ھېكىم بەگنىڭ ھىكايىسى

mahatjan

	ھېكىم باينىڭ ھىكايىسى         بۇرۇننىڭ بۇرنىسدا،توخۇنىڭ قوڭى دولىسىدا ئىكەن.زامانى ئەۋۋەلدە دىيارىمىزدا ھېكىم باي دىگەن بىر باي بولۇپ،شۇ بەگلىككە نىسبىتەن ئۇ  بەك باي ئىكەن،ئېرىق-ئۆستەڭلەردىكى سۇلىرى يەرلىرىگە ماس لاي ئىكەن.      كۈنلەر ئۆتۈپ، ئايلار ئۆتۈپ بىر كۈنلەرگە كەلگەندە،ھېكىم باي بەگلىكنىڭ قانۇنغا خىلاپ ئىش قىلىپ قويغاچقا،ھېكىم باينى قانۇن بويىچە قولغا ئېلىپ،بەگلىكنىڭ ئەمگەك بىلەن ئۆزگەرتىش تۇرمىسگە تاشلاپتۇ.تۇرمىدىكى كونا-يېڭى جىنايەتچىلەر ھېكىم باينى چاۋاك چېلىپ قىزغىن قارشى ئاپتۇ. ھېكىم باي تۇرمىدىكى ئىشىنى مۇنداق باشلاپتۇ. تۇرمىنىڭ ئازاپلىرىغا چىدىماي كىچە- كۈندۈز كۆزىنى ياشلاپتۇ،قولتۇقى قىچىشسسا قوڭىنى قاشلاپتۇ.كۈنلەر ئۆتۈپ بىر كۈنلەرگە كەلگەندە،تۇرمە ساقچىللىرى جىنايەتچىلەرنىڭ قېشىغا كىرىپ؛-ھەي ئادەم سىياقى يوق مەخلۇقلار!ئاراڭلاردا كەسپى ھۈنەرۋەنلەر بارمۇ؟،مەسىلەن،ياغاچچى،تۆمۈرچى،موزدۇز،تامچى -----دىگەندەك.ئەگەر شۇنداقلار بولسا ئۆزەڭلىنى مەلۇم قىلىڭلار!-دەپ سىگىنال چاپتۇ. شۇنىڭدىن كىيىن نۇرغۇن جىنايەتچىلەر ئۆزىنى مەلۇم قىلىپ سىرتقا چىقىپ كىتپتۇ، ھېكىم باي ئۆزىنى مەلۇم قىلالمىغاچقا قاراڭغۇ تۇرمىدە كىچە- كۈندۈز يېتىۋىرىپتۇ.بىرەر كەسىپنى ئۈگۈنۈپ قويمىغانلىقىدىن بەك ئازاپلىنىپتۇ.بىر كۈنى مۇنداق ئويلاپتۇ،<مەنمۇ بىرەر ھۈنەرنى قىلالايمەن دەپ ئۆزەمنى مەلۇم قىلاي،شۇ بانادا كۈن نۇرىنى بىرەر قېتىم كۆرۈۋالارمەن>.        ئەتىسى ئۆزىنى مەلۇم قىپتۇ،يەنى موزدۇزلۇق قىلالايمەن دەپتۇ. ساقچىلار ھېكىم باينى موزدۇزلار قاتارىدا موزدۇزلۇق قىلىشقا ئورۇنلاشتۇرۇپتۇ،ھېكىم باي ئۆزىنىڭ موزدۇزلۇق قىلالمايدىغانلىقىنى،شۇنداق دەپ كۈننىڭ نۇرىنى كۆرۋالماقچى بولغانلىقىنى كەسپى موزدۇزلارغا مەلۇم قىپتۇ.موزدۇزلۇق تېخنىكىسى خېلى يۇقۇرى بىر موزدۇز ھېكىم باينى يېنىدا ئولتۇرغۇزۇپ ھەرخىل ئاياغلارنىڭ ئەندىزسىنى بىرىپ ،خرۇملارنى شۇ ئەندىز بويىچە كىسىپ(پىچىپ) بىرىشنى ئورۇنلاشتۇرۇپتۇ.ھېكىم باي ئەندىز بويىچە خىرۇملارنى پىچىپ بىرىپ،ساقچىلارغا ھەممە موزدۇزلارنىڭ ئۇستىسىدەك كۆرۈنۈپتۇ.شۇنىڭ بىلەن تۇرمىنىڭ قاراڭغۇلۇق ئازاۋىدىن قۇتۇ لۇپ كۈننىڭ سېرىغىنى كۆرۈشكە مۇيەسسەر بوپتۇ. كۈنلەرئۆتۈپ،ئايلار ئۆتۈپ تۇرمىدە ئەمگەك بىلەن ئۆزگەرتىش مۇددىتى توشۇپ يۇرتىغا قايتىپ كەپتۇ.      ھېكىم باي يۇرتىغا قايتىپ كەلگەندىن كىيىن تۇرمىدىكى تەجىرىبە-ساۋاقلىرىغا ئاساسەن يۇرتىدىكى جامائەتكە مۇنداق دەپتۇ؛-ھۆرمەتلىك جامائەت،مىنى كىشىلەر ھېكىم باي ھېكىم باي دىسە راس باي ئوخشايمەن دەپتىكەنمەن،مەن باي ئەمەس ئىنتايىن كەمبىغەل،بىچچارە ئىكەنمەن.مەن شۇنى تونۇپ يەتتىمكى، بايلىق دىگەن ئازغىنا مال-دۇنيا ئەمەس بەلكىم ھۈنەر-كەسىپ،كەسپى تېخنىكا،بىلىم-ماھارەت،ئەمىلى تەجىرىبە ئىكەن؛ئۇ- ئادەمنى ھەرخىل ئازاپتىن قۇتۇلدۇرىدىغان،بەخىت-سائادەتكە،يوروقلۇققا ئىرىشتۈردىغان تۈگمەس بايلىق ئىكەن.شۇڭا بۈگۈندىن باشلاپ ئۆزىمىز بىرەر كەسىپنى ئۈگۈنۈش مەجبۇرىيتىنى،بالىلارغا ئۈگۈتۈش مەسئۇلىي تىنى ئۈستۈمىزگە ئېلىپ بۇنى ئەمەلگە ئاشۇرايلى.مانا بۇ تۈگمەس بايلىق ئىكەن.                                                              ئاپتۇرى:مەخەت ئابدۇرېھىم

hekmat-uyghur

	ئاتاڭدىن  ئېشەكتەك  گۈھەر قالغۇچە  كېسەكتەك  ھۈنەر قالسۇن  دەپ  يېزىپ  قويغانمەن  (نە گە  يازغان  بولغىيتىم)

╰︶￣原地守候

	hekmat-uyghur يوللىغان ۋاقتى  2012-10-7 10:54 AM ئاتاڭدىن  ئېشەكتەك  گۈھەر قالغۇچە  كېسەكتەك  ھۈنەر قا ... خاتىرىڭىزگە يازغانسىز؟ ئۇنىڭدىن باشقا نەگە يازىسىز؟   يا بولمىسا تىرەكنىڭ غولىغا يېزىپ قويمىغان بولغىيتىڭىز ھە؟ بولمىسا تاپالماي قالىسىز.

kigiz

	ۋاي؛ ۋۇي.......................

kigiz

	ۋاي؛ ۋۇي.......................

ماركو

esyankar75

	گەپ سۆزگە دىققەت قىلماپسىز ‹‹قوڭى ›› دىگەننى يازمىسىڭىزمۇ بولاتتى ، بۇ ھىكايىنىڭ يۈزىدىكى داغقا ئوخشاپ قاپتۇ .

diyarm

	ياخشى ھىكايكەن . ھۈنەر ئىقىپ تۇرغان بۇلاققا ئوخشايدۇ،

esimtapalmidim

	بۇ ھىكايىڭىز راسلا ياخشى ھىكايىكەن، ھۈنەر-كەسىپ،ئىقتىدار مۇ زور بىر بايلىق. لىكىن ئا ‹قوڭى› دىگەن گەپ سەل قوپال چىكتىپ قاپتۇ..  باشقا سۆزگە ئالماشتۇرۇپ بىقىشنى ئويلىشىپ باقمىدىڭىزمۇ؟ مەسىلەن بىرىنجىسىگە قۇيرۇقى،ئىككىنجىسىگە دۈمبىسى ياكى بىشى دىگەندەك..... ئىجادىيتىڭىزگە ئاپىرىن!

1670154432

	hekmat-uyghur يوللىغان ۋاقتى  2012-10-7 10:54 AM ئاتاڭدىن  ئېشەكتەك  گۈھەر قالغۇچە  كېسەكتەك  ھۈنەر قا ... كەينىڭزدىكى خەتنىڭ ئاستىدا ئەمەستۇ ھە؟