ئەندىشەم ئارتۇقچىمۇ؟

abral30

	بىر ئاغىنەم شىركەت قۇرىۋىلىپ، بوغالتىر تاپالماي مېنى بوغالتىر بولۇپ بەر دىدى. ماقۇل بولۇپ، بوغالتىر بولۇپ بەرگەن ئىدىم. ئەمما شىركەتنى قۇرۇپ قويغان بىلەن ، شىركەت ئارقىلىق ھىچقانداق سودا قىلمىدى. سودىسى يەنىلا ئەسلى پەدىدە يەككە تىجارەتچى شەكلىدە بولىۋەردى. كېيىن ئۇ مەبلەغ قىلىپ سالغان پۇلىنى بانكىدىن چىقىرىۋالدى. ئەمما ئۇ پۇل خارەكتىرى جەھەتتىن شىركەتنىڭ پۇلى بولۇپ، ئاغىنەم شىركەتنىڭ پۇلى مېنىڭ پۇلۇم دەپ ئويلاپ ئۇ پۇلنى ئۆزىنىڭ باشقا تىجارىتىگە ئىشلەتتى. مۇشۇ چاغدا مەن سەل ئەنسىرەپ قالدىم. چۈنكى بۇ ئېنىقلا شىركەت مەبلىغىنى يۆتكەپ ئىشلىتىش بولاتتى. شۇنىڭ بىلەن ئاغىنەمگە دەپ يۈرۈپ شىركەتتىن پايدىلىنالمىساڭ تاقىۋەت دىدىم. ئۇ ئاخىرى شىركەتتىن پايدىلىنالماي تاقىۋەتتى. ئەمدى بىلىدىغانلاردىن بىر سوئال سورىماقچىمەن. تۈنۈگۈن بىر ئايال تېلېفۇن قىلىپ قالدى. بىز مۇنداق شىركەت قۇرغان ئىدۇق. پالانچى ئاغىنىڭىز سىزنى بوغالتىرلىققا كۆرسەتكەن. ھازىر باج ئىدارىسى بوغالتىر ئىشلەپ بېرىدىغان بىر ئىشلار بار دەيدۇ. شۇڭا سىز بىرىپ بىجىرىشىپ بەرسىڭىز دەيدۇ. ئۇقسام ئاغىنەم ماڭا دىمەيلا مېنىڭ بوغالتىرلىق كېنىشكام ۋە باشقا ماتىرياللىرىمنى ئۇلارغا بەرگەن ئىكەن. ئۇلار مېنىڭ بوغالتىرلىق كېنىشكام بىلەن شىركەتنى قۇرۇش ئۆتكىلىدىن ئۆتكەن. ھازىر باشقا كېنىشكىسى يوق ئادەمنى بوغالتىر قىلىپ ئىشلىتىۋىتىپتۇ. ئەمدى مېنىڭ كۆپچىلىكتىن سورىماقچى بولغىنىم، ئەگەر بۇ شىركەت بەزى قانۇنسىز ئىشلارغا ئارلىشىپ قالسا، مەسىلەن : باج ئوغۇرلاش دىگەندەك، مەن ئۇلارغا بوغالتىرلىق قىلمىغان بولساممۇ، ئەمما باج ئىدارىسىدا مېنىڭ ئارخىۋىم بولغانلىقى ئۈچۈن جازا كەلسە ماڭىمۇ كېلەمدۇ؟ ئەگەر باج ئىدارىسىدىن مېنىڭ ئۇلارنىڭ بوغالتىرى ئەمەسلىكىمنى ، ئىسمىمنى شىركەت بوغالتىرى دىگەن يەردىن ئۆچۈرىۋىتىشنى تەلەپ قىلسام بولامدۇ؟ ياكى بۇ ئەندىشەم ئارتۇقچىمۇ؟

xjunicom

	بۇنىڭدىن ئەنسىرگىنىڭىز توغرا بوپتۇ، لىكىن مىنڭىچە سەل ئارتۇق ئەنسىرەپ كىتىپسىز ، ئادەتتىكى باجدىن قېچىش قاتارلىق كىچىكرەك ئىشلارغا پەقەت شىركەت قانۇن مەسئۇلى مەسئۇل بولدىكەن ، ئەگەر ئىنتايىن چوڭ ۋەقە چىقسا  مالىيە مەسئۇلىغا چىتىلدىكەن ، بۇغالتىرغا ئاساسەن چېتىلمايدىكەن ، شوڭا ئارتۇق ئەنسىرمەڭ ، مەن سىز ئۈچۈن خەنچە توردىن نۇرغۇن مۇناسىۋاەتلىك ماتىريال ئىزدەپ كۆردۈم . شۇڭا بەك ئەنسىرەپ كەتمەڭ ، بۇنى كۆرۈپ بېقىڭ http://zhidao.baidu.com/question/73319386.html

rivayat1986

	مەن ھازىر بىزنىڭ بوغالتىر بىلەن مۇشۇ ئىشىڭىز توغۇرلۇق پاراڭلاشتىم . بىزنىڭ بوغالتىر دەيدۇ ، سىز شۇ شىركەتكە بىرىپ ئۇلاربىلەن سۆزلىشىپ ئۇلاردىن پۇل تەلەپ قىلىڭ . سىزنىڭ كىنىشكىڭىزنى ئىشلەتكەن ۋاقىتتىن تارتىپ ھازىرغىچە بولغان ۋاقىتنىڭ پۇلىنى سۈرۈشتۈرۈڭ . مەن بوغالتىردىن «نەچچەپۇل سۈرۈشتۈرسە بولىدۇ؟ »دىسەم ،« قانچىپۇل بولسا بولىۋىرىدۇ » دەيدۇ .يەنە دىدىكى ،بۇنىڭ خەتىرى بىرقەدەر كۆپ بولۇپ ،سىزنى دەرھال سوتقا ئەرز سۇنسۇن دەيدۇ . يەنەبىر مەسلەھەت ،سىز ئەڭ ياخشىسى ئادۇكاتتىن بىرنى تىپىپ مەسلەھەت سوراپ بىقىڭ، بىزنىڭ بوغالتىر بۇنداق ئەھۋالغا يولۇقۇپ باقماپتىكەن.

nap~rat

	پولات ئەلەمدارنىڭ مۇنداق بىر گېپى بار : ئاقىۋىتىنى ئويلىغانلار قەھرىمان بۇلاممايدۇ دەيدىغان ، شۇڭا كۆمسەم پىشامۇ-ياپسام پىشامۇ دەپ ئىككىلىنىش ئادەمنى مەغلۇبىيەت يولىغا باشلاپ قويىدۇ .

MiRul

	ئەڭ ياخشىسى سودا-سانائەتنى مەمۇرى باشقۇرۇش ئىدارىسىغا ۋاقىتىدا بېرىپ ئەھۋالنى ئۇلارغا ئېيتىپ مەسىلىنى تېزدىن ھەل قىلىڭ، ئسىڭىزدە بولسۇن ئوغۇردىن مال ئالغان ئادەممە ۋاقتى كەلگەندە قانۇن ئالدىغا چۈشۈپ قىلىشى مۇمكىن، سىز بۇنىڭغا سەل قارىماڭ.

Ruin

	ياخشىسى ئۆزىڭىزنىڭ شەخسى ھوقۇق مەنپەئىتىڭىزنى قوغدىغىنىڭىز ياخشى ، كىيىن بىرئىش بولمايدۇ دىگىلى بولمايدۇدە، سىزنىڭ نامىڭىزنى سۈيئىستىمال قىلغانلىقكەنغۇ بۇ ،

baytura

	مەن بۇ ھەپتە بوغالتىرلىق كىنىشكىسىنىڭ ئىمتىھانىغا قاتنىشىمەن

musilina

	مېنىڭچە بۇ ئەندىشىڭىز ئارتۇقچە ئەمەس،شىركەتتىن كېيىنچە بىرەر ئىش چىقىپ قالسا،مەسئۇلىيىتى سىزگىمۇ چېتىلىپ قېلىشى مۈمكىن،شۇڭا ۋاقتىدا مۇناسىۋەتلىك ئورۇنلارغا بۇ ئەھۋالنى مەلۇم قىلىڭ...

nazila998

	ھازىر جەمىيەتتە بۇنداق ئىشلا خىلى كۆپ ، شەخسى دوختۇرخانىلار ئىنۋانى يۇقۇرى دوختۇرلارنىڭ كەسپى سالاھىيەت كىنىشكىلىرى ئارقىلىق تىزىمغا ئالدۇرۇپ ، دۇختۇرخانىنى ئىچىپ ، كىنىشكىنىڭ ئىگىسىگە ئايدا مۇۋاپىق ھەق بىردىكەن ، مۇشۇنداق شەخسى شىركەت ئاچقانلارمۇ ، باشقىلارنىڭ ، بولتىرلىق سالاھىيەت كىنىشكىلىرى ئارقىلىق تىزىمغا ئالدۇرۇپ « بوغالتىرىڭ بامۇ » دىسە ئارخىۋىنى كۆرسۈتۈپ قويۇپ ئۆزى بىلگەنچە ئىش قىلىۋىردىكەن ، ھەر ھالدا سۈرۈشتۈرۈپ بىقىڭ ، كىيىنچە بىرە ئىش چىقىپ قالسا ۋاي ئىسىت دەپ قالغاننىڭ پايدىسى يوق

tatlek~626

	مېنڭچە ئەڭ ياخشىسى ئادۇۋكاتىن مەسىلھەت سوراپ بېقىڭ ئاندىن بىلسىز ، خەتىرى چوڭ ئىش بىزمۇ دوختۇرلىق كېنىشكىمىزنى بېرىپ تۇرساق بىرەر ئىش چېقسا بىز ئىگە بولۇپ قالمىز ،ئازىراق پۇلنى دىگەن بىلەن پۇشايمانغا قالدىغان گەپ