ئۈرۈمچىدە پاسپورتنى مۇنداق بىجىرىدىكەنمىز

بۇغرا1

	ئۈرۈمچىدە پاسپورتنى مۇنداق بېجىرىدىكەنمىز ئۈرۈمچىدە ھازىر تۇققان يوقلاشقا پاسپورت بېجىرىلمەيدۇ، ناۋادا چەتئەلدىكى تۇققىنىڭىز ئېغىر ئاغرىپ قالغان بولسا ياكى ۋاپات بولغان بولسا ئۇ باشقا ئىش. بۇنىڭ ئۈچۈن سىز چەتئەلدىكى دوختۇرخانىنىڭ ئىسپاتى ۋە جۇڭگونىڭ چەتئەلدىكى ئەلچىخانىسىنىڭ ئىسپاتىنى كۆرسىتىشىڭىز كېرەككەن. مېنىڭ بۇ يەردە تونۇشتۇرماقچى بولغىنىم چەتئەلدە ئوقۇش ئۈچۈن پاسپورت بىجىرىش.1. ئالدى بىلەن چەتئەلدىكى ئالىي مەكتەپنىڭ قوبۇل قىلىش ئۇقتۇرۇشىنى ئېلىپ، يىكەنكۆل (نەنخۇ)دېكى ئۈرۈمچى شەھەرلىك ج خ ئىدارسى يېنىدىكى جۈنچىڭ چەتئەلگە چىقىش، تەرجىمە مۇلازىمەت ئورنىغا بېرىپ خەنزۇچىغا تەرجىمە قىلىدۇرىدىكەنمىز. ئادەتتە بىر بەت ئۈچۈن 80 كويدىن 100 كويغىچە ئالىدىكەن.2.يىكەنكۆلدىكى شەھەرلىك ج خ ئىدارسىگە كىرىپ ئىلتىماس جەدىۋېلى ئېلىپ، جەدىۋەلگە ئىسىم، ئادىرېس دىگەندەك ئۇچۇرلارنى تولدۇرىدىكەنمىز.(مەسئۇل خادىم جەدىۋەلگە بىر تامغا ئۇرىدىكەن) 3. خزمەت قىلىۋاتقان بولساق ئۆزىمىز ئىشلەۋاتقان ئورۇننىڭ كادىرلار باشقارمىسىنىڭ، خىزمىتىمىز بولمىسا ئۈزىمىز ئولتۇرۇشلۇق ئورۇندىكى ساقچىخانىنىڭ تامغىسىنى باستۇرىدىكەنمىز. (يەنە بىر ئىمزا، بىر تامغا)4. ئۆزىمىز ئولتۇرۇشلۇق ئۆي تەۋە رايوندىكى ئاھالىلەر كومىتىتى، كوچا باشقارمىسى، رايونلۇق (تەڭرىتاغ رايونى دىگەندەك ناھىيە دەرىجىلىك رايونلارنىڭ) مىللەت دىننىي ئىشلار ئىدارىسىنىڭ تامغىسىنى باستۇرىدىكەنمىز. (ئۈچ ئىمزا، ئۈچ تامغا)5. ئۆزىمىز ئولتۇرۇشلۇق ئۆي تەۋە رايوندىكى ساقچىخانىدىكى بىزگە مەسئۇل ساقچىنىڭ ۋە ساقچىخانا باشلىمىنىڭ ئىمزاسى ۋە تامغىسىنى باستۇرىدىكەنمىز. (ئىككى ئىمزا، ئىككى تامغا)6. بىز تەۋە بولغان رايونلۇق دۆلەت ئامانلىق چوڭ ئەتىرىتىنىڭ تامغىسى.تەڭرىتاغ رايونلۇق دۆلەت ئامانلىق چوڭ ئەتىرىتىنىڭ ئورنىنى بىلىۋېلىڭ، تېپىش سەل تەس. يەنى تەڭرىتاغ رايونلۇق ج خ ئىدارىسىنىڭ يېنىدىكى بىر كونا ھويلىنىڭ ئىچىدە، ج خ ئىدارىسىدىن چىقىپ، ئوڭغا بورۇلۇپ 50 مىتىر ماڭسىڭىز، ئىدارىگىمۇ ئوخشىمايدىغان بىر كونا ھويلا بار، مۇشۇ ھويلىنىڭ ئەڭ ئىچىدىكى سول تەرەپ بولۇڭدىكى ئىشخانا. (بىر ئىمزا، بىر تامغا)7. رايونلۇق ج خ ئىدارىسى ئىدارە باشلىقىنىڭ ئىمزا ۋە تامغىسى. تەڭرىتاغ رايونلۇق ج خ ئىدارىسى شىياۋشىمىندە يەنى جۇڭسەن يۇلى جۇڭچۈەن تىلىغۇن بازىرىنىڭ ئارقىسىدا، خۈيجىيا دەۋىر سودا بىناسىنىڭ ئۇدۇلىدىكى كوچىدا. شىياۋشىمىن تەرەپتىن كەلسىڭىز، شىياۋشىمىن تۇڭلوۋەن مەيدانى يېنىدىكى كېنتاككىي يېندىكى كوچىغا كىرىپ 60 مىتىر ماڭسىڭىز كۆرىنىدۇ. (يەنە بىر ئىمزا، بىر تامغا)8. بۇ يىلقى پاسپورت بىجىرىشتىكى يېڭىلىق: ئۆز خىراجىتىڭىز بىلەن چىقماقچى بولسىڭىز، ئۆزىڭىزنىڭ جۇڭگو بانكىسى ئارقىلىق چەتئەلدىكى ئالىي مەكتەپكە پۇل تۆلىگەن ئىسپاتنى كۆرسىتىشىڭىز كېرەككەن. ناۋادا ئوقۇش مۇكاپات پۇلىغا ئېرىشكەن بولسىڭىز، جۇڭگونىڭ سىز چىقماقچى بولغان دۆلەتتىكى ئەلچىخانىسى سىزنىڭ ئوقۇش مۇكاپات پۇلىغا ئېرىشكەنلىكىڭىز توغرىسىدا ئىسپات چىقىرىپ بېرىشى كېرەككەن. ماۋۇ يېڭىلىق ئادەمنى يامان ئاۋارە قىلىدىكەن. جۇڭگۇنىڭ ئەلچىخانىسى ئادەتتە ئىسپات چىقىرىپ بەرگىلى ئۇنمايدىكەن. ئۇلارنىڭ قارىشىچە بۇنداق قىلىشنىڭ ھاجىتى يوقمىش. پاسپورت بىجىرىش ئۈچۈن بۇنداق نەرسىلەر كەتمەيمىش.دېمەك، بىز پاسپورت بېجىرمەكچى بولساق  9 تامغا كېتىدىكەن. پاسپورت بىر ئايدا بىجىرىلىپ چىقىدىكەن.                                                          ئانا تىل بلوگىدىن ئېلىندى

uygurturki

	مېنىڭ مۇشى ئېشىغا بەكلا ئاچچېقىم كىلدۇ جۇمۇ لىكىن قازاقلاغا بەك ئاسانكە دېسە 5كۇندېلا بېجىرىپ بۇلدېكە

tatinqak

sit@ali

	شەخسى ئىشقا چىقساق چۇ؟

zokra

	ئاللا.....ئاشۇ  ۋاراق قىپقىزىل  بويىلىپلا  كىتىدىكەنغۇ  ئەمىسە ....

atlan028

	ۋاي ئاللا نىمانداق مۇرەككەپ، ئىچكىردە بىر تال جەدۋەلنى توشقۇزۇپ، نوپۇس ئىسپاتى بىلەن بىللە رەسىم ۋە كىتەرلىك 210 يۈەن پۇلنى تاپشۇرسىلا 15 كۈننىڭ ئىچىدە چىقىدىكەن.   دىڭ شىياۋپىڭ ئوتتۇرغا قويغان بىر دۆلەتتە ئىككى خىل تۈزۈم سىياسىتىنى ئاساس قىلىپ  تەۋرەنمەي ماڭىمىزدە

dolantograk004

	بىز بۇ ئۆمرىمىزدە پاسپورت كۆرمەيدىكەنمىزدە

ab8ob8

	ئۈرۈمچىدە بەك ئاۋارىچىلىقكەنغۇ؟ بىزنىڭ بۇيەردە ئۇنداقمۇ ئەمەس. ئادەتتە تۇغقان ، دوستلىرىنى يوقلىغىلىمۇ ئۇيغۇرلارنىڭ بېجىرىلىۋېرىدۇ. رەسمىيىتى تولۇق پۈتۈپ بولسىلا، 20 كۈننىڭ ئىچىدە چىقىدۇ. دۆلەت ئامانلىق قوغداش چوڭ ئەترىتىنىڭ ئەترەت باشلىقى ۋە ج خ ئىدارىسىنىڭ ئىدارە باشلىقىنىڭ ئىمزا ۋە تامغىسىنى چېگرىدىن چىقىش ۋە كىرىشنى باشقۇرۇش ئەترىتىدىكىلەر ئۆزى بېرىپ باستۇرۇپ كېلىدۇ. قازاقلارغا ھەقىقەتەن ئاسان. خۇيزۇ بىلەن ئۇيغۇرلارنىڭ 20 خىزمەت كۈنىدە پۈتىدۇ، قازاقلارنىڭ ۋە خەنزۇلارنىڭ 15 خىزمەت كۈنىدە پۈتىدۇ.

چېچەك

	مەكتەپتىن نۇپۇسۇمنىڭ ئەسلىي نۇسخىسىنى ئېلىپ بېرىپ 30يۈەنگە رەسىم چۈشۈپ ئۈچ پارچە جەدىۋەل تولدۇرۇپ(ئىككىسى پاسپورتىنىڭ،بىرسى ئاۋمېىن،شىياڭگغا چىقىش يۈرۈش ئىجازەتنامسىنىڭ)210يۈرەن پۇلنى تاپشۇرۇپ،ئىمىزايىمىنى سىكانتىرلاپ قايتىپ كەتكەن ئىدىم.بىر ھەپتىدىن كېيىن دادام ‹سىزنى چەتئەلگە قاچىدىكەن دەپ سىز تۇرۇشلۇق ئۇرۇندىكى.....يەردىن ماۋۇ يەردىكى جامائەت خەۋسىزلىك ئىدارىسىگە تېلىفۇن بېرىپ ،ئائىلە باشلىقى بىر ھۆججەتكە قول قويسۇن دەپ چاقىرىتىپتۇ›دەپ تېلىفۇن قىپتۇ..<شۇ بىكار تۇرغۇچە قېچىپ تۇراي دېگەن دادا !>دېسەم كۈلۈپ كەتكەن ئىدى... تەتىل قىلىپ قايتىپ كەلسەم چىقىپ بوپتۇ...رەسمىگە پەقەت ياخشى چۈشمەپتىمەن لېكىن..

ئۆل

	بۇنچلىك بۇلدۇ ..يولڭىز بولسا پۇلڭىز بولسا ئاسان ...مۇشۇ ھەجىگە باردىغانلارمۇ 5000نى سىرتتىن ئۇرمسا بىجىرەلمەيدىكەن ئەمەسمۇ