يۈرەكنى ئېچىشتۇرىدىغان شۇ مىنۇتلار (2) داۋامى

ab8ob8

	16. بۈگۈن پويىزدا ئىككى ياشانغان موماي قوللىرىنى چىڭ تۇتۇشقىنىچە قىزغىن پاراڭلىشىپ يېنىمدا ئولتۇردى، ئۇلار بىر بىرىگە شۇنداق مېھرى بىلەن قارىشاتتى، بىرى يۇرتىغا قايتىدىكەن، يەنە بىرى ئۇزۇتقىلى چىققانكەن. پويىز قوزغىلىدىغان چاغدا ، بىر موماي پويىزدىن چۈشىۋېتىپ ، كەينىگە قاراپ: "  ئاچا، بۇيىل مەن 89 غا كىردىم، سەن بولساڭ 90 گە كىردىڭ، بۇ بەلكىم بىزنىڭ ئەڭ ئاخىرقى قېتىم كۆرۈشىشىمىز بولۇشى مۇمكىن..." دېگەنىدى، ياندا ئولتۇرۇپ بۇ مەنزىرىدىن بەكمۇ تەسىرلەندىم. 17.بىزنىڭ قورۇدا بىر كىچىك بالا تۇغۇلۇپ ئۇزۇن ئۆتمەيلا ئانىسى ۋاپات بولدى، شۇندىن بۇيان چوڭ ئانىسى ئۇنى بېقىپ كەلگەن. بىر كۈنى شاكىچىك چوڭ ئانىسىغا ئەركىلەپ: " چوڭ ئانا سېنى بىر قېتىم ئانا دەپ چاقىرسام بولامدۇ؟" دېدى ... مەن بىر يات ئادەم بۇ گەپنى ئاڭلاپ يۈرىكىم ئېچىشتى، چوڭ ئانىسىنىڭ يۈرىكىچۇ؟ 18.كىچىكىمىزدە مەن داۋاملىق ئىنىم بىلەن ئۇرۇشاتتىم، بىراق ئۇ ھەرقېتىم ماڭا بوزەك بولسىمۇ يەنىلا ئۇششاق چۈششەك يېمەكلىكلەر بولسىلا ماڭا ئەڭ ئاۋۋال " ئاچا ، بۇنى سەن يە !" دەپ ئەكېلىپ بېرەتتى... 19." ئاچا، باياشات تۇرمۇش قانداق بولىدۇ؟ " سىڭلىم گۆدەكلەرچە سورىغان بۇ سوئالىغا جاۋاب بەرمەستىن، ئۇنى بەزلەپ ئۇخلىتىپ قويدۇم. ئاندىن ئۆزۈم تام تەرەپكە قايرىلىپ ، كېچىچە يىغلاپ چىقتىم، ياستۇقلىرىممۇ ھۆل بوپ كەتتى... مۇشۇ سوئالنى ئويلىساملا بارلىق قىيىنچىلىقنى يېڭىشقا بەل باغلايمەن. 20.مېنىڭ دوستۇم يېتىم بالا، ئۇ يېتىم بالىلار پاراۋانلىق ئورنىدا چوڭ بولغان، كىچىكىدىنلا ئۇخلاشنى بەك ياخشى كۆرىدۇ. بىر قېتىم مەن ئۇنىڭدىن : نېمىشقا ئۇخلاشنى ياخشى كۆرىدىغانلىقى ھەمدە ھەرقېتىم بەك ئۇزۇن ئۇخلايدىغانلىقى سورىسام، ئۇ ماڭا :" ئۇخلىسام چۈش كۆرىمەنمىكىن ، چۈشۈمدە ئاتا ئانامنىڭ تەقى تۇرقى قانداقراقكىن ، نېمىشقا مېنى تاشلىۋەتتى؟ شۇنى بىلىپ باقايمىكىن دەپ ...." دەپ جاۋاب بەردى، مەن : ئۇنداقتا چۈشۈڭدە كۆرۈپ باقتىڭمۇ؟ دېسەم، ئۇ ئەزەلدىن چۈشۈمگە كىرىپ باقمىدى دەيدۇ.... 21.يېڭىدىن مەكتەپ پۈتتۈرۈپ، بالىلارچە جاھىللىقىم بىلەن يۇرتتىن ئايرىلىپ يىراق شەھەردە خىزمەت تاپىمەن دەپ يولغا چىقتىم، پويىز ئىستانسىسىغا كەلگەندە، قىز دوستۇم ماڭا بىر لىپاپنى تۇتقۇزدى. مەن پويىزغا چىققاندا ئېچىپ قارىسام، ئىككى يۈز يۈەن نەق پۇل بىلەن كىچىككىنە ۋاراقچە ئىكەن، قەغەز يۈزىدە مۇنداق بىر قۇر خەت بار ئىدى :   سەن يىراققا بېرىشنى قارار قىلغانىكەنسەن، چوقۇم ياخشى تىرىشقىن، ئەگەردە راستىنلا كۈن ئۆتكۈزەلمىسەڭ مۇشۇ پۇلغا بېلەت ئېلىپ قايتىپ كەلگىن، مەن سېنى كۈتىمەن! 22." تاماق تەييار بولدى، كېلىپ تامىقىڭنى يەۋال" بۇ ئانامنىڭ ئۆمرىدە ئەڭ كۆپ دېگەن سۆزى، ھەمدە مەن ئەينى چاغدا بىپەرۋا قارىغان ئادەتتىكى سۆز. ئۇ چاغدا مەن " سىلەر يەۋېرىڭلار، مەن سىرتتا يەۋالدىم، مېنى ساقلىماڭلار" دەپ جاۋاب بېرەتتىم. مانا ھازىر ئۇ گەپنى ئاڭلايمەن دېسەممۇ دەيدىغان مېنى تاماققا چاقىرىدىغان ئاپام يوق! 23.ئالىي مەكتەپتىكى چېغىمدا ، ياتاقتا چۈشلۈك ئارام ئېلىۋاتسام تېلفۇنۇم سايراپ كەتتى، ئېلىپ قارىسام دادامكەن: " چۈشلىكى تېلفۇن ئۇرمىساڭلار بولمامدۇ؟ ئادەمنىڭ ئۇيقىسىنى بۇزۇپ !~..." دادام بوش ئاۋازدا :" خاپا بولما بالام، شۇ كارتاڭغا پۇل سېلىۋەتكەنتىم، شۇنى دەپ قوياي دەپ ... سەن ئۇخلاۋەر...." دېدى. كەينىدىن كەچۈرۈم سورىغان بولساممۇ، بۇ ئىش ئۈچۈن ئۆزۈمنى تا ھازىرغىچە كەچۈرەلمەيمەن. 24.چوڭ ئانام بىلەن جۇۋاۋا يېگەندە داۋاملىق بەك ئاستا يەيتتى، بۇرۇن مەن تېخى ئۇنىڭ ئاشقازىنى ياكى چىشى ئاغرىمدىكىن دەپ ئويلاپتىكەنمەن، كېيىن بىلسەم، مېنى جىقراق يېسۇن دەپ شۇنداق قىپتىكەن... 25.ئالىي مەكتەپكە چىققان ۋاقتىمدا، بىر كۈنى ئانام تېلفۇندا مەيۈس ھالدا مۇنداق دېگەنىدى :" مەن ئۆيدە بىكار بوپ قالساملا سېنىڭ رەسىمىڭگە قاراپ خىيال سۈرىمەن،  رەسىمگە قاراپ ساڭا گەپ قىلىپ كېتىمەن، داداڭ بولسا ، بىكار بولسىلا سېنىڭ ياتاق ئۆيۈڭگە كىرىپ ئىسمىڭنى توۋلاپ قويىدۇ..." 26.  20 يىل بۇرۇن ئاتا ئانام سىرتتا ئىشلەپ پۇل تېپىش ئۈچۈن مېنى چوڭ ئانامنىڭ يېنىغا  ئاپىرىپ قوياتتى. پۈتۈن بالىلىقىم پەقەت ئاتا ئانامنىڭ مەندىن يىراقلاپ ماڭغان شۇ غۇۋا گەۋدىسىنى چۈشەش بىلەن ئۆتتى، ھەر كۈنلىكى شۇ چۈشۈمدىن يىغلاپ ئويغىنىپ كېتەتتىم.    بۈگۈن ئاتا ئانام مېنى ئالغىلى كەلدى. مەن بېشىمنى تۆۋەن سېلىپ يىغلامسىراپ ئۇلاردىن سورىدىم: " ئەينى يىلى مەن ئەمدىلا مېڭىشنى ئۆگەنگەن ۋاقتىم، سىلەرنىڭ كەينىڭلاردىن يۈگرۈپ يېتىشەلمەي يىقىلىپ كەتسەممۇ ماڭا قاراپ قويمىدىڭلارغۇ؟ مېنى شۇنداق تاشلاپ كېتىشكە چىدىدىڭلارما؟ "    خېلىغىچە ئانام زۇۋان سۈرمىدى، بېشىمنى كۆتۈرۈپ قارىسام ئۇ يىغلاپتۇ:" ئەگەردە شۇ چاغدا كەينىمىزگە قارىساقلا بىز كېتەلمەيتتۇق بالام، بىزنى كەچۈرگىن ... " 27.مەن ئاغرىپ قالغان چېغىمدا دوختۇرخانىدا نومۇر ئېلىش ئۈچۈن ئانام ئۇياق بۇياققا يۈگرىگەچ كۆنۈپ قالغان ئادىتى بويىچە ماڭا قاقشايتتى " تاماقنى ۋاقتىدا يە، قېلىن كىي دېسە ئۆزىنىڭ بىلگىنىنى قىلغان، بۇ خەقمۇ ( نۇمۇر ئېلىش كۆزنىكىدىكى خادىمنى دېمەكچى ) مىت مىت مىت قىلىپ ... " شۇ تەرىقىدە ھەممەيلەنگە قاقشاپ چىقتى... ئويلىساملا يىغا تۇتىدۇ... 28.چەتئەلدىن قايتىپ كەلگەن كۈنۈم ، ئاشخانىغا كىرىپ ئانامغا ياردەملىشىپ چۈشلۈك تاماق قىلىۋاتاتتىم، ئانام توختىماي ماڭا مەن يوق چاغلاردىكى قىزىقارلىق ئىشلارنى سۆزلەپ بېرىۋاتاتتى. " بىر كۈنى بىز تۇغقانلار يىغىلىشى ئۆتكۈزگەنىدۇق، تۇغقانلار سېنىڭ چەتئەلگە چىقىپ كەتكىنىڭنى بىلىپ، ماختاپ كېتىشتى، سېنى بەك ياراملىق قىز بولدى دېيىشتى، بۇنى ئاڭلاپ داداڭنىڭ كۆزلىرى خۇشاللىقتىن كۈلۈپ يۇمۇلۇپ كەتتى. ھامماڭ < قىزىڭىزنى سېغىندىڭىزمۇ؟> دەپ سورىۋېدى، داداڭ < ياقەي، سېغىنمىدىم، ئۇ يوق بولسا تېخى ئارامخۇدا بولۇپ قالىمەن !> دېگەنىدى. بىر ھازادىن كېيىن، ئىشىك تۈۋىگە چىقىپ قارىسام، ئۇ تاماكا چېكىپ كىچىك بالىدەك كۆزلىرىدىكى ياشنى سۈرتكەچ مىشىلداپ ئولتۇرۇپ كېتىپتۇ."  بۇلارنى ئاڭلاپ ، مەن بىرياقتىن كۆكتات يۇيىۋاتىمەن، بىر ياقتىن مىشىلداپ يىغلاۋاتىمەن...     تەرجىمە قىلغۇچىدىن مۇنبەرداشلارغا:       ( دۇنيادا پەقەت ئاتا ئانىنىڭ پەرزەنتىگە بولغان مۇھەببىتىلا ئەڭ ساپتۇر، چۈنكى بۇ مېھر مۇھەببەت شەخسىيەتچىلىكتىن مۇستەسنا!      ئاتا ئانىڭىزنىڭ بارىدا ئۇلارنى ياخشى كۈتىۋېلىڭ، رازى قىلىڭ... ۋاپات بولسا ئۇلارنىڭ روھىغا ئاللاھ ئۈچۈن دۇئا قىلىڭ!   قېينئاتا قېينئانىڭىزمۇ دەل سىزنىڭ شۇ سۆيۈملۈك يولدىشىڭىز ياكى ئايالىڭىزنى شۇنداق مېھرى بىلەن بېقىپ چوڭ قىلغان. ئۇلارمۇ سىزنىڭ ئۆز ئاتا ئانىڭىزغا ئوخشاش!    يۈرىكىڭىز ئېچىشسا ئاتا ئانىڭىزغا قېرىندىشىڭىزغا بوۋا مومىڭىزغا قېيىنئاتا قېيىنئانىڭىزغا يولدىشىڭىزغا ئايالىڭىزغا پەرزەنتىڭىزگە سېنى سېغىندىم دەپ ئېيتىڭ! يىغلاش ئاجىزلىق ئەمەس! مېھر مۇھەببەت ئۈچۈن ئېچىشمىغان يۈرەكنى ئىتقا تاشلاپ بەرگۈلۈك! مېھر مۇھەببەت ئۈچۈن ياش تۆكمىگەن كۆزنى ئويۇۋېلىش كېرەك! )            مەنبە : توردىن  تەرجىمە قىلدىم

tapalmidim

	ئاتا ئانىڭىزنىڭ بارىدا ئۇلارنى ياخشى كۈتىۋېلىڭ، رازى قىلىڭ!

musilina

	ئاتا -ئانىلار بارلىقىنى پەرزەنت ئۈچۈن ئاتىغۇچىلاردۇر... بىچارە  دادام -ئاپاملار ئىنىمنى كۆرۈش ئۈچۈن  ماڭدى،مەن يىغلاپ قالدىم..

ANSWER

	ياخشى تەرجىمە ، داۋاملىق تىرىشقايسىز !

ANSWER

	ياخشى تەرجىمە ، داۋاملىق تىرىشقايسىز !

پەرىم

	قېرىنداشلار ئارىسىدا ئازارلىق بولىدۇ،لىكىن بىزارلىق بولمايدۇ! ياخشى تەرجىمە قىپسىز.

ab8ob8

	نىم جاپا   سىز ئەجەب يوقاپ كەتتىڭىزغۇ؟ باھا بەرگىنىڭىزگە كۆپ رەھمەت. سىزنىڭ ئەسەرلىرىڭىزنىمۇ سېغىنىپ قالدۇق!

yalguzbora

	ياخشى تەرجىمە ، داۋاملىق تىرىشقايسىز !

Umidim

	مېھر مۇھەببەت ئۈچۈن ئېچىشمىغان يۈرەكنى ئىتقا تاشلاپ بەرگۈلۈك ؟ «ئىت ۋاپا ، خوتۇن جاپا » دەپ بىر ماقال-تەمسىل بولىدىغان ، ئىتمۇ يەپ سالماسمىكىن دەيمەن بۇنداق يۈرەكنى

Umidim

	مېھر مۇھەببەت ئۈچۈن ئېچىشمىغان يۈرەكنى ئىتقا تاشلاپ بەرگۈلۈك ؟ «ئىت ۋاپا ، خوتۇن جاپا » دەپ بىر ماقال-تەمسىل بولىدىغان ، ئىتمۇ يەپ سالماسمىكىن دەيمەن بۇنداق يۈرەكنى