ئەخەت يۈسۈپ پۇتبۇل ئۈچۈن يولغا چىقماقچى

tagnur

	ئەسسالامۇ ئەلەيكۇم ھۆرمەتلىك تورداشلار ، مەن بۇ تېمىنى بۇلتۇر پۇتبول ئەلچىسى دىلشاتنى ئۆزىگە ھەمراھ قىلىپ تۆمۈر پۇت بىلەن غۇلجىدىن – ئۈرۈمچىگە سەپەر قىلغان ئۇيغۇر پۇتبۇلچىلىقىنى دۇنياغا تونۇتۇش ئۈچۈن ئۆزىنىڭ بىر كىشلىك ھەسسىسىنى قوشىۋاتقان ئەخەت يۈسۈپنىڭ يېڭى بىر نىشانىنىڭ ئەمەلىگە ئېشىشى ئۈچۈن شارائىت ھازىرلاش  ئۈچۈن يولاۋاتىمەن . تورداشلارنىڭ يادىدا بولىشى مۈمكىن بۇلتۇر مۇشۇ ۋاقىتلاردا بارى ، مىرەخمەت، قاتارلىق ئۇيغۇر پۇتبۇل ئەزىمەتلىرىنىڭ سۈرەتلىرىنى ، «ئۇيغۇر پۇتبۇلچىلىقىنى دۇنياغا يۈزلەندۈرەيلى » دەپ پىلاكات چاپلانغان ماشىنىنىڭ ھەمراھلىقىدا  غۇلجىدىن – ئۈرۈمىگىچە بولغان 750 كىلومىتىر يولنى تۆمۈر پۇتتا پىيادە مېڭىپ تاماملىغان ، بۇ يىل 5– ئايدىن باشلاپ شىنجاڭ كوماندىسىنىڭ مۇسابىقىلىرى جەريانىدا شىنجاڭ پۇتبۇلچىلار جەمئىيىتى ۋە چىمبۇلاق سىتۇدىيىسىدىكىلەر بىلەن بىللە كوماندىنىڭ مۇسابقە ۋە تەشۋىقات ئىشلىرىغا كۈچ چىقارغان . بۆرتالادا ئۆتكۈزۈلگەن < ئىتپاق لوڭقىسىنى تالىشىش پۇتبول مۇسابىقىسىگە > يولنى يىراق كۆرمەي بۆرتالاغا كېلىپ چىمبۇلاق تورىدىكىلەر بىلەن بىر نىيەت بىر مەقسەتتە كۈچ چىقىرىپ ئىتپاق لوڭقىسىنىڭ  غەلبىلىك ئاياغلىشىشىغا كۈچ قوشقان . بۇلتۇر قارامايدا ئۆتكۈزۈلگەن ئىچكىرى ئۆلكىدىكى پۇتبول چولپانلىرىنىڭ قاراماي سەپىرىدىكى پائالىيەتلەرنىڭ تەشۋىقات ئىشلىرىنى تور يۈزىدە ئېلان قىلغان . شۇنداق قىلىپ بۇ يىل يازدىكى تۆمۈر پۇتتا شىنجاڭنى ئايلىنىش پىلانىنى ئەمەلگە ئاشۇرالمىغان ئەخەت يۈسۈپ ئەمدى قىش كىرگۈچە بۇ پىلانىنى ئورۇنلاپ شىنجاڭ كوماندىسى ۋە ئۇيغۇر پۇتبۇلچى ئەزىمەتلىرىمىزنىڭ  نەتىجىلىرىنى تەشۋىق قىلىش ۋە پۈتۈن شىنجاڭ دىيارىدا يەنە بىر قېتىملىق پۇتبۇل قىزغىنلىقىنى قوزغاش مەقسىدىنى ئەمەلگە ئاشۇرماقچى . بۇ سەپەر جەريانىدىكى مەبلەغ قاتارلىقلار ئۈچۈن بىر نەچچىلىگەن كارخانا ۋە بايلار بىلەن مەسلھەتلەشكەن بولسىمۇ لېكىن ئۈنۈم ھاسىل قىلغىلى بولمىغانلىقتىن يەنى ئۇنى قوللىغۇدەك بىرەر كارخانا ۋە شەخس چىقمىغانلىقتىن ئاخىرى ئەخەت يۈسۈپ ئۆزىنىڭ ئۇزۇن يىللاردىن بېرى باشقىلار تالاشسىمۇ ساتماي كېلىۋاتقان ۋە ئۆزى ياقتۇرۇپ ئىشلىتىپ كېلىۋاتقان ئېسىل يانفۇن نۇمۇرى : 13399999007 ۋە يىللاردىن بۇيان تەشۋىقات قىلىپ ئىشلىتىپ كېلىۋاتقان uqurla.com ناملىق تور نامىنى كىم ئاشتى قىلىپ سېتىپ شۇنىڭدىن قىلغان كىرىمنى مۇشۇ سەپەر ئۈچۈن خىراجەت قىلماقچى بولدى . قېنى قوللىغۇچىلارنىڭ ياكى ھەمكارلاشقۇچىلارنىڭ قىزغىن ئاۋاز قوشىشىنى ، ئۈمىد قىلىمىز ! ئەخەت يۇسۈپ كىم ؟ نىشانى نىمە ؟ ئەخەت يۈسۈپ غۇلجا شەھىرىدىن بولۇپ خىزمەت ئورنى يوق ،ئۇنىڭ بىردىنبىر كىرىم مەنبەسى تور بەت ئېچىش بولسىمۇ < www.xadlan.com > لىكىن ئۆزىنىڭ ھالال ئەجرى بىلەن جاپاغا چىداپ كۆرەش قىلىپ شىنجاڭ پۇتبولچىلىقىغا كۈچ قۇشۇۋاتقان ئوت يۈرەك ئوغلان . ئۇنىڭ نىشانى بولسا شىنجاڭ پۇتبولچىلىقىنىڭ راۋاجلىنىپ مىۋىگە كىرىشىنى كۆرۈشتىن ئىبارەت خالاس ، مانا مۇشۇنداق ياشاۋاتقان بۇ ئوغلان يەنە بىر قېتىملىق سەپەر تەييارلىقىغا ئاتلاندى ،بۇ سەپەرگە ياردەملىشىدىغان ئىدارە ئورگان ، كارخانىلار  بولسا قىزغىن قارشى ئالىمىز ! ئەخەت يۈسۈپنىڭ يەنە بىر نىشانىنى ئەمەلگە ئاشۇرۇش ئۈچۈن ئۇشبۇ تېمنى يولىدۇق ، باشقىلارنىڭ قىزغىنلىقىغا سوغۇق سۇ سېپىدىغان ياكى ئەھمىيەتسىز ئېنكاس يېزىپ تېمىنى قالايمىقان قىلىىدىغانلارنىڭ ئۆزىنى سورىشىنى سورايمەن ! قىزىققۇچىلارنىڭ  بۇ ئالاقە نۇمۇر بىلەن ئالاقىلىشىشىنى ئۈمۈت قىلىمەن ! ئەخەت يۈسۈپ < تۆمۈر پۇت >  13399999007 ئەخەت يۈسۈپنىڭ ، سەپەر جەريانىدىكى ، پائالىيەت جەريانىدىكى بىر قىسىم سۈرئەتلىرى . [attach]31185 مەنبە--- تاڭنۇر

zumrettash

	تاڭنۇر سىز بەك ئەھمىيەتلىك تېمىلارنى يوللايسىز جۇمۇ.قىلىۋاتقان ئىشلىرىڭىزمۇ بەك قايىل قىلىدۇ كىشىنى...........ئاللا ئىشلىرىڭىزنى ئاسان قىلسۇن.......مېنىڭ قۇربۇم يەتمەيدىكەن،بولسا ياردەم قىلاتتىم......مۇنبەرداشلىرىمىزدىن قۇربى يىتىدىغانلارنىڭ ياردەم قۇلىنى سۇنىشىنى ئۈمۈد قىلىمەن..شۇنداقلا سىلەرنىڭ باسقان قەدىمىڭلارنىڭ ئۇڭۇشلۇق بۇلىشىنى ئاللاھدىن تىلەيمەن...

lawa0998

	بىر ئەركەك بولۇش سۇپىتىم بىلەن ياردەم قىلالمىغانلىغىمدىن قاتتىق ئازاپلانسام- ئەزىمەتلىرىمىزنىڭ ئازاپنى ھىس قىلىش باسقۇچىدا توختاپ قالماي مۇشەققەتنى يېڭىش روھىدىن ئۆزۈمگە مەدەت ئالدىم ئەزىمەتلىرىمىزنىڭ ماڭار يوللىرى كەڭ بولغاي ئىلاھىم.

kaLGundi

	ماۋۇ رەسىمدىكى يالاڭباش ئادەم ئاقسۇلۇق ئادەم شۇ. مىنىڭ مۇئەللىمىم

baydadam

	بىزمۇ ئەتراپىمىزدىكىلەرگە تەشۋىق قىلىپ باقايلى ، قوللىغۇچىلار چىقىپ قالسا ئەجەپ ئەمەس .

fatima

	بەك ئەھمىيەتلىك تىيما يوللاپسىز...تىرىشقان يول تاپار  دەپتىكەن. قوللۇغۇچىلار چۇقۇم چىقىدۇ.بىزنىڭ نۇرغۇن مىللى كارخانىلىرمىز بار.

YaHooo

	مەن پۇتبول غابەك قىززىقمەن ،  نەخ پۇل بولمىسىمۇ چىن يۈروكتىن قوللايمەن خۇدادىن مىللىتىمىزنىڭ گۈللىنىشى ، تۇنىلىشىنى،دۇنيادا مۇئەييەن تەسىركۈچكە ئىگەبۇلىشىنى تىلەيمەن

qvxtabiri

	تېما ئىگىسى بەك كۆپ ئەجىر قىپتۇ. لېكىن تېمىنىڭ ماۋزۇسىدا مەسىلە بار ئىكەن. خۇددى شىنجاڭ پۇتبولچىلىقىنى پەقەت ئەخەت يۈسۈپلا تەرەققىي قىلدۇرالايدۇ دېگەن مەنا چىقىدىكەن. تېما ئىگىسى شۇنىڭغا دىققەت قىلغان بولسا.

kuraxj

	ئەسسالاممۇ ئەلەيكۇم تورداشلار مەن ئەخەت يۈسۈپكامنىڭ ئاغىزىدىن ئاڭلىشىمچە، ئەخەت يۈسۈپكانىڭ كىم ئارتۇق قىلىپ، ساتماقچى بولغان تېلېفۇن نومۇرى بىلەن تور بەت ئادرېسىنىڭ كىم ئارتۇق قىلىپ سېتىلىشىدىكى باشلىنىش باھاسى 10 يۈەندىن باشلىنىدىكەن. تورداشلارنىڭ كىم ئارتۇق قىلىپ سېتىشقا ئاكتىپلىق بىلەن قاتنىشىشىنى ئۈمىد قىلىمەن. ئۆزىمىزنى ئۆزىمىز قوللىمىساق، باشقىلار قوللاپ بەرمەيدۇ.   ھەقىقى ئېلىش نىيىتى بارلار سوغۇققانلىق بىلەن ئويلىشىپ ئەخەت يۈسۈپكام بىلەن ئالاقىلاشسىڭىز بولىدۇ. ئېلىش نىيىتى يوق، ئىش پۇشقىنى چىقىرىش ياكى ئەخمەق قىلىش مەقسىتىدە تېلېفۇن قىلىپ ئۆزىڭىزنى ۋە ئۆزگىنى ئاۋار قىلىپ يۈرمەڭ. ئەمسە كىم ئارتۇق قىلىپ سېتىش ھازىردىن تارتىپ باشلانننننننننننننننننننننننننننننننننننننننننننننننننندى.

kaliptax

	kaLGundi يوللىغان ۋاقتى  2012-10-8 03:08 PM ماۋۇ رەسىمدىكى يالاڭباش ئادەم ئاقسۇلۇق ئادەم شۇ. مىنىڭ ... بىراق مەن تۇنۇمايدىكەنمەن قايسى مەكتەپتە