جۇڭگۇنىڭ تۇنجى ئاۋىياماتكىسى‹‹لىياۋنىڭ››

Qabiljan

	ئېلىمىزنىڭ ئۇزۇنلۇقى 300مېتىر،كەڭلىكى يەتمىش مېتىر كېلىدىغان تۇنجى ئاۋىياماتكىسى پىلان بويىچە ياساپ بولۇندى ۋە سىناق قىلىندى. 25-سېنتەبىر چۈشتىن بۇرۇن جۇڭگو كېمىسازلىق ئېغىر سانائەت گۇرۇھى داليەن پاراخوت ياساش زاۋۇتى تەرىپىدىن دېڭىز ئارمىيەسىگە رەسمىي ئۆتكۈزۈپ بېرىلدى. جۇڭگو كومپارتىيەسى مەركىزىي كومىتېتىنىڭ باش سېكرېتارى، دۆلەت رەئىسى، مەركىزىي ھەربىي ئىشلار كومىتېتىنىڭ رەئىسى خۇ جىنتاۋ ئۆتكۈزۈپ بېرىش ۋە ئۆتكۈزۈۋېلىش، سەپكە كىرگۈزۈش مۇراسىمىغا قاتناشتى ھەمدە ئاۋىياماتكىغا چىقىپ كۈزدىن كەچۈردى. جۇڭگو كومپارتىيەسى مەركىزىي كومىتېتى سىياسىي بىيۇروسى دائىمىي كومىتېتىنىڭ ئەزاسى، دۆلەت ئىشلىرى مەھكىمىسىنىڭ باش مىنىستىرى ۋېن جياباۋمۇ بىللە قاتناشتى ھەمدە پارتىيە مەركىزىي كومىتېتى، دۆلەت ئىشلىرى مەھكىمىسى ۋە مەركىزىي ھەربىي ئىشلار كومىتېتىنىڭ تەبرىك تېلېگراممىسىنى ئوقۇپ ئۆتتى.     جۇڭگو كومپارتىيەسى مەركىزىي كومىتېتى سىياسىي بىيۇروسىنىڭ ئەزاسى، مەركىزىي ھەربىي ئىشلار كومىتېتىنىڭ مۇئاۋىن رەئىسى گو بوشيوڭ، جۇڭگو كومپارتىيەسى مەركىزىي كومىتېتى سىياسىي بىيۇروسىنىڭ ئەزاسى، مەركىزىي ھەربىي ئىشلار كومىتېتىنىڭ مۇئاۋىن رەئىسى شۈ شەيخۇ، دۆلەت كومىسسارى، قوشۇمچە دۆلەت ئىشلىرى مەھكىمىسىنىڭ باش كاتىپى ما كەي، مەركىزىي ھەربىي ئىشلار كومىتېتىنىڭ ئەزاسى، باش قورال جابدۇق بۆلۈمىنىڭ باشلىقى چاڭ ۋەننيەن، مەركىزىي ھەربىي ئىشلار كومىتېتىنىڭ ئەزاسى، دېڭىز ئارمىيەسىنىڭ قوماندانى ۋۇ شېڭلى مۇراسىمغا قاتناشتى ھەمدە ھەمراھ بولۇپ كۆزدىن كەچۈردى.     سائەت ئونلاردا ئۆتكۈزۈپ بېرىش، ئۆتكۈزۈۋېلىش، سەپكە كىرگۈزۈش مۇراسىمى ھەيۋەتلىك دۆلەت شېئىرى ساداسى ئىچىدە باشلاندى، خۇ جىنتاۋ دېڭىز ئارمىيەسىنىڭ ئاۋىياماتكىنى ئۆتكۈزۈۋالغۇچى قىسمىغا ئارمىيە بايرىقى ۋە نام بېرىش گۇۋاھنامىسى بەردى، ۋېن جياباۋ پارتىيە مەركىزىي كومىتېتى، دۆلەت ئىشلىرى مەھكىمىسى، مەركىزىي ھەربىي ئىشلار كومىتېتىنىڭ تەبرىك تېلېگراممىسىنى ئوقۇپ ئۆتتى، تەبرىك تېلېگراممىسىدا مۇنداق دەپ كۆرسىتىلدى: ئېلىمىزنىڭ ئاۋىياماتكىنى تەرەققىي قىلدۇرۇشى پارتىيە مەركىزىي كومىتېتى، دۆلەت ئىشلىرى مەھكىمىسى، مەركىزىي ھەربىي ئىشلار كومىتېتىنىڭ دۆلەتنىڭ بىخەتەرلىكى ۋە تەرەققىيات ئومۇملىقىنى نەزەردە تۇتۇپ چىقارغان زور ھەل قىلغۇچ ئىستراتېگىيەلىك تەدبىرى، تۇنجى ئاۋىياماتكىنىڭ ئوڭۇشلۇق سەپكە كىرىشكە ئۆتكۈزۈپ بېرىلىشى ئارمىيەمىزنىڭ زامانىۋىلاشتۇرۇش سەۋىيەسىنى ئاشۇرۇش، دۆلەت مۇداپىئە پەن تېخنىكا سانائەت تەرەققىياتى ۋە ئىقتىدار قۇرۇلۇشىنى ئىلگىرى سۈرۈش، دۆلەت مۇداپىئە ئەمەلىي كۈچىنى ۋە ئۇنىۋېرسال دۆلەت كۈچىنى ئاشۇرۇش، مىللىي روھنى ئۇرغۇتۇش، ۋەتەنپەرۋەرلىك قىزغىنلىقنى قوزغاش، پۈتۈن پارتىيە،پۈتۈن ئارمىيە، پۈتۈن مەملىكەتتىكى ھەر مىللەت خەلقىنى جاسارەت بىلەن ئومۇميۈزلۈك ھاللىق جەمئىيەت بەرپا قىلىشنىڭ يېڭى غەلبىسىنى قولغا كەلتۈرۈپ، جۇڭگوچە سوتسىيالىزم ئىشلىرىدا يېڭى ۋەزىيەت يارىتىشقا ئىلھاملاندۇرۇشتا زور، چوڭقۇر ئەھمىيەتكە ئىگە.     مۇراسىم ئاخىرلاشقاندىن كېيىن خۇ جىنتاۋ مەزمۇت قەدەم بىلەن«لياۋنىڭ» ناملىق ئاۋىياماتكىغا چىقىپ، دېڭىز ئارمىيەسى پارات ئەترىتىنى كۆزدىن كەچۈردى، شۇنىڭدىن كېيىن خۇ جىنتاۋ، ۋېن جياباۋ قاتارلىق رەھبىرىي يولداشلار ئۇچۇش پالۇبىسى ۋە قىسىمەن بۆلمەلەرگە كىرىپ، ئۈسكۈنىلەرنى ئەستايىدىل كۆزدىن كەچۈردى، ئوفىتسېر ئەسكەرلەر بىلەن سەمىمىي پاراڭلىشىپ، خىزمەت، مەشىق ، تۇرمۇش ئەھۋالىنى سۈرۈشتۈردى، ئېلىمىزدىكى تۇنجى ئاۋىياماتكىنى ياساشقا قاتناشقان پەن تېخنىكا خادىملىرى،كادىرلار ۋە ئىشچى خىزمەتچىلەر، قىسىمدىكى ئوفىتسېر ئەسكەرلەر ۋەكىللىرى بىلەن كۆرۈشتى ھەمدە كۆپچىلىك بىلەن خاتىرە سۆرەتكە چۈشتى، خۇ جىنتاۋ ئاۋىياماتكا ياساشتا قولغا كەلگەن نەتىجىلەرنى تولۇق مۇئەييەنلەشتۈرۈپ، قىسىمدىن ۋە ئاۋىياماتكا ياسىغۇچى ئورۇنلاردىن كېيىنكى تۈرلۈك خىزمەتلەرنى ۋە ۋەزىپىلەرنى يۇقىرى سۈپەتتە ئورۇنلاشنى تەلەپ قىلدى.     مۇراسىمدا جۇڭگو كومپارتىيەسى مەركىزىي كومىتېتى سىياسىي بىيۇروسىنىڭ ئەزاسى، مەركىزىي ھەربىي ئىشلار كومىتېتىنىڭ مۇئاۋىن رەئىسى گو بوشيوڭ تۇنجى ئاۋىياماتكىنى ئۆتكۈزۈپ بېرىش، ئۆتكۈزۈۋېلىش، سەپكە كىرگۈزۈشنىڭ باشلانغانلىقى ۋە ئاۋىياماتكا نامىنى جاكارلىدى، مەركىزىي ھەربىي ئىشلار كومىتېتىنىڭ ئەزاسى، باش قورال جابدۇق بۆلۈمىنىڭ باشلىقى چاڭ ۋەننيەن مۇراسىمغا رىياسەتچىلىك قىلدى، مەركىزىي ھەربىي ئىشلار كومىتېتىنىڭ ئەزاسى، دېڭىز ئارمىيەسىنىڭ قوماندانى ۋۇ شېڭلى، جۇڭگو كېمىسازلىق ئېغىر سانائەت گۇرۇھى شىركىتىنىڭ باش دىرېكتورى لى چاڭنىن سۆز قىلدى.     مەركىزىي ھەربىي ئىشلار كومىتېتىنىڭ تەستىقى بىلەن ئېلىمىزدىكى تۇنجى ئاۋىياماتكىغا جۇڭگو خەلق ئازادلىق ئارمىيەسى دېڭىز ئارمىيەسىنىڭ «لياۋنىڭ» ئاۋىياماتكىسى دەپ نام بېرىلدى، ئاۋىياماتكىنىڭ يان نومۇرى 16 قىلىپ بېكىتىلدى، لياۋنىڭ ناملىق ئاۋىياماتكا سەپكە كىرگۈزۈشكە ئۆتكۈزۈپ بېرىلگەندىن كېيىن ئالاقىدار پەن تەتقىقات سىنىقى ۋە ھەربىي مەشىق قاتارلىق خىزمەتلەر داۋاملىق ئېلىپ بېرىلىدۇ. خەۋەر مەنبەسى： جۇڭگو ئۇيغۇرچە رادىيو تورى تۆۋەندە بۇ ئاۋىياماتكىغا دائىر بىر قىسىم سۈرەتلەر قوشۇپ يوللاندى.

كاككا

	12ئۇيغۇر جەڭچى بار ئىكەن،بەشى قىز جەڭچى. http://news.sctv.com/jsxw/201210/t20121001_1274598_2.shtml

tarimlih

	ھەر ھالدا  ،يامان ئەمەس ئىش بوپتۇ .

Qabiljan

	جۇڭگونىڭ «لياۋنىڭ» ناملىق تۇنجى ئاۋىياماتكىسى 9-ئاينىڭ 25-كۈنى ھەربىي سەپكە رەسمىي قوشۇلدى، «2012-يىل 9-ئاينىڭ 25-كۈنى، جۇڭگو دېڭىز ئارمىيەسى ئاۋىياماتكا دەۋرىگە كىرگەن بۇ كۈن تارىختا مەڭگۈ خاتىرىلىنىدۇ.» «لياۋنىڭ» ناملىق ئاۋىياماتكىنىڭ كاپىتانى، دېڭىز ئارمىيە داشياۋى جاڭ جېڭنىڭ بۇ سۆزى جۇڭگونىڭ تاراتقۇلىرىدا كەڭ تۈردە ئىشلىتىۋاتقان بۇ كۈنلەردە، خەلقئارادىمۇ «جۇڭگو ئاۋىياماتكا كۇلۇبىغا كىردى» دېگەن خەۋەر تارقالدى.

Qabiljan

	25-سېنتەبىر، جۇڭگونىڭ تۇنجى لياۋنىڭ ناملىق ئاۋىياماتكىسى رەسمىي تاپشۇرۇپ بېرىلىپ سەپكە قوشۇلدى. دۆلەت ئىچىدىكى ھەرقايسى ئاخبارات ۋاسىتىلىرى ھەممىسى ئاۋىياماتكىنىڭ تاپشۇرۇپ بېرىلىشى توغرىسىدا مۇھىم خەۋەرلەرنى بەردى. 25-سېنتەبىر كەچتە بېرىلگەن «فۇكال نۇقتا سۆھبىتى» پىروگراممىسىدا، فوتوگراف لياۋنىڭ ناملىق ئاۋىياماتكىنىڭ ئايروپىلان ئىسكىلاتىدا توختىتىپ قويۇلغان بىر ئاۋىياماتكا ئايروپىلانىنىڭ كەينى قىسمىنى سۈرەتكە تارتىۋالغان، تەھلىل قىلىنىشچە، بۇ بەلكىم ھازىرغىچە ئاشكارلانمىغان قىرغۇچى-15 ئاۋىياماتكا ئايروپىلانى بولۇشى مۇمكىن. ئەمما يەنە بىر خىل قاراشتا، بۇ ئاۋىياماتكا ئايروپىلانى ئىلگىرى ئاۋىياماتكا پالۇبىسىدا كۆرۈنگەن ئاۋىياماتكا ئايروپىلانىنىڭ مودىلى، دەپ قارالغان. ئاۋىياماتكا ئايروپىلانىدىن باشقا، «فۇكال نۇقتا سۆھبىتى» يەنە لياۋنىڭ ناملىق ئاۋىياماتكا پالۇبىسىدا ئايروپىلان چاقىنىڭ سۈركىلىشىدىن شەكىللەنگەن ئېنىق چاق ئىزى بارلىقىنى ئاشكارىلىدى، بۇ ئاۋىياماتكا ئايروپىلانىنىڭ جۇڭگونىڭ تۇنجى ئاۋىياماتكىسىغا چىقىپ بولغانلىقىنىڭ بىۋاسىتە ئىسپاتى بولۇشى مۇمكىن.

YAZR

	ئاخىرى ئۆز ئالدىغا بىرنى ياسىدى ....... 2004يىلىغۇ دەيمە  ،  نەنخەي دېڭىزىغا ساياھەتكە چىقىپ  ،  بىر  ئاۋياماتكىنى  كۆرگەن ئىدۇق ، جۇڭگو سېۋىتتىن  سېتىۋاپتىكە  ئىككىنچى  دۇنيا ئۇرۇشىغا قاتنىشىپ  ۋەتۋەرىكى چىقىپ كەتكەن بىرئاۋياماتكىنى  .......... ئۇنى  شۇ  ساياھەت پورتىغا   ئېچىۋىتىپتىكەن  ئۇيۇنچۇق قاتارىدا  .... كاساپەت ، مىنىڭ كەسپىممۇ  مۇشۇنىڭ بىلەن مۇناسىۋەتلىك ئىدى ، ئىلىلىتەلمەيدىغان بولدۇمدە.....

Qabiljan

	«دېڭىز ئارمىيەسىنىڭ ھەربىي كېمىلەرگە نام قۇيۇش نىزامى»غا ئاساسەن، ئاۋىياماتكىنى ئۆز ئىچىگە ئالغان بىرىنچى دەرىجىلىك كېمىلەرگە، مەسىلەن، ئاۋىياماتكا، ئوكيان چارلاش پاراخوتلىرىنىڭ ھەممىسىگە مەمۇرىي ئۆلكە (ئاپتونوم رايون)نىڭ نامى ياكى سۆز بىرىكمىسى ئىسىم قىلىپ قويۇلىدۇ. شۇنىڭ بىلەن بىر ۋاقىتتا، مەزكۇر نىزامدا يەنە ھەربىي كېمىلەرنىڭ نامى چوقۇم ياڭراق، مەزمۇنلۇق بولۇشى، دۆلەتنىڭ ئىززەت-ئابرۇيى گەۋدىلەنگەن بولۇشى، جۇڭگونىڭ «ئۇزاق تارىخى ۋە مەدەنىيىتى» ئىپادىلەنگەن ۋە «تارىخنىڭ سىنىقىغا بەرداشلىق بېرەلەيدىغان» بولۇشى كېرەك، دەپ بەلگىلەنگەن. ئازادلىق ئارمىيە گېزىتخانىسىنىڭ مۇخبىرى سۈن لى تەھلىل قىلىپ مۇنداق دېدى: ھەممە كۆز تىكىۋاتقان تۇنجى ئاۋىياماتكىغا نام قويۇشتا، ھەر قايسى تەرەپنىڭ ھەر قانداق پىكىر ئىختىلابىنى كەلتۈرۈپ چىقىرىدىغان نام قويۇش لايىھەلىرى بىردەك قارشى ئېلىنمايدۇ، مەمۇرىي ئۆلكە (ئاپتونوم رايون)لەرنىڭ نامىنى بېرىش ئاساسلىق تاللاش ئوبيېكتى قىلىنىدۇ. دېڭىز ئارمىيەسىنىڭ ئۈچ چوڭ فىلوتىنىڭ رايون تەۋەلىكىگە ئاساسەن، جۇڭگونىڭ تۇنجى ئاۋىياماتكىسىنىڭ شىمالىي دېڭىز فىلوتىغا سەپلىنىدىغانلىقى ھەممىگە مەلۇم مەخپىيەتلىك بولۇپ قالغانىدى. داليەن پورتى جايلاشقان لياۋنىڭ ئۆلكسى ۋارياگ ناملىق ئاۋىياماتكا «يېڭىدىن ھاياتلىققا ئېرىشكەن» جاي بولۇش سۈپىتى بىلەن جامائەتچىلىككە تونۇلغان، ھۆكۈمەت دائىرىلىرى تەرىپىدىن ئېتىراپ قىلغان، ئۇنىڭ ئۈستىگە، لياۋنىڭ جۇڭگونىڭ دېڭىز قىرغىقى لىنىيەسىنىڭ شىمالىي باشلىنىش نۇقتىسى، جۇڭگونىڭ تۇنجى ئاۋىياماتكىسىغا نام قويۇشتا ئۇنىڭدىنمۇ مۇۋاپىق تاللاش يوق.

musas

	http://v.ifeng.com/mil/mainland/ ... -36190885ffcd.shtml

Qabiljan

	[فىرانسىيە ئاخبارات ئاگېنتلىقى، بېيجىڭ، 25-سېنتەبىر تېلېگراممىسى] جۇڭگو تاراتقۇلىرىنىڭ خەۋەر قىلىشىچە، دۇڭخەي دېڭىزى ۋە نەنخەي دېڭىزىدىكى جىددىي ۋەزىيەت كەسكىنلىشىۋاتقاندا، جۇڭگونىڭ تۇنجى ئاۋىياماتكىسى بۈگۈن خەلق ئازادلىق ئارمىيەسىنىڭ دېڭىز ئارمىيە قىسىمىغا تاپشۇرۇلغان.چەت ئەل ئاخبارات ۋاستىلىرى ئېلىمىزنىڭ تۇنجى ئاۋىياماتكىسىنىڭ دېڭىز ئارمىيەسىگە تاپشۇرۇلغانلىقىغا دىققەت قىلدى..       ئۇزۇنلۇقى 300 مېتىر كېلىدىغان، سوۋېت ئىتتىپاقىدا ئىشلەنگەن «ۋارانگې» ناملىق ئاۋىياماتكىنى ئۆتكۈزۈپ بېرىش مۇراسىمى جۇڭگونىڭ شەرقىي شىمالىدىكى داليەن شەھىرىدە ئۆتكۈزۈلگەن. بۇنىڭدىن ئىلگىرى، بۇ ئاۋىياماتكا جۇڭگونىڭ مەلۇم پاراخوت ياساش زاۋۇتىدا ئۇزاق ۋاقىت ئۆزگەرتىپ قوراشتۇرۇلغان.     خەۋەردە: ئاۋىياماتكىنىڭ ماچتىسىغا بەش يۇلتۇزلۇق قىزىل بايراق، بېشىغا ئارمىيە بايرىقى، قۇيرۇقىغا دېڭىز ئارمىيەسى بايرىقى ئېسىلغان، دېيىلدى.      بېيجىڭ بۇلتۇر سوۋېت ئىتتىپاقى مەزگىلىدىكى بىر ئاۋىياماتكىنى ئۆزگەرتىپ قوراشتۇرۇۋاتقانلىقىنى دەلىللىگەنىدى. لېكىن، بېيجىڭ بۇ ئاۋىياماتكىنىڭ قوشنا دۆلەتلەرگە تەھدىت شەكىللەندۈرمەيدىغانلىقى ھەم ئاساسلىقى مەشىق قىلىش ۋە تەتقىقاتقا ئىشلىتىلىدىغانلىقىنى كۆپ قېتىم كېسىپ ئېيتقان.     [كىيودو ئاگېنتلىقى، بېيجىڭ، 25-سېنتەبىر تېلېگراممىسى] جۇڭگو تاراتقۇلىرىنىڭ خەۋەر قىلىشىچە، جۇڭگودا بۈگۈن تۇنجى ئاۋىياماتكىنى دېڭىز ئارمىيەسىگە ئۆتكۈزۈپ بېرىش مۇراسىمى ئۆتكۈزۈلگەن.     ئۇزاق ئۆتمەي، بۇ ئاۋىياماتكىنى رەسمىي ئىشلىتىشكە باشلاش مۇراسىمى ئۆتكۈزۈلىدىكەن. جۇڭگو بۇ ئاۋىياماتكىنى سېتىۋالغاندىن كېيىن، 2002-يىلىدىن باشلاپ داليەن پورتىدا ئىزچىل ئۆزگەرتىپ قوراشتۇرغان. بۇ ئاۋىياماتكىنىڭ ئىشلىتىلىشىگە ئەگىشىپ، جۇڭگو ئاۋىياماتكا ئارقىلىق دېڭىز ئارمىيە ۋە ھاۋا ئارمىيە كۈچىنى يۆتكەپ ئىشقا سېلىش ئىقتىدارىغا ئىگە شەرقىي ئاسىيادىكى بىردىنبىر دۆلەتكە ئايلىنىدىكەن.

Qabiljan

	يادرو چۆكمە پاراخوتنىڭ ئەۋزەللىكى ۋە رولى      1. ئىستراتېگىيەلىك يادرو چۆكمە پاراخوت بىر دۆلەتنىڭ ئەڭ مۇھىم ئىستراتېگىيەلىك يادرو كۈچى ھېسابلىنىدۇ. ئامېرىكا ئۆزىنىڭ ئىستراتېگىيەلىك يادرو ئوق بېشىنىڭ %55ىنى يادرو چۆكمە پاراخوتلارغا ئورۇنلاشتۇرغان ھەم چۆكمە پاراخوتتىن قويۇپ بېرىدۇ. رۇسىيەمۇ ئۆزىنىڭ يادرو زەربە بېرىش ۋاسىتىسىنى تەدرىجىي قۇرۇقلۇقتىن دېڭىزغا يۆتكەۋاتىدۇ. فىرانسىيە 2010-يىلى «زەپەر» ناملىق تۆت يادرو چۆكمە پاراخوتتىن «51M» بەلگىلىك باشقۇرۇلىدىغان بومبىنى سىناق تەرىقىسىدە قويۇپ بەرگەندىن كېيىن، ئىستراتېگىيەلىك يادرو باشقۇرۇلىدىغان بومبىلىرىنىڭ ھەممىسىنى يادرو چۆكمە پاراخوتقا ئورۇنلاشتۇردى. 1995-يىلىدىن كېيىن، ئەنگلىيە ئىستراتېگىيەلىك يادرو باشقۇرۇلىدىغان بومبىلىرىنىڭ ھەممىسىنى ئىستراتېگىيەلىك يادرو چۆكمە پاراخوتقا ئورۇنلاشتۇردى.    2. يادرو چۆكمە پاراخوت غايەت زور زەربە بېرىش كۈچى ۋە ھەرىكەتچانلىققا ئىگە. ئىستراتېگىيەلىك يادرو چۆكمە پاراخوتنىڭ زەربە بېرىش قۇدرىتى ئىنتايىن كۈچلۈك. ئامېرىكىنىڭ «ئوكلاخوما» ناملىق يادرو چۆكمە پاراخوتىنى مىسالغا ئالساق، بۇ چۆكمە پاراخوتقا «ئۈچ ئۇچلۇق نەيزە» ناملىق باشقۇرۇلىدىغان بومبىدىن 24ى ئورۇنلاشتۇرۇلغان، ھەر بىر باشقۇرۇلىدىغان بومبا 8 دىن 12 گىچە يادرو ئوق بېشى ئېلىپ يۈرەلەيدۇ. سەككىز ئوق بېشى بويىچە ھېسابلىغاندا، «ئوكلاخوما» ناملىق يادرو چۆكمە پاراخوتتا 192 يادرو ئوق بېشى بولۇپ، نەزەرىيە جەھەتتىن 192 نىشانغا ھۇجۇم قىلغىلى بولىدۇ. «ئوكلاخوما» ناملىق يادرو چۆكمە پاراخوت يېرىم سائەتتىلا ئوتتۇرا ھال دۆلەتنى ۋەيران قىلىۋېتەلەيدۇ، بىر چوڭ دۆلەتنى ئېغىر زىيانغا ئۇچرىتىدۇ.      3. ئىستراتېگىيەلىك يادرو چۆكمە پاراخوت چوڭقۇر دېڭىزغا يوشۇرۇنغان بولۇپ، يوشۇرۇنۇشچانلىقى ياخشى بولۇش، قارشى تەرەپ ئاسان بايقىيالماسلىق، قارشى تەرەپ ئاسان ۋەيران قىلىۋېتەلمەسلىكتەك ئالاھىدىلىكلەرگە ئىگە.      4. دېڭىزغا يوشۇرۇنغان ئىستراتېگىيەلىك يادرو چۆكمە پاراخوتلارنى قارشى تەرەپ پۈتۈنلەي دېگۈدەك ۋەيران قىلىۋېتەلمەيدۇ. يادرو چۆكمە پاراخوتلاردىن بىرىلا ساق قالسا، دۈشمەنگە ئەجەللىك زەربە بېرەلەيدۇ. ھېسابلاشقا قارىغاندا، تۇنجى تۈركۈم يادرو زەربىسىگە ئۇچرىغاندىن كېيىن، قۇرۇقلۇق ۋە ھاۋادىكى يادرو كۈچلىرىنى  ئاران ٪5-٪10لا ساق قالىدىغان بولۇپ، چۆكمە پاراخوتقا ئورۇنلاشتۇرۇلغان يادرو كۈچىنىڭ ٪90ى ساقلىنىپ قالىدىكەن. زەربىگە ئۇچرىغان دۆلەت ساقلىنىپ قالغان مۇشۇ يادرو كۈچىگە تايىنىپ، دۈشمەننى ۋەيران قىلىۋېتەلەيدىكەن ياكى ئېغىر چىقىمغا ئۇچرىتالايدىكەن. بۇ دەل بىز ئادەتتە دەۋاتقان ئىككىلەمچى زەربە بېرىش ئىقتىدارىدىن ئىبارەت.    5. ئىستراتېگىيەلىك يادرو چۆكمە پاراخوتنى ئاۋىياماتكا ھەم ئاۋىياماتكا ئەترىتىگە سېلىشتۇرغاندا، يادرو چۆكمە پاراخوتنى لايىھەلەش، دەلىللەش، ياساش، رېمونت قىلىش، ئاسراش، ھەربىي سەپتىن چېكىنگەندىن كېيىن بىر تەرەپ قىلىش قاتارلىقلارغا كېتىدىغان چىقىم ناھايىتى ئاز بولىدۇ. ئۆتكەن ئەسىرنىڭ 90-يىللىرىنىڭ ئوتتۇرا ۋە ئاخىرقى مەزگىلىدە ھەربىي خىزمەت ئۆتەشكە باشلىغان ئەنگلىيەنىڭ «ئالدىنقى مۇھاپىزەتچى» ناملىق ئىستراتېگىيەلىك يادرو چۆكمە پاراخوتىنى مىسالغا ئالساق، ھەر بىر چۆكمە پاراخوتنىڭ ياسىلىش باھاسى تەخمىنەن 1 مىليارد 200 نەچچە مىليون دوللار، ھەر بىر چۆكمە پاراخوتتىكى باشقۇرۇلىدىغان بومبىلارنىڭ ياسىلىش باھاسى تەخمىنەن 500 مىليون دوللار بولۇپ، جەمئىي 2 مىليارد دوللاردىن ئېشىپ كەتمەيدۇ. 1998-يىلى ھەربىي خىزمەت ئۆتەشكە باشلىغان «ترۇمان» ناملىق ئاۋىياماتكىنىڭ ياسىلىش باھاسى 4 مىليارد 500 مىليون دوللار بولۇپ، ئاۋىياماتكىغا ئورۇنلاشتۇرۇلغان ئايروپىلانلارنى قوشۇپ ھېسابلىغاندا، باھاسى 10 مىليارد دوللاردىن ئېشىپ كېتىدۇ. ھەربىي خىزمەت ئۆتىگەن پۈتۈن مەزگىلدىكى چىقىمنى قوشۇپ ھېسابلىغاندا، ئىستراتېگىيەلىك يادرو چۆكمە پاراخوتنىڭ ئومۇمىي چىقىمىدىن زور دەرىجىدە ئېشىپ كېتىدۇ. 6. ئىستراتېگىيەلىك يادرو چۆكمە پاراخوتنىڭ ئىشتاتىدىكى ئوفىتسېر-ئەسكەرلەرنىڭ سانى ۋە ئۇلارنى تەربىيەلەش ۋاقتى ئاۋىياماتكا ئەترىتىنىڭكىدىن زور دەرىجىدە ئاز بولۇپ، ئىستراتېگىيەلىك يادرو چۆكمە پاراخوتنىڭ جەڭگە تەييارلىنىش ۋە جەڭگە كىرىش ۋاقتى ئاۋىياماتكىنىڭكىدىن خېلىلا قىسقا بولىدۇ. ئىستراتېگىيەلىك يادرو چۆكمە پاراخوتنىڭ ئىشتاتىدىكى ئوفىتسېر-ئەسكەرلەرنىڭ سانى ئادەتتە نەچچە يۈز كىشىدىن ئېشىپ كەتمەيدۇ، ئۇلارنى تەربىيەلەش مەزمۇنى ۋە ۋاقتىنى ئورۇنلاشتۇرۇشمۇ ئاسان.     7. ھۇجۇمچى يادرو چۆكمە پاراخوتنىڭ ياسىلىش باھاسى ئىستراتېگىيەلىك يادرو چۆكمە پاراخوتنىڭكىدىن خېلىلا ئەرزان بولۇپ، بۇنداق چۆكمە پاراخوت كۆپ خىل ۋەزىپىلەرنى ئورۇندىيالايدۇ. يادرو چۆكمە پاراخوتلارنىڭ مۇھىم تارمىقى بولغان ھۇجۇمچى يادرو چۆكمە پاراخوت كۆپ تۈرلۈك ۋەزىپىلەرنى ئۆتەلەيدىغان بولۇپ، ياسىلىش باھاسىمۇ ئەرزان. ھۇجۇمچى چۆكمە پاراخوت ئاۋىياماتكا ئەترىتىنىڭ مۇھىم ئەزاسىغا ئايلانغان بولۇپ، سۇ ئاستىدا ئىزدەش، چۆكمە پاراخوتقا تاقابىل تۇرۇش قاتارلىق ۋەزىپىلەرنى ئۆتەيدۇ.     ئاۋىياماتكىنىڭ ئەۋزەللىكى ۋە رولى       1. ئاۋىياماتكىنىڭ يادرولۇق كۈچى ۋە ئاساسى بولغان سوقۇش ئايروپىلانى، ھۇجۇمچى ئايروپىلان، سىگنالچى ئايروپىلان، ئېلېكتىرونلۇق ئۇرۇش ئايروپىلانى، چۆكمە پاراخوتقا قارشى ئايروپىلان ۋە تىك ئۇچار ئايروپىلاننى ئۆز ئىچىگە ئالغان تۈرلۈك ئايروپىلانلار ھەم ئاۋىياماتكا ئەترىتىدىكى تۈرلۈك پاراخوتلار ستېرېئولۇق ئونىۋېرسال زەربە بېرىش ئىقتىدارىنى شەكىللەندۈرگەن بولۇپ، قارشى تەرەپكە قاتتىق زەربە بېرىپلا قالماي، ئۆزىنىمۇ ئۈنۈملۈك قوغدىيالايدۇ. ئىستراتېگىيەلىك يادرو چۆكمە پاراخوت پەقەت نوقۇل ئىستراتېگىيەلىك يادرو تەھدىت سالالايدۇ ۋە يادرو زەربىسى بېرەلەيدۇ؛ ھۇجۇمچى يادرو چۆكمە پاراخوتنىڭ زەربە بېرىش ۋاسىتىسى ۋە قورالى كۆپ بولسىمۇ، لېكىن ئۇنى ئاۋىياماتكىغا سېلىشتۇرغىلى بولمايدۇ.       2. ئاۋىياماتكا ئەترىتى ۋەزىپە ئىجرا قىلىشقا ماڭغاندا ناھايىتى ھەيۋەت بىلەن يولغا چىقىدىغان بولغاچقا، قارشى تەرەپكە غايەت زور تەھدىت شەكىللەندۈرىدۇ؛ ھالبۇكى يادرو چۆكمە پاراخوت بۇنداق قىلالمايدۇ.      ئامېرىكىنىڭ ئاۋىياماتكا ئەترىتىدىكى پاراخوتلار ئۆزئارا نەچچە ئون دېڭىز مىلى ئارىلىق قويۇپ مېڭىپ، 100-200 دېڭىز مىلى كېلىدىغان دائىرىدە ھەرىكەت قىلىپ، 1000 كىلومېتىر دائىرىدىكى تۈرلۈك نىشانلارغا زەربە بېرەلەيدۇ. ئاۋىياماتكا ئەترىتى قۇدرەتلىك سەپ ئارقىلىق جەڭگىۋار كۈچىنى نامايان قىلىپ، قارشى تەرەپكە غايەت زور تەھدىت شەكىللەندۈرىدۇ. يادرو چۆكمە پاراخوتىنىڭ گەۋدىلىك ئالاھىدىلىكى يوشۇرۇنۇش بولۇپ، قارشى تەرەپ ئۇنى ئاسانلىقچە سېزەلمەيدۇ. شۇڭا، ئۇ قارشى تەرەپكە تەھدىت سېلىش رولىنى ئوينىيالمايدۇ.       3. ئاۋىياماتكا ئەترىتى ئۇرۇش ۋەزىپىسىنى ئىجرا قىلىپلا قالماي، يەنە تېررورلۇققا قارشى تۇرۇش، دېڭىز قاراقچىلىرىغا زەربە بېرىش، خەتەر ۋە ئاپەتتىن قۇتقۇزۇش، ئىنسانپەرۋەرلىك ياردىمى بېرىش، دېڭىز قاتناش لىنىيەسىنىڭ بىخەتەرلىكىنى قوغداش قاتارلىق ۋەزىپىلەرنىمۇ ئىجرا قىلالايدۇ. مەسىلەن، ئامېرىكىنىڭ «لىنكولىن» ناملىق ئاۋىياماتكا ئەترىتى بىلەن «ياخشى ئادەم رىچارد» ناملىق سۇدىن ھەم ھاۋادىن قۇرۇقلۇققا ھۇجۇم قىلغۇچى پاراخوت 2004-يىلى ھىندونېزىيەدىكى دېڭىز تاشقىنىدىن كېيىنكى ئىنسانپەرۋەرلىك قۇتقۇزۇش ھەرىكىتىدە ئىنتايىن مۇھىم رول ئوينىدى.       4. ئاۋىياماتكىنىڭ باھاسى قىممەت بولغاندىن سىرت، ئۇنىڭغا ئۇرۇشقا ئىشلىتىلمەيدىغان نۇرغۇن جابدۇقلارنى سەپلەشكە توغرا كەلسىمۇ، لېكىن ئومۇمىي جەھەتتىن قارىغاندا، ئۇنىڭ ئۈنۈمى چىقىمىغا قارىغاندا ئىنتايىن يۇقىرى بولىدۇ. ئاۋىياماتكا ياساش ھەم ئاۋىياماتكا ئەترىتى تەشكىللەشكە كېتىدىغان خىراجەت بەك كۆپ بولسىمۇ، لېكىن ئۇ نۇرغۇن ۋەزىپىلەرنى ئۈستىگە ئالالايدۇ، تىزگىنلەيدىغان دېڭىز تەۋەسى بەك كەڭ، شۇڭا ئومۇمىي جەھەتتىن ئېيتقاندا ئۇنىڭ ئۈنۈمى چىقىمىغا قارىغاندا ئىنتايىن گەۋدىلىك بولۇپ، يادرو چۆكمە پاراخوتنى ئۇنىڭغا سېلىشتۇرغىلى بولمايدۇ.     5. ئاۋىياماتكىنىڭ ياسىلىشى ۋە ئۇنىڭ ھەربىي خىزمەت ئۆتىشى دۆلەت ۋە ئارمىيەنىڭ شۆھرىتىنى ئاشۇرۇش، پۇقرالارنىڭ جاسارىتىنى ئۇرغۇتۇش ھەم ئۇلارنىڭ دېڭىز-ئوكيان ئېڭىنى كۈچەيتىشكە پايدىلىق. يادرو چۆكمە پاراخوت دۆلەتنىڭ ئىستراتېگىيەلىك قورالى بولسىمۇ، ئۇنىڭ پۇقرالارغا بولغان تەسىرى ئاۋىياماتكىغا يەتمەيدۇ. ئاۋىياماتكا بىر دۆلەتنىڭ دۆلەت كۈچى ۋە ئارمىيە كۈچىنىڭ سىمۋولى بولۇپلا قالماي، دۆلەتنىڭ ئىرادىسىنى نامايان قىلىدىغان، پۇقرالارنىڭ دېڭىز-ئوكيان ئېڭىنى كۈچەيتىشتە كەم بولسا بولمايدىغان مۇھىم مەزمۇن ھېسابلىنىدۇ.       6. ئاۋىياماتكا ياساش پۇقرالارغا نۇرغۇن ئىشقا ئورۇنلىشىش ياكى تاللاش پۇرسىتى يارىتىپ بېرىپلا قالماي، ھەرقايسى سانائەت تارماقلىرى، بولۇپمۇ كېمىسازلىق سانائىتى تارماقلىرى، ئايروپىلان ياساش تارماقلىرى ھەم باشقا تارماقلارغا قاتنىشىش پۇرسىتى يارىتىپ بېرىدۇ. ئاۋىياماتكا ياساش ئۇنى ياساشنى ئۈستىگە ئالغان ئاساسىي زاۋۇتنىڭ قۇرۇلۇشىغا چېتىلىپلا قالماي، يەنە تۈرلۈك سانائەت تارماقلىرىدىكى نەچچە مىڭ زاۋۇتقا چېتىلىدۇ. بۇنىڭغا سېلىشتۇرغاندا، يادرو چۆكمە پاراخوت ياساشقا چېتىلىدىغان زاۋۇتلار خېلىلا ئاز بولىدۇ.      7. ئاۋىياماتكا ياساش دېڭىز ئارمىيەسىدىكى ھەرقايسى ئەسكەرىي كۈچلەرنى توپلاپ، ئىشتات تۈزۈلمىسىنى زور دەرىجىدە تەڭشەپ، ئۇرۇش نەزەرىيەسىنى قايتا ئۆزگەرتىپ  ياخشىلاشقا پايدىلىق. ئاۋىياماتكا پۈتۈپ ھەربىي خىزمەت ئۆتىگەندىن كېيىن، دېڭىز ئارمىيەسىدە بىر چوڭ تىپتىكى پاراخوت كۆپىيىپلا قالماي، پۈتكۈل دېڭىز ئۇرۇش تەپەككۇرى ۋە قارىشىنى يېڭىلاپ، دېڭىز ئارمىيەسىنىڭ ئۇرۇش شەكلىنىڭ پۈتۈنلەي ئۆزگەرتىپ، دېڭىز ئارمىيەسىنىڭ ئىشتات تۈزۈلمىسىنى پۈتۈنلەي تەڭشەپ، دېڭىز ئارمىيەسىنىڭ قۇرۇلۇش ئەندىزىسىنى پۈتۈنلەي ئۆزگەرتىۋېتىدۇ.