بايراملىق مۇشائىرەگە مەرھەمەت قىلامسىلەر......

musilina

	ئەسسالامۇ ئەلەيكۇم مىسرانىم مۇنبىرىدىكى بارلىق تورداشلار، مۇنبەردىشىڭلار مۇسىلىنەدىن سىلەرگە ئالىي ئېھتىرام، ھەممىڭلارنىڭ دۆلەت بايرىمى شادلىق ئىچىدە ئۆتسۇن ،تېنىڭلار سالامەت بولسۇن، چېھرىڭلاردىن كۈلكىلەر ئۆچمىسۇن......تۇرمۇشۇڭلار مەڭگۈ بەخت ئىچىدە ئۆتسۇن..ھەممىمىزنىڭ مۇنبەردىكى دوستلىقى سەمىمىي، ساپ بولسۇن.....!     ئەمدى مەقسەتكە كەلسەك،خېلى بوپتۇ  مۇنبەرگە تۈزۈك تېمىمۇ يوللىيالمىدىم،بۈگۈن كۆڭۈل ئۈنچىلىرىمىزنى چېچىشىىپ   بىر پەس مۇشائىرە قىلىشايلى دېگەن مەقسەتتە  ،  ئاز بولسىمۇ بۇ بىرنەچچە كۇبلىت شېئىر ئېلىپ كەلدىم،  مۇنبەرداشلارنىڭ مەيلى بارمىكىن،مۇشائىرە قىلىشقا،قېنى ئەمسە جۆر بولىدىغانلار مەرھەمەت.... دۇنياغا تۆرىلىپ كۆرمىكىڭ كۆپتۇر، نى ئازابقا بولۇرسەن مۇشتاق، كۆز ياشلارغا قىلماس ھېچ پەرۋا، تۇرمۇش دېگەن مانا مۇشۇنداق. بەزىلەر قەستەن چىقارسا پۇتاق، ئۇنداقلار سۆزىگە سالمىغىن قۇلاق. ماڭغان يولۇڭ بولسىلا دۇرۇس، ۋىجدانىڭ سېنى قىلمايدۇ سوراق. يۈرىكىمنى مۇڭغا تولدۇرۇپ، كۈز ياپرىقى چۈشمەكتە ئاستا. باغرىمنى ھېجران قاسايدۇ ئۈنسىز، ئەسلىمە يىراقتىن چاقنايدۇ غۇۋا. مۇشائىرە قائىدىسى:مۇشۇ كۇبلىتلاردىكى  خالىغان مىسرالارنى  شېئىرنىڭ باشلىنىش مىسراسى قىلىپ داۋاملاشتۇرۇپ يازساق بولىدۇ،قېنى ئەمسە،داۋامى  سىلەرگە قالدى.... مەرھەمەت.... مەنبە: قېرى  خىياللىرىم

kalamiy

	ئەسلىمە م يىراقتىن چاقنايدۇ غۇۋا . قەلبىمدە مەھكۇملۇق سۈرىدۇ ھۆكۈم . يۈرىكىم قانايدۇ كۆزۈمدىن ئېقىپ ، كۈنسىرى ئېغىرلار ھىجراندا يۈكۈم .،

musilina

	kalamiy يوللىغان ۋاقتى  2012-10-1 08:31 PM ئەسلىمە م يىراقتىن چاقنايدۇ غۇۋا . قەلبىمدە مەھكۇملۇق  ... كۈنسىرى ئېغىرلار ھىجراندا يۈكۈم، مۇڭلۇق ھوجرامدا سۈرىمەن خىيال. مېنى ئازابتىن ئۆلسۇن دېدىڭمۇ، يوشۇرىسەن كۆرسەتمەي جامال.

kalamiy

	تۇرمۇش دىگەن مۇشۇنداق ، ئاچچىق چۈچۈك تەمىي بار . چىدىماسنىڭ ئاچچىقى  ، چىدىدىغاننىڭ پەمى بار

bugaltir

	ۋىژدانىم ئەل ئۈچۈن ئۈندەيدۇ مېنى  ، ‹‹ لازىمى بولسا بەر خۇن ›› دەيدۇ مېنى . ‹‹ بېشىڭغا ياغسىمۇ مالامەت تېشى  ، ۋايسىماي ئۇنىڭغا كۆن ›› دەيدۇ مېنى  .

kalamiy

	ۋىجدانىڭ ئېھ سېنى قىلمايدۇ سوراق ، يولۇڭدا ھەرقاچان قالمىساڭ ئېزىپ . ھاياتلىق بېتىڭگە توختىماي شۇنداق ، پەخىرلىك كەچمىشنى تۇرساڭلا يېزىپ ..

kalamiy

	ۋايسىماي ئۇنىڭغا كۆن دەيدۇ مېنى ، كۆنمەيمۇ بەزىدە يوق ئىكەن ئامال . بەزىدە قوياشىڭ كۈلگىنى بىلەن ، بەزىدە بۇلۇتلار قىلىدىكەن قامال .

kalamiy

	ئىشىقنىڭ ۋەسۋەسىگە كۆنۈپمۇ كەتتىم ، قانچىلاپ كىملەرنىڭ قەدىرىگە يەتتىم . قانچىلىك يەتكۈزدۈم مىھرىمنى دىمەي ، ئۆزۈمنى بىر ئۆزۈم مىڭ كاۋاپ ئەتـتىم .

axek13999649893

	دۇنياغا تۆرىلىپ كۆرمىكىڭ كۆپتۇر، نى ئازابقا بولۇرسەن مۇشتاق، كۆز ياشلارغا قىلماس ھېچ پەرۋا، تۇرمۇش دېگەن مانا مۇشۇنداق