مەن سىزنى ياخشى كۆرىمەن

ahsaxum

	مەن سىزنى ياخشى كۆرىمەن ئاخسا شۇم ھېكايە 1 قولۇمدىكى ئاشۇ كىچىككىنە ۋاراقچىغا قارىغىنىمچە خىياللارغا چۈمدۈم ، ئەڭ ئاۋال كۆز ئالدىمغا كەلگىنى مەن ئۈچۈن ھەمىمىدىن ۋاز كېچىپ ئاشۇ ئانا يۇرتىنى تاشلاپ مېنىڭ مۇشۇ غېرىبانە يېزامغا ، سەھراغا كەلگەن ، مېھرى ئىللىق ، ئاتەش كەبى كۆزلىرى بىلەن مېنى ئۆزىگە كۆيدۈرگەن ئايالىم ۋە ئۇنىڭ قوسقىدىكى تېخى نەچچە ئايلىق بولغان بالىمىز بولدى . قولۇمدىكى شۇ ۋاراقچىنى قاتلاپ - قاتلاپ يىرتىشقا تەمشەلدىم ، ئۇدۇلۇمدىكى ئەينەكتىن ئۆزۈمنىڭ قايسى ھالغا كەلگىنىمنى كۆرگىنىمدە بولسا ھەيرانلىق ھەم ئاچچىق بىر ئۆكىنىش ئىچىدە ئۆزۈمنى بېسىۋېلىشقا ئۈندىدىم . دوختۇرخانا بىناسىدىن قانداق ئايرىلغىنىمنى ، ئۆي بوسۇغۇسىغا قايسى پۇتۇمنى باشتا ئالغىنىمنى بىلمەيمەن . ئايالىمنىڭ -كەلدىڭىزمۇ ؟ تەكشۈرۈش نەتىجىسى قانداق بولدى؟ - دىگەن سۆزىدىن كىيىنلا ئۆز ئەسلىمگە كەلدىم . - ھە ... شۇ .. ئازراق چارچاپ قالغىنىمنى .... ياخشى ئارام ئالساملا ھېچ ئىش يوقلىقىنى ئېيتتى . - شۇلارنى دۇدۇقلاپ تۇرۇپ ئارانلا دىيەلىدىم . ياتاق ئۆي تەرەپكە قاراپ ماڭدىم ، ئايالىممۇ ئۆي ئىشلار بىلەن ئالدىراش بولغاچقا ماڭا ئانچە سەپمۇ سالمىدى . ياتاق ئۆيۈمدە خىيالغا پاتماقتا ئىدىم . شۇ كىچىككىنە ۋاراقنى قولۇمغا ئالدىم . ئۇنۇڭدىكى قايسى بىر سۆزلەرنى تىلغا ئېلىش ئەمەس ، بەلكى ئويلاشقىمۇ ئادەم جۈرئەت قىلالمايدىغان شۇ سۆزلەرنىڭ يېزىلغىنىغا ئىشەنمەيتتىم . ۋاراقچىنى ئاستا قاتلاپ كىتاپ جەۋىنى ئىچىدىكى ئۆزۈم ياخشى كۆرۈپ ئوقۇيدىغان << ئېغىر تىنىقلار >> دىگەن كىتاپنىڭ ئىچىگە قىستۇردۇم . ۋە يەلكەمدىن ئېغىر بىر يۈكنى تاشلىغاندەك خاتىرجەم ھالدا ھويلىغا چىقتىم . -دادىسى - بۇ سۆزنى ئاڭلاپ قۇلاقلىرىمغىلا ئەمەس ئۆزۈمگىمۇ ئىشەنمەي قالغان ئىدىم . ئايالىم ھويلىدىكى تال جىرىم قېشىدا ماڭا قاراپ كۈلۈپ تۇراتتى . خىيالىمدا بولسا بايقى دادىسى دىگەن سۆز جاراڭلىماقتا ئىدى . -نىمە ئىش ئىدى ؟ - ئايالىمغا قاراپ سورىدىم . - سىرىتقا چىقىپ قالسىڭىز ئۆيدە سەي تۈگەپتۇ سەي ئالغاچ كىرىڭ . يەنە ئازراق گۆشمۇ سېتىۋېلىڭ . بۈگۈن باشقىچىلا بوپ قالغان ئىدىم . - ئۆزۈڭ ئەكىر ، سىرىتتا ئازراق ئىشىم بار . شۇنداق دىگىنىمچە سىرىتقا قاراپ ماڭدىم ، سىرىتتا نىمە ئىششىممۇ بولسۇن . قىزىق باشقا ۋاقىتتا ماقول خوتۇن دەپ ماڭىدىغان سايىم بەگدىن بۈگۈن پۈتۈنلا ئۆزگىرىپ باشقىچە بىر ئادەمگە ئايلانغان ئىدىم . ئۆزۈمگە ئۆزۈم ھەيران قېلۋاتاتتىم . 2 -ئەكرەم ، ئورنىڭىزدىن تۇرۇڭ ، سائەت نەچچە بوپ كەتتى قارىڭە ؟ ئاخشام ئىچكەن ھاراقنىڭ تەسىرىدىنمىكىن بېشىم ئۇرۇپ چاققاندەك ئاغرىيتتى . ئايالىمغا كۆزۈمنىڭ ئۇچىدا قارىدىم . كۆزلىرى يىغلىغانلىقتىن بولسا كېرەك قىزىرىپ ئىششىپ كەتكەن ئىدى . ئۇنىڭغا قاراپ ياتتىم ، شۇنچە سۈزۈك چىرايىدىن قانداقتۇر بىر مەيۈسلىك چىقىپ تۇراتتى . -ئەلانۇر ، بېرەر ئىش بولمىغاندۇ ساڭا ؟ كۆزلىرىڭ ئىششىپ ، قىزىرىپ كېتىپتىغۇ ؟ ئۇ ئۈستىمدىكى يوتقاننى تارتتى ، مەنمۇ يەنە بىر ئۇچىدىن تارتتىم . ئۇ قۇچقىمغىلا چۈشكەن ئىدى . ئۇنىڭ يۈزىگە سۆيۈپ تۇرۇپ - نىمە ئىش بولدى قوزام ، قېنى ئېيتە ؟ بولمىسا ساقاللىرىم سېنى ساق قويمايدۇ جۇمۇ ؟ ئۇ ۋىلىقلاپ كۈلگىنىچە - بولدى دەي ، ئاۋال قويۇپ بېرىڭ قوللىرىمنى ئاستا ئاجىراتتىم ، ئۇ قوللۇرۇمدىن بوشۇنۇپ بوپ بوينۇمغا گۆرە سالدى . - ئەكرەم ، سىزدىن ئايرىلمايمەن ، بىر ئۆمۈر دەڭ . قېنى دەڭە . كۆزلىرىمنى ئۇنىڭ كۆزىدىن ئەپ قاچتىم ، ئۇ بىر نىمىنى سېزىپ قالغاندەك ئىدى . ئۇنى يەنە بىر قۇچاقلىدىم . -نىمە بولدى ، دىمەمسەن ؟ ئۇ كۆزلىرىمگە تىكىلىپ تۇرۇپ -ئاخشام سىز ماڭا نۇرغۇن گەپلەرنى دېدىڭىز يەنە مەندىن كەچۈرۈم سورىدىڭىز - ئۇ ماڭا ئەركىلەپ تۇرۇپ شۇلارنى دېدى . -نىمە دېدىم ئومىقىم . ساڭا قانداق ئازار بەردىم يەنە ؟ ئۇ مېنى تېخىمۇ مەھكەم قۇچاقلاپ تۇرۇپ -مەن سىزنى تاشلاپ كەتسەم ، يىرققا بەكمۇ يىراققا كەتسەم قانداق قىلىسەن ؟ يەنە تېخى يىغلاپ تۇرۇپ ، مېنى كەچۈرەمسەن دېدىڭىز ، مەن ھېچ نىمىنى چۈشۈنەلمىدىم . ماڭا دەڭ مەندىن ئايرىلمايمەن دەپ ئېيتىڭ . ئۇنىڭ قۇلىقىغا سۆيۈپ تۇرۇپ - سەندىن ئۆمۈرۈمنىڭ ئاخىرىغىچە ئايرىلمايمەن ، ئاخىرقى تىنىقىمنغىچە ساڭا ھەمراھ بولىمەن . ئۇ ۋىلىقلاپ كۈلگىنىچە مېنى تېخمۇ مەھكەم قۇچاقلىدى . مەنمۇ ئۇنى چىڭ قۇچاقلىدىم . مەن ئۇنۇڭغا يالغان ئېيتمىغان ئىدىم . توغرا ئۇنى شۇ ئۆمۈرۈمنىڭ ئاخرىغىچە ، ئاخىرىقى تىنىقىمغىچە سۆيىمەن ، ھەم ئۇنىڭدىن ئايرىلمايمەن . سەھەرنىڭ قوياشىدا يۈزۈمدە خۇددى شەبنەمدەك جۇلالىنىپ تۇرغان ئىككى تامچە ياشنى ئۇ كۆرەلمەيتتى ، ھەم كۆرگەن تەقدىرىدىمۇ مەنىسىنى بىلمەيتتى . 3 - مەن يەنە قانچىلىك ياشيالايمەن ؟ دوختۇرنىڭ كۆزىگە تىكىلىپ شۇنى سورىدىم . _ كۆپ بولغاندا يېرىم يىل ، ئاز بولغاندا بىر نەچچە ئاي . زادى قانچىلىك ؟ دوختۇر ماڭا ئېنىق جاۋابىنى بېرەلەمسىز ؟ -بۇنىڭغا ئامالسىزمەن ، مېنى كەچۈرۈڭ مەن دوختۇرنىڭ چىرايىدىكى بىر خىل ئىچ ئاغرىتىشنى كۆرگەندەك بولدۇم . بىراق ماڭا لازىملىقى ئىچ ئاغرىتىش ئەمەس ئىدى . -زادى قانچىلىك !!!؟ ئاۋازىمنىڭ بۇنداق قاتتىق چىقىپ كەتكىنىدىن ئۆزۈممۇ سەل ھەيران قالغان ئىدىم . بىراق ئۆزۈمنى ھېچ تۇتۋالالمايتتىم . دوختۇرمۇ كۆزۈمگە تىكىلگىنىچە - مەن سىزگە پەقەت شۇنىلا دىيەلەيمەن . مەيدەمگە ئېسىلغىنى دوختۇرلۇق كېنىشكىسى ، ئەزرائىلنىڭ ئەمەس ، مېنىڭ ۋەزىپەم سىزنىڭ ئۆلۈم ۋاقتىڭىزنى ھېساپلاش ئەمەس ، بەلكى سىزنى قۇتقۇزۇش ، بىراق ھازىر بۇ مۇمكىن ئەمەس ، مېنىڭ سىزگە ياردەم بېرەلەيدىغىنىم پەقەت سىزنىڭ كۆپ بولغاندا يېرىم يىل ئاز بولغاندا يەنە بىر نەچچە ئاي ۋاقتىڭىز بار ، سىز مۇشۇ ۋاقتىڭىزنى ياخشى قەدىرلەڭ ، ئاتا ئانىڭىزنى ، ئايالىڭىز ، باللىرىڭىزنى ياخشى رازى قىلىڭ . شۇنى يەنە ئېسىڭىزدە چىڭ تۇتۇڭ ، بىز دوختۇرلار سىلەرنىڭ بولۇپمۇ سىزدەك بىر نەچچە كۈنلىكلا ئۆمىرى قالغانلارنىڭ نەزىرىدە ناھايتى رەھىمسىزمىز ، بىراق سىلەرگە شۇ كېسەلنىڭ ، سىزگە ۋە باشقىلارغا شۇ كېسەلنىڭ ئىسمىنى دىگۈچە قانچىلىك قىينىلىدىغىنىمىزنى ، قانچىلىك بىئارام بولدىغىنىمىزنى بىلەمسىلەر . بىزنى ئويلاپ قويامسلەر ؟ سىلەر پەقەت بىزگە ۋاقىراشنى جاقىراشنى بىلىسىلەر . دوختۇرنىڭ ئىشخانىسىدىن سۇغا چۈشكەن مۈشۈكتەك بوپ قايتىپ چىقتىم . ئۆيگە قايتقىممۇ يوق ئىدىم . تىلۇنۇمنى ئېتىۋالدىم دە ، شەھەرلىك كىتاپخانىغا قاراپ ماڭدىم . بەلكىم مۇشۇ مېڭىشىمدا ھېچكىم ئىز دېرىكىمنى قىلالمايدىغان يەرگە كەتسەم ، ئۇ يەر شۇنداق جىمجىت بولسا . بەلكىم زېركىپمۇ قالارمەن ، بىراق ھازىرقى مۇشۇ ھالىتىمدىن مىڭ ياخشى بولسا كېرەك . 4 ئۆيگە كەلگىنىمدە ئاللىقاچان كېچىككەن ئىدىم ، ئايالىم قولىدا ھېلقى قەغەچنى ، ھېلقى ئەجەل قەغىزىنى تۇتقىنىچە يەردىلا ئولتۇرۇپ قالغان ئىدى . ئاستا ئۇنىڭ قېشىغا كەلدىم . ئۇنىڭ قولىدىن تۇتۇپ تۇرۇپ ، مەڭزىگە سۆيدۈم ، ئۇ شۇندىلا مېنڭ كەلگىنىمنى سەزگەن ئىدى . كۆزلىرىمگە تويماي قارىماقچى بولدى يۇ دەرھال قولىدىكى ۋاراققا زەېدى بىلەن قاراپ - بۇ راسمۇ ؟ - دەپ سورىدى مەن گەپ قىلماي ئۇنىڭ مۈرۈسىدىن تۇتۇپ يۈلىمەك بولدۇم . بىراق ئۇ يەنە بىر قېتىم - مەن سىزدىن بۇ راستىمۇ دەپ سوراۋاتمەن ، مېنى يۆلەڭ دىگىنىم يوققۇ !!! مەن يەرگە قارىدىم ، ئاغزىمغا ھېچ بىر گەپ كېلىدىغاندەك ئەمەس . چۈشتىن بۇرۇن يان تىلفۇنۇم سايرىدى ، تولۇقسىزدىكى ئوقۇغۇچۇمغا << ئېغىر تىنىقلار >> دىگەن كىتاپ لازىم بوپ قالغان ئىكەن . مەن ئ.ۆيگە بېرىشىنى ئايالىمنىڭ ئېلىپ بېرىدىغانلىقىنى ئېيتتىم ۋە ئايالىمغا تىلفۇن قىلىپ قويدۇم . ئارىدىن بىر سائەت ئۆتكەندىن كىيىن تىلفۇنۇم يەنە سايردى . ئايالىم قىلغان ئىكەن . ئۇ تىلفۇندا پەقەت بۇ راستمۇ دىگەن بىر ئېغىزلا گەپنى قىلاتتى . شۇندىلا ھېلقى دوختۇر يازغان ئەجەل خېتىم يادىمغا كەلدى . مەن يەنە نىممۇ دىيەلەيمەن . ئۇنى باغرىمغا چىڭ باستىم . ئۇ بولسا باغرىمدا يۇلقىناتتى . مەيدەمگە ئاشۇ كىچىككىنە ، ئىنچىكە قوللىرى بىلەن ئۇراتتى . مەن بولسام ئاسمانغا قارىغىنىمچە نىمىنىدۇر ئويلايتتىم . - بۇ راستىمۇ ؟ راستمۇ ؟ مەنمۇ شۇنى ئويلىنىۋاتقان ئىدىم ، بۇ راستىمۇ ؟ ئىھ ئاللاھ ماڭا نىمانچىلا قىلىسەن ؟ ئالدىڭدا قىلغان قايسى گۇناھىمغا مېنى بۇنداق جازالايسەن ؟ - ئەزىزەم ، مېنى كەچۈر - ئۇنى قۇچىقىمغا مەھكەم باستىم . ئەمدى ئەلانۇر قوچقىمدا بوزلىماقتا ئىدى . ئۇ توختىماي تىتىرەيتتى . ئۇنىڭ چاچالىرىنى ئالقنىمغا ئېلىپ سىلىدىم . ئۇنى پەپىلەيتتىم . خۇددى كىچىك بالىنى پەپىلىگەندەك . 5 - مۇبارەك بولسۇن ! ئوغۇلكەن . دوختۇرنىڭ مۇبارەك سۆزىدىن ئالەمچە بەخىت ھېس قىلدىم . بېشىم كۆككە يەتكەندەك ئىدى . - قېشىغا كىرىپ چىقسام بولامدۇ ؟ ئۇنى كۆرۈپ باقسام بولامدۇ ؟ بىر نەچچە ئاينىڭزى چاقلىق ئورۇندۇققا چۈشۈپ قالغان ئىدىم . -دوختۇخانىمىزنىڭ ئەسلى قائىدىسىدە بولمايتتى . بىراق سىزنىڭ ھازىرقى ئەھۋالىڭىزنى ئويلاپ بوپتۇ كىرىپ كۆرۈپ چىقىڭ . چاقلىق ئورۇندۇقنىڭ چاقىنى ئىتتىرمەكچى بولدۇم بىراق قولۇمدا جان قالمىغاچقىمىكىن ھېچ كۈچيەلمىدىم . كەينىمدىن دوختۇر ماڭا مېھرىبانلىق بىلەن كۈلگىنىچە ئ.ىتتىردى ، بۇ باشقا بىرى بولماسىتن دەل ھېلقى مەن ۋارقىرىغا دوختۇر ئىدى ، ئۇ ماڭا مەنلىك كۈلۈپ قويدى . مەن بولسام خىجىللىق ئىلكىدە قىزاردىم . ئوغلۇمنىڭ يېنىدا تەر - سۇ ئىچىدە ئايالىم ماڭا كۈلۈمسىرىگىنىچە ياتاتتى . مەن كېلىپ ئايالىمنىڭ چاچلىرىنى قوللۇرۇمدا تارىدىم . ئۇنىڭ قوللىرىنى قايتا قايتا سىلايتتىم . ۋە قوللۇرۇغا سۆيەتتىم . - جاپا تارتتىڭ . ساڭا .... ساڭا رەھمەت ! ئۇمۇ قوللۇرۇمنى يۈزلىرىگە سۈرۈتتى . كۆزلىرىگە لىق ياش ئالغىنىچە ماڭا تويماي قارايتتى . - سىزگىمۇ رەھمەت ، ماڭا ئەكرەمنى قايتۇرۇپ بەردىڭىز . يېنىمىزدىلا ياتقان بالا تۇيۇقسىز قاتتىق يىغلاپ كەتتى . مەن ئۇنىڭ ئەشۇ يىغىسىنى ئاڭلاپ خۇشال بولدۇم . كۈلۈپ كەتتىم . ئايالىممۇ مەن بىلەن تەڭ كۈلەتتى ، بىراق ئۈنسىز كۈلەتتۇق ، بىراق بۇ كۈلكىنىڭ ئىچىدە قانچىلىك ئازاپ ۋە ھىجىراننىڭ يۇشۇرۇنغىنى ئىككىمىزگە مەلۇم ئىدى . مەن ئەلانۇرنىڭ كۆزلىرىگە تىكىلگىنىمچە كۈلكىدىن توختۇدۇم . - سېنىڭ بۇ شەھەردە ھېچ نىمەڭ قالدى ، ئەلانۇر جېنىم ، مەن كەتكەندىن كىيىن شۇ يۇرتۇڭغا قايتىپ كەت بولامدۇ ؟ ئۇ ماڭا قارغىنىچە يىغلىماقتا ئىدى . كۆزلىرىدىن ئاققان ياشقا قاراپ ئۆزۈمنى تۇتۇشقا شۇنچە تىرىشساممۇ ھېچ تۇتالمايتتىم . - ئەكرەم ، مېنىڭ بۇ شەھەردە ھەممە نىمەم بار . مەن ئانا دەپ كەلگەن ، ئاتا دەپ كەلگەن ئەشۇ قېرىنداشلىرىمنىڭ قەبرىسى بار . مەن ئەر دەپ تەگكەن سىزنىڭ ىۇشال كۈلكىڭىز بار . مانا مېنىڭ كىچىك ئەكرەمجېنىممۇ بار . ماڭا بۇ شەھەردە ھەممە نىمە بار ، سىزنىڭ تىنىقىڭىز ، سىزنىڭ ھېدىڭىز مۇشۇ شەھەردە بار ، سىزنىڭ سايىڭىز مۇشۇ شەھەردە بار . كەينىمدىكى دوختۇرمۇ كۆزلىرىدىكى ياشلىرىنى سۈرۈتكىنىچە بىزگە قاراپ تۇراتتى . مەن كۆزلىرىمدىكى ياشلىرىمنى سۈرۈتكىنىمچە ئەلانۇرغا يەنە بىر قارىدىم . ئۇ ئەمدى بۇرۇنقى ئالدىراڭغۇلۇقتىن تەمكىنلىككە ئۆتكەندەك كۆرۈنىۋاتاتتى . ئۆزۈمنى چاقلىق ئورۇندۇقتىن مىڭ بىر جاپادا كۆتۈردۈم ، ۋە ئەمدىلا تۇغۇتتىن يېشىنگەن ئايالىمنىڭ يېنىغا چىقتىم . - مېنى يەنە بىر قۇچاقلا ، جېنىم يەنە بىر قۇچاقلاپ قوي . دوختۇر ئەمدى بۇقۇلداپ يىغلاشقا باشلىدى . ئەلانۇر بولسا ماڭا گۆرە سىالغىنىچە يىغلىماقتا ئىدى . - تېخىمۇ چىڭ قۇچاقلا ، جېنىم تېخمۇ چىڭ قۇچاقلا !!! يېنىمزدا بالىمىز تېپچەكلىگىنىچە يىغلىماقتا ئىدى . بىراق ئۇنىڭ بۇ يىغىسىنىڭ مەنىسىنى بىر ئاللاھتىن باشقا ھېچكىم بىلمەيتتى . مەن يەنە ئەلانۇرنىڭ قۇلقىنى سۆيۈپ تۇرۇپ پىچىرلىدىم . - مەن ساڭا بىر ئۆمۈر ھەمراھ بولىمەن دىگەن ، مېنىڭ ساڭا يالغان ئېيتقۇم يوق ئىدى مېنى كەچۈر . ساڭا ئاخىرقى تىنىقىمغىچە ھەمراھ بولىمەن دىگەن ، مېنى كەچۈر مەن .... مەن ئۇ قولى بىلەن ئاغزىمنى چىڭ بېسۋالدى ۋە - مەن سىزنى ياخشى كۆرىمەن - دىگەن بىر ئېغىز سۆزنىلا قىلدى . مانا مەن توي قىلىپ ئۇنىڭ ئاغزىدىن ئاڭلىغان تۇنجى رومانتىكىلق سۆز ئىدى . - مەنمۇ سېنى ياخشى كۆرىمەن . - كۆزىمدىن ئىككى تامچە ياش ئۇنىڭ چاچلىرى ئارسىغا سىڭىپ كىرىپ كەتمەكتە ئىدى . بۇنچە قۇچاقلىشىپ تۇرۇش بىزگە زادى قاچانغىچە نىسىپ بولار . ئاسماندىن بىزگە ھەۋەس بىلەن قاراۋاتقان ئايغا قاراپ ئوغلۇمغا مەنىلىك قاراپ قويدۇم ، ئۇ يەنە تىپىرلاپ يىغلاۋاتاتتى .

tapalmidim

	نىم كېسەل ئىكەنلىكىنى بىلەلمىدىمغۇ؟

fatima

	بۇنى بىر ھېكايە دەپ ئۇقۇغان بولساممۇ ياشلىرىم توختاۋسىز ئاقتى.چۈنكى ئىنساننىڭ بېشىغا مۇنداق كۈنلەر كەلمەيدۇ دېگىلى بولمايدۇ. نەچچە يىل ئىلگىلىرى دوختۇرنىڭ ‹‹يولدىشىڭىزنىڭ ئاخىرەتلىكىگە تەييارلىق كۆرۈپ قۇيۇڭ››دېگەن سۆزىنى ئاڭلاپ مەنمۇ يامغۇركەبى ياش تۆككەن.ھەم دائىم ھەممىلا ئىشتا يولدۇشۇمغا تاينىۋالدىغان ئاجىزلىقىم يۇقاپ شۇنداق قەيسەرلىك ھۇجۇدۇمنى قاپلىغان ئىدى.ئاللاھنىڭ ھىممىتى بىلەن يولدۇشۇم ياخشى بۇپ كەتتى.مەنمۇ  يولدۇشۇمغا ئەركىلەپ تۇرۇپ يەنە قاقاقلاپ كۈلدۈم. ھېكايىڭىزنى ئۇقۇپ شۇ ۋاقىتتىكى ئەسلىملەرنى ئەسلەپ قالدىم.كىچىكىمدىن باشلاپ،باشقىلارنىڭ قىلغان ياخشىلىقى بىلەن،بېشىمغا كەلگەن  ئىغىر كۈنلەرنى ئۇنتۇيالمايدىغان ئادىتىم بار.

what

	بەك ياخشى چىققان ئەسەركەن.ئوقۇۋىتىپ كۆزۈمدىن ئېخـىيارسىز ياش چىقكەتتى.

ahsaxum

	fatima يوللىغان ۋاقتى  2012-10-7 06:27 PM بۇنى بىر ھېكايە دەپ ئۇقۇغان بولساممۇ ياشلىرىم توختاۋس ... فاتىمە ھەدەمنىڭ ئىنكاسىدىن تولىمۇ سۆيۈندۈم ! رەھمەت فاتىمە ھەدە ! ئىشلىرىڭىزنىڭ ئوڭۇشلۇق ، كۈنلىرىڭىزنىڭ خۇشال ئۆتىشىگە تىلەكداشمەن !  ھەمدە سىزگە رەھمەت ئېيتىمەن !

1670154432

	مىنىڭ كۆزۇمنى ياش تۇسۋېلىپ خەتنىمۇ كۆرەلمەيۋاتىمەن.

DARITYAMAN

	ھەي بىچارە ، بۇ دۇنيانىڭ رەزەللىگىدىن ، ھېلقى مەينەت كىسەلنى يۇقتۇرۋاپتۇدە ، ئۆزى قەدىرلەپ سۆيگەن  ئايالىدىن بۇ دۇنياغا كۆز ئىچىشىنى تۆت كۆز بىلەن كۈتكەن ئوماق يۈرەك پارىستىن ۋاقىتسىز ئايرىلىپتۇ  .

axek13999649893

	ئالدىنىقى قتىم بىر  مۇنبەردە  كۆگەن بۇ تىمىنى

پەرىم

	مەن يىغلىدىم....................................................... بەك ياخشى يېزىپسىز!