«لەببەي!»

tarurum

	«لەببەي!» (غەزەل) (25 يىلدىن كېيىنكى ساۋاقداشلار يىغىلىشىدىن تەسىرات) . پەقەت بىر سانلا ئارتۇقتۇر، شۇبۇ ئول ئىككى مۆچەلدىن، كېلەركى ئاندا «تەكلىپ»مۇ مۇلاقەت، پىكرى ئەۋۋەلدىن. . نە ئىمكان قاچمىقىم «جاللات خېنىم» قاش-كۆز ياراغ ئۇرسا، سادا: «لەببەي»نى ئاڭلاڭكى قىرانلىق ياشى تەمبەلدىن. . «ئېتىمنى توقۇدۇم» چاپتىم، قاراخان «ئورداكەنتى»گە، ئەزىزان قەشقىرىم ئارتۇق، نى بەرنا چېھرى ئەۋزەلدىن. . ئاچار تارىم بولۇپ ساھىب يۈرەك-باغرىنى جۇڭغارغا، ئەنىڭدەك «قوش مېغىز» بارمۇ؟ تەكەللۇپ تۆرگە «كەل-كەل»دىن... . قەدىم «ماچىن»دا جەم بولدۇق، بۈيۈك «ساك»،«ھون» قېرىنداشتەك، ئەجەپكى تەڭرىتاغ ھۆسنى ھەسەن-ھۈسەن رېڭى-ھەلدىن. . زىيارەت ھەر كوچا-رەستە، نەقىش-مىمار ئېگىز-پەستە، ۋە كۆردۇق ئىتىقات بىرلە ھايا-شەرمىنى چۈمبەلدىن. . يېڭىسار، قاغىلىق، يەركەنت، گۇما، پوسكام، خوتەنلەردە، قەدەمدە كۆرسىتىپ «كىملىك» ئۆتەرمىز شۇنچە ئۆتكەلدىن. . كۆرۈڭ! بارچە قېرىنداشنى قاراقاش ھەم يۇرۇڭقاشتا، تامامى ئىزدىشەر ئامەت سۈكۈتتە ئازلىغان سەلدىن. . باھارنىڭ پەيزى ئالدىمدا، شۇئار «ھاللىق» پىغانىمدا، قاچاندا ئەل بىلەن ئارمان ئاشار ئاھ! تاغ-داۋان-بەلدىن؟ مەنبە: ئىلھامىم

abdurxit29

	ئاللاھ ئەجرىڭىزنى بەرگەي  ياخشى يىزىپسىز

o0拜拜0o

	كەپتەر    دېگەن  مەدىكا     .......قاچلىغىنە  چ چ  نى   932597149       sky

zumrettash

	ئاكا -ئاچىلىرىم بۇ بايرامدا سىزدەك يۇرت-يۇرتلارغا بېرىپ ساۋاقداشلار يىغىلىشى قىلغان،قانچە يىللىغى دىدى ئۇنتۇپ قاپتىمەن.........بەك كۆڭۈللۈك ئوينىغاندەك قىلىدۇ......ئوي-پىكرىڭىز ئېنىق،جانلىق ئىپادىلىنىپتۇ.........داۋاملىق يېزىپ تۇرارسىز،مۇنبەردە دائىم شېئىرلىرىڭىزنى كۆرۈپ تۇرۇشنى ئۈمۈد قىلىمەن.

xabnam00

	قەلەم قۇۋىتىڭىزگە ئاپىرىن.

aa0998

	ياخشى يېزپسىز مۇنىڭدىن كېيىن مۇشۇنداق يازمىلار مۇنبەردىن  ئۈزۇلمىسۇن قەلەم تۇلپارڭلار ھارمىسۇن ئالغا

arislanzada

	ياخشى  يىزىلغان شېئىر ئىكەن ،سىزگە ئامەتلەر يار بولسۇن..

yulgunjay

	ياخشى يىزىپسىز

DARITYAMAN

	مەزمۇنى چوڭقۇر غەزەلكەن ، داۋاملىق يىزېپ تۇرۇڭ قەلمىڭىز ھارمىغاي ..........

MiRul

	ھەي ساۋاقداش، ھەي ساۋاقداش، ئۇنۇتما شۇ دوسلۇقنى، ئەسلەپ تۇرايلى خۇشال كۈنلەرنى.