىغا قويىدۇ : قۇرئاننى پاك ھالەتتە تۇتىشى ، پاك ھالەتتە ئوقۇشى، ئۇنى ئوقۇشتىن بۇرۇن مىسۋاك ئىشلىتىشى، ئەڭ چىرايلىق كىيىملىرىنى كىيىشى ، قىبلىگە يۈز كەلتۈرۈپ تۇرىشى، ئەسنەك تۇتقاندا ئوقۇشتىن توختىشى ، ھاجەت چۈشۈپ قالمىسا گەپ قىلىمەن دەپ قىرائەتنى ئۈزۈپ قويماسلىقى ، زىھنىنى ھازىر تۇتىشى، ۋەدە قىلىنغان ئايەتلەر ئۈستىدە توختاپ ، اللەدىن ئۇنى تىلىشى، ئاگاھلاندۇرۇش قىلىنغان ئايەتلەر ئۈستىدە توختاپ، اللە قا سېغىنىپ ئۇنىڭدىن پاناھ تىلىشى لازىم .شۇنداقلا قۇرئاننى ئوچۇق تاشلاپ قويماسلىقى، ئۇنىڭ ئۈستىگە بىر نەرسە قويماسلىقى لازىم. قارىيلار قىرائەت قىلغاندا بىر - بىرى بىلەن بەس - بەستە ئۈنلۈك ئوقۇماسلىقى ، كوچا كويلاردا ۋە بىھۇدە سورۇنلاردا ئوقۇماسلىقى لازىم . قۇرئاننى قانداق ئوقۇش كېرەك ؟ ئەنەس رەزىيەللاھۇ ئەنھۇ پەيغەمبەر ئەلەيھىسسالامنىڭ قىرائىتى ھەققىدە سورالغاندا:" پەيغەمبەر ئەلەيھىسسالام سوزۇپ ئوقۇيتتى. مەسىلەن "بىسمىللاھىررەھمانىررەھىم"نى ئوقۇسا ، "بىسمىللاھ"نى بىر سوزاتتى، "ئەررەھمان"نى بىر سوزاتتى "ئەررەھىم"نىمۇ سوزاتتى_ دەپ جاۋاب بەرگەن .(ئىمام بۇخارى رىۋايىتى ) قۇرئان ئوقۇش ئەجرىنىڭ ھەسسىلەپ بېرىلىدىغانلىقى : قۇرئاننى اللەنىڭ رازىلىقىنى كۆزلەپ خالىس ئوقۇغان ھەر قانداق ئادەمگە ئەجىر بېرىلىدۇ . لىكىن ئۇنى قەلىب ھوزورى بىلەن ئوقۇلغان ئايەتلەرنى مۇلاھىزە قىلىپ ، چۈشىنىپ ئوقۇغان چاغدا بۇ ئەجىر ھەسسىلەپ كۆپىيىدۇ ۋە چوڭىيىدۇ . شۇنداق بولغاندا بىر ھەرىپكە 10 ھەسسىسىن 700 ھەسسىگىچە بەلكىم ئۇنىڭدىنمۇ كۆپ ياخشىلىق يېزىلىدۇ . بىر كىچە كۈندۈزدە ئوقۇيدىغان مىقدار : پەيغەمبەر ئەلەيھىسسالامنىڭ ساھابىلىرى ھەر كۈنى قۇرئاندىن مەلۇم مىقدارنى ئوقۇشنى ئۆزلىرىگە ۋەزىپە قىلىۋالغان ئىدى. ئۇلاردىن ھىچكىم قۇرئاننى يەتتە كۈندىن ئاز ۋاقىتتا بىر قىتىم ئۆتكۈزۈشنى ئۆزىگە ئادەت قىلىۋالمىغان ئىدى . ئۇنى ئۈچ كۈندىن ئاز ۋاقىتتا تۈگىتىشنىڭ مەنئىي قىلىنغانلىقى رىۋايەت قىلىنىدۇ . مەنبە: قۇرئان كەرىمدىن ئاخىرقى ئۈچ پارىنىڭ تەپسىرى ۋە مۇسۇلمانلار ئۈچۈن مۇھىم بولغان قائىدىلەر

ihsan0903

	قۇرئاننى رامزاندىلا ئۇقۇپ باشقا ۋاقىتلاردا كۆپ ئۇقۇمايدىغان ئىللەتلېرمىز تۇگۇسە بۇلاتتى ...        تېمىڭىزغا رەخمەت ....

tongtax

	kaLGundi يوللىغان ۋاقتى  2012-10-15 10:04 PM قۇرئاننى تاھارەتسىز تۇتسا بۇلامدۇ ياكى تاھارەت ئېلىپ  ... قۇرئان ئاللاھنىڭ بىزلەرگە قىلغان سۆزى، ھۆججىتى ۋە مۇقەددەس دەستۇرىدۇر. شۇڭا ئاللاھنىڭ بىزلەرگە ئاتا قىلغان بۇ كاتتا نېئمىتىگە چوقۇم لايىقىدا ھۆرمەت كۆرسىتىشىمىز لازىم. ئەڭ ياخشىسى تاھارەت بىلەن تۇتۇڭ. ئاللاھ بىزلەرگە ئەجىر بەرگىن ،ئاللاھ رازىلىقى ئۈچۈن بۇ تىمىنى يوللىغۇچى، ئوقۇغۇچى، سۇئال سورىغۇچى ۋە جاۋاپ بەرگۈچىلەرنىڭ ھەممىسىنى رەھمەت قىلغىن ئاللاھىم !!  ئامىن !!!

dolantograk004

	ئاللاھ رەھمەەت قىلسۇن قېرىندىشىم ياخشى تىمىلىرىڭىز ئۇزۇلۇپ قالمىغاي

marziyya

	ئەتىدىن باشلاپ زۇلھەججە ئىيى باشلىنىدۇ . زۇلھەججىنىڭ 1- كۈنىدىن 10- كۈنىگىچە(قۇربان ھېيت كۈنى قۇربانلىق قىلىپ بولغىچە ) روزا تۇتقانلىقنىڭ ساۋابى چوڭكەن ، قىرىنداشلىرىم ۋاقىپ بولۇپ قالغايسىلەر.

tongtax

	kaLGundi يوللىغان ۋاقتى  2012-10-15 10:29 PM ئەمىسە قۇرئاننى 10قېتىم تۇتساق 10 قېتىم تاھارەت ئېلىشى ... قىرىندىشىم، قۇرئاننى تۇتۇشتىكى مەقسىتىڭىز زادى نىمە؟ ئوقۇپ ئەجىرگە ئىرىشىشمۇ ياكى ئايانغا ئۆتكەچ بىرنى مايانغا ئۆتكەچ بىرنى تۇتۇپ قويۇشمۇ؟ بوپتۇ كىچىدە سىزنى ئۇخلايدۇ دەيلى، ئەتتىگەندىن كەچكىچە 12 سائەت دېسەك سىز 10 قىتىم تۇتۇش ۋەزىپىسىنى ئورۇندىشىڭىز ئۈچۈن ھەر بىر قىتىم ئۈچۈن 1.2 سائەت ۋاقىت كىتىدۇ. ئەجىبا سىز بىر سائەتتە بىر قىتىم تاھارەت سۇندۇرامسىز؟ مەقسىتىمىز پەقەت ئاللاھنىڭ بىزلەرگە رەھمەت قىلىشى ئۈچۈن تىرىشىش . بۇ پەقەت مىنىڭ شەخسىي قارىشىم. ئەگەر جايىدا چۈشەندۈرەلمىگەن بولسام چوقۇم ھەر ئىككىلىمىزنىڭ رازى بولغۇدەك جاۋابقا مۇشۇ مۇنبەردىكى مۇنبەرداشلىرىمىز دىن ئىرىشىدىغىنىمىزغا ئىشىنىمەن. ئاللاھ بىزلەرنى ئەپۇ قىلسۇن !

tongtax

	kaLGundi يوللىغان ۋاقتى  2012-10-15 10:46 PM قېرىندىشىم سىز باشقىچە چۇشۇنۇپ قالماڭ. مەن بىلمىگەچك ... ئۆزىڭىز توغرا دەپ قارىغىننى قىلىڭ. ئاللاھ بىزلەرگە چوقۇم ياخشىلىقنى نىسىپ قىلىدۇ.