پەندى-نەسىھەتلىك دۇردانىلەر

dartman119

	دۇردانىلەر.. 1. ئىنساننىڭ قەدىر-قىممىتى مەيلى ئۇ ياخشى ئەمەلنى ئاز قىلسۇن ياكى كۆپ قىلسۇن، گۈزەل ئەمەلىيتىگە باغلىق. 2. زاماننىڭ ھاتەلىرى سانىلىدىغان ئەرلەر مۇھتاجلارنىڭ ھاجىتىنى راۋا قىلغان، دەردمەنلەرنىڭ دەردىگە يەتكەن، بىناۋالارنىڭ كۆڭلىنى ئالغان، ھەقسۆزنى ئېيتقان كىشلەرنى ھىمايە قىلالىغان ئەرلەردۇر. 3. ئالىملار ئۆز ئىلمىنى ئەتراپقا رىياسىز تارقاتسا، ئۇلارنىڭ ھەربىر لەۋزىدىن قەنت-شېكەر تامسا، ئالەم نۇرغا تولۇپ زاماننىڭ قاراڭغۇسىمۇ يورۇيتتى. 4. ئەقىل ئىگىسى بولساڭ، قۇرۇق دېمەي بۇ سۆزگە قۇلاق سال:غەيرەت ئەھلى دائىم قانائەتچان بولسا نېمىدىگەن ياخشى؟ بىر مىسال باركى، كىشىدىن تەمە قىلماق گويا ئۆكۈزدىن سۈت، مۇزدىن ئوت تەمە قىلغان بىلەن باراۋەر. 5. ئەگەر ئادەم ئۆزىنىڭ مەخپىيەتلىكىنى ئۆزى ئاشكارىلاپ بولۇپ، ئۇنى “يېيىۋەتتى” دەپ باشقىلارنى ئەيىپلىسە، ئۇ ئەخمەقتۇر. چۈنكى، ئۆزىنىڭ مەخپىيەتلىكىنى ئۆز قەلبى سىغدۇرالمىسا باشقىلارنىڭ قەلبى قانداق سىغدۇرالىسۇن؟! 6. توغرا سۆزگە ئىشەنمەي، خاتا سۆزگە ئىشىنىپ، ئۆزلىرىنىڭ ئىشەنچىسىنى پۈتۈنلەي يوقاتقان قەۋم ئەھۋالىنىڭ ياخشىلىنىشىدىن ئۈمىد كۈتۈش قىيىن. 7. گەرچە لاياقەتسىز يەر بولسىمۇ ياخشىلىق تېرىغىن، ياخشىلار قەيەرگىلا تېرىلسۇن، زايە كەتمەيدۇ. ياخشى ئىشقا گەرچە ئۇزۇن زامان بولۇپ كەتكەن بولسىمۇ، ئۇنىڭ ھۇسۇلىنى پەقەت تېرىغان كىشىلا كۆرىدۇ. 8. كىتاپ ئوقۇغان كىشى تەپەككۇرنى ھەمراھ قىلماي، كىتاپنىڭ شەرھ-ئىزاھلىرىغىلائېسىلىۋالسا، گويا باشلانغۇچ مەكتەپ ئوقۇغۇچىسىغا ئايلىنىپ قالىدۇ. 9. كىشىلەرنى ھۆرمەت قىل، سەن باشقىلارغا ھۆرمەت قىلساڭلا، ئاندىن باشقىلاردىن ھۆرمەت كۆرەلەيسەن. 10. چىراينىڭ ھۆسنىگە تولمىقى بىلەن تۆمۈرنىڭ پارقىراق بولمىقى بىلەن يىگىتنىڭ پەزىلەت شەرتى تولامدۇ؟ يەمەندىن چىققانغا دەلىل بولامدۇ؟ 11. كېچەيۇ-كۈندۈز مېھنەت بىلەن بولۇپ، ئۆز ئابرويىنى ساقلىسا، مۇنداق كىشى ئەلدىن ئازار كۆرمەيدۇ، ھېچ زامان خار بولمايدۇ. - 12. پەسەندىلەرگە ھەرگىزمۇ مېھرىبانلىق كۆرسەتمە، ئۇنى ھەددىدىن ئاشۇرۇپ قويىسەن. قوپاللىق قىل، ئىتائەت قىلىپ باش ئەگكەن ھالدا ئالدىڭغا كىلىدۇ. شۈبھىسىزكى، تۆمۈرنى پەقەت ئوتلا يۇمشىتىدۇ، ئەمما ئۇنىڭغا پۈتۈن دېڭىز سۈيىنى قۇيساڭمۇ يۇمشىمايدۇ. 13. ئەگەر سەن سۈيۈڭنى 《ئەخلەت چۈشكەن》 دەپ ئىچمىسەڭ، ئۇسسۇز قالىسەن. قانداق كىشىنىڭ سۈيىنىڭ ھەممىسى ساپ بولغان؟ يەنە قانداق كىشىنىڭ ھەممە ئىشى دۇرۇس دەپ قارالغان؟ كىشىنىڭ ئەيىپلىرىنىڭ سانالغانلىقى ئاشۇ كىشىنىڭ پەزىلەتلىك ئىكەنلىكىنىڭ يېتەرلىك ئىسپاتىدۇر ھەرقانداق كېسەلگە تېپىلسىمۇ ئەم، يوق ھەرگىز ئەخمەقنى ساقايتار مەلھەم. 14. نەپس شۇنداق بالادۇركى، ئەگەر ئەقىل ئۇنىڭغا شاھلىق قىلالمىسا، ئۇ ئادەمنى ئىتتىنمۇ پەسلەشتۈرۋېتىدۇ. خۇدا، نەپس بالاسىدىن ساقلىغايسەن.!!! 15. بارلىق نەرسىلەرنىڭ تەمىنى قايتا-قايتا تېتىپ كۆردۈم.لېكىن، مەن تېتىغان نەرسىلەر ئىچىدە گادايلىقتىنمۇ تەمى ئاچچىق نەرسە يوقكەن. مېنى قايغۇغا سالغان نەرسىلەر ئىچىدە دۈشمەننىڭ شادلىقىدىن باشقىسنى تاپالمىدىم. مەنبە:ئابدۇقادىر داموللا ھېكمەتلىرىدىن تاللانما

feroza

	خاتىرەمگە كۆچۈرۈۋالغۇدەك ھىكمەتلەركەن، ئەمىسە تارتىنماي كۆچۈرۈۋالدىم.

شاتئاي

	ھەممىسنى ياقتۇردۇم.خۇدى ھازىرقى كەيپىياتىم ئۈچۈن ماڭا قىلىنغان سوۋغاتتەكلا بىلدىم.رەھمەت

dartman119

	feroza يوللىغان ۋاقتى  2012-10-5 01:55 PM خاتىرەمگە كۆچۈرۈۋالغۇدەك ھىكمەتلەركەن، ئەمىسە تارتىن ... بولىدۇ ئەمىسە ياقتۇرغانلىرىڭىزنى خالىغانچە ساقلىۋىلىڭ خاتىرىڭىزگىلا ئەمەس . ئەقلى ئىقتىدارىڭىزدىكى خاتىرىڭىزگىمۇ

allabir520

	ھارمىغايسىز قېرىندىشىم

dartman119

	allabir520 يوللىغان ۋاقتى  2012-10-5 05:12 PM ھارمىغايسىز قېرىندىشىم رەھمەت،

azizgul

	ئىسىل ھىكمەتلەر ئۈچۈن كۆپ تەشەككۈر !

سۈمەييە

	مۇشۇنداق ئىسىل ھىكمەتلەرنى پات-پات كۆرۈپ تۇرسام دەيمەن مەن !! رەھمەت تىما ئىگىسى

dartman119

	سۈمەييە يوللىغان ۋاقتى  2012-10-6 11:20 AM مۇشۇنداق ئىسىل ھىكمەتلەرنى پات-پات كۆرۈپ تۇرسام دەيمە ... ياقتۇرسىىڭىز يەنە،پات-پات يوللاپ تۇراي مەنمۇ...سىزگىمۇ رەھمەت

dartman119

	azizgul يوللىغان ۋاقتى  2012-10-5 05:45 PM ئىسىل ھىكمەتلەر ئۈچۈن كۆپ تەشەككۈر ! رەھمەت مۇنبەردىشىم...