دات ! دېدىم

tongtax

	دات ! دېدىم                         ئابدۇراخمان ساۋۇت تېلىۋىزوردىن بىر يېڭى ئېلاننى كۆردۈم،دات! دېدىم. ئۇندا ئاغرىق دەردىگە دەرماننى كۆردۈم،دات! دېدىم. قۇتۇلاي دەپ نەس كېسەلدىن شۇ ھامان جابدۇق ئىتىپ، تاپقىچە تۆت تەڭگە پۇل ھەر ياننى كۆردۈم،دات! دېدىم. يولغا چىقتىم تاڭ سەھەردە خوشلىشىپ خانەم بىلەن، يەتكىچە مەنزىلگە ھەر جەرياننى كۆردۈم،دات! دېدىم. ياتقۇدەك بىر جاينى تاپتىم بەش بۆلۈمگە تەلمۈرۈپ، كارىۋىتىمدا رەزگى بىر يوتقاننى كۆردۈم،دات! دېدىم. ئالتە نۆۋەت تەكشۈرۈشتىن بولدى بۇ ھالىم زەئىپ، كۆز يۇمالماي شۇ كېچە ۋايجاننى كۆردۈم،دات! دېدىم. كىردى بىر خانىم سەھەردە خۇددى مۇز، سۆرۈن تەلەت، تەڭلىگەن قەغەزدىكى نۇقساننى كۆردۈم،دات! دېدىم. قويدىكىن قانداق دېئاگنوز ئاغرىسا بوينۇم مېنىڭ، بار چاتاق بۆرەكتە، دەپ پەرماننى كۆردۈم، دات! دېدىم. كۈندە قاڭسىق دورىسى بار، ئۇرغىنى بىر ۋاخ ئوكۇل، ھەر ئوكۇل ئۇرغاندا چىققان قاننى كۆردۈم، دات! دېدىم. ئۆتتى بىر ئاي شۇ تەرىقە، ساقىيىشتىن يوق دېرەك، پۇت-قولۇمدىن كۈچ-مادار قاچقاننى كۆردۈم،دات! دېدىم. باشتا ئالغان پۇل ئۈستىگە ھەق ئېلىش تالونىدىن، ۋاي ئېسىت،بەش خانىلىق بىر ساننى كۆردۈم،دات! دېدىم. كەلگىنىمدە بۇ بۆلۈمگە رۇس مىڭىپ كىرگەنىدىم، چىققىنىمدا ھارۋىغا سالغاننى كۆردۈم،دات! دېدىم. ئۆيگە كەلسەم ئۆي قۇرۇق، چىقتى بۇ باشتىن<< تۈتۈن>>، ئۆي بىساتنى پۇل ئۈچۈن ساتقاننى كۆردۈم،دات! دېدىم.                **                     ** مەن ئەمەس دېكتورلىرىم، بۇ ساختا ئېلان دەردىدىن، ئالدىنىپ قان قانچىنىڭ يۇتقاننى كۆردۈم،دات! دېدىم. ئەمدى بەرمەڭ، مەن تۆلەي شۇ ساختا ئېلان ھەققىنى، ئۇندىكى ئەلگە توزاق-قاپقاننى كۆردۈم،دات! دېدىم. --------------- بۇ شېئىرنى بۇندىن يەتتە يىل مۇقەددەم ئاكامنىڭ دەپتىرىنىڭ ئارىسىدىن ۋاراقچە ھالەتتە تىپىۋىلىپ بەكلا تەسىر قىلغانلىقتىنمۇ ئىشقىلىپ خاتىرەمگە كۆچۈرۋالغان ئىكەنمەن. ئەمدىلىكتە مۇنبەرداشلار بىلەن ئورتاقلىشىش مەقسىتىدە بۇ يەرگە ئىپ كەلدىم. بۇ شېئىرنىڭ ئۆز ۋاقتىدا ژۇرنالغا بىسىلغان ياكى<< ساندۇققا بىسىلغان>> ىنى بىلىشكە ئاجىزلىق قىلدىم. شۇڭلاشقا ئالاھىدە چۈشەندۈرۈش بىرىلدى....

tuntaxvixi

	زۇلئاي يوللىغان ۋاقتى  2012-10-6 04:23 AM ئايچىن خانىم ! بۇ-شېئىر ئۆتكەندە مۇنبەرگە بىر قېتىم يول ... مەيلى ئەمەسمۇ ،بىزدەك يىڭى كىرگەنلەر كۆرىمىز،مەن بەك ياقتۇردۇم بۇ تېمىنى....

tuntaxvixi

	نىمە دىگەن چۈچۈك تىللا بىلەن يېزىلغان ھە....بەك تەسىر قىلىدىكەن ئادەمگە

yalguzak215

	ئەسەر ئىنتايىن ياخشى چىقىپتۇ،يۇقارقىدەك بىزەڭ ئېلانلارنى مۇشۇنداق ساتىرا،ھەجىۋىلىرىمىز ئارقىلىق قامچىلاش قەلەم تۇتقۇچىلارنىڭ بۇچى،قەرزى دەپ قارايمەن. توڭتاشنىڭ ئەجرىگە،ئاپتۇرنىڭ پەزىلىتىگە رەھمەت.

dolantograk004

	بەك ئوبدان يېزىلىپتۇ بىر   قېتىم ئەمەس پات-پات يوللاپ تۇرسا بولغۇدەك شىئېركەن بۇ

uqkun5

	كۈرمىگەنلەر كۈردۇق .قايتا يوللانغىنى بەلەن بوپتۇ.

aa0998

	ھازىر بۇ ئېلانلار بۇرۇنقىدىن جىق يوقالدى بۇرۇن شۇنداق ياخشى كىنىونىڭ ئارسىغا قېستۇرۇپ قوياتى ھازىر ئۇنداق ئېش يوق ئاغىرىپ قالغان ئادەم ئۆزى چوقۇم دوختۇرخانىغا بىرىپ داۋالنىدۇ شۇنداق ئەھۋالدىمۇ نېمىشقا تۈگىمەيدىغاندۇ

Umidim

	مەنمۇ ئەمدى كۆرۈپتىمەن ، ياخشى يىزىلىپتىكەن

arkanaz

	بەك ئوبدان يېزىلىپتۇ