دادامغا دەپ قويماڭ

مۇشتاق

	دادامغا دەپ قويماڭ            تولىمۇ بەخىتلىك ئۆتىۋاتقان ئۈچ كىشىدىن تەركىپ تاپقان بىر ئائىلە بار ئىكەن . كۈنلەرنىڭ بىرىدە ئانا كىسەل سەۋەبىدىن سۆيۈملۈك ئېرى ۋە بىر ياشتىن سەل ئاشقان ئوماق قىزىنى تاشلاپ بۇ دۇنيادىن خوشلىشىپتۇ ، قىزچاق دائىم دادىسىدىن :‹ئانام قاچان قايتىپ كېلىدۇ ؟› دەپ سورايدىكەن ، بىچارە دادا قىزىنى ئازاپلاشنى خالىماي :‹قىزىم ، ئانىڭىز ناھايىتى يىراق جايغا خىزمەتكە كەتتى .› دەپ بەزلەيدىكەن .           شۇنداق قىلىپ قىزمۇ ھەش-پەش دېگۈچە 6 ياشقا كىرىپتۇ ، شۇ يىلى دادا پەزىلەتلىك ياخشى بىر ئايال بىلەن تونۇشۇپ قاپتۇ . بىر كۈنى دادا قىزىغا كۈلۈپ تۇرۇپ :‹قىزىم ، ئانىڭىز قايتىپ كىلىدىغان بولدى ، سىز ئانىڭىزنىڭ سىياقىنى ئەسلىيەلەمسىز ؟› دەپ سوراپتۇ . كىچىككىنە قىز ئۇيان ئويلاپ ، بۇيان ئويلاپ بېشىنى چايقاپتۇ . دادا قىزىنىڭ تۇرقىغا قاراپ ھەم ئىچى سىرىلىپتۇ ، ھەم سەل يىنىكلەپ قالغاندەك بوپتۇ ، چۈنكى قىزى يەنىلا تېخى كىچىك بالا ئەمەسمۇ !          دەل شۇ چاغدا ئىشىك ئېچىلىپ ھېلىقى ئايال ئۆيگە كىرىپ كەپتۇ ۋە قۇچىقىنى كەڭ ئاچقىنىچە قىزچاقنىڭ ئىسمىنى توۋلاپ ، ئۇنى قېشىغا كىلىشكە چاقىرىپتۇ ، قىزچاق ھەيران بولۇپ تۇرۇپ قاپتۇ ، چىرايىدىن قورۇنغانلىق ئەكىس ئېتىپتۇ .         دادا قىزىغا :‹قىزىم ، ئانىڭىزنى تونىمىدىڭىزما ؟ تىزراق ئانا دەڭە !› دەپتۇ ، قىزچاق دادىسىغا بىر قارىۋەتكەندىن كېيىن ، ئالدىغا يۈگۈرۈپ بېرىپ ‹‹ئانا !›› دەپ توۋلاپتۇ .        چۈشلۈك تاماقتىن كېيىن ، ئايال قىزچاققا ئەگىشىپ قىزچاقنىڭ ھۇجىرسىغا كىرىپتۇ ، قىزچاق تۇيۇقسىز ئايالغا قاراپ :‹سىز مىنىڭ ئانام ئەمەس !› دەپتۇ ، ئايال ھەيران بولۇپ تۇرۇپ قاپتۇ ، قىزچاق ئەستايىدىللىق بىلەن چۈشەندۈرۈپ :‹ئانام ئاللىقاچان ۋاپات بولغان ، مەن بۇنى ئۈلۈشكۈن بوۋام-موماملار دىيىشكەندە ئاڭلاپ قالغان ئىدىم ، بۇنى پەقەت بوۋام ، مومام ، مەن ئۈچىمىزلا بىلىمىز ، دادام ۋە باشقىلار بۇنى بىلمەيدۇ ، ئۇلار تېخىچە ئانامنى ناھايىتى يىراق جايغا خىزمەتكە كەتكەن دەپ بىلىدۇ .› دەپتۇ ، بۇ چاغدا ھېلىقى ئايال ئاللىقاچان ئېسەدەشكە چۈشكەن ئىدى . قىزچاق ئايالنىڭ قولىنى تارتىپ ، چىمچىلىقىنى ئەگكىنىچە :‹ بۇ ئىككىمىز ئوتتۇرسىدا سىر بولۇپ قالسۇن ، بۇنى ھەرگىز دادامغا دەپ قويماڭ ، ئۇ بىلىپ قالسا چوقۇم بەك ئازاپلىنىدۇ !› دەپتۇ .          بۇ چاغدا ئەر ئىشىك سىرتىدا تۇرىۋاتقان بولۇپ ، لەۋلىرىنى چىڭ چىشلىگىنىچە ، كۆز ياشلىرى ئاللىقاچان يۈز-كۆزلىرىنى ھۆل قىلىۋەتكەن ئىدى .                                        (ئادىلجان ئابدۇرېھىم ‹نىدا› تەرجىمىسى)        مەنبە : يىغىپ ساقلىۋالغانلىرىم

nazila998

	بەك تەسىرلىك يىزىلغان تىما ئىكەنغۇ بۇ ،

alanwar

	بەك تەسىرلىك ئىكەن!!!

kamran

	بەك تەسىرلىك تېمىكەن ، كۆزلىرىمدىن ياش چىقىپ كەتتى .

گېنىرال

	دەششەت تەسىرلىككەن

xahboy

	نىمانچە  تەسىرلىك  تىمىنى  يوللايدىغانسىلەر  كۆزلەرنى  نەمدىتىپ...

azizgul

	يۈرىكىم تىتىرىدى ھاياجاندا....................

ئىلنازە

	يىغلىغۇسى بارلار كىرىپ، باھانىدە يىغلىۋالسا بولغۇدەك تىمىكەن.

AYGUZAL007

	تولىمۇ   تەسىرلىككەن

pak-nur

	ئىنساننىڭ ئۇلۇغ يارتىلغانلىقىنىڭ كىچىككىنە ئىسپاتى.   رەھمەت تەسىرلىككەن.