چېكىپ باقساڭ شۇنداق بىر قىزمەن

cholpan

	چېكىپ باقساڭ شۇنداق بىر قىزمەن سەئىدىيە ئۇيغۇر دىسە كۆيگەن يۈرەك كۈلمەمدۇ؟ ئۇيغۇر ئاتلىق ھەر كىشىنى كۆرگەندە ، ئەمما بەزى مىللەت قەدرى بىلمەسلەر، چىراي ئاچساڭ،يامان نىيەت كۆڭلىدە. چېكىپ باقما ،ساپ ئۇيغۇرنىڭ قىزىمەن، بىلسەڭ ھايا ئۇيغۇر قىزنىڭ جېنىدۇر، توپلاپ يۈرمە قىزلار ئىسمى ،يۇرتىنى، بىلسەڭ يىگىت،بۇ شاللاقلار ئىشىدۇر. ھەۋىسىم يوق، مال دۇنياغا،زىننەتكە، بىرىلمەيمەن ئۇپا ئەڭلىك ئەينەككە، ھاقارەتتۇر بايلىقنى پەش قىلغىنىڭ ، ئېرىمەيمەن شېرىن شېكەر سۆزۈڭگە. يىگىت دىسەڭ مەيدەڭگە بىر مۇشىتلاپ باق، ئىززىتىمنى ،ھىجابىمنى قوغداپ باق، نۆۋەت كەلسە، چىقالامسەن ئەل ئۈچۈن؟ مۇسۇلمان سەن،ئۇيغۇرسەن ھەم، ئويلاپ باق. مەن ئەركەك دەپ تەمەننادا يۈرمىگىن، ئىش ئۈگەتمە دەپ قاپاق ھەم تۈرمىگىن، قايىل قىلىپ باققىن ئىلىم ،غەيرەتتە، ئۇيغۇر  قىزلار   ئازابىغا   كۈلمىگىن . ئۇيغۇر يىگىت جەسۇر كېلۇر،شوخ كېلۇر، شوخلۇق پەقەت  ئەقىل بىلەن خوپ كېلۇر، بىلىم،ئىمان چىراق بولغان قەلىپكە، ئىززەت ئىكرام قانچە بولسا ئاز كېلۇر. مانا مېنىڭ يۈرەك سۆزۈم ئاڭلىساڭ، مەيلى ماختا،مەيلى ھەتتا تىللىساڭ، چىن مۇھەببەت ئېتقاد ،ۋەتەن ،مىللەتتۇر، گەر ئۆزۈڭنى ئۇيغۇر يىگىت چاغلىساڭ. چېكىپ باقساڭ ئەنە شۇنداق بىر قىزمەن، مەندىمۇ ھەم باردۇر قەلىپ ۋە ھىسيات، ئەمما بىزدە بىر ئىنسانى مۇھەببەت، تېپىلمىسا ،نىچۈن  كېرەك  بۇ ھايات؟

jawzaa

	ھەقىقى چىن مەنالەر بىلەن يۇغۇرۇلغان شېئىركەن.......ياخشى يىزىپسىز!

xabnam00

	ئەسسالامۇ ئەلەيكۇم،  بەك ياخشى يىزىپسىز. ئىلھامىڭىزغا كۆز تەگمىسۇن.

abdurxit29

	ئاپىرىن

ahhuda

aa0998

	ئىلھاملىرىغا مەدەت تېلەيمەن ياخشى يېزپلار قەلەم تۇلپارلىرى ھارمىسۇن

lawa0998

	تەربىيىۋى ئەھمىيىتى زور، پىشقان قەلەم ،ساپ ھىسيات بىلەن يۇغۇرۇلغان مانا مۇشۇنداق مۇھەببەت لىرىكىلىرىنى دۇنيادىكى ئەڭ ئۇلۇغ مۇھەببەتنىڭ ئورتاق ساداسى دىيىشكە ھەقلىقمىز. لېكىن مۇنبىرىمىزدىكى ئاز بولمىغان تورداشلىرىمىز ئاتالمىش ‹‹قىزغىنلىقىغا سوغۇق سۇ سەپمەسلىك ئىلھام بېرىپ كەلمىگەن ھىسياتلىرىنى ئويغۇتۇش››تەك بۇلغانما قورالن قولىغا ئېلىۋېلىپ  يىراقنى كۆرۈش ئىستىكى يوق،مۇھەببەتنى لەۋنىڭ مىدىرلىشىدىنلا ھىس قىلىدىغان چاكىنىلىق- مەزمۇن قىلىنغان تىمىلارغا ھەققانىي قارىشىنى دادىل ئوتتۇرىغا قويۇشتىن باش تارتىپ ،يارىماس تىما ئگىلىرىنى قارىسىغا ماختاپ مۇنبەرنى سېرىقلاشتۇرۇشقا ئۇرۇنۇپ  كەلمەكتە..... مانا بۇ شېئىر ئۆزىنىڭ مول مەزمۇن، مۇھەببەتتىكى يۈكسەك مەسئۇلىيەتچانلىق روھى بىلەن بىزگە شۇنى ماياك كەبى كۆرسىتىپ بېرەلەيدۇكى_______مۇھەببەت لېرىكىلىرى بىلەن سېرق شېئىرنىڭ پەرقى مانا بۇ تىمىدا. قەلەم تەۋرەتكۈچى ئىمانى ئىتىقادلىق، غورۇر-ۋىجدانلىق، ساپ مۇھەببەتكە ئىگە قېرىندىشىمىز چولپانغا ئامان ئېسەنلىك ۋە تەپەككۇرىغا سۇنماس قاناتلار بولسۇن-!!!

zumrettash

	مەنمۇ ئەركەكلىرىمىزنىڭ ئەنە مۇشۇ شېئىردا دىيىلگەندەك قىلالىشىنى ئۈمۈد قىلىمەن........ئاياللارنى ھەقىقىي قوغدىشىنى ،زامانىۋى تۇرمۇشقا قارغۇلارچە ئىتتىرىۋەتمەسلىكىنى،مىللىي خاسلىقىمىز،شۇنداقلا ئىتىقادىمىزنى ئەسكەرتكەن ھالدا بىز خانىم-قىزلارغا يول باشلىشىنى ئۈمۈد قىلىمەن........

MiRul

	ئېسىل-ئېسىل-ئېسىل،   ئېسىلنىڭ يازغان شىئىرىمۇ ئېسىل دە، شېئىرىڭىزغا بارىكاللا ناھايتىمۇ ياخشى يېزىپسىز.    ھەممە ئۇيغۇر قىزلىرى سېزنىڭ شىئىرىرىڭىزدەك بوپ كەتكەن بولسا پاھ.................

lawa0998

	سۆيۈملۈك قىزلىرىمىز  يۇقارقىدەك-مۇھەببەتنىڭ شەرتلىرىنى دادىللىق بىلەن ئوتتۇرىغا قويالىسىلا يىگىتلىرىمىز يا- شاللىنىدۇ  يا- ئاتلىنىدۇ. شۇندىلا قاناتلىق مەلىكىلەر ۋە ئاق ئاتلىق شاھزادىلەر مەيدانغا كېلىدۇ، ئەمىلىيەت نۇرغۇن ئاق ئاتلىق شاھزادىلەرگە مۇھتاج-!!!