ھەققانىي: ئىمىن نىيازغا سالام

akkani

	تالانتلىق ناخشىچى،ئىمىن نىياز ئەپەندىگە سالام! ھۆرمەتلىك ئىمىن نىياز ئەپەندى،ياخشى تۇرۇۋاتامسىز؟يېقىندا ئۆتكۈزگە-ن ناخشا كېچىلىكىڭىز مۇۋاپىقىيەتلىك بولدىمۇ؟ئەلبەتتە شۇنداق بولىشىغا تىلەكداشمىز.سىز بىلەن ئۇقۇشىۋالىدىغان كىچىككىنە بىر ئىش مۇناسىۋىتى بىلەن سىزگە سالام يوللاش زورۈر بولۇپ قالدى.توغرا چۈشەنگەيسىز،ئاڭلىسام سىز بۇ قېتىمقى ناخشا كېچىلىكىڭىزدە نۇرغۇنلىغان نادىر ناخشىلىرىڭىز قاتارىدا ‹‹ ئىشچاننى سۆيدۈم›› ناملىق ناخشنى يەنىلا ياخشى ئوقۇپ جان كىرگۈزۋېتىپسىز.يەكەندىكى ۋاختىڭىزدىمۇ مۇشۇ ناخشىنى شۇنداق ياخشى ئوقۇپ ئەل قەلبىدىن تېخىمۇ چۇڭقۇر ئورۇن ئالغان ئىدىڭىز.مەن بۇ ناخشىنىڭ تېكىستىنى يازغۇچى ئابدۇۋەلى راخمان بولىمەن.ئەمما ئۆرۈمچىدىن ماڭا كەلگەن خەۋەرلەردىن قارىغاندا بۇ ناخشىنڭ تېكىستىنى يازغۇچى‹‹ ئۆمەرجان ئىسمايىل››دەپ دەپتەرگە يېزىپ بىرىپسىز.بۇ ئىشتا سىزنى بەك ئېيىپلاپ كېتەلمەيمەن.چۈنكى بۇ ناخشىنى ياخشى ئېيتقان بىلەن ئاپتۇرىنى سىزمۇ بىلەلمىگەن.بۇ ئىش ماڭا ئاياقتىكى قېتىقتەك ئايان.مەن بۇناخشا تېكىستىنى 1986-يىلى 1-ئايدا يېزىپ ئۆزبېك خەلق ئاھاڭلىرىدىن مەزكور ئاھاڭنى رەتلەپ سېلىپ ئۆمىكىمىزنىڭ ناخشىچىسى غېنى رامانغا ئۈگەتكەن،غېنى رامان مەزكور ناخشىنى ئۇزۇن مەزگىل سەھنىلەردە ئورۇنلاپ تاماشىبىنلەرنىڭ قەلبىگەسىڭدۈرۋەتكەن.مەن دەل مۇشۇ مەزگىللەردە كەلپىن ناھىلىك سەنئەت ئۆمىكىنىڭ مەسئۇلى ئىدىم.مەلۇم ۋاقىت ئۆتكەندىن كىيىن ئۆمىكىمىزدىكى ناخشىچىلارنىڭ ناخشىللىرىنى لىنتىغا ئېلىپ ئۆمەكتە ئارخىپلاشتۇرۇپ ساقلاشنى مۇددىئا قىلىپ پۈتۈن ناخشىچىلارنىڭ ناخشىسىنى لىنتىغا ئېلىشنى ئورۇنلاشتۇردۇم.(مۇشۇ ئارخىپ لىنتىلار ھازىرمۇ بار) ئۇ ۋاقىتلاردا يۈەنشىڭ دەي دىگەنلەرمۇ تېخى بىز بار تەرەپلەرگەيىتىپ كەلمىگەن ۋاخلار ئىدى.رەتلەپ بولۇنغان دەيلەرنى بىزنىڭ شۇ چاغدىكى مىخاينېك بىردىن-ئىككىدىن يېقىن-يۇرۇقلىرىغا،ئەل-ئاغىنىلىرىگە كۆچۈرۈپ بىرىپتۇ،بىزمۇ بوپتۇ كەلپىن ئۆمەكنىڭ ناخشىلىرى جەمئىيەتكە تارىسا نىمە بوپتۇ،دەپ كۆچۈرۈپ تارقىتىشنى چەكلەپمۇ كەتمىدۇق.بۇ دەيلەر ئەتراپقا كەڭ كۆلەمدە تارقاپ كەتتى.شۇنىسى ئەپسۇسلىنارلىقكى بۇ دەيگە ناخشا ئورۇنلۇغۇچىنىڭ ئىسمىنى،نە ئورۇننىڭ ئىسمىنى، ئىجادىيەتچىنىڭ ئىسمىنى دەپ قويماپتۇق.غېنى راماننىڭ ۋە باشقا ناخشىچىلىرىمىزنىڭ ئۈزىنى ياكى ئاۋازىنى تونۇيدىغانلار‹ كەلپىن سەنئەت ئۆمەك ناخشىچىلىرىنىڭ ناخشىسى،ماۋۇ رابىيەم،ماۋۇ غېنى›دەپ بىلىپ ئاڭلاشتى.بىلمىگەنلەرنىڭ گاھىللىرى قازاقىستاندىن،بەزىللىرى ئۆبېكىستاندىن كىرگەن دەي دىيشىپ ئاڭلاپ يۈرۈۋەردى.شۇ ۋاقىتنىڭ شارائىتىدا ناخشىچىلىرىمىزناخشىلارنى ھەقىقەتەن ياخشى ئوقۇغان ئىدى.مانا مۇشۇ‹سۆيدۈم›دىگەن ناخشىمۇ بۇ قارا دەيلەردە بار ئىدى.شۇ زاماندا سىز مۇشۇ ناخشىنى ئوقۇدىڭىز يەكەننىڭ سەھنىسىدە زىلزىلە قوزغاش بىلەن بىللە رادىئو-تىلىۋۇزۇرلاردا تارقاتتىڭىز ،بىز كەلپىن ئىچىدە ۋاقىراپ يۈرگىنىمىز بىلەن سىز بۇ ناخشىنى جاھانغا تاراتتىڭىز،سىز ئارقىلىق مۇشۇ ناخشىنىڭ خەلق قەلبىگە تېخىمۇ سىڭىپ كەتكەنلىكىدىن شەخسەن مەنمۇ ئىنتايىن پەخىرلەندىم.بىراق تېلىۋۇزۇرئېكرانىدا،سەھنىلەردە بۇ ناخشا ياڭرىغاندا‹‹ئاپتۇرى›› دىگەن خەت ئورنى بوش قالدى،بۇ پەقەت سىزنىڭ تېكىست ئاپتۇرىنى بىلەلمەسلىكىڭىزدىن شۇنداق بولۇپ قالدى.شۇڭامەن سىز يەكەن سەنئەت ئۆمىكىدە ئىشلەۋاتقان شۇ زاماندا بۇ ئىشنى ئېنىق ئەسكەرتىپ خەت يېزىپ يەكەن ناھيىلىك سەنئەت ئۆمىكىنىڭ باشلىقىغا تەگسۇن،دەپ پوچتىدىن سالدىم،تاھازىرغىچە بۇ خەتنىڭ ھېچبىر جاۋابى كەلمىدى.(ئىسىمدە قېلىشىچە شۇ خەتنىڭ ئارگىنالى ماتىرياللىرىم ئىچىدە ھېلىمۇ بار)بىر خىيالىمدا بۇلار قۇلاقنى يۇپۇرۋالدىمۇدەپمۇئويلۇدۇم،يەنە بىر خىيالىمدا پوچتىدىن تەگمەي قالغان ئوخشايدۇ،دەپمۇ ئويلۇدۇم.نەچچە ۋاقىتتىن بىرى بىلەلمەي ئاپتۇرنىڭ ئىسمى بوش قالغان چېغى دىسەم مانا بۈگۈنكى كۈندە بۇ ناخشا تىكىستىنىڭ ئاپتۇرى‹‹ ئۆمەرجان ئىسمايىل››بوپ قاپتۇ.مۇشۇ ئىشنى ئۆمەرجان ئىسمايىل ئاڭلىسا نىمە دەپ قالغاندۇ،دەپ ئويلاۋاتىمەن.بۇ بىر كىچىككىنە ئىش،شۇنداق بولسىمۇ ئىشنىڭ ھەق بولغىنى ياخشى.مىنڭچە بۇ ئىش ئەسەر ھوقۇقى تالاش-تارتىشىغا ئايلىنىپ قالمىسا.سىزنىڭ تېلىپۇن نومىرىڭىزنى جىق سۈرۈشتە قىلىپ تاپالماي قالدىم،تېلىپۇندىلا ئىزاھات بىرىپ ئۆز ئارا ئۇقۇشۇۋالايلى دەپ ئويلىغان ئىدىم،توردىمۇ سىز بارمۇ-يوق؟ئۇقمايمەن،بولمىسىڭىزمۇ بېرەر يېقىنلىرىڭىز بولسا يەتكۈزۈپ گەپ ئۇقۇشىۋالارمىز دەپ توردا يېزىشقا مەجبۇربولدۇم.خەير،ئىشلىرىڭىزغا ئۇتۇق،تىنىڭىزگە سالامەتلىك تىلەيمەن.بۇ ئۇقۇشماسلىققا قارىتا جاۋابىڭىزغا تەشنامەن. تېلىپۇنۇم:13899222854

Suchi

	مەن تۆنۈگۈن ئۈرۈمچىنىڭ يەنئەن يولىدا ناخشىچى ئىمىننىيازنىڭ يالغۇز كىشىلىك ناخشا كېچىلىگى ئۆتكۈزمەك ئۈچۈن قويغان ئېلان تاختىلىرىنى كۆرگەن ئىدىم.ئابدۇۋەلى راخمان ئەپەندىنىڭ بۇ سەمىمى خېتىنى ناخشىچىمىز ئىمىننىياز بالدۇرراق كۆرسە تولىمۇ ياخشى بولىدىكەن.بولسا مۇشۇ ئۇزۇن يىللاردىن بېرى يول قويۇلغان خاتالىقنى ئويۇن باشلاشتىن بۇرۇن سەھنىدە ئېلان قىلىۋەتكەن بولسا،ئىمىننىياز ئەپەندىنىڭ خەلق ئىچىدىكى ھۆرمىتى تېخىمۇ ئاشار ئىدى!

مارشال

	سەنئەتكار -ئۆز دەۋرىگە نىسبەتەن ئېيتقاندا،خەلق ئېتىراپ قىلغان سەنئەتچى بولۇش ئۈچۈن خەلقنىڭ پىكرىنى ئاڭلىشى،ئاۋام خەلق بىلەن يۈرىكى تەڭ سوقۇپ تۇرىشى كېرەك.ھەقىقىي سەنئەتچىدە ئۆزى ئورۇنلىغان ئىجادىيىتىدە چىنلىق بولۇشى ھەمدە شۇ سەنئەتكاردا ۋىجدان،ئەقىل،ئۆز دەۋرىگە نىسبەتەن يۈكسەك مەسئۇلىيەت بولۇشى كېرەك. كۆپ ھاللاردا،ياخشى چىققان ناخشىلارنىڭ تېكىستىنى شائىر يازىدۇ،مۇزىكىسىنى مۇزىكانت ئىجاد قىلىدۇ،ناخشىچى بۇ ناخشىنى ئېيتىدۇ،شۇنىڭ بىلەن بۇ ناخشا بىر پۈتۈنلۈككە ئىگە بولالايدۇ. ئېتىزغا تىكىپ قويغان كۆچەتنى سۇ قويۇپ تۇرمىسا،ئۇلاق ئۇلاپ،پەرۋىش قىلمىسا،مېۋە بەرمەيدىغانغا ئوخشاش،سەنئەتكارمۇ ئۆز ئىجادىيىتىدىكى ئۆتمۈشنى،قانداق يىلتىز تارتىپ شۆھرەت قازانغىننى بىلىشى زۆرۈر دەپ ئويلايمەن. ئىمىن نىياز ئەپەندى،يازغۇچى ئابدۇۋەلى راخمان(ھەققانىي)ئاكىمىزنىڭ بۇ ئۇچۇق خېتىنى چوقۇم كۆرۈپ بۇ ئاكىمىزدىن كەچۈرۈم سورىشىڭىزنى ھەمدە تورداشلارغا ئۆتكۈزگەن خاتالىقىڭىز توغۇرلۇق چۈشەنچە بېرىشىڭىزنى ئۈمىد قىلىمەن. سىزدىن كىچىك بولساممۇ شۇنى دەپ قوياي،سىزدەك كىشى خەلققە سادىق بولۇشى كېرەك،سىزمۇ خەلقنىڭ ھۆرمىتىگە ئېرىشىش ئۈچۈن ئۆزىڭىزنى قايتا تۇنۇشىڭىز،ئۆز قەدرىڭىزنى قىلىپ ئۆزىڭىزگە ھۆرمەت تاپىدىغان ئىشنى قىلىشىڭىزنى ئۈمىد قىلىمەن. ئەگەر ھەققانىي ئاكام دېگەن گەپلەرگە پەرۋا قىلمىسىڭىز،تور دۇنياسىدىكى بۈركۈتلەر سىزگە نەپرەت ئوقۇيمىز.

YAZR

	بۇ راس  سەل  ياخشى  بولماي  قاپتۇ ....ئوڭشاش كىرەك ...بولمىسا كىيىن مۇشۇنداق كىتىۋىرىدۇ

kaLGundi

	ئىشچاننى سۆيدۈم دىگەن ناخشىنىڭ تىكىستىنى ئەسلى ئابدۇۋەلى راخمان ئاكام يازغان ئىكەندە. سىزگە يەنە بىر قېتىم قايىل بولدۇم ئاكا

qay

	ئابدۇۋېلى ئەپەندىمنىڭ ئوپىرا ئومىگىدە ئوغلى بار تۇرۇپ ئىمىننىيازنىڭ تىلپون نۇمۇرۇنى تاپالمىغاندىمۇ؟...............

jula0997

	مەن بالا ۋاقىتلىرىمدا غېنى رامان ئاكىنىڭ ئىشچاننى سۆيدۈم ، رازىيە ، يا دوست ، تېلفۇن ، ...... قاتارلىق بىر قانچە ناخشىلىرىنى ئاڭلاپ ھارمايتتىم  . مەن بىلىشىمچەمۇ ئابدۇۋېلى رەخمان ھەققانى ئاكا يازغانلىقىنى بىلىمەن . ئابدۇۋېلى ئاكىنىڭ يەنە نۇرغۇن ياخشى شېرلىرىنى ياختۇرۇپ ئۇقۇغان ، بۇنىڭ ئىچىدە مەن ئەڭ ئامراق شېئىرسى ئېغۋا ئامبىرى دىگەن شۇغۇ دەيمەن ئاكا شۇنداقمۇ ؟ سىزگە ئاپىرىن ئاكا ، مەڭگۈ كۆكلەپ كىتىڭ !!!... ھە راست ئاكا ، ئوپىرا ئۆمىكىدە ئىشلەيدىغان تالانتلىق ياش ئاكتىيور شۆھرەت ئابدۇۋەلى ئەسلى سىزنىڭ ئوغلىڭىز ئىكەن دە ؟!  ئاللاھ بەختىڭلارنى بەرسۇن !!!

ANSWER

	مەن ياقتۇرمايدىغان ئەرتىسلارنىڭ بىرسى ئىمىن نىياز

YURT OGLANE

	ANSWER يوللىغان ۋاقتى  2012-10-4 07:45 AM مەن ياقتۇرمايدىغان ئەرتىسلارنىڭ بىرسى ئىمىن نىياز سىز ئۇنى نىمىشقا  ياقتۇرمايسىز  ئۇنىڭ ناخشىلىرى  خىلى بوپ قويدىغۇ  ؟

akkani

	qay يوللىغان ۋاقتى  2012-10-5 12:29 AM ئابدۇۋېلى ئەپەندىمنىڭ ئوپىرا ئومىگىدە ئوغلى بار تۇرۇپ ... گىپىڭىز ئىنتايىن توغرا،ئوغلۇم شۆھرەتجان ئوپىرا ئۆمىكىدە تۇرۇپمۇ بەش كۈندىن بىرى ئىمىن نىيازنىڭ تېلىپۇن نومىرىنى تاپالمىدىم.ئەھۋالدىن قارىغاندا سەنئەت يۇرتىنىڭ دائىرىسى بەك چوڭ ،ئادەم ئىنتايىن كۆپ بولغاچقا،سەنئەت يۇرتىغا قاراشلىق ناخشا-ئۇسۇل، ئوركېستېر،ئوپىرا،..........يەنە نىمە-نىمىلەر ئۆزلىرىنىڭ ئىشلىرى بىلەن مەشخۇل بولۇپ كىتىشىۋەرگەچكە بىر-بىرسىنى بەك بىلىشىپ كەتمەيدىغان ئوخشايدۇ.