جۇڭگولۇق يازغۇچى مويەن نوبىل مۇكاپاتىغا ئېرىشتى

ihtiram

	خەلق تورى 11-ئۆكتەبىر خەۋىرى، نوبىل مۇكاپاتى ھۆكۈمەت تورى خەۋىرىگە ئاساسەن، بېيجىڭ ۋاقتى سائەت 19 دا 2012-يىللىق نوبىل ئەدەبىيات مۇكاپاتى ئېلان قىلىنغان، جۇڭگولۇق يازغۇچى مويەن مۇكاپاتقا ئېرىشكەن. مويەن 1955-يىلى 17-فېۋىرال شەندۇڭ ئۆلكىسى گاۋمى ناھىيەسىدە تۇغۇلغان، ئەسلى ئىسمى گۇەن مويە بولۇپ، ئېلىمىزنىڭ ھازىر زامان داڭلىق يازغۇچىسى، شياڭگاڭ گۇڭكەي ئۇنىۋېرىستېتىنىڭ پەخىرى ئەدەبىيات دوكتورى، چىڭداۋ پەن-تېخنىكا ئۇنىۋېرىستېتىنىڭ تەكلىپلىك پروفىسسورى. 1981-يىلىدىن باشلاپ ئىجادىيەت بىلەن شۇغۇللانغان. ھازىرغىچە 《قىزىل ئورمانلىق》، 《ھايات-ماماتلىق چارچاش》 قاتارلىق رومانى ،《پارتىلاش》 قاتارلىق ھېكايىلەر توپلىمى بار. يەنە 5 توم "'مويەن ئەسەرلىرى توپلىمى"بار، ھەمدە نۇرغۇن سىنارىيە، نەسىر ئەسەرلىرى بار. بۇنىڭ ئىچىدىكى نۇرغۇن ئەسەرلىرى ئېنگىلىز تىلى، فىرانسوس تىلى، نېمىس تىلى، پاپون تىلى قاتارلىق كۆپ خىل تىلغا تەرجىمە قىلىنغان. 2006-يىللىق ياپونىيە 17-نۆۋەتلىك "فۇكۇئوكا ئاسىيا مەدەنىيەت مۇكاپاتى"دا مويەننىڭ ئەدەبىيات نەتىجىلىرىگە يۈكسەك باھا بېرىلىپ، ئۇنى "غەربى ياۋروپا ئەدەبىياتى ئۈستۈنلۈكنى ئىگىلىۋېلىشتە تەسىرى ئاستىدا ۋە تارىخى ئەنئەنەنىڭ ئېغىر بېسىمى ئاستىدا، ئاسىيا ئەدەبىياتىنىڭ كەلگۈسىگە يۈزلىنىشىگە يېتەكچىلىك قىلىشتەك روھىنى نامايان قىلدى" دەپ قارىغان، ھەمدە ئۇنى "ھازىرقى زامان جۇڭگو ئەدەبىياتىنىڭ بايراقدارى بولۇپلا قالماستىن، شۇنداقلا ئاسىيا ۋە دۇنيا ئەدەبىياتىنىڭ بايراقدارى. ئۇنىڭ ئەسەرلىرى ئاسىيا ئەدەبىياتىنىڭ كەلگۈسىگە يۈزلىنىشىگە يېتەكچىلىك قىلىدۇ"دەپ تەرىپلىگەن.   مەنبە: خەلق تورىhttp://culture.people.com.cn/n/2012/1011/c87423-19234608.html

tuprakbag

	بىزدىنمۇ چىقىدۇ.....

esyankar75

	جۇڭگۇدىنمۇ چىقىپتىغۇ ئاخىرى ، توۋا...

Azizan

	مەن يەنىلا نوبېل ئەدەبىيات مۇكاپاتىنى دۇنيا بويىچە ئەڭ ئەكسىيەتچىل ، ئەڭ شەرەپسىز ، ئەڭ نوپۇزسىز ، شىمالىي ياۋروپادىكى بىر ئوچۇم بەدنىيەت دۈشمەن كۈچلەر تەشكىللىگەن مۇكاپات دەپ قارايمەن . چۈنكى 2000-يىلى گاۋ خاڭجيەن شۇ مۇكاپاتقا ئېرىشكەندە ، «خەلق گېزىتى» باش بېتىدە مۇھاكىمە ماقالىسى ئېلان قىلىنىپ شۇنداق دېيىلگەن . مەن مەملىكىتىمىزدىكى ئەڭ ئىشەنچىلىك گېزىت بولغان «خەلق گېزىتى»گە چوڭقۇر ئىشىنىمەن .

orkixi

	شىياڭگاڭدىنكەندە؟؟؟؟

ئىلنازە

	ئانا يۇرت

مارشال

	دۇنياغا داڭلىق نوبىل مۇكاپاتىغا ئېرىشسىمۇ پەرۋايىم پەلەك. ئا.ئۆتكۈر،ز.سابىرلارغا تەڭ قىلمايمەن.

tewelgha

	ياخشى بولۇپتۇ ،بۇ كىشىنىڭ ۋەكىللىك ئەسەرلىرىنى ئۇيغۇرچىغا تەرجىمە قىلىش كېرەك .

iltebir

	شىياڭگاڭدىن ئىقتىدارلىق كىشىلەر خېلى چىقىدىكەن-ھە!

zanjir34

	مۆجىزە  خارەكتىرلىك  ئىش  بوپتىغۇ  بۇ  ،.،. كومونىزىم  تۈسىدىكى  ئەسەرلەرگە  بىرىلمەيتىغۇ ئەسلى .،. بۇ  ئاداش  ئۇنداق  ئەسەر  يازمامدۇ يا ،.،.