مۇھەببەتنىڭ تەمى

زۇلئاي

	ئەرنىڭ نەزىرىدىكى مۇھەببەت :   دەسلەپتە تۇنۇشقاندا: ئۇ خۇددى بىر پەرىشتە . مۇھاببەتلىشۋاتقاندا: ئۇ دۇنيا بۇيىچە ئەڭ ياخشى قىز ، ئۇنىڭ بىلەن چوقۇم توي قىلىمەن. توي قىلىپ بىر يىل بولغاندا : مېنىڭ خوتۇنۇم ھەر ھالدا يامان ئەمەس، قەدىردان رەپىقە بولۇشقا لايىق، پەقەت بەزىبىر ئۇششاق ئىللەتلىرى بار، تۇرۇپ-تۇرۇپلا سەپرالىشىپ قالىدۇ . توي قىلىپ بەش يىل بولغاندا : بارغانسېرى تېتىقسىزلىشىشقا باشلىدى بارغانسېرى ھازازۇللىشىپ كىتىۋاتىدۇ . توي قىلىپ ئو يىل بولغاندا: ئۇ دۇنيا بويىچە ئەڭ سەت، ئەڭ بىشەم، ئەڭ غەرەز ئۇقمايدىغان خوتۇن، نىمىشقا ئۇنىڭ بىلەن توي قىلغان بولغىيتتىم . توي قىلىپ 20 يىل بولغاندا: ئۇنىڭ ئاشۇ كەمچىلىكلىرى، مىجەزىنىڭ ئوساللىقىنى دېمىگەندە ئەپلەپ-سەپلەپ ئۈتۈپ كەتكىلى بولىدۇ . توي قىلىپ 30 يىل بولغاندا: ئۇ ناھايىتى غەرەز ئۇقىدۇ، ئادەمنىڭ كۆڭلىنى چۈشۈنىدۇ. تۇرمۇشتا ناھايىتى ئىدىتلىق . توي قىلىپ 40 يىل بولغاندا: كەمپىرىم ھەقىقەتەن يامان ئەمەس، ئائىلە بەشقۇرۇشقا ئوبدانلا پەمى بار، سىرتلاردىمۇ بىرەر ئىشنىڭ ھۆددىسىىدىن چىقالايدۇ. ئۇ دۇنيادىمۇ چوقۇم ئۇنىڭ بىلەن توي قىلىمەن . ئۇ ئالەمدىن ئۆتتى: ئېيتقۇسىز ئازابقا قالدىم، چۈنكى مەن دۇنيادىكى ئەڭ ياخشى ئايالدىن ئايرىلىپ قالدىم. ئايالنىڭ نەزىرىدىكى مۇھەببەت : دەسلەپتە تۇنۇشقاندا : دۆت ھەم ھاڭۋاقتى، ھەقىقەتەن سېپى ئۆزىدىن ھاماقەت . مۇھەببەتلىشۋاتقاندا: ئۇ بەكلا ياۋاش ،ئەمما قۇلىقى بەك يۇمشاق، ئادەمنىڭ ئىچىنى بەك كۆيدۈرۈدۇ ، مەن ئۇنىڭغا تېگەرمەنمۇ ؟ توي قىلىپ  بىر يىل بولغاندا : مېنىڭ ئېرىم ھەر ھالدا بولىدۇ. غەرەز  ئۇقىدۇ، ئادەمگە كۆيۈنۈشنى بىلدۇ، يەنە تېخى ئازراق سېھرى كۈچىمۇ بار . توي قىلىپ بەش يىل بولغاندا : ئۇنىڭ ئادەتتىىكى ئادەم ئەمەسلىكىنى، ئەقىل-پاراسەتلىك ، كامالەتكە يەتكەن ئادەملىكىنى ئەمدى بىلدىم . توي قىلىپ 10 يىل بولغاندا : ئۇ دۇنيادىكى ئەڭ ياخشى ئادەم، ئۇ بولمىغان بولسا قانداق ياشايدىغانلىقىمنى راستلا بىلمەيمەن . توي قىلىپ 20 يىل بولغاندا : ھەي ، ئۇنىڭ ماختاشقا ئەرزىگۈدەك يېرى بارغانسېرى ئازلاپ كېتىۋاتىدۇ ، نىھايەت، ئۇنىڭ تۇرقىلا بىر ئەر كىشى . توي قىلىپ 30 يىل بولغاندا : ئۇنىڭ ئىللەتلىرى بارغانسېرى كۆپۈيۈۋاتىدۇ ، ھورۇن ، گالۋاڭ ، جاھىل ، ئىقتىدارسىز ... توي قىلىپ 40 يىل بولغاندا : دۆت ، گالۋاڭ ، ئالجىغان قېرى .... ئۇ ئالەمدىن ئۆتتى : بۇ ئۆلگۈر قېرى ، مېنى بىر ئۆمۈر داغدا قويدى ، مېنى تاشلاپ قويۇپ ئۆزى كېتىپ قالدى . مەنبە : تەرمىلەر

poyuz

	راست مۇشۇنداق بولامدۇ بولمامدۇ، باشتىن كەچۈرۈپ باقساق بىلىمىز ھەقىچان. لېكىن مۇشۇندا ياشاپ بېقىپ، ھە راست مۇشۇنداقكەن، دەپ بىلگەن چېغىمىزدا، دىيىشكە ئۈلگۈرمەي كېتىپ قالىمىزمۇ نىمە؟ لېكىن مۇشۇ تېمىدىكىدەك، مەيلى قايسى يىلىدا بىر-بىرىگە قانداق قارىسۇن، ئۆمرىنىڭ ئاخىرىغىچە بىرگە ئۆتەلىگىنى ئەڭ بەختلىك بولار.

قان-ياش

	ئاخىرىدىكلىرى قۇرۇق گەپمۇ قانداق قانداق .

arkin-kuyax

	اللا يولىدا توي قىلىپ ، ئاتا-ئانىسنىڭ رازىلىق دۇئاسنى ئىلىپ ، پەرزەتلىك بۇرچىنى ئادا قىلىپ، ئەر-ئايال ھۆرمەتلىشپ ئۆتسە بۇ نىكاھ  مۇستەھكەم نىكاھ..

1670154432

	ھەقىقەتەن ئاساسى بار ،

nazila998

	نىكاھ تۇرمۇشىدا 10 يىلدىن 15 يىلغىچە بولغان مۇشۇ 5 يىلنى ئىنتايىن خەتەرلىك ۋاقىت دەيدىكەن ، مۇشۇ مەزگىلدە ئەر - ئايال دىققەت قىلمىسا ئاسانلا نىكاھ بۇزۇلىدىغان ئەھۋال كۆلىدىكەن ، خۇددى تىمىدا ئىيتىلغاندەك « توي قىلىپ ئون يىل بولغاندا: ئۇ دۇنيا بويىچە ئەڭ سەت، ئەڭ بىشەم، ئەڭ غەرەز ئۇقمايدىغان خوتۇن، نىمىشقا ئۇنىڭ بىلەن توي قىلغان بولغىيتتىم . » دىگىنىگە ئوخشاش

دەرۋىش

	ئاساسى باردەك قىلىدۇ، تېما ئىگىسىگە رەھمەت

ئىلنازە

	ئاخىرىغىچە بەرداشلىق بىرىپ، بىر-بىرىنىڭ ياخشىلىقىنى بىلىشسىغۇ بەخت، لىكىن نىمىشقىمۇ توي قىلغاندىمەن دەپ، شەيتاننىڭ كەينىگە كىرسىلا بار زەپ پەرزەنتلىرىگە بولىدىغان گەپ.

kamran

	توۋا دەپ كىر ياقامنى چىشلەي ، ئەر بىلەن ئايالنىڭ كۆز قارشى تۈپتىن بىر-بىرىگە قارشى بولىدىكىنا ، بولۇپمۇ ئاياللارنىڭ قېرىغانچە ئۆز جورىسىگە بۇنچە ئۆچلۈك قىلىدىغانلىغى ئادەمنى ھەيران قالدۇردۇ .

kaLGundi

	بۇرۇنقى ۋاقىتلىرىمزىدا بولسا نەزىرىمدە ئۇ ئىسىل سەمىمى قىز ئىدى.                                    ئايرىلغاندا بولسا نەزىرىمدە بىر  جەددالغا ئايلاندى خالاس..................