زادى كـىــم ئـۆزگـــەردى؟

شاتئاي

	ئېرى دەيدۇ:خوتۇنۇم ئۆزگىرۋالدى،كىچىككنە ئىش ئۈچۈنمۇ كوتۇلداپ كېتىدۇ،بارغانسېرى ئانامغا ئوخشاپ قېلىۋاتىدۇ. خوتۇنى دەيدۇ:ئېرىم ئۆزگىرۋالدى،كۈن بويى ئويناشنىلا بىلىدۇ،ئۆينىڭ ئىشلىرى بىلەن كارى يوق،بارغانسېرى ئوغلۇمغا ئوخشاپ قېلىۋاتىدۇ. مۇئەللىم دەيدۇ:ئوقۇغۇچىلار ئۆزگىرىپ كەتتى،ساپاسى بارغانسېرى تۆۋەنلەپ كەتتى،كىچىكلا تۇرۇپ مۇھەببەتلىشىدۇ،دائىم دەرستىن قالىدۇ،ئاندىن ھەدەپ دەرىستىن سىرىتقى كۇرۇسلارغا يۈگۈرەيدۇ. ئوقۇغۇچى دەيدۇ:مۇئەللىملەر ئۆزگىرىپ كەتتى،پۇل تېپىشنىلا بىلىدۇ،دەرىسنى چىن كۆڭلىدىن ئۆتمەيدۇ،نۇقتىلىق مەزمۇنلارنى دەرىستىن سىرىتقى كۇرۇسلارغا قالدۇردۇ،بىزنىڭ قاتناشماي ئىلاجىمىز يوق،ھېيت-بايراملاردا يەنە كۆڭلىمىزنى ئىزھار قىلمىساق بولمايدۇ. دوختۇر دەيدۇ:بىمارلار ئۆزگەردى،ئۇلارغا تاقابىل تۇرماق تەس بۇلىۋاتىدۇ.دورىنى كۆپرەك يېزىۋەتسەكلا قۇيۇلۇپ كەتتىم دەيدۇ،كىچىككنە چاتاق چىقسىلا ئەرز قىلىدۇ. بىمارلار دەيدۇ:دوختۇرلار ئۆزگەردى،ئاق خالاتلىق پەرىشتىلەرنىڭ ئالىيجانابلىقىنى ئەمدى كۆرگىلى بولمايدۇ،ئۇلار ماشىنىغا تايىنىپ ئومۇميۈزلۈك تەكشۈرۈشتىن باشقىنى بىلمەيدۇ،يەنە تېخى قىزىل بولاققا ئامراق. سودىگەر دەيدۇ:ئىستېمالچىلار ئۆزگىرىپ كەتتى،بارغانسېرى مالدىن تولا ئېۋەن ئىزدەيدۇ،ھېچنىمىدىن -ھېچنىمە يوقلا ئىستىمالچىلار جەمئىيتىگە ئەرز قىلىدۇ. ئىستېمالچىلار دەيدۇ:سودىگەرلەر ئۆزگىرىپ كەتتى،بارغانسېرى پايدىنىلا كۆزلەيدىغان بۇلۇپ كەتتى،پۇل تېپىش يولىدا ھەر قانداق ۋاستىدىن باش تارتمايدۇ،مېلىغا ساختىلىق ئارلاشتۇرۇپ پۇقرالارغا زىيان سالىدۇ. رەھبەرلەر دەيدۇ:ئىشچى-خىزمەتچىلەر ئۆزگىرىپ كەتتى،ئىشتا ئاكتىپ ئەمەس،ئىلگىرىكىدەك جاپاغا چىداپ باش چۆكۈرۈپ ئىشلەيدىغانلار يوق،يەنە تېخى رەھبەرلەرگە يانىدۇ. خادىملار دەيدۇ:رەھبەرلەر ئۆزگىرىپ كەتتى،ئىگىلىك يارىتىش مەزگىلىدىكى جاپاغا چىداش،تۆۋەندىكىلەرنىڭ دەردىگە دەرمان بۇلۇش دېگەنلەر تارىخقا ئايلىنىپ قالدى،ھازىر ئۇلار ئاسانلا خاپا بۇلۇپ چېچىلىدىغان ،راھەت-پاراغەتكە بېرىلدىغان بۇلۇپ كەتتى. ئەمەلدارلار دەيدۇ:پۇقرالار ئۆزگىرىپ كەتتى،كىچىككنە ئىش بولسىلا يۇقىرىغا ئەرز قىلىدۇ.ھە دېسىلا بىنادىن ئۆزۈمنى تاشلايمەن دەپ جامائەتنىڭ دىققىتىنى جەلىپ قىلىدۇ. پۇقرالار دەيدۇ:ئەمەلدارلار ئۆزگىرىپ كەتتى،پۇقرالارغا ئاتىدارچىلىق قىلىدىغانلارنى تاپقىلى بولمايدۇ،كۈن بۇيى مەدھىيىلىنىشنىلا بىلىدۇ،ئاتالمىش سىياسى نەتىجىسىنى ئۆستۈرۈشنىلا قوغلىشىدۇ،ئاستىرىتتىن بولسا پارا يېيىشىنى ،چىرىكلىشىشنى ،ئاشنا تۇتۇشنىلا ئويلايدۇ. جۇڭگو مىللەتلىرى ژورنىلى

koraxqan

	مىنىڭچە دەۋېر ئۆزگەردى!

YAZR

	ئۆزگەرمىگەن مەنلا قالغان ئوخشىمامدىم

musilina

	يۇقۇرىدا ئېيتىلغانلارنىڭ ھەممىسى ئەمەلىيەت،زادى ھەممە ئۆزگەردى ھازىر،مەندىن باشقا..... دەۋر ئۆزگەردى،دەۋرگە ماسلىشىپ ئادەملەر ئۆزگەردى،ئادەملەرنىڭ ئۆزگىرىشىگە ئەگىشىپ ھەممە ئۆزگەردى...

tapalmidim

	مەن بۇ يىل جىق ئۆزگەردىمغۇ دەيمەن،شۇ ئازراق چوڭ بۇلۇپ قالغاندەك

aski0998

	نىمە دىسەك بۇلاكى بۇ ھادىسلەرگە

miradil-212

	بەزى ئادەملە تۇپەيلى  ھەممە ئادەم شۇتاياقتا ھەيدىلىپ كىتىبارىدو.

xohsanam886

	مەن ئۆزگەردىم؛

bananas

	ئىنساپ  سۇزلاپ كېتۋاتىدۇ . .  .