بىزدىكى ‹‹نامراتلىق››ھەققىدە ئويلىغانلىرىم

izqel

	تورداش دوستىمىز راھەت ماكان مەن يىقىندىن بىرى ئويلىنىۋاتقان جىددى مەسىلە ھەققىدە (بۇنىڭدىن كىيىنكى نامراتلىق)دىگەن تىمىدا كۆز قارىشىنى يىزىپ ياخشى بىر ئەھۋالنى ئوتتۇرغا قۇيۇپتۇ،مەنمۇ شۇ تۇغۇرلۇق قىسقىچە بىر يازمامنى تەييارلاۋاتقان  ئىدىم.ئىنكاس شەكلىدە يازاي دەپ ئويلىدىم ئەمما يەنىلا تىما سۈپىتىدە يىزىۋەردىم. مەنمۇ راھەت ماكان توردىشىمىزدەك ئويلىغان ئىدىم.بەلكىم كۆز قارىشىمىز ئوخشاپراق كەتسىمۇ ئۆزگىچە بىر تەكلىپ تەۋىسيەرىمنى يىزىپ قۇياي دىگەن نىيەتتە قۇللىرىمنى كۇنۇپكىغا بىسىپ تۇرۇپتىمەن. نامراتلىق دىگەن بۇ ئۇقۇمنى كۆز ئالدىمىزغا كەلتۈرسەكلا كىرلەشكەن ،ئۇ بۇ يەرلىرى ياماق چۈشكەن كىيىملەرنى كىيىپ كوچا دۇقمۇشلىرىدا،ئاۋات سودا رەستىللىرىدە بىچارىلەرچە تەلمۈرۈپ يۈرگەن كىشىلەرنى ئەسلىتىدۇ. بۇ نامىراتلىق ھازىر كەلمەسكە كەتكەندەك قىلسىمۇ لىكىن جۇڭگۇدا بۈگۈنىدىن غەم قىلمىسىمۇ ئەتىسى ئۈچۈن قۇرساق غىمىدە تىپىرلاۋاتقانلار تولا........ ئەمما ئىلگىركى شۇ نامراتلار ھازىرقى نامراتلاردىن ساغلام ئىدى. ئەمدى دىمەكچى بولغىنىم:21-ئەسىر دۇنيادا تۆت چوڭ ئوكيان ۋە بەش چوڭ قىتئە ئارا ئۇچۇرلاشقان ئىنتىرنىت دەۋىرىگە قەدەم قۇيدى.ئەلۋەتتە ئىلگىرى دۇنيانىڭ ئۇنتۇلغان بۇلۇڭ پۇشقاقلىرى دەپ ئاتالغان،قەدىمىكى يىپەك يولىغا جايلىشىپ ياۋرۇ ئاسىيا سودا لىنىيەسىنى ئاۋاتلاشتۇرغان مۇھىم جۇغراپىيۋى زىمىننى تۇتۇپ تۇرغان ئۇيغۇر دىيارىدىمۇ بۈگۈنكى كۈندە قايتىدىن سىھرى كۈچىنى نامايەن قىلىپ تەرەققىي قىلىۋاتىدۇ.كىشىلىك تۇرمۇشتا كىشىلەر توردىن مال سىتىۋىلىشتەك ئەلا مۇلازىمەتلەرنى قۇبۇل قىلىشقا باشلىدى.بۇندىن كىيىنكى دەۋىرمۇ شۇنداق بولىدۇ ۋە تىخىمۇ ئاسانلاشتۇرۇلىدۇ،ئەلۋەتتە بۇ شارائىتقا ئىگە بولۇش ئۈچۈن ئىخدىساد جىددىي كىرەك بولىدۇ.لىكىن مەن ئۇيلىغان مەسىلە نۇقۇل پۇل ئۈچۈن چۇقۇم خىزمەت تىپىش كىرەك دىگەننى بىلدۈرمەيدۇ.بەلكى ھۈنەر بولىشى كىرەك. ھۈنەر كەسىپ ئۆگىنىش ۋە شۇنىڭ نىنىنى يەپ تۇرمۇش كەچۈرۈش ئالى مەكتەپلەرنى پۈتتۈرۈپ خىزمەتكە ئورۇنلىشىپ تۇرمۇشقا كاپالەتلىك قىلىشتىن تەس بولسىمۇ لىكىن ئويلاپ باقساق مەملىكىتىمىزدە يىلدا مانچە مىلىيۇن ئۇقۇغۇچى ئۇقۇش پۈتتۈرۈپ خىزمەت كۈتىۋاتقانلار ساماندەك.خىزمەتكە ئۇرۇنلىشىش ئۈچۈن كىتىدىغان رەسمىيەت ۋە ھەر خىل ئىشلار كىشىنى چارچىتىۋىتىدۇ.خىزمەت ئىزدەشتە كىشىلىك مۇناسىۋەت ئۈچۈن قاتىراش دائىملىق ئىش بوپ قاپتۇ.يەنى كىشىلىك مۇناسىۋەتكە تايىنىپ خىزمەت ئىزدەش جانلىنىپ قالدى. ھازىر چوڭ بولىۋاتقان بالىلارنىڭ قايسى بىرىدە ھۈنەر ئۆگىنىش ئىستىكى بار دەيسىز.ھازىر كۆپىنچە كىشىلەر پۇل بولسىلا ھەممە بولىدۇ دەيدىغان قاراشقا يۈزلىنىپ كەتتى،ھەتتا يىلدا مانچە تۈمەن يىزا ئەمگەك كۈچى يىزىدىكى يەرلىرىنى ۋە ئۆيلىرىنى سىتىۋىتىپ دىگۈدەك شەھەرگە ئىقىۋاتىدۇ.ياشلار شەھەرگە كىرىپ خىزمەت قىلسا يىزىدىكى يەرلەرنى ياشانغان دىھقانلار يەنە قاچانغىچە قىلىدۇ.بۇمۇ بىر مەسىلە،پۇل بولسىلا جاڭگالدا شورپا،بۇ قاراش قارىماققا توغرا بولسىمۇ لىكىن يىراقنى ئۇيلىساق بۇ خىيالنىڭ تولىمۇ يەڭگىلتەكلىكىنى بىلىۋالالايمىز.ھۈنەر كەسىپ بولسا ھەرگىزمۇ يولدا قالمايدىغانلىقىغا ئىشىنىمەن.مەيلى مۇقىم خىزمىتىڭىز بولسىمۇ ھۈنەرگە كۆڭلىڭىزدە مەبلەغ سىلىپ قۇيۇڭ.كونىلارنىڭ شۇ بىر يولى ھازىرغىچە بىزگە نان بىرىۋاتقانلىقىنى ئىتىراپ قىلىڭ.ئىسىراپچىلىق ۋە ساختا دۇنيا كىشىنى ئوڭدا قۇيىدۇ.ھۈنەرلىك بولغان كىشى تاپقان پۇلى كۆپ بولسىمۇ كەمتەر بولۇپ قالىدۇ.قىسقىسى خىزمەتمۇ بولسۇن،ئەمما ھۈنەر كەم بولمىسۇن.بولمىسا ئەۋلاد ئارا داۋام قىلىۋاتقان  شۇ ھۈنەرلىرىمىز مۇزىيخانىلارغا ياكى تارىخى كىتابقا مۇجەسسەم بولمىسۇن.ھازىر دۆلىتىمىز مۇرەككەپ خەلىقئارا ۋەزىيەتنى باشتىن كەچۈرۋاتىدۇ.رەزىل سىياسى سۈيقەسىتلەر،جاھانگىر دۆلەتلەرنىڭ ئاجىز ۋە تىنىچ دۆلەتلەرنى بۇيسۇندۇرۇش ياكى پارچىلاش سۈيقەستىدە ئىلىپ بىرىۋاتقان ساختا شەكىلنى نىقاب قىلغان ھەركەتلىرى داۋام قىلىۋاتىدۇ.كۈنسايىن كۈچىيۋاتقان پوروخ ھىدى دۆلىتىمىزنىڭ شەرقى دىڭىز بۇيلىرىدىن ئوتتۇرا ئاسىياغىچە تارقىلىۋاتىدۇ.ئەگەر دۆلىتىمىزنىڭ تۇزىنى يەپ ئەقىلگە كىرىپ قالغان بىرەر ھارام تاماق  ئەمەلدار قۇلىدىكى مىلتىقنىڭ تەپكىسىنى بىسىپلا قۇيسا ئۇرۇش بولىدىغاندەكلا تۇيغۇ بىرىپ تۇرىۋاتىدۇ.ئۇنداق بولۇپ قالسا بىز يەنە تۇرمۇش ئۈچۈن خىزمەت ئىزدەپ يۈرەمدۇق،قۇرساق ئاچسا ئاشخانىغا رىستۇرانلارغا بىرىپ پۇل تەڭلەپ تۇرامدۇق،بۇ مۇمكىن بولمايدىغان ئىش(خۇدا ساقلىسۇن).بەلكى قۇلىمىزغا تايىنىپ ئىش قىلىدىغان گەپ، شۇ ئارقىلىق ھاياتلىقنى داۋام قىلىش كىرەك.چۈنكى تەبىئەتتە ماسلىشالىغانلار ياشايدۇ،ماسلىشالمىغانلار شاللىنىدۇ.بۇ بىر ھەقىقەت. ئىلگىرى زامانلاردا ئۆز قەۋىمىدىن ۋاپا كەلمىگەن ئەجدادلىرىمىز قىقىلىپ - سۇقۇلۇپ يۈرسىمۇ تىرىشىپ ئەقىل پاراسەتكە تايىنىپ ھاياتلىقىنى داۋام قىلىپ كەلگەن،يەنى،قۇرسىقى ئاچسا ئوۋ ئوۋلاپ،ئۇسسىسا كارىز قىزىپ،تۇڭلىسا يەر ئويۇپ گىرەم كۇلاپ،كىسەل بولسا ئۆسۈملۈك ئۆستۈرۈپ داۋالاپ ،يىزا ئىگىلىگىدە ئىتىز ئىرىقتا ئىشلىتىدىغان قۇرال ياساپ ياشاپ تىرىكچىلىك قىلىپ مۇشۇ كۈنگە ئۇلاشتۇرغان.ئەگەر شۇ ئەجدادلىرىمىزدا شۇنداق ھۈنەرلەر بولمسا بىز نەدە يۈرەتتۇق.ئوتتۇرا ئاسىيانىڭ تارىخىنى يازغان  سوۋىت ئىتىپاقىلىق بىر يازغۇچىنىڭ كىتابىدا ئۇيغۇرلار تۇغۇرلۇق مۇنداق مەزمۇن باركەن.:بىز روسلار ياۋايى تۇرمۇشتىن زىرىكىپ ئىپتىدايى ئورمانلىقتىن بىشىمىزنى چىقارغىنىمىزدا ئۇيغۇرلار ئاللىقاچان شەھەرلەشكەن ئىكەن،ئۇلار يىزا ئىگىلىك بىلەن شۇغۇللىنىپ زىرائەت تىرىيدىكەن،ئات مىنىپ ئوۋ ئوۋلايدىكەن،بىز دەرەخ غوللىرى ۋە ئۆڭكۈرلەردە تۇرسام ئۇلار ئىگىز ئۆيلەردە تۇرىدىكەن........... دەپ كەلسە گەپ جىق،قىسقىسى ھازىرقى ياشلاردىكى سۆلەتۋازلىق،بايلىقىغا ئىشىنىش،ئەمگەك قىلماي پاراغەت قۇغلىشىش،جاپاغا ئاتا ئانىسىنى چىقىرىپ قۇيۇش،ئاياللارغا مەپتۇن بۇلۇشنىڭ ھەممىسى ياخشى ئاقىۋەت ئەمەس.ئوغۇللار يىگىتلەر ئاتىسىنى ئۈلگە ئالسا،مەسلىھەت سۇرىسا بولىدۇ،قىزلار ئانىلىرىدىن ئۆگەنسە بولىدۇ.ھازىرقى زامان ئۇششۇقنىڭ،خۇشامەتچىنىڭ،ساختا ئارتىسلارنىڭ زامانى.ئەمما ئاينىڭ ئۇنبەشى قاراڭغۇ،ئونبەشى ئايدىڭ.بۇ يازمامنى تازا قاملاشتۇرالمىغان بولۇشۇم مۇمكىن،لىكىن تۇرداشلارنىڭ تۇغرا چۈشىنىشىنى ،رىئال مەسىلىلەرنى ئويلىنىشىنى ۋە بۇ شارائىتتا تىرىشمىغانلارغا تەربىيە قىلىشنى ئۆمۈد قىلىمەن.

rahatmakan

	قوللايمەن

keqek

	مەن مۇ قولايمەن

ANSWER

	ئىقتىساد جەھەتتىن نامرات مىللەتنى 10 يىلدا قۇتقۇزىۋالغىلى بولىدۇ . روھى جەھەتتە نامرات مىللەتنى بولسا 100 يىلدىمۇ قۇتقۇزىۋالغىلى بولمايدۇ !

مۇشتاق

	مەنمۇ قوللايمەن جۇمۇ ~!!!!!!!!!

FIRDEWIS

	بۇندىن كېيىن بېشىمىزغا بىز ئويلاپ باقمىغان،ھەر قانداق بىر ئېغىر كۈنلەر كېلىپ قېلىشى مۇمكىن...

ONLY212

	شىنجاڭدىكى ھەممە ئۇيغۇرنى بۇ مۇنبەرگە ئەكىرگىلى بولمايدۇدە ....  گەپ تاتلىق ، لىكىن بۇنى ئەمىلىلەشتۇرمەك تەس ... لىكىن بىر تاياقتا ھەممىنى ھەيدىگىنىم ئەمەس ... شۇندىمۇ تولۇقسىز ئوتتۇرا، تولۇق ئوتتۇرا ، تىببىي مەكتەپ،باللا مائارىپى ... دىگەندەك 17 ياشتىن 20 ياشقىچە باللاغا قاراپ باقىلى .... ھەي !!!! گەپ ئۇزۇن جۇما!

yixa@^-^

	روھى باي گاداي-باي گاداي؛روھى گاداي باي-گاداي باي؛

ablet521

	ھۆنەر ئۆگىنەيلى بۇنى دېيىش ئاسان، بۇنى قىلىشمۇ تەس ئەمەس لېكىن ھۆنىرىنى ئىشلىتىپ كۈننى ئېلىش ئاسان ئەمەس. مەن ئالىي مەكتەپنى پۈتتۈرگەندە مېنىڭ بىر قانچە ساۋاقداشلىرىم بار ئىدى ئۇلار كومپيۇتېردا ئېلان لاھىلەش ، ھەركەتچان ئېلان دىگەندەك ئىشلارنى ۋايىغا يەتكۈزۈپ قىلالايتى. ئۇ ساۋاقداشلىرىم بۇ شىركەتتە بىر ئاي ئىشلەپ مائاش ئالىدىغاندا مائاشنىڭ ئەتىسى تۈگىمەي، باشقا شىركەتكە بېرىپ ئىشلىگەن.ئۇ شىركەتنىڭ خوجايىنىنى ھەرەمگە بېرىپ ھاجى بولۇپ كەلگەن، بەش ۋاق ناماز ئوقۇيدۇ دەپ ئۇ يەردىمۇ ئۈچ ئاي ئىشلەپ ئۇ ھاجىنىڭمۇ مائاش بېرىدىغاندا ئەتىسى تۈگىمەي ئۈچ ئاي شۇ ھاجىغا بىكار ئىشلەپ ئاخىرى مەن خەققە ئىشلىمەيمەن دەپ يۇرتقا كەتتى.كېيىن نىمە بولغانلىغىنى بىلمەيمەن. لېكىن ئۇ بەك ئەقىللىق بالىلار ئىدى. ئىسراپ بولۇپ كەتتى. مېنىڭ دېمەكچى بولغىنىم.ھۆنەرنىمۇ ئۆگىنەيلى لېكىن ئالدى بىلەن ئۆزىمىزنى قوغداشنى ئۆگىنەيلى

alamdarjan

	ناھايىتى ئەھمىيەتلىك تىمىلار ئىكەن،مەن بۇ تىمىلارنى كۆرۈپ،نھايىتى تەسىرلەندىم.ئىشقىلىپ دىققەت قىلمىساق بولمايدىكەن.