پەيغەمبەر شەھىرىدە كۆرگەنلىرىم(مۇسئەب)

musab001

	پەيغەمبەر شەھىرىدە كۆرگەنلىرىم ئاپتورى:مۇسئەب ئاللاھ تائالا نىڭ ئىنسانغا بەرمەيدىغىنى يوق ئىكەن.كىچىكىمدىن پەيغەمبەر شەھىرىدىكى ئىسلام ئۇنۋىرسىتىتىدا ئوقۇش ئارزۇيۇم بار ئىدى،تىلىسەڭ تاپارسەن دېگەندەك ئاللاھ تائالا بۇ ئارزۇيۇمغىمۇ يەتكۈزدى.تۇنجى قېتىم چاقىرىق كەلگەنلىكىنى ئاڭلاپ خوش بولدۇم،ئەمما تۇنجى قېتىم رەسمىيەت ئىشلىرىنىڭ تەسكە توختىشى بىلەن بىر قېتىم كەلگەن چاقىرىق ئۇدا 3يىل كەينى كەينىدىن كەلدى،ئاللاھنىڭ ئاسانلاشتۇرىشى بىلەن 3-قېتىم رسمىيەتلىرىمنىڭ پۈتكەنلىكىنى ئاڭلاپ خوش بولدۇميۇ،ئىشەنگىم كەلمىدى،چۈنكى بۇ ئۈچ يىلدا 3قېتىم پايتەختكە بارغانىدىم.پايتەختكە زور ئۈمىد بىلەن بېرىپ قۇرۇق قول قايتىپ كەلسىڭىز ئەلەمنىڭ چوڭى بولىدىكەن،ئەمما ئاللاھنىڭ خالىغىنى بولىدىكەن،شۇنى ئېسىڭىزدىن چىقارماڭكى ئاللاھنىڭ خالىغىنى ھەممىدىن ياخشى بولىدىكەن.شۇنداق قىلىپ دىنى ئىسلامنىڭ مەنبەسى،مىسىلسىز قۇربانلىق ۋە ئىسارنىڭ شاھىتى،پەيغەمبەر ئەلەيھىسسالامنىڭ ھېجرەت ماكانى،ئىسلامنىڭ تۇنجى پايتەختى،سېخى قولى ئوچۇق قېرىنداشلىرىدىن ھېچنىمىسىنى ئاياپ ئولتۇرمايدىغان ئەنسارلار يۇرتى،يۇرتىدىن ئايرىلغان مۇھاجىرلار نىڭ پاناھگاھى،ئىلىم ئىرپاننىڭ كانى،قۇرئان بولىقى،ھەدىسلەر چەشمىسى،بولغان پەيغەمبەر شەھىرىگە تەھسىل ئىلىم ئۈچۈن ئۇلۇغ ئاللاھنىڭ نامىنى ئېلىپ ئاتلاندىم. كەلگىنىمگە خېلى بولۇپ قالغان بولسىمۇ قېرىنداشلىرىمنى مەدىنە توغرىسىدا مەلۇماتقا ئىگە قىلىش ئىستىكىم بار ئىدى،بۈگۈن ئاللاھ تەۋپىق بېرىپ قولۇمغا قەلەم ئالدىم،گەرچە تاققا تۇققۇ بولسىمۇ،ئانچە يىزىش ئىقتىدارىم بولمىسىمۇ ئاللاھ خالىسا تىرىشتىم،قېرىنداشلارنىڭ دۇئادا ئۇنۇتماسلىقىنى ئۈمىد قىلىمەن. بەزىلەر غەرب دۆلەتلىرىنى ئاغزى ئاغزىغا تەگمەي ماختاپ كىتىشىدۇ،ئىسلام دىنىغا ئېتىقاد قىلىدىغان بىز ئۇيغۇر مۇسۇلمانلىرى ئۈچۈن مەككە مەدىنىنى بېلىش،قەلبىمىزنىڭ ئۇنىڭغا ئىنتىلىشى،ئاللاھ دىن بۇ ئۇلۇغ جايلارغا يەتكۈزۈشنى تىلىشمىز ئىمانىمىز بىزدىن تەلەپ قىلىدىغان ئىش. ئەسرىدىن كىيىن شامغا يېىقىن مەككىدىن مەدىنەمگە قاراپ ماڭغانىدۇق،،مەدىنىگە خۇپتەندىن كىيىنرەك يىقىنلىشىپ قالدۇق،يۈرۈكۈم ئۇزاق مۇددەت كۆرۈشنى ئارزۇ قىلغان ئەمما تېخى كۆرەلمىگەن قەدىناسنى كۆرىدىغاندەك دۈپۈلدەپ سوقماقتا ئىدى،چۈنكى ئەزەلدىن مەدىنىگە چوڭقۇر مۇھەببىتىم بار ئىدى،ئەنە مەدىنىنىڭ ئۆيلىرى كۆرۈنىشكە باشلىدى،ئىككى،ئۈچ،تۆت قەۋەتتىن سېلىنغان بۇ ئۆيلەر زەپمۇ كۆركەم سېلىنغان ئىدى،ئەگەر بۇ ئۆيلەر ۋەتەندە بولۇپ قالىدىغان بولسا ئېسىل داچا،پالان باينىڭ ئارامگاھى ھېساپلىناتتى،بەزەن ئۆيلەرنى كۆرسىڭىز يېڭى زاماندىكى قەسىرلەر كۆز ئالدىڭىزغا كېلەتتى،بۇ يەردە كۆپۈنچە ئۆيلەر داچا تۈسىنى ئالغان بولۇپ،قارىغان ئادەمگە ھۇزۈر بېغىشلايتتى.ۋەتەندىكىدەك قەۋەت قەۋەت كاتەك ئۆيلەر،ئۆز پۇقىنى ئۆزى پۇراپ ياشايدىغان مۇھىت ۋەتەندىلام بار ئوخشايدۇ  دەپ قالدىم.چۈنكى بۇ يەردە ئۇنداق ئاتالمىش تەرەققى قىلغان كاتەك ئۆيلەر يوق ئىدى،ئۇنىڭ ئورنىغا ھەر بىر ئادەم نىڭ دىگۈدەك بىر داچىسى بار ئىدى،ۋەتەندە بولسا خەلىقنىڭ چوڭ،كەڭرى،ئازادە،ئۆيلىرى ئاشۇنداق ئاتالمىش تەرەققى قىلغان كاتەكلەرگە مەجبۇرى ئالماشتۇرىلىۋەتكەنلىكىنى ئۆز كۆزۈم بىلەش شاھىت بولغانىدىم.بۇنىڭغا ھېچقايسىمىزىنىڭ چىشى پاتمايدۇ ئەلۋەتتە خەلىق دېگەن قويدەك يوۋاش بولىشى كېرەك. ئەتىسى پەيغەمبەر ئەلەيھىسسالامنىڭ مەسجىدىگە قاراپ يول ئالدىم،بۇ ۋاقىتتىكى ھېسياتىمنى ئاجىز قەلىمىم بىلەن ئىپادىلەپ بېرىشكە ھەقىقەتەن ئاجىزلىق قىلىمەن،مەسجىدنىڭ سەيناسىغا قەدىمىمنى ئالدىم،يا ئاللاھ نېمە دېگەن جىق مەر مەر تاشلار بۇ؟بۇ تاشلارنىڭ خۇسۇسىيىتى ئاپتاپتا پۇتنى كۆيدۈرمەيتتى،مەسجىدكە كىرىپ ئۆزۈمنى ھەقىقەتەن بەخىتلىك ھېس قىلدىم،چۈنكى نۇرغۇن كىشىلەر، كاپىرلار بار،تەرەققى قىلغان دۆلەتلەرنى تاللىشىدۇ،ئۇلارنىڭ ئۇ يەرلەردە تاپىدىغىنىدىن يوقىتىپ قويىدىغىنى كۆپ بولىدۇ،سىز ماددى جەھەتتە ياخشىراق ياشىدىممۇ دېگىنىڭىز بىلەن مەنىۋى جەھەتتىن ئاللاھ ساقلىمىسا يوقلام بوپ كىتىسىز،ماڭا مەدىنىنى تاللاشقا ئەقىل بەرگەن ئاللاھقا يۈزمىڭلەپ ھەمدۇسانا ئېيتساممۇ ئازلىق قىلىدۇ،پەيغەمبەر ئەلەيھىسسالامنىڭ ياشاپ ئۆتكەن ماكىنىنىڭ مېنىڭمۇ ماكانىم بولىدىغانلىقىدىن سائادەت ھېس قىلماقتا ئىدىم،ھەي قېرىندىشىم بۇ يەرگە كېلىش بىر سائادەت ئىدى،ئۇدۇل كىرىپ پەيغەمبەر ئەلەيھىسسالامغا سالام بەردىم.پەيغەمبەر ئەلەيھىسسلام:ئاللاھ تائالانىڭ زېمنىىن ئايلىنىدىغان مەخسۇس پەرىشتىلىرى بار،ئۇلار ئۈممىتىمنىڭ سالمىنى ماڭا يەتكۈزۈپ تۇرىدۇ،دېگەندى،قېرىندىشىم سىزمۇ كۈندە پەيغەمبەر ئەلەيھىسسالامغا سالام يوللاپ تۇرۇڭ،بۇ پەيغەمبەر ئەلەيھىسسالامنىڭ بىز ئۈممىتى ئۈستىدىكى ھەققى. پەيغەمبەر ئەلەيھىسسالامنىڭ ئىسلامنى بىزگە يەتكۈزۈش ئۈچۈن تارتقان جاپالىرىنى ئەسلىدىم،پەيغەمبەر ئەلەيھىسسالامنىڭ ھېمايەتچى تاغىسى ۋە ئانىمىز بولغان خەدىجە(ئاللاھ ئۇنىڭدىن رازى بولسۇن)لارنىڭ ئۆلىمدىن كىيىن مەككىدىكى قۇرەيش كاپىرلىرىنىڭ ئەزىيەتلىرى ئەۋجىگە چىققانىدى،پەيغەمبەر ئەلەيھىسسالام دىننى دەۋەت قىلىش ئۈچۈن تائىفقا چىقىدۇ،ئەمما بىچارە پەيغەمبىرىم كۈتۈلمىگەن زەربىگە دۇچار بولىدۇ،قەۋمنىڭ ئاقساقاللىرى بالىلار نى قولىغا تاش ئېلىپ پەيغەمبەر ئەلەيھىسسالامنى تائىفتىن قوغلاپ چىقىرىشقا بۇيرۇيدۇ،ھەقىقەتنى يەتكۈزۈش ئۈچۈن،ئىنسالارنى دوزاخ ئازابىدىن قۇتقۇزۇش ئۈچۈن دەۋەت قىلغان پەيغەمبىرىم تاش يەيدۇ،ھەتتاكى بىچارە پەيغەمبىرىم(ئاتا ئانام ئۇنىڭغا پىدا بولسۇن)رەھىمسىزلەرچە ئېتىلغان تاشلاردىن بەدەنلىرى قانغا بويۇلىدۇ،ئەمما ئالەملەرگە رەھمەت قىلىپ ئەۋەتىلگەن پەيغەمبىرىم ئۇلارغا بەد دۇئا قىلىشتا يوق،يەنە ئۇلارنىڭ ھېدايىتى ئۈچۈن دۇئا قىلىدۇ،سىز بىلەن مېنىڭ ھازىر ئۆزىمىزنى پەخرىلىك ھالدا مەن مۇسۇلمان دىيەلىشىمىزگە سەۋەپچى بولغان پەيغەمبەر ئەلەيھىسسالام غا دۇرۇت يوللىدۇقمۇ،پەيغەمبەر ئەلەيھىسسالام ھاياتىنىڭ ئاخىرىغىچە ئۈممىتىم،ئۈممىتىم دەپ ياشىدى، سىز بىلەن مەنچۇ بىرەر قېتىم پەيغەمبىرىم دەپ باقتىقمۇ؟ ئازراق نۇمۇس قىلايلى قېرىنداشلار!پەيغەمبەر ئەلەيھىسسالامغا كۈندە دۇرۇت يوللاپ تۇرايلى،` پەيغەمبەر مەسجىدى پەيغەمبەر ئەلەيھىسسالامنىڭ مەسجىدى بەكلام كەڭرى بولۇپ،مەسجىدنىڭ ئىچىگە كىرگەن ئادەم،بىرە كاتتا ئوردىغا كىرىپ قالغاندەك تۇيغۇ بېرىدۇ،مەككە مەدىنىگە بارغانلار بۇ يەرنىڭ ئىسسىق ھاۋا كېلىماتىنى ئوبدان بىلىدۇ،تالادا ئىسسىق ھاۋانىڭ ھۇجۇمىغا ئۇچراپ،مەسجىدنىڭ ئىچىگە كىرىپ زەمزەمدىن بىر ئىستاكان ئىچسىڭىزلا سىزدىكى ھاردۇق،ئۇسساش،ئىسسىش دېگەن نەرسىلەردىن ئەسەر تاپقىلى بولمايدۇ،ئۇنىڭغا ئەگەشتۈرۈپ ئىككى رەكەت مەسجىد نامىزى ئوقۇسىڭىز ھاردۇقىڭىز بىراقلا چىقىدۇ، تارىختىن بۇيان ئىلىم بولىقى بولۇپ تارىختا ئۆتكەن ئىبن ئابباس،ئىبن مەسئۇد،ئىمام مالىك قاتارلىق داڭلىق ئالىملار پەيغەمبەر ئەلەيھىسسالامنىڭ مەسجىدىدە يىتىشىپ چىقىپ،ئاسماندىكى چولپان يۇلتۇزلاردەك ئىسلام ئاسمىنىدا چاقنىغانىدى،ھازىرمۇ مەسجىدكە كىرسىڭىز ئىلىم سورۇنلىرىنىڭ دۇنيانىڭ ھەر چىتىدىن ئىلىم تەلەپ قىلىپ كەلگەن ئىلىم ئاشىقلىرى بىلەن جانلىنىپ كەتكەنلىكىنى بايقايسىز،مەسجىدتە ئۈگىتىلىدىغان دەرىسلەر بولسا:قۇرئان،تەجۋىد(قۇرئاننى توغرا تەلەپپۇز ئاھاڭ بىلەن ئوقۇش ئىلمى)قۇرئان يادلاش،تەپسىر،ھەدىس ئىلمى،فىقھ (ءءشەرىئەت مەسىلىلىرى)ئىلمى.ئادەمنىڭ ئەڭ مەسلىكى كىلىدىغىنى كىچىك كىچىك شاكىچىكلەرنىڭ گۈزەل باغچىلارنىڭ قۇشلىرىدەك سايراپ جاراڭلىق،تەمكىن ھالدا قۇرئان ئوقۇشى.بۇ شاكىچىكلەرنى كۆرۈپ ۋەتىنىمىزدىكى ئەتىدىن كەچكىچە قىلىدىغان ئىشى يوق تالادا لاغايلاپ يۈرۈپ، جەمىئىيەتتىكى يامان بالىلار تەرىپىدىن ۋىروسلىنىدىغان بالىلار،قىزىل چىراغلاردىكى:ئاكا قەغەز ئېلىۋىلىڭە! ئاز قالغانتى، دەيدىغان سەبى بالىلار،تېخى سەبى پاك قەلب ئىگىسى تۇرۇپ بىراۋلار تەرىپىدىن كاللىسىغا مەجبۇرى ھالدا ئەخلەت ئىدىيە قاچلىنىدىغان بىچارە بالىلار،ئىچىكرى ئۆلكىلەردىكى بىر ئۇچۇم ئىنسان قېلىپىدىن چىققان ھايۋانلارنىڭ ئالدام خالتىسىغا چۈشۈپ قېلىپ،ئۆمرىنى خەقنىڭ يانچۇقىنى كولاش بىلەن ئۆتىدىغان بالىلار،ئىختىيارسىز خىيالىمنى ئۇزاق يىراقلارغا ئېلىپ قاچتى،ئەگەر شۇ سەبى بالىلارمۇ ھەرەمدىكى بالىلاردەك پۇرسەتلەرگە ئىگە بولسا ئىككىنجى ئەۋلات مەھمۇد قەشقىرى،يۈسۈپ خاس ھاجىپلەردىن بولۇپ چىقىشى ئاللاھ خالىسا مۇقەررەر ئىشلار ئىدى،ئەمما بىزنىڭ سەبى بالىلىرىمىزغا ئۇنداق پۇرسەت نەدە،بالىلىرىمىزغا تىل چىقا چىقمايلاقۇرئاننىڭ ئورنىغا: ئاناڭنى،ھېجىقىز،ھاراملىق،سولا..يەنە قايسىدۇر تىلغا ئالغىلى بولمايدىغان سۆزلەر ئالمىشىدۇ،بۇنداق بالا چوڭ بولسا قانداق ئەخلاقتا چوڭ بولار؟مەسئۇلىيەتسىزلىك بولار بىزنىڭكىدەك بولماس،ئويلىغانسىرى يۈرۈكۈم ئېچىشىۋاتاتتى،بىزدە ئاتا-ئانىلارنىڭ بالىلىرى بىلەن ئانچە كارى بولمايدۇ،قورسۇقى تويسا،يالىڭاچ قالمىسا شۇ كۇپايە،ئەمما بىر سەبىگە تاماق قانچىلىك زۆرۈر بولسا ئۇنىڭغا توغرا مەرىپەت،ئەخلاق ئۈگۈتىشمۇ ئوخشاش زۆرۈر،پەيغەمبەر ئەلەيھىسسالام: ھەر بىرىڭلار چوپان،ھەر بىرىڭلار ئۆز قول ئاستىدىكى كىشلەردىن سورىلىسىلەر،دەپ مۇ مەسىلىنىڭ ناھايىتى مەسئۇلىيىتى ئېغىر مەسىلە ئىكەنلىكىنى چۈشەندۈرۈپ بەرگەن.سەبى بالىلىرىمىزنىڭ كاللىسى كىچىكىدىن ئاتالمىش مۇھەببەت بولمىش شەيتان قۇرالى بىلەن كاللا ئۆزگەرتىلىدۇ،15-16گە كىرمەي تۇرۇپ قانۇنسىز ئەر خوتۇن بولىدىغان بالىلار كۈرمىڭغۇ؟مانا بۇ داشقال ئىدىيە نىڭ مەھسۇلى ئەمەسمۇ؟قىز ئوغۇللىرىمىز چوڭ بولسا ئويناشتىن،كۆڭۈل ئېچىشتىن باشقىنى بىلمەيدىغان،ئۆزىنىڭ دىنى،ئىمانى،مىللىتى،مىللى غورورى بىلەن قىلچە ھېساپلىشىپ ئولتۇرمايدىغان،ئاتالمىش مۇھەببەت ئۈچۈن بارلىقىنى ئاتىۋېتىدىغان بۇنداق بىچارە ،تەلۋە ئەۋلادلاردىن نېمىنى كۈتكىنى بولسۇن؟! سەئۇدىدا قىز ئوغۇللار ئايرىم ئوقۇيدۇ ،قىز ئوغۇللارنىڭ ئايرىم ئوقۇشىنى  قالاقلىق دەيدىغانلار كۆپ ، چۈنكى ئۇلار ياۋروپانىڭ  بىر مەيدان مىڭە يۇيۇشغا ئۇچرىغان ھەم ئۇچراۋاتىدۇ. قىز ئوغۇللار  بىللە ئوقۇش جەريانىدا  بىربىردىن ئەيمىنىش يوق بولىدۇ ،بارا بارا پەردىشەپ يوقايدۇ،ياشنىڭ چوڭىيىشىغا ئەگىشىپ بىنورمال فىزىئولوگىيىلىك  ئىشلار ئىككى ياشنىڭ ئېچىرقاپ كەتكەن نەپسىنى قاندۇرۇش ئۈچۈن يۈز بېرىپ تۇرىدۇ،بۇنى ئۇلار ئەخلاقسىزلىق دەپ قارىمايدۇ بەلكى ئىككى ياشنىڭ <ئىددىيىسىنىڭ ئوچۇقلۇقى مەدەنىيەتلىك ئىكەنلىكى>نىڭ ئىپادىسى بۇ ئىككىسىنىڭ بەختى دەپ چۈشىنىدۇ،پەيغەمبەر ئەلەيھىسسالام:نامەھرەم ئاياللارنىڭ قولىنى تۇتىشىڭدىن بېشىڭغا يوغان يېڭنىنىڭ سانجىلغىنى ياخشى،دەپ بۇ ھېكمەتنى بېكاغا ئېيتمىغان.قۇرئاندا نېمىشقا زىنا قىلماڭلار دېمەستىن زىناغا يېقىنلاشماڭلار دەپ ئالىدۇ؟چۈنكى زىناغا يېقىنلاشماڭلار دېيىش ئارقىلىق زىناغا بارىدىغان بارلىق يوللاردىن توستى،مەسىلەن:قىز ئوغۇللارنىڭ بىللە ئوقۇشى،توي قىلماي تۇرۇپ باردى كەلدى قېلىشى،مۇھەببەتلىشىشى،ۋاھاكازالار....زىناغا ئېلىپ بارىدىغان ئىشلار جۈملىسىدىندۇر.پەيغەمبەر ئەلەيھىسسالام نامەھرەملەرگە قاراش شەيتاننىڭ زەھەرلىك ئوقلرىدىن بىر ئوق دېگەن،يەنە:ناماھرەمگە بىرىنجى قېتىم قاراپ سالساڭ گۇناھ بولمايدۇ،ئىككىنجى قېتىم قەستەن قارىساڭ گۇناھكار بولىسەن دەپ زىناغا ئېلىپ بارىدىغان ئامىللاردىن توسقان. مەدىنىدە يەنە بىر ئالاھىدە كۆزۈمگە چىلىققان ئىشنىڭ بىرسى:مۇسۇلمانلارنىڭ ئاياللىرىنى باشقىلاردىن كۈنلىشى ئىدى،مەسىلەن:بىراۋنىڭ ئۆيىگە مېھمانغا بېرىپ قالسىڭىز،ساخىپخاننىڭ قىز ئاياللىرىنى قەتئى كۆرەلمەيسىز،ئەمما ۋەتەندە بولساق ساھىپخاننىڭ قىزلىرى،ئايالى نامەھرەم مېھمانلارنىڭ ئالدىغا چىقىۋېرىدۇ،بۇ نى كۈنلىمەسلىك دەيمىزمۇ ياكى ئەلا مۇلازىمەت؟بۇيەردە ئاياللىرىنى كۈنلەش دىندىن،ئىماندىن ئىبارەت،ئەمما ۋەتەندە بۇ ئەھۋالغا ھېچكىم دىققەت قىلىپ كەتمەيدۇ،بەلكىم بىز ئۇيغۇرلار مېھماندوست خەلق دەپ خوتۇن قىزلىرىمىزنىمۇ مېھمانلارنىڭ ئالدىغا چىقىرىپ قويغاندىمىز؟ ئويلاپ باقسام بىزدە كۈنلەش دەيدىغان نەرسە قەتئى يوق ئىكەن، ئاياللىرىمىزنى كۈنلەيلى،ئۇلارنى سىزدىن ۋە مەھرەملىرىدىن باشقا ھېچكىمنىڭ كۆرۈش ھوقۇقى يوق،پەيغەمبەر ئەلەيھىسسالام:دەيۈز جەننەتكە كېرەلمەيدۇ،دېگەن،دەيۈز كىم؟ دەل ئايال قىزلىرىنى باشقىلاردىن كۈنلىمىگەن،قىزلىرى كىېچە كېچىلەپ ئۆيگە كىرمىسە كارى بولمايدىغان دادىلار دەيۈز،قاتار چايدىن بىكار بولالمايدىغان خوتۇنلارنىڭ ئەرلىرى دەيۈز،سىڭلىسى خەق بىلەن مۇھەببەتلىشىپ يۈرسە كارى بولمايدىغان ئاكا دەيۈز.جېنىم قېرىندىشىم كاللىڭىزنى سەگەكلەشتۈرىۋىتىپ بىر ئويلاپ بېقىڭ: سىز قىز ئاياللىرىڭىزنى زادى قانچىلىك كۈنلەيسىز؟ئارىمىزدا يېرىم يالىڭاچ كېيىنىدىغان قىز ئاياللىرىدىن پەخىرلىنىدىغان دەيۈزلەر يوق ئەمەس،بولمىسا ئۈرۈمچىدە ياز بولمىسا بولغۇدەك دېگەندەك ھەجۋى شېئىرلار مەيدانغا كىلەمدۇ؟دەيۈزلەرنىڭ جەمئىيەتتە مۇتلەق كۆپ ساننى ئېگەللەپ كەتكەنلىكىدىن يازنىڭ بولماسلىقىنى تېلەۋاتىمىز، كۆزۈڭنى ئاچ قىز ئايالىڭنى كۈنلە دەيۈز؟ مەدىنىدىكى مەسجىدلەر مەدىنىنىڭ مەسجىدلىرى ھەقىقەتەن تىلغا ئېلىشقا ئەرزىدۇ،تازلىق،پاكىزلىق،ساپا،ساپ مۇھىت جەھەتتە مەدىنىنىڭ جۈملىدىن مەملىكەتتىكى 100دە 95% مەسجىدلەر نىڭ ھەممىسى دېگۈدەك پاكىز ئېچىگە كىرسىڭىز ئازادە مۇھىتتىن ھەرگىز چىققۇڭىز كەلمەيدۇ،ئىبادەتنىمۇ ئارامخۇدا قىلالايسىز،ئەمما تۇغۇلۇپ ئۆسكەن ئانا ماكانىمدىچۇ؟جۈمە كۈنى مەسجىدكە كىرسەك ئاران تۇرىمىز قاچان خۇتبە تۈگەپ ناماز ئاخىرلىشاركىن دەپ،بۇنىڭ سەۋەپچىسى دەل يەنە شۇ تازلىقىمىزنىڭ ناچا بولىشى،مەسجىدتىكى قاڭسىق،سېسىق،پۇراقلار ئاتموسفىرانى بىر ئالغان بولىدۇ،ئەگەر شۇ جامائەتلەر مەسجىدكە كېلىشتىن بۇرۇن 15 مىنوت ۋاقتىنى تازلىق ئۈچۈن ئاتىۋەتسە،بۇ ئىشلارمۇ بولماس ئىدى. خۇلاسە:                         مەدىنىدە تۇرۇش جەريانىمدا بىزنىڭ تۇرمۇشىمىز بىلەن بۇلارنىڭ تۇرمىشىنىڭ ئاسمان زېمىن پەرقى بارلىقىنى سەزدىم،بۇ پەرقنىڭ دىندا ئىكەنلىكىنى چۈشىنىپ يەتكەندەك بولدۇم،ئەگەر بىزمۇ دىنىمىدا چىڭ تۇرساق شەك يوقكى بىزنىڭ ئۇلۇغ ۋەتىنىمىزدىمۇ مەدىنە كەبى بولغۇسى ئاللاھ خالىسا،بۇيەردە ياخشى تەقۋا ئادەملەر ساقىلىغا ،ئەفىفە مۇسۇلمان ئاياللار ھېجابىغا بەك ئەھمىيەت بېرىدىكەن،ئەمما ئۇلارنڭ ھېچكىم تېرورچى،كونىلىقنى تەرغىپ قىلغۇچى،قالاق،دېمەيدىكەن،چۈنكى بۇ ئۇلارنىڭ ياشاش ئەركىنلىكى ئىكەن،بەلكى شۇنداق كىشىلەردىن بەكرەك خاتىرجەم بولىدىكەن،ئاخىرىدا ئۇلۇغ ئاللاھدىن ۋەتەننىمۇ مەدىنەمگە ئوخشاش بىر جەننەت قېلىپ بېرىشىنى تىلەيمەن،ھەم بىرلىكتە ئۇلۇغ ۋەتىنىمىزنى جەننەت قىلىشقا تىرىشىدىغانلاردىن قىلىشىنى سورايمەن، گەپلىرىم تاققا تۇققۇ بولۇپقالدى،كەڭ تورداشلارنىڭ سەمىمى پىكىر تەكلىپلىرىنى ئايىماسلىقنى ئۈمىد قىلىمەن! 2012-يىلى10-ئاينىڭ11 چارشەنبە مەدىنە مۇنەۋۋەرە     ‎

qiqakkiz

	ئاللاھ سىزدىن رازى بولسۇن قېرىندىشىم . ئەھمىيەتلىك تىما يوللاپسىز ، بۇلۇپمۇ  ھازىر مىللىتىمىز ئارىسىدا ئۇمۇملىشىپ كەتكەن  قىز _ ئاياللىرىنى نامەھرەمدىن كۈنلىمەيدىغان  ئەرلىرىمىز توغرىسىدا ئېيتقانلىرىڭىز  دەل جايىغا چۈشۈپتۇ . ئاللاھ خالىسا مۇشۇنداق ئەھمىيەتلىك تىمىلارنى يوللاشنى توختىتىپ قويماڭ . ئۇلۇغ ئاللاھ ئىشلىرىڭىزنى ئاسان قىلسۇن ، ئامىن .

kanat

	ئاللاھ مۇقەددەس جايدىكى ئۇقۇشىڭىزنى ئوڭۇشلۇق قىلغاي،ئىشلىرىڭىزنى تېخىمۇ ئاسان قىلغاي قېرىندىشىم،ئاللاھ ھەقىقەتەن بەختىىڭىزنى بىرىپتۇ،سىزگە ھەۋىسىم كىلىۋاتىدۇ،مول نەتىجىلەرنى قولغا كەكتۈرۈشىڭىزگە تىلەكداشمەن.

damollam

	ئاللاھ رەھمەت قىلسۇن.بۇندڭن كېيىنمۇ مۇشۇنداق ياخشى تىمىلارنى كۆپلەپ يوللاپ تۇرۇشىڭىزنى ئۈمىت قىلىمەن.

خەتتاب

	پەيغەمبىرىمىزنىڭ ئايىغى تەككەن ئاشۇ مۇبارەك شەھەرلەر ئاللىقاچان ئەينى ۋاقىتتىكى  ئىسلامىي شەرىئەت يولىنى يوقاتتى...پەيغەمبىرىمىز ۋاپات بولۇش ئالدىدا مەككە  مەدىنە ئۇلۇغ شەھەر  بۇ يەردە كاپىرلانىڭ ۋە يات دىندىكىلەرنىڭ ئايىغى تەگمىسۇن دەپ ۋەسىيەت قىلپ كەتكەن ئىدى....ھازىر قارىساق  پىتنە پاساتنىڭ جىمىي تۈرى ئاشۇ يەردىن تىپىلىدۇ..ئامرىكىنىڭ 30مىڭ ئەسكىرى ئاشۇ شەھەرلەردە ئاتالمشى تىنچلىقنى ساقلاپ تۇرۋىتىپتۇمىش...ئەرەپ ئەللىرىدىكى 7 يۇلتۇزلۇق مىھمانخانىلار ئەمىليەتتە ياۋۇرۇپا ئامرىكا بايلىرىنىڭ ئىشرەت سورونلىرىغا ئايلىنىپ قالغان...............پەيغەمبىرىمىز قىيامەتكە يىقىن ئىگىز ئىگىز بىنالار سىلنىدۇ دىگەن بۇ ھەدىسى  دىن بەرپا بولغان شەھەرلەردە ئەكسىنى تىپىشى ئادەمنى تولىمۇ قىينايدۇ....

huxalbala1

	ئاللا رەھمەت قىلسۇن

salahiddyin

	خەتتاب يوللىغان ۋاقتى  2012-10-11 11:13 AM پەيغەمبىرىمىزنىڭ ئايىغى تەككەن ئاشۇ مۇبارەك شەھەرلەر  ... ئەسسالامۇ ئەلەيكۇم قىرىندىشىم، دىگەنلكىرىڭىز ناھايىتى ئورۇنلۇق،

پەلۋان

	تېما ئىگىسىگە ئاللا كوپلەپ ئەجىر ئاتا قىلغاي، بىلىمىنى زىيادە مول قىلغاي، تېما ئىگىسىدىن بىزلەرگە دۇئا قىلىپ قۇيۇشىنى سۇرايمەن.

xaripa2011

	ئەتىتگەندە ياخشى تىمىلىرىڭىزنى كۈرۈش نىسىپ بوپتۇ!! رەھمەت سىزگە!!