يامغۇرنى ياخشى كۆرىدىغانلار مەرھەمەت....

musilina

	ئەسسالامۇ ئەلەيكۇم،مىسرانىم مۇنبىرىدىكى بارلىق مۇنبەرداشلار ، ئەزىز تېنىڭلار ئامان -ئېسەن تۇردىمۇ؟مەنكى مۇنبەردىشىڭلار مۇسىلىنە ھەممىڭلارنىڭ ئەزىز تېنىگە سالامەتلىك،تۇرمۇشىغا بەخت -سائادەت تىلەيمەن..، بۇرۇن ياش ۋاقىتلىرىمدا سىم -سىم يېغىۋاتقان يامغۇرنى بەك ياخشى كۆرەتتىم،يامغۇردا ئايلىنىپ مېڭىشقا ئامراق ئىدىم،گەرچە ھازىر قېرىغان بولساممۇ ،يەنىلا سىم -سىم ياغقان يامغۇرغا بۆلەكچىلا ئامراق،شۇڭا سىلەرنى ئۆزۈم بىلەن بىللە بۇ يامغۇرلۇق مەنزىرىلەردىن ھوزۇر ئالدۇراي  دەپ يوللاپ قويدۇم،..... مەنبە : بەيدۇ تورى

tapalmidim

	بۇرۇن تولىمۇ ياخشى كۆرەتتىم يامغۇرنى،بەلكىم يۇرتۇمدا بەك ئاز يامغۇر ياغقاچقامىكىن.... نەچچە يىللار بولدى يامغۇرنىڭ ماكانىدا تۇرۇپتىمەن،نەچچە رەت كۈنلۈك ئېلىشىنى ئۇنتۇپ ،سۇغا چۈشكەن مۈشۈكتەك بولۇپ كەتتىم،شۇ چاغدىكى توڭۇپ دىر-دىر تىترەپ، چىشلىرىمنىڭ كاسلىلداپ كەتكىنى تېخىچە ئېسىمدە،شۇڭا دەيمەن يامغۇر ياغمىسا ياخشى

dolantograk004

	يامغۇرنىڭ زىمىنغا ئىنسانلارغا ئۇمۇمەن بارلىق كائىناتلارغا پايدىسى كۆپ

شاتئاي

	ئەمدىلا قارايغان زىمىن قوينىغا ، يامغۇر تامچىسنىڭ تېز-تېز رىتىمدا چۈشىشى تۈن قوينىغا تېخىمۇ سۈرلۈك تۈس كېرگۈزەتتى.مەن مۇڭ باسقان خانەم دەرىزىسىدىن قولىرىمنى سىرىتقا سوزدۇم.يامغۇردا ھاۋا شۇنچە ساپ ئىدىكى يۈرىگۈم ۋاللىدە يورۇپ كەتكەندەك بولماقتىمەن. بوينۇمنى دەرىزە سىرتىغا چېقاردىم،يامغۇر يۈزۈمگە تامچىلاپ چۈشكەندە، يۈرىكىم ئىختىيارسىز تاتلىق سىزىمنىڭ لەززىتىدىن ھوزۇر ئالغاندەك يىنىك تىپىرلاپ يېڭىچە تۇيغۇنىڭ خوشاللىقىنى ھىس قىلدۇرماقتا... تەبىئەتنىڭ قاغجىراپ يېرىلغان ئۇسسىزلىقتىن چاك-چاك بولۇپ كەتكەن ھەر بىر تومۇرلىرىغا ھاياتلىق بەخىش ئەتكۇچى ئەنە شۇ يامغۇر،زىمىن قوينىغا ئاستا-ئاستا سىڭىپ كېرمەكتە. يامغۇرنىڭ سوغۇق ھاۋاسى تەنلىرىمنى قورىماقتا،مەن ئاستا ئارقامغا ياندىم.مۇزدەك خانامدە كۆز يۈگۈرتىپ چېقتىم،يەنە شۇ مۇزدەك خانە،يارنىڭ ئەسلىمىسى ،ھاياتلىقنىڭ يىپى ئۈزىلەي دەپ قالغان ئاجىز بىر تەن.

nap~rat

	ھازىر مەن تۇرۋاتقان جايدا قاتتىق يامغۇر يېغىپ كەتتى ...  بىر دەمدىن كىيىن سىرتقا چىقىپ كىلەر نۆۋەتلىك زۇڭتۇڭ سايلىمىمغا بىلەتنى كۆپرەك توپلاش ئۈچۈن  رەقىبىم رومىنىغا قارشى نۇتۇق سۆزلەپ ، نۇتۇق دىگەننىڭ ئانا مانىسىنى كۆرسىتىۋېتەي دىگەن  ئىدىم ، بىراق ما قوغدىغۇچىلىرىم دىگەن كالۋالا ئاقسارايدىن يامغۇرلۇق ئېلىۋېلىشنى ئۇنتۇپ قاپتۇ ئەمەسمۇ !

zanjir34

	nap~rat يوللىغان ۋاقتى  2012-10-11 11:12 PM ھازىر مەن تۇرۋاتقان جايدا قاتتىق يامغۇر يېغىپ كەتتى ...  ... ئوبدان  بۇلاپتۇ  .،.،

0999nazuk

	ياغ يامغۇر،تامچىلىرىڭ گويا زەمزەمدۇر.                                                            ئىشقىڭدا چاك-چاك بولغان قارا تۇپراق باغرىغا سىڭىپ،قاغجىرغان جىسمىغا شىپالىق بەر.سىنى زارىقىپ كۈتكەن نىمجان ھاياتلىق قايتا تىرىلىپ، كۈچ قۇۋۋەتكە تولسۇن.تەبىئەتكە گۈزەللىك ئاتا قىلسۇن. ياغ يامغۇر،سەن بۇلۇتلار قەھرىدىن تۈكۈلگەن كۆز ياش.                                          لالە-رەيھانلارھەربىر تامچەڭدىن ئۇزۇق ئېلىپ پورەكلەپ ئېچىلسۇن.خۇشپۇرىقى شائىرلارغا ئىلھام بەخش ئىتىپ قەلەم دۇلدۇلىغا مىنىپ،كۆكنى كەزسۇن.                                       ياغ يامغۇر،سەن تەبىئەتنىڭ نازۇك تىنىقى.                                                 جانانىنى كۈتىۋاتقان ئاشىق روجەكلىرىنى ئېچىپ سۈزۈك تەبەسسۇم بىلەن ساڭا ناز قىلسۇن.چىنار شېخىغا قونغان بۇلبۇل چۆچۈگىنىدىن تېخىمۇ شوخ سايراپ،سازەندىنىڭ مۇڭلۇق كۈيىگە جۆر بولسۇن. ياغ يامغۇر ،مىھرىڭدىن كائىنات كۈلسۇن.          ئېتىز-قىرلاردا ھاياتلىق ئۈچۈن تىنىمسىز تەر تۆكىۋاتقان دېھقان كەتمىنىنى قۇيۇپ، تەرىنى سۈرتىۋالسۇن.باغۋەننىڭ چېھرىدە مول ھۇسۇلغا تولغان ئۈمۈتلۈك تەبەسسۇم جىلۋىلەنسۇن.قىززىق دەملەنگەن چايدىن ئوتلىغاچ،ساڭا زوق بىلەن باقسۇن. ياغ يامغۇر،سەن پاكلىق ئەلچىسى.             ۋۇجۇدىدا ناپاكلىق غەليان قىلغان جىمى مەۋجۇدات سىنىڭ تامچىلىرىڭ بىلەن ۋۇجۇدىنى پاكلاپ ،كائىناتنى ساپ ھاۋاغا تولدۇرسۇن.ئازغۇنلار غۇبارسىز تامچىلىرىڭدا گۇناھىنى يۇيۇپ يىپيېڭى قەدىمىنى ئالسۇن. ياغ يامغۇر،يامغۇر بىلەن يەر كۆكىرەر،ئەمگەك بىلەن ئەر.    تور دۇنياسى

salkin-ay

	ساقلىۋالاي دىگەنتىم تامغا بېسىۋىتىپتۇ ئەمەسمۇ ....

mantapaz

	salkin-ay يوللىغان ۋاقتى  2012-10-11 11:23 PM ساقلىۋالاي دىگەنتىم تامغا بېسىۋىتىپتۇ ئەمەسمۇ .... ساقلاپ بۇلۇپ ئاندىن تامغىسىنى ئۆچۈرۋەتكىلى بۇلىدۇ ئەمەسمۇ

zorro

	مەن يۇرتتا ۋاقتىمدا تولىمۇ ئامراقتىم يامغۇرغا،لېكىن ما خەتنىڭ ماكانىدا يامغۇر دىگەنگە لىق تويدۇم . ھەپتىدە سەككىز كۈنمۇ يامغۇر ياغامدۇ بۇ جاھاندا