لۇتپۇللا مۇتەللىپ مەقبەرىسىگە زىيارەت

ئوت

	لۇتپۇللا مۇتەللىپ مەقبەرىسىگە زىيارەت بۇ يەردە بىر ئوت ئېغىر تىنىپ ياتىدۇ، بۇ يەردە ئاداققىچە يانىدىغان بىر گۈلخان ھەممىمىزنىڭ قەلبىنى كۆيدۈرۋاتىدۇ، بۇ يەردە بىر مۇقەددەس روھ بىزگە تىنىچ پىچىرلاپ بېرىۋاتىدۇ . ئۇنىڭ قەبرىسىنىڭ بۇنچىلىك غېرىبلىق ئىچىدە ياتقىنىنى بىلمىگەن ئىدى، ئۇنى يوقلاپ چىققان ۋاقتىمدا قۇياش بۇ غېرىبانە قەبرىگە يەنە ئۇزۇن قاراشقا پېتىنالماي قايتىشقا ئالدىراۋاتقان ۋاقىت ئىدى. بىز باشقىلاردىن سوراپ يۈرۈپ پاكار پاكار كوچىلاردىن ئارىلاپ تۇيۇقسىز بىر ئوچۇقچىلققا چىقىپ قالدۇقيۇ ئالدىمىزدىكى بۇ خارابىلىقتىن ھەيران قالدۇق، چېقىلغان ئۆيلەر ، ھەممە يەرلەردە ئۇچۇپ يۈرگەن ئەخلەتلەر. بىر چەتتە بىزگە ھاڭۋىقىپ قاراپ تۇرغان ئۈچ تۆت ياشلىق بىر بالا ماڭا ھىيىقىش بىلەن قاراپ تۇراتتى، سەل ئۇياقتا ئۈستى - بېشى توپا باسقان ئوتتۇرا ياشلىق ئەر ئايال چېقىلغان ئۆيلەرنىڭ ئۇلىغا باسقان قىشلار كولاپ ئالماقتا ئىدى، ھەي مۇھتاجلىق دېدىم ئىچىمدە، بىز قايسى تەرەپكە مېڭىشىمىزنى بىلمەي تۇرۇپ قالدۇق، ئارقىمىزدىن بىر مويسىپىت بوۋاي كېلىۋىدى ئۇنىڭدىن سورىدۇق، - ئاۋۇ دۆڭ بىلەن مېڭىڭلار . ... بىز ئۇنىڭ بىلەن ياندىشىپ ماڭدۇق، بۇ قەبرىلەرنى يوتكەمدىكەن ھاجىمكا ... ... ئۇ ئادەم ئېغىز ئۇھسىنىپ قويۇپ « بۇ يەردىكى ئۆيلەرنى چېقىپ بولدى، قەبرىلەرنىمۇ يۆتكەمدىكىن تاڭ ... بىز ئۇنىڭ بىلەن خوشلىشىپ ئۇ كۆرستكەن تەرەپكە مېڭىپ كەتتۇق ئۇزۇن مەزگىل سۇ تەگمىگەن يوللار ئايىغىمىزنى چۆكۈرگىدەك ئەت توپا بولۇپ كەتكەنىدى، مەن تۆت ئەتراپقا نەزەر سالدىم . ئاسمان پەلەك كەتكەن بىنالار قىستاپ كېلىۋاتقاچقا بۇ قەبرىلەرنى كۆچۈرمەكچى بولغان ئوخشايدۇ دېدىم ئىچىمدە. بىر نەچچە تۈپ بۇ قېرى دەرەخلەرنىڭ قېشىغا باردۇق، باھار كەلسە كۆكلەمىدىكىن تاڭ. ئۇنىڭغا قادالغان ئالقانچىلىك تۈنكا تاختىغا سىنچىلاپ قارىدىم، داتلاپ كەتكەن بولسىمۇ بۇ خەتلەر سۇس كۆرۈندى، « تاغ تېرىكى . تارىخى 250 يىل »   بەلكىم بۇ تېرەك نۇرغۇن ۋەقەلەرگە شاھىتتۇر    ئۇنىڭ مۇقەددەس قەبرىسىگە يېقىن كەلگەنسىرى قۇلاق تۈۋىمدە ئۇستازلىرىمنىڭ ئۇ توغىرلىق سۆزلىگەنلىرى غۇۋا ياڭراۋاتاتتى، لۇتپۇللا مۇتەللىپ 1922- يىلى 11- ئاينىڭ 16- كۈنى ھازىرقى قازاقىستاننىڭ ئالمۇتا ئوبلاستىغا قارشلىق چۈنچە يېزىسىنىڭ سايبويى مەھەللىسىدە دۇنياغا كەلگەن. 1931- يىلى ئائىلىسىدىكىلەر بىلەن بىللە غۇلجىغا كۆچۈپ كەلگەن. دادىسى ھىزىماخۇن كىچىك لۇتپۇللانى تاتار ۋە روس مەكتەپلىرىدە ئوقۇتقان. سۆيگۈ دېڭىزى چوڭقۇرلىقىدا مەن قاينام تۇرسام ، ئۇسسۇزلىغىم قانداق قانسۇن كىچىك - كىچىك كۆلچەكلەردىن لۇتپۇللا 14 يېشىدىن باشلاپلا نادىر شېئىرلارنى يېزىشقا كىرىشكەن بولۇپ ،ئۆزىنىڭ قىسقىغىنە 23 يىللىق ھاياتىدا «يىللارغا جاۋاپ » خىيالچان تىلەك « بۇ مېنىڭ ياش غۇنچە گۈلۈم ئېچىلاتتى »قاتارلىق ئۆلمەس شېئىرلارنى ، »پادىشاھ سامورايلىرى ھالسىرايدۇ « « ئەجەل ھودۇقۇشىدا » ناملىق مەشھۇر فېلىيەتونلارنى يېزىپ قالدۇردى لۇتپۇللا مۇتەللىپ 1941-يىلى ئۈرۈمچىدىكى ئوقۇشىنى تاماملىغاندىن كېيىن ، شىنجاڭ گېزىتى ئىدارىسىدا خىزمەت قىلغان كىيىن گومىنداڭ ئەكسىيەتچىلىرى تەرىپىدىن كۆزگە قادالغان مىخ دەپ ئاقسۇغا يۆتكىۋېتىلگەن ، كېيىن ئاقسۇ گېزىتىدە ئىشلىگەن ۋە بىلال ئەزىزى ، مۇنىردىن خوجا قاتارلىق ئىلغار ياشلار بىلەن تونۇشۇپ ، ئاقسۇدا ئاقارتىش ئىشلىرى بىلەن شۇغۇللانغان يىلى غولجىدا ئۈچ ۋىلايەت ئىنقىلابى پارتىلغاندىن كېيىن ، لۇتپۇللا مۇتەللىپ ئىنقىلاپ سادالىرىغا ئىزچىل دىققەت قىلىپ تۇرغان ، شۇنىڭ بىلەن بىر ۋاقىتتا ئاقسۇدىكى گومىنداڭ ئەمەلدارلىرىمۇ ، لۇتپۇللانى خەتەرلىك ئۇنسۇر تىزىملىكىگە كىرگۈزۈپ ، 1945-يىلى مىللى ئارمىيە سايرامدىن ئۆتۈپ بايغا چۈشۈپ ئاقسۇغا يۈرۈش قىلغاندا گومىنداڭ ئەمەلدارلىرى لۇپتۇللا مۇتەللىپ ، بىلال ئەزىزى ، مۇنىردىن خوجا قاتارلىق ئوغلانلارنى قولغا ئېلىپ تۇرمىگە قامىغان 1945-يىلى مىللى ئارمىيە ئونسۇغا چۈشكەندە ، گومىنداڭ تېخىمۇ غالجىرلاشقان ۋە 9-ئاينىڭ 18 كۈنى لۇتپۇللا قاتارلىقلارنى تۈرمىدە ۋەھشىلەرچە قەتىل قىلغان . كىيىن كىشلەر لۇتپۇللا قاتارلىقلارنىڭ مېيىتتىنى ئەۋرەز كارىزىغا تاشلىۋىتىلگەن يېرىدىن تېپىپ چىققان ۋە يۇيۇپ تاراپ ئاقسۇ شەھەرى ئاق مەسچىتنىڭ ئارقىسىدىكى ( ھازىرقى شىياڭگاڭ بازىرىنىڭ ) ئۇتتۇرىدىكى ئاممىۋى قەۋرىستانلىققا دەپنە قىلغان . قوي شائىر سۆزلىمە،جۆيلۈپ يوققا، نەۋائى كۆمۈلگەن ئەمەس تۇپراققا. قەبرە 1982 - يىلى ياسالغاندىن بېرى ھازىرغىچە 27 يىل ۋاقىت بوپتۇ. قەبرىنى ئۆز ئىچىگە ئالغان ھالدا خاتىرە ئۆيى ( ساراي ئەمەس ) ياسىلىپ قويۇشقا ئاقسۇدىكى باشلىقلارنىڭ قولىدىن كەلمەيدۇ ئەمەس كېلىدۇ، لېكىن بۇ ھەقتە كۆپ ياقا يىرىتىشتىن كۆرە چاقىرىق قىلغان ياخشى. بۇ بىزنىڭ ئارزۇيىمىز. بىر ئىشتىن ھەقىقەتەن تەسىرلەندىم. تۆۋەندىكى كامار ئىچىدە بىر نەچچە قېرىنداش، بىر دانە ئاددىي دەپتەر ۋە كىچىكىنە قارا يانچۇق خاتېرىسى تۇرۇپتۇ. بىز ھەممىمىز ئېلىپ ئوقۇپ كۆردۈق، ئۇ بىزگە ئوخشاش زىيارەتچىلەر ئۆزلىرىنىڭ شائىرغا بولغان يۈرەك سۆزلىرى يېزىلغان خاتېرە ئىكەن، ئەپسۇس ئاللىقاچان توشۇپ كېتىپىتۇ،   كېچە زۇلمىتى بۇ دىيارنى يۇتۇشقا باشلىغاندا بىز قايتىشقا مەجبۇر بولدۇق، مەن يەنە بىر قېتىم دۇئا قىلغاندىن قايتتىم. ئۇنىڭ مازارىنى ھەربىر ۋاراقتىن ئىزلە، گۈمبەز قەبرىسىنى ھەربىر مىسرادىن ئىزلە. ئۇ ئىجاد دەرياسىغا چۆمۈلگەن، ئۇ ھەربىر مىسراسى تۈۋىگە كۆمۈلگەن ئەگەر كۆرسەم تەڭرىتاغنىڭ يېشىل قارغاي چىنارىنى، بولارمەن خۇددى كۆرگەندەك مۇتەللىپنىڭ دىدارىنى. ياشاپ ئۆتكەچ تەڭرى تاغنىڭ باغرىدا شۇ ئوت يۈرەك، تېنىمگە سىغدۇرالمايمەن دىلىمنىڭ ئىپتىخارىنى. ئەسىرلەردىن ئەسىرلەرگە ياشار ئۇ بارچە دىللاردا، كېلىپ خەلقىم تاۋاپ قىلغاي ئۇنىڭ ياتقان مازارىنى. بېسىپ شۇ قەھرىمان ئەژدات ئىزىنى بۇ سەپەرلەردە،    قىزىل گۈلگە پۇركىگەيمىز ۋەتەننىڭ ھۆر دىيارىنى!!! ( ئاپتورىنى تاپالمىدىم ) بۇ تېمىنى يېزىش جەريانىدا يېقىندىن ياردەمدە بولغان ناز ، كاپىتان ۋە سەرۋىلەرگە چىن رەھمىتىمنى بىلدۈرىمەن. مەنبە : ساقلانمام دىققەت: بۇ تىمىنىڭ ئاپتورى مەن ئەمەس تور تاقىلىشتىن بۇرۇن ساقلىۋالغان تورداشلارغا سۇنۇش ئۈچۈن ئەسلى ھالىتىدىن بىرھەرىپكە چاغلىق ئۆزگەرتىش كىرگۈزۈلمىگەن ئاساستا يوللاندى ....

esyankar75

	لۇتپۇللا بىزنىڭ پەخىرلىك ئوغلانىمىز ، ، ،  بىزدەك ۋاقتىدا ، بىز ھازىرمۇ ھاياجان ئىلكىدە ئەسلىگىدەك ئەسلىمىزلەرنى قالدۇرۇپ كەتكەن ، يۈرىكى ‹‹ئۇيغۇرۇم ››دەپ سوققان نۇرلۇق  چولپان ... ئۇنىڭ تەلكە تاغلىرىدەك جاسارىتى ، تەلكىنىڭ قارغايلىرىدەك سۇنماس ئىرادىسى ھازىرقى ياشلار ئۈچۈن چوڭ بىر ئويلىنىش ،بىر سىىلىشتۇرۇش :       ئۇلۇغ ھۈنەر شائىرلىق دىگەن ،   ئىناۋىتى ئەرشكە يىتەر .   دەسمايسىنى سورىساڭ ئەگەر ، ۋىجدان كىتەر ، ھەقىقەت كىتەر !

ئېمپىراتور

	ئاق مەسچىدنىڭ يىندىكى قەبىرستانلىقدىمىكەن؟ مەن ھەجەپ بىلمەيدىكەنمەن دىسە؟   بۇ ماقالە 2009-يىلى يېزىلغان بولسا ھەنىم بولسا قەبىرستانلىقنىڭ ئورنى ھازىرمۇ  بار !! ئاللاھغا شۈكرى  4ئەتىراپى بىنالار بىلەن قورشالدى ، بۇ قەبىرىستانلىقنىمۇ يۆتكەيمىز دەپ تۇرمىسىغۇ بولاتتى ..............

musilina

	ئوت يۈرەك شائىرىمىز لوتپۇللا مۇتەللپىنىڭ، غېرىبانە قەبرىسىنى كۆرگەن ھەر بىر كىشىنىڭ يۈرىكى ئېچىشماي قالمايدۇ.... ئۇ قەبرىستانلىقنى ئەنە چاقىدىكەن،مانا چاقىدىكەن دېگىلى تۇرغىلى خېلى يىللار بولدى.....

SORINTO

	بۇرۇنمۇ بىر يوللانغانغۇ دەيمەن بۇ تىيما .

ئەقىدەم

	ئەمىلىيەتتە كۇرمىسەممۇ كۆرۇپ بەك بەك خۇش بولدۇم رھمەت سىزگە

nazila998

	بۇ ئوت شائىرىمىز   پەخىرلىك ئوغلانىمىزنىڭ قەۋرىسىنى بۇ ھالدا دەپ ئويلىمايتتىم ، ئىچىم بىر قىسما بولۇپ قالدى مىنىڭ  ، ھازىر ئۆيلەنىغۇ چاقسۇن ، قەبرىستانلىقنىمۇ چاقسا بۇ  ئەقىلغا سىغمايدىغان بىر ئىش ئەمەسمۇ

apirida

	رەھمەت ، نىمىشقا ساقلىغىلى بولمايدۇ بۇ تېمىلارنى، يا مەن ساقلىيالمايۋاتامدىم يە . بۇنى نادىر تېمىلار قاتارىدا ساقلاپ قويسا بوپتىكەن ،ھازىر قانداق بولغاندۇ بۇ شائىرىمىزنىڭ قەبرىسى ؟! ئەگەر يەنىلا شۇنداق ئاۋارە بولسا ، مۇشۇ ئاقسۇدىكى ئۇيغۇر  رەھبەرلىرى بولۇپمۇ مۇناسىۋەتلىك ئۇيغۇر ئىدارە رەھبەرلىرى نومۇس قىلىشى كېرەك، لۇتپۇللا مۇتەللىپ ئانا يۇرتى غۇلجىنى تاشلاپ شۇ ئۇرۇش ئوتى كويىۋاتقان ئاقسۇغا  ئاقسۇ خەلقىنى ئويغىتىمەن ، ئازادلىققا يېتەكلەيمەن دەپ بارغان ، پۇتۇن شىنجاڭ خەلقىنىڭ جۈملىدىن ئاقسۇ خەلقىنىڭ بۈگۈنكى ئازاتلىغى لۇتپۇللادەك ئوت يۈرەك مىللى قەھرىمانلىرىمىزنىڭ  جۈملىدىن ئۇيغۇر يىگىتلىرىمىزنىڭ ئىسسىق قېنى بەدىلىگە كەلگەن،  نومۇس قىلىش كېرەك ، بۇ دىگەن دولەت تەرىپىدىن ئېتىراپ قىلىنغان ئىنقىلاۋې قەھرىمانىمىز !

ANSWER

	قولۇمدىن كەلسە ئىدى مۇشۇنداق بىر ئوغلانىمىزنىڭ قەبرىسىنى ئالتۇندىن قوپۇراتتىم ، نىمىدىگەن غىرىپ ~ ئاماننىساخاندەك بىر ئىنساننىڭ قەبرىسى بىلەن مۇنۇ ئوغلاننىڭ قەبرىسىنى سىلىشتۇرۇپ مىللىتىمنىڭ غايىۋى ئەقىل پاراسىتىگە قول قويماي تۇرالمىدىم

qidax

	بۇ قانداق بولغىنى ،ئوت يۈرەك شائىرىمىزنىڭ قەۋرىسىنى بۇنچىۋالا ۋەيرانە مۇھىت ئىچىدە دەپ ئويلىماپتىكەنمەن...گومىنداڭ چاناپ ئۆلتەگىنىنى ئازدەپ ھازىرقى دەۋىرگە كەلگەندە روھىنى چانىغاندەك ئىش بوپتىغۇ بۇ. ئەجەبا بۇنىڭغا ئېگە بولىدىغان ئادەم يوقمىدۇ.