دېھقىنىم

yulhun45

	دېھقىنىم _دېھقان ئۆزى بىر دۇنيا،-دەيدۇ سېنى بىلگەنلەر، تۈمەن ھېكمەت،ئىخلاس بارشۇ تەبىرنىڭ تەكتىدە. تەڭرى بەرگەن رىزقىمىز سەندىن پۈتتى نان بولۇپ، ئاشلىق پىشتى ئېتىزدا يۈرىكىڭنىڭ تەپتىدە. كەتمىنىڭنى كۈيلەشكە كەملىك قىلۇر مىڭ شائىر، تەرلىمىگەن كۈنى يوق پېشانەڭنىڭ دېھقىنىم. توقلۇق تاپتى تىرىكلىك سېنىڭ سېخى قولىڭدىن، پاراغەتتۇر مەنزىلى نىشانەڭنىڭ دېھقىنىم. سەن چەشلىگەن بۇغدايلار جاۋاھىرغا ئوخشايدۇ، ئالقىنىڭمۇ گوياكى جاۋاھىرنىڭ خامىنى. شېئىرلادىن مىڭ ياخشى ئېتىز كۆرمەي مەن يازغان، كۈز كەلگەندە سەن ئالغان خامانلارنىڭ سامىنى. ئىجات قىلدىڭ ئېتىزنى ئېرىق ئېلىپ،قىر ئېلىپ، بىلگەنلەرگە ئېتىزمۇ سېنىڭدىكى كەشپىيات. نان يېگەنلەر قولۇڭدىن شۇ ھېكمەتنى بىلەرمۇ، سەن بولمىساڭ تەس ياشاش،سەن بولمىساڭ تەس ھايات. ئىنسان كېلۇر ئۇزاقتىن ھوزور ئېلىپ،ھىد ئېلىپ، باغلىرىدىن سەندىكى پەزىلەتنىڭ-خىسلەتنىڭ. نېسىۋەڭدىن كەچسەڭمۇ،ئېتىزلاردىن كەچمىدىڭ، تۇگىمەيدۇ قىسسى ساڭا كەلگەن قىسمەتنىڭ. شەرىپىڭنى مەدىھلەپ،يوشۇرغۇم يوق دەردىڭنى، يوشۇرغىچە دەردىڭنى سۇنۇپ كەتسۇن قەلىمىم. بۇغداي تىرىپ،زاغرا يەپ،ئېيتالمىساڭ ئەرزىڭنى، ئۇلغايمامدۇ مېنىڭمۇ سەندەك دەردىم-ئەلىمىم؟! قوروق سالار يىللارمۇ ئاۋۋال سېنىڭ يۈزۈڭگە، قوروقلارنىڭ تولىسى ئىزناسىدۇر جاپانىڭ. تىلەكلىرىڭ توقساندۇر،يىللار ئاڭا قويامدۇ؟ بالدۇر ئېگىپ بېلىڭنى،ئۆزى قىلدى ناكانىڭ. باھار كەلسە ھەيدەيدۇ ئاۋۋال سېنى ئېتىزغا، چىقماسلىققا چارەڭ يوق،بارماسلىققا باھانەڭ. تومۇزلارنى ئالغۇم يوق ئەسلا تىلغا-ئېغىزغا، چوغ چاچىدۇ ئۈستىڭدىن گويا ساڭا ئېچىپ جەڭ. ئېتىز يولى كۈزگىچە كۈندە سىرداش سەن بىلەن، بىرىپ كەلدىڭ دېھقىنىم،بىر دان ئغچۇن مىڭ بەدەل. ئاپەت تولا ئەجرىڭگە:ئۈششۈك دەيدۇ،قار دەيدۇ، ئەگىپ يۈرەر ھەر كۈنى سېنى گويا مىڭ ئەجەل. ئورۇق ئاتقا قوڭغۇراق ئېسىپ قويۇپ بەزىدە، ھارۋىكەشمۇ زورلايدۇ قولىدىكى قامچىغا. ئاشلىق تەرسەڭ ئاچ قويدى تەقدىر تۇرماي لەۋزىدە، سەۋەبىنى بىلەلمەي يۈگۈرۇپ يۈردىڭ پالچىغا. ئاغرىنمىدىڭ ئالۋاڭدىن،سەلتەيمىدىڭ سېلىققا، ھاي!دېگەنگە ئۇنىماي شىلىپ يىدى بەزىلەر. ئاستانىمىز يىراقتا،ئاسان ئەمەس ئاڭلانماق، شۇڭا،سېنى قوغۇندەك تىلىپ يىدى بەزىلەر. قېنىپقىنا ئۇخلىغان كۈنلىرىڭ يوق تۈنبويى، ئىلىنغاندا كىرپىكىڭ چۈشەپ تۇردۇڭ خاماننى. چوڭقۇر سېنىڭ ئويلىرىڭ،چۈشۈپ كەتتىڭ ئۆزىڭمۇ، ئىزدەپ باقتىڭ تەكتىدىن ئۆزۇڭ ئۈچۈن جاناننى. جاۋاپ ئالدىم جىمىدىن بىرلا سېنى باتۇر دەپ، بۇ دۇنيادا كىم باتۇر؟ دېگەن چىگىش سوئالغا. قەيسەرلىكىڭ سەندىكى جاسارەتتە-چىدامدا، بوي بەرمىدىڭ شۇڭلاشقا جىمى مۇشكۈل-دوقالغا. خىزىردىكى خىسلەتلەر تولۇپ ياتار سېنىڭدە، ھىممىتىڭدىن تاغلار توق،زاۋۇتلار توق شەھەر توق. ياشاۋەرگىن،دېھقىنىم،شۇنىڭ ئۆزى قۇت ساڭا، ئەۋزەل جىمى ئۇنۋاندىن سېنىڭدىكى ئۇلۇغلۇق. مەنبە:مۇھەممەتجان راشىدىن

kirmolla

	ئەجەپ ياخشى چىقىپتۇ. داۋاملىق تىرىشىڭ. ئۇيغۇر دىھقانلىرىغا ئاسايىشىلىق تىلەيمەن،.

KURAX.JAN

	دېھقان بولماق تەس دىگەن شېئر كىمدە بار ؟ بولسا يوللاپ قويساڭلار .

ap~qilam

	دېھقان ئۈچۈن قەلەم تەۋرەتكەن قوللارغا دەت كەلمىگەي

mahatjan

	دۇنيانىڭ داڭلىق داھىسى دېھقاندۇر،داھىلارنىڭ دادىسىمۇ دېھقاندۇر.

ANSWER

	دېھقانلار

ablat45

	سەن بولمىساڭ نەدىكەن بىزگە  لەڭمەن ئاق نانلار !~~~~~~

lawa0998

	دېھقانلارغا ھۆرمەت بىلدۈرۈشنىڭ ئۆزى ئەقەللى ئەخلاق، بىراق بىز ئەۋلاتلارنىڭ دېھقان بولىشىنى كۈتمەيمىز......مۇھەممەت ئەلەيھىسالام -ئۆزىنىڭ موبارەك كۆرسەتمىلىرىدە ئېنىق قىلىپ ھۆنەرنىڭ كاتتىسى ئىلىم ئۈگىنىش، ئاندىن قالسا سودا-تىجارت، ئەڭ ئاخىرقىسى تېرىقچىلىق دەپ كۆرسەتمە بېرىشتىن تاشقىرى- خىش-ئىقبارلىرىنى يوقلاپ بىر ئۆيگەكىرىپ تامغا يۆلەپ قويۇلغان يەر ئاغدۇرۇشقا ئىشلىتىلىدىغان بۇقۇسا(ساپان)نى كۆرۈپ بۇ قەبىلە مۇھتاجلىق ئىچىدە كۈن ئۆتكۈزىدۇ-دىگەن بولسا- يەنە بىر ئۆيگە كىرىپ تامغا ئېسىپ قويغان قورالغا كۆزى چۈشۈپ بۇ قەبىلىدە نۇسرەت بار دىگەن(ئىشەنچىلىك ھادىس) شۇڭا مەن دىھقان بولۇش سۈپىتىم بىلەن دىھقانلارنىڭ جاپاسىغا ئېچىنسام ئۇنىڭ تەقدىرىگە ئازاپلىنىمەن. ................. دىھقانلارنىڭ دەردى شۇنداقلا ئەجرى ئۈچۈن چەككەن ئىزتىراپلىرىڭىزدىن دىل يارىسىنى ھىس قىلىش تامامەن مۇمكىن، يوللانمىڭىزغا تەشەككۈر-!!!