قوغلاپ تۇتۇشتىن رەھبەرلەرنىڭ پوزىتسىيىسىگىچە

abdul915

	بىر ھەپتىدىن بۇيان يەكەن ناھيىسىدە سىرىتقا ئىشلەشكە چىقىپ كەتكەن ئوقۇش يېشىدىكى بالىلارنى "قوغلاپ تۇتۇش" ھەرىكىتى ئېلىپ بېرىلىپ، ھەر قايسى يېزىلاردىكى بىر قىسىم ئوقۇتقۇچىلار، ساقچىلار ۋە يېزا رەھبەرلىرى ئاقسۇ ۋىلايىتىنىڭ بىر قىسىم رايونلىرى قەشقەر ۋىلايىتىنىڭ مارالبېشى، مەكىت قاتارلىق جايلىرىغا بېرىپ ئۆز يېزىسىغا تەۋە بولغان ئوقۇش يېشىدىكى بالىلارنى يىغىپ ئېلىپ ماڭدى،  مۇناسىۋەتلىك كىشىلەرنىڭ ئېيتىشىچە، ئاتا-ئانىسى سىرىتلاردا ئىشلەۋاتقان، ئۆز يۇرتىدا قارىغۇچىسى بولمىغان بالىلارنىڭ مەكتەپلەردە ياتاقلاشتۇرۇلۇپ، ئۈچ ۋاق تامىقى تەمىنلىنىدىكەن، مەن يېقىنقى بىر نەچچە كۈن ئىچىدە يەكەن يېزىلىرىدىن كەلگەن مۇناسىۋەتلىك كىشىلەرگە ياردەملىشىپ، ئوقۇش يېشىدىكى بالىلاردىن بىر قانچىنى ئىزدەپ تاپتىم، ئۇلار چوقۇم مەردىكارچىلىق تەربىيىسى ئەمەس بەلكى نېمىلا بولمىسۇن ئۆزىنىڭ قانۇنلۇق بولغان مائارىپ تەربىيىسىنى قوبۇل قىلىشى كېرەك.    بۇ تېمىغا "قوغلاپ تۇتۇش" دېگەن ئىسىم قويۇلدى، بۇنىڭدىكى سەۋەپ مۇنداق.    مەن تۇرغان كەنتكە يەكەندىن كەلگەنلەر تۇنجى بولۇپ سەيشەنبە كۈنى ئېلىشقۇ بازىرىدىن كەلگەن بولۇپ، ئۇ كۈنى مەن باشقا يېزىغا كېتىپ قالغان ئىكەنمەن، كەچتە كەنتكە كەلسەم، كەنتتىكى خەلق ئەسكەرلىرى ۋە ياردەمچى ساقچىلار ئېلىشقۇدىن بىر قانچە ساقچى ، يېزا باشلىقى ۋە مەكتەپ رەھبەرلىرىنىڭ كەلگەنلىكى، ئۇلارنىڭ ئېلىشقۇدىن بۇ كەنتكە ئىشلىگىلى ئوقۇش يېشىدىكى بالىلىرىنى ئېلىپ كەلگەن ئاتا-ئانىلاردىن بىر قانچىنى تاپقانلىقى ۋە ئۇلارنى ئۇرۇپ 2000سومدىن جەرىمانە قويۇپ، بالىلارنى ئېلىپ ماڭغانلىقىنى، بالىلار قاچسا كەينىدىن قوغلاپ، بالىلارنىڭ ئاتا-ئانىسىنىڭ قولىغا كويزا سېلىپ، قوللىرىغا دەسسىگەنلىكىنى  ئېيىتقان ئىدى. چارشەنبە كۈنى ئەتىگەندە مېنىڭ ئاكام قاتارلىق تۆت كىشى يەكەن خاڭدى بازىرىدىن يېتىپ كەلدى، ئۇلارنىڭ ئاۋۋال ئاقسۇ تەرەپلەرنى يوقلاپ ئاندىن مەن تۇرغان كەنىتكە يېتىپ كەلگەن ئىكەن، بىراق چارشانبە كەلگەنلەرنىڭ دېھقانلارغا بولغان مۇئامىلىسى شۇنداق ياخشى بولدى، چۈشتىن بۇرۇن تېپىلغان بەشىنچى يىللىقنىڭ بىر قىز ئوقۇغۇچىسىنىڭ دادىسىغا"قىزىڭىزنى بىز ئېلىپ كېتەيلى، ئەگەر يۇرتتا ئۇرۇق تۇققانلىرىڭلار بولمىسا، بالا مەكتەپتە تۇرىدۇ، تاماق، ياتاق ئىشلىرى مەكتەپتىن، ھەممىسى ھەقسىز" دەپ چىرايلىقچە چۈشەندۈرگەن ئىدى، ئۇ كىشى ئۆزىنىڭ يېرىنىڭ، ئۆيىنىڭ تارتىۋېلىنغانلىقى، شۇڭا بالىنى ئېلىپ چىقىپ كەتسە، ئىزدەپ كەلگەنلەرگە ئۆز دەردىنى ئېيىتماقچى بولغانلىقىنى ئېيىتتى، خاڭدى مەركىزى مەكتەپنىڭ مۇدىرى "بۇ داۋاغا كىچىك بالىلارنى چېتىۋالمايلى، ماقىما، بىز ما بالىلارنى ماۋۇلارنىڭ ئېتىزىدا كېۋەز تېرىدىغان ئەمەس، بەلكى ياخشى تەربىيىلەپ، كېۋەز تەرگۈزىدىغان قىلىمىز ماقىما؟" دېۋىدى، دادا ماقۇل بولدى. شۇ كۈن كەچ باشقا ئىشلەمچىلەر تۇرىۋاتقان ئائىلىلەرگە بارغان ئىدۇق، ماشىنا ھويلىغا كىرىپ بولغىچە ئوقۇش يېشىدىكى بالىلار ئۆينىڭ ئارقىلىرىغا، شادىلارنىڭ ئارىسىغا يوشۇرۇندى. ئۇلارغىمۇ چۈشەندۈردۇق، قوشۇلدى، بالىلارنىڭ ھالىدىن ياخشى خەۋەر ئالىدىغانلىقىغا ۋەدە بېرىپ ئېلىپ كەتتى.   پەيشەنبە(بۈگۈن) قوشراپ يېزىسىدىن مۇناسىۋەتلىك كىشىلەر كەلدى، بىللە بولدۇم، ئېتىزلارغا باردۇق، بالىلار كېۋەز خالتىلىرىنىڭ ئىچىگە، ئېتىزنىڭ ئوتتۇرىلىرىغا مۆكۈندى، بۇلارنىڭ چوقۇم تېپىش ۋە مەكتەپكە ئاپىرىش كېرەك ئىدى، چۈنكى، كىشى بېشىغا توغرا كېلىدىغان تېرىلغۇ 3پۇڭغىمۇ (1مو 10پۇڭ، تەخمىنەن 60كۋادىرات مېتىر، شۇ بويىنچە بولغاندا 180كۋادىرات مېتىر) يەتمەتمەيدىغان، ئىككى كىلومېتىر يىراقلىقتكى، يېزىدىن100مېتىر چوڭقۇرلۇقتىكى زەرەپشان دەرياسىدىن باشقا سۇ مەنبەسى بولمىغان بۇ يېزىنىڭ كىشىلىرى ئىشلەمچىلىك قىلىپ سىرىتقا چىقىپ ئىشلىمىسە بولمىغان بىلەن، ئاشۇ سەبىي قارا كۆزلەر ھەم مەكتەپلەردە ئوقۇشى كېرەك ئىدى. بۇ قېتىم مۇناسىۋەتلىك كىشىلەرنىڭ مۇئامىلىسى سەيشەنبە كۈنى مەن ئاڭلىغاندىكىدىن خېلى ياخشى بولدى، بىراق ئىككى بالىنىڭ دادىسى بولغان بىر ياش، ئۆزىگە ھۆركىرىگەن يېزا باشلىقىغا "ئەينى چاغدا ئالدىغا دەت ئېيتىپ بارسام، قالاپ قويمىغان شاڭجاڭ شۇيا ئاينا"دېۋىدى، ياش شاڭجاڭ "بالاڭلىنى مەكتەپكە ئەۋەتمىسەڭلا خەنزۇ لوبەنگە دەپ ئىشلىگەن پۇلۇڭلىنى بەگۈزمەيمىز، خەنزۇ لوبەنلە تازا خوش بولاپ پۇلۇڭلىنى بەيتە تازا" دېگەندىن باشقىنى قىلالمىدى، بۇلارنىڭ جېدىلى مېنىڭ ئارىغا چۈشۈشۈم بىلەن بېسىقتى،  ئۈچ بالىنى تاپتۇق، يەكەنگىچە بولغان كرا پۇلىنى بېرىشنى ئېيتىپ بالىلارنى ئېلىپ قايتتۇق.   يەكەنلىكلەر كەتتى، يەنە شۇ كەنتتە قالدىم، ئىككى كىلومېتىر يىراقتىكى دەريادىن سۇ تارتىپ، يۇرتنى كۆكەرتەلمىگەن يېزا باشلىقىنىڭ دېھقانغا قىلغان سۆزى، كەنتتىكى بالىلار ئېيىتقان ئېلىشقۇلۇق دېھقانلارنىڭ قولىغا كويزا سېلىنغان، بىر نەچچە بالىنىڭ دادىسى بولۇپ، پەرزەنتلىرى ئالدىدا ئۇرۇلىۋاتقان ھالىتى كاللامدا نۇرغۇن سوئاللارنى قويۇپ كەتتى. ئەگەر دېھقاننىڭ ساپاسى شۇ يېزا باشلىقلىرىدەك ياكى يۇقىرى بولغان بولسا ، بۇ يەرگە ئىشلەمچى بولۇپ چىقىدىغىنى شۇ يېزا باشلىقلىرى بولۇپ چىقماسمىدى؟، ئۇلار نېمە ئۈچۈن جان بېقىش ئۈچۈن قىلغان كۆرەشلىرى ئۈچۈن ئادەم قاتارىدا ھۆرمەت قىلىنمىدى؟، ئەجەبا شۇ يېزا باشلىقلىرىدا كۆز ئالدىدا تۇرغان كىشىنىڭ بىر دېھقان ئىكەنلىكىنى پەرق ئەتكۈدەك ئىقتىدار يوقمۇ؟ مەنبە:ئابدۇل

merwayit

	مەنمۇ يەكەندە. بولۇپمۇ مۇشۇ يەكەن، قاغىلىقتا بولۇۋاتقان بەزى ئىشلارنى كۆزىڭىز كۆرسە ھەيرانلا قالىسىز. قايسى ناھىيىدە ھەربىر چوڭ يول ئەمەس، ھەربىر نەچچە ئائىلىلىك بار كېچىك كوچا ئېغىزىدىمۇ چازا بار؟ يەكەن، قاغىلىقتا بار! قاغىلىقتا موتۇسىكىلىتقا ماي قاچىلاش ئۈچۈن كىملىك، پىراۋا، موتۇسىكىلىتنىڭ رەسمىيتى كېتىدۇ، سىز باشقا يەردىن خەپ موتۇسىكىلىتلىق كەپ قالماڭ، ھەرقانچە بېيجىڭدىن كەلگەن بولسىڭىزمۇ «نوپۇسىڭىز تۇرۇشلۇق جايغا بېرىپ ماي قاچىلاڭ» دەيدۇ. ماي بەرمەيدۇ. ناھەقچىلىققا ئۇچراپ، ئەرز قىلماقچى بولغانلارغا ئادەم بەلگىلەكلىك، يەكەننىڭ سىرتىغا چىقالمايدۇ، چىقىپ قالدىمۇ، پۇت-قولىنى يەرگە تەگكۈزمەي بارار جايىغا ئاپىرىدۇ، تېخى ناھىيە خەۋەرلىرىدە، تەشۋىقات ۋاستىلىرىدا «يۇقىرىلاپ ئەرز قىلىشقا يول قويماسلىق، يۇقىرىلاپ ئەرز قىلغانلارنىڭ ئۇنى قىلىش، بۇنى قىلىش، ئېغىر بولسا جىنايى ئىشلار بويىچە بىر تەرەپ قىلىش...» دەپ جار سالالايدۇ. يەنە نۇرغۇن ئىشلارنى دەي دەيمەن، ئەمما ئۆزۈمنى بېسىۋالاي....

aptap104

	قەشقەرگە كىلىپ قالماڭ ، قەشقەر يوللىرىدا چازا بار ، ياشلىرىنى بەك يامان دەيدۇ . مىنبىڭلارنىڭ قوڭىدا لىق لازا بار ....

abdul915

	«ئەرىز قىلىدىغانلارغا بىرگە بىر ئادەم قوي» دەپ يىغىن ئاچقان ئىدى يېزىنىڭ شۇجىسى، مەن تۇرغان كەنىتنىڭ كىشىلىرى ياۋاش ئوخشايدۇ، ئەرىزخو يوق ئىكەن....

merwayit

	ھە راس، ھازىر «مۇقام بايرىمى» دەمدۇ بىرنېمە بايرىمىغا 10مىڭ كىشىلىك ئۇسۇل دەپ تۆۋەن تۇرمۇش پۇلى ئالىدىغان ئۆيلەردىن ئادەم يېغىپ مۇقام ئۇسۇلى ئۆگىتىۋاتىدۇ، پۇللا ئالىدىغان ئائىلە بولسا ھەربىر ئائىلىدىن بىر ئادەم چىقىدۇ، ئەتىگەندىن كەچكىچە ئۇسۇل ئوينايدۇ، مۇقام بايرىمىدا 10مىڭ ئادەم تەڭ ئوينارمىش. قايسى ناھىيىدە بۇنداق چوڭ ئۇسۇل ئوينىتالايدۇ، يەنىلا يەكەندە، چۈنكى ئۇلار ئىش ئوقەت قىلماي ئۇسۇل ئوينىسا قورساق تويىدىغان بىرخىل ئۇسۇلنى ئىقاد قىپتىمىش!!! شۇڭا ئىش ئوقەتنى تاشلاپ ئۇسۇل ئويناشنى ئەڭ مۇھىم ساناۋاتىدىغۇ دەيمەن.

ARAL52

	شۇنداق قىلىپ يۇرۇتقا تويغۇزمىسا بىكاردىن بىكابۇيەردىن كەت دىسە قانۇنغا خىلاپ بولىدۇ.

lawa0998

	‹‹زالىمنىڭ زۇلۇمى ئاۋامنىڭ قۇللۇقىدىن كەلگەن›› قانۇن ئارقىلىق ئۆزىنى جاھىللارچە قوغداشنى بىلىشى كېرەك.

mostafa

	lawa0998 يوللىغان ۋاقتى  2012-10-11 08:32 PM ‹‹زالىمنىڭ زۇلۇمى پۇقرانىڭ قۇللۇقىدىن كەلگەن›› بۇ تېمىغا چۈشكەن ئەركەكتەك ئىنكاس، ئىېتقىنىڭىز ھەقىقەتەن تۇغرا، بىزنىڭ قۇللىقىمىزدىن مۇشتاق زۇلۇم ئىدە ياشاۋاتىمىز، بۇنى بىر تۈركۈم دىلى قارغۇ، كۆزى كۇر ئەبلەق كىشلەر بىلمەي تەرىپلەپ شۈلگەيلىرنى ئېقىتىپ كىتىدۇ

mostafa

	abdul915 يوللىغان ۋاقتى  2012-10-11 08:07 PM «ئەرىز قىلىدىغانلارغا بىرگە بىر ئادەم قوي» دەپ يىغىن ئ ... دىمەك تۈرمىدىكى جىنايەتچىلەر چىلىكمۇ ھەق ھۇقۇقىمىز يۇقكەندە، تۈرمىلەردە ئەرزىڭ بارمۇ دەپ سۇراپ تۇردۇ، ئەگەر ئەرز قىلمەن دىسەك قەغەز قەلەم بىرەتتى

Azizan

	ئۇسسۇل ئوينىسا نېمە بوپتۇ ؟  ئاماننىساخان 10 مىڭ كىشىلىك ئۇسسۇل ئوينىتىشنىڭ ئەڭ بېشى ھەم پېشۋاسى ئىدىغۇ ؟ قولىغا كويزا سالسا نېمە بوپتۇ ؟ جاللات خانىش مۆھتەرەممۇ لەكمىڭ كىشىنىڭ قېنىنى قەشقەر دەرياسىغا ئاقتۇرغان ، بىلىم ئىگىلىرىنىڭ كۆزىگە بېگىز تىققانغۇ ؟ ئىشرەتۇل ئەنگىزگە چۆكۈپ ئوردىنى سېسىتسا گەپ يوق ، دىنىي داھىينى ئۆلتۈرۈپ ئەلنى باشسىز قويسا گەپ يوق ، ئۇششاق بالىنى مەدىكارلىقتىن تارتىپ مەكتەپكە ئاپىرىپ قويسا نېمانچە سۆزلەيسىلەر ؟ كۆزى بىلەن كۆرگەن ، بېشىدىن ئۆتكەنلەر سۆزلىسۇن . يوقسۇزلۇق ئادەمگە ھاياتىدا بېرىلىدىغان ئەڭ ئېغىر ئازابلارنىڭ بىرى ، بۇ يوقسۇزلۇق ماددىي يوقسۇزلۇق ۋە مەنىۋىي يوقسۇزلۇقتىن تەركىب تاپىدۇ . دىھقانلىرىمىز ئاللىبۇرۇن قاقسەنەم بولۇپ كەتتى ، ئەمدى ئۇلارنى شۇ مەكتەپكىمۇ ئاپارمىساق ، ئۇلارنىڭ كەلگۈسى نېمە بولماقچى ؟ بۇنداق دېسەم ، ئۆلىمالىرىمىز مەيدىسىگە مۇشلاپ «مەكتىپىڭدە ئوقۇغان ئادەم قانچىلىك بوپ كەتتى» دېيىشتىن يانمايدۇ ، بۇنىسى كۆڭلۈمگە ئايان ، لېكىن ھېچبولمىغاندا شۇلارمۇ ھەرقايسىمىزدەك توردا ئىككى ئېغىز خەت يېزىشنى بولسىمۇ مەكتەپتىن ئۆگىنەر ھەقىچان ؟