قاراڭلار ماۋۇ يگىتلەرگە پەخىرلەنگەنسىز ھە!

شاھلالە

	«بالىلار يامغۇردا مېنى ئىككى سائەت ساقلاپتۇ، ئۇلار شۇنچە سوغۇققا قارىماي ماڭا سومكىنى قايتۇرۇپ بېرىشنى ئويلاپتۇ، ئۇلارنىڭ بۇ ھەركىتى مەندەك بىر ئوقۇتقۇچىغا ناھايىتى ياخشى بىر دەرس بولدى»10-ئاينىڭ 9-كۈنى، موخەيخۇا ئاتايىن رۇخسەت سوراپ، لەۋھە بىلەن رەھمەت ئېيتىش خېتىنى ئېلىپ شىنجاڭ قۇرۇلۇش كەسپىي تېخنىكا ئىنىستىتۇتىنىڭ قۇرۇلۇش ماتىرىياللىرى مەكتەپ رايونىغا كەلگەن ھەمدە پۇلىنى تېپىۋىلىپ ئىگىسىگە قايتۇرۇپ بەرگەن ئۈچ بالىغا رەھمەت ئېيتقان. ئادىل(سول)، ئابلەت(ئوتتۇرىسىدىكى)، ئىلھام(ئوڭ)ئۈچ نەپەر ئۈرۈمچىگە ئوقۇغىلى كەلگەن ئاقسۇ شايالىق بالىلار، پۇلغا كۆز قىرىنىمۇ سالماي ئىگىسىنى ساقلاپ قايتۇرۇپ بەرگەن. موخەيخۇا بولسا ئۈرۈمچىدىكى مەلۇم مەكتەپنىڭ ئوقۇتقۇچىسى، شەنبە كۈنى يۈز بەرگەن ئىشنى سۆزلىگەندە ئۇ ناھايىتى ھاياجانغانىدى.   10-ئاينىڭ6-كۈنى چۈشتىن كېيىن ئالتىلەردە، يامغۇر يېغىۋاتاتتى، موخەيخۇا يىنچۇەن يولىدىكى بىر پۇلداندىن پۇل يۆتكەش كەسپىنى بېجىرىپ بولغاندىن كېيىن، ئالدىراپ ماشىنىسىنى ھەيدەپلا كېتىپ قالغان، 40مىنۇتلاردا ئۆيىگە بېرىپ ئاندىن يېنىدا ئېلىپ يۈرۈيدىغان سومكىسىنىڭ يۈتۈپ كەتكەنلىكىنى بايقىغان.   «مەن ئويلاپ باقسام، سومكام دەل شۇ پۇلداننىڭ يېنىدا قاپتۇ،شۇنىڭ بىلەن مەن ماشىنامنى ھەيدەپ شۇ ھامان شۇ پۇلدان بار يەرگە باردىم»دېگەن موخەيخۇا، ئۇنىڭ سومكىسىدا 9800يۈەن نەق پۇل بولغاندىن سىرت، يەنە كىملىك، ماشىنا ھەيدەش كىنىشكىسى، بانكا كارتىسى ھەم قىممەتلىك نەرسىلەر بار بولۇپ، ئۇ كۈنى يامغۇر ياغقاچقا ئۈرۈمچى رايونىدا ئېغىر دەرىجىدە قاتناش توسۇلۇش بولۇپ، بىر سائەتتە ئارانلا پۇل يۆتكەش كەسپى بېجىرگەن پۇلدان يېنىغا بارالىغان.   موخەيخۇا:«ئەينى ۋاقىتتا ئۈچ نەپەر ئۇيغۇر بالا يامغۇردا كىيىملىرى ھۆل بولۇپ كەتكەن ھالدا سوغۇقتا تىترەپ تۇرۇپتىكەن، مەن ئۇلارنىڭ مېنى ساقلاۋاتقانلىقىنى بىلمەپتىمەن، شۇڭا ئۇددۇل يۈگۈرۈپ پۇلداننىڭ يېنىغىلا كىردىم، لېكىن قارىسام سومكا يوق، مەن ناھايىتى جىددىيلىشىپ تۇرسام ئۈچ بالا مېنىڭ يېنىمغا كەلدى»دېگەن.   بۇ ئۈچ بالا خەنزۇچىنى راۋان سۆزلىيەلمىگەچكە موخەيخۇا ئۇلارنىڭ دېگىننى چۈشەنمىگەن، شۇنىڭ بىلەن بۇ بالىلار كوچىدىكى يايما ئاچىدىغان ئادەمنى تەرجىمە قىلىپ بېرىشكە چاقىرغان، شۇ ۋاقىتتا ئاندىن ،بالىلارنىڭ «بىر نەرسىڭىز يۈتۈپ كەتتىمۇ؟»دېگەن گېپىنى چۈشىنىپ شۇنداق،شۇنداق دەپ جاۋاب بەرگەن.   مۇشۇ ۋاقىتتا، بۇلارنىڭ ئىچىدىكى بىر بالا يېنىدىكى سۇلىياۋ خالتىدىن قوڭۇررەڭ سومكىنى چىقارغان، موخەيخۇا قارىسا دەل ئۆزىنىڭ سومكىسى، شۇنىڭ بىلەن ئۇ ئىسمىنى ئېيتىپ، كىملىك ھەم ھەيدەش كىنىشكىسىدىكى ئىسىملارنى نەقلەشتۈرگەن، شۇنىڭدىن كېيىن ئاندىن بالىلار مۇشۇ ئادەمنىڭ دەل سومكا ئىگىسى ئىكەنلىكىنى بىلىپ ئاندىن سومكىنى موخەيخۇاغا قايتۇرۇپ بەرگەن.   موخەيخۇا:«ئەينى ۋاقىتتا مەن ھاياجانلانغىنىمدىن 2000يۈەننى چىقىرىپ ئۇلارغا تۇتقۇزسام ئۇلار قەتئىي ئالغىلى ئۇنىمىدى»دېگەن. تەرجىمە قىلىپ بەرگەن ئادەم ئارقىلىق موخەيخۇا بۇ ئۈچ بالىنىڭ شىنجاڭ قۇرۇلۇش كەسپىي تېخنىكا ئىنىستىتۇتىنىڭ ئوقۇغۇچىلىرى ئىكەنلىكىنى بىلگەن، بالىلار موخەيخۇانى يامغۇردا ئىككى سائەت ساقلىغان بولۇپ، يەنە باشقا سوئاللارنى سوراپ بولغىچە بۇ خىجىلچان بالىلار يامغۇردا قېچىپ قاياقلارغىدۇر كەتكەن.   10-ئاينىڭ 8-كۈنى چۈشتىن كېيىن، موخەيخۇا مەخسۇس شىنجاڭ قۇرۇلۇش كەسپىي تېخنىكا ئىنىستىتۇتىغا بارغان ھەم مەكتەپ خىزمەتچى خادىملىرىنىڭ يېتەكچىلىكىدە بۇ ئۈچ بالا ئوقۇيدىغان سىنىپقا كىرگەن، بۇ بالىلار مەزكۇر مەكتەپ ئوتتۇرا تېخنىكوم بۆلۈمى يانار گاز كەسپىنىڭ 12-1يىللىق ئوقۇغۇچىسى بولۇپ، ئىسمى ئادىل، ئابلەت، ئىلھامكەن، ھەممىسى 16ياش، ھەممىسى بۇ يىل ئاقسۇ شايادىن بۇ مەكتەپكە ئوقۇشقا كەلگەن بالىلاركەن.   مۇخبىر تۈنۈگۈن مەزكۇر ئىنىستىتۇتتىكى ئۈچ بالا بىلەن كۆرۈشكەن، پۇل تېپىۋالغان ھەم ئىگىسىگە قايتۇرۇپ بەرگەن ئىشنى تىلغا ئالغاندا، بۇ ئۈچ بالا خىجىل بولۇپ مۇخبىرغا ئۇدۇل قارىماي تۇرغان، ئادىل ئىسىملىك بالا، ئۆزلىرنىڭ يىنچۇەن يولىدىكى ئاپتوماتىك پۇلداندىن پۇل ئالغىلى بارغاندا قوڭۇر رەڭلىك سومكىنى بايقىغانلىقىنى، سومكىنىڭ توم تۇرغانلىقى ھەمدە ئىچىدە نۇرغۇن كىنىشكا، كارتا تۇرغانلىقىنى كۆرۈپ، ئۈچىسىنىڭ ئىگىسىنى ساقلاشنى قارار قىلغانلىقىنى ئېيتقان.   مۇخبىرنىڭ ئىگەللىشىچە، بۇ ئۈچ نەپەر ئوقۇغۇچى دۆلەت ياردەم پۇلىغا تايىنىپ ئوقۇيدىغان بالىلاركەن، ھەر ئايدا تۇرمۇش پۇلىغا ئاران ئۈچ يۈز يۈەن خىراجەت قىلىدىكەن.

ab8ob8

	ئېسىل.... بىزدىن يانچۇقچىلا ئەمەس   مۇشۇنداق ئېسىل يىگىتلىرىمىزمۇ چىقىدۇ.... ئۇلارنىڭ بۇ قىلغان ئىشى ئۈچۈن ئاللاھ ھەسسىلەپ ساۋاب بېرىدۇ.....

KURAX.JAN

	نىمە دىگەن ئاقكۆڭۇل باللارھە . ھازىرقى مۇشۇ جەميەتتىمۇ مۇشۇنداق ئىسىل پەزىلەتلىك باللار باركەن . بەزەن قىزلار ئوغۇللاردا ۋىجدان ، غۇرۇر ، ئەخلاق قالمىدى دەپكىتىدىكەنسىلەر ، كۆرۇڭلار مانا ، ھەقىقى يىگىتلەر ،

yamgur3

	ئېسىل  بالىلار  ئىكەن . ‹‹ئوغرىلىق  قىلدى  يانچۇقچىلىق قىلدى››  دىگەن پەقەت  بىر  قىسىم ئىشلارنىلا  داۋراڭ  سېلىپ  يۇرمەي  بۇنىڭدەك  ياخشى ئىشلارنىمۇ ئاز   تولا  تەشۋىق قىلىپ   تۇرسا  ياخشى  بولاتتى.

jmgor

	مەن بايام ئۇلىنىش توردا بۇلارنڭ ئۇچۇرنى كورىگەن ، پۇل دىگەن بىر ئوت نەپسىنى بۇزسا كۆيدۈردۇ.  بۇلارنىڭ روھىغا ئاپىرىن

nasrulla

	نىمدىگەن ئېسىل پەزىلەت، قايىلمەن، ئۇيغۇرنىڭ يۇزىنى مۇشۇنداق يۇرۇق قىلىش كېرەك،

سەۋېر

	KURAX.JAN يوللىغان ۋاقتى  2012-10-14 11:16 PM نىمە دىگەن ئاقكۆڭۇل باللارھە . ھازىرقى مۇشۇ جەميەتتىم ... ۋوي كۈرەشجان، بۇنداقمۇ دەپ كەتمەڭ....

muttelib

	ab8ob8 يوللىغان ۋاقتى  2012-10-14 11:10 PM ئېسىل.... بىزدىن يانچۇقچىلا ئەمەس   مۇشۇنداق ئېسىل يىگىت ... ما گىپىڭىزنى ئۆزىڭىز ئولتۇرۇپ ئالدىرىماي تەھلىلى قىلىپ بىقىڭ.